Malaquías 4
4
Teyta Dios juzganan junaq chämunanpaq ninqan
1 1 (3.19) Llapanta mandaq Teyta Diosmi nin: <<Ichikllanam pishikan juzganä junaq chämunanpaq. Tsë junaqmi imëka oqshata nina rawraqnöraq llapan nuna tukuqkunata y mana alli ruraq nunakunata chipyëpa ushakätsishaq. 2 2 (3.20) Qamkuna mantsakamaqkunapaqqa inti yarqamuqnömi salvación shamunqa. Salvacionta chaskirmi imëka wishikuna waqshaqnöraq kushishqa pintikachäyanki. 3 3 (3.21) Juzganä junaq chämuptinmi mana alli ruraq nunakunata vencir uchpatanö jalukur ushakätsiyanki. Noqa llapanta mandaq Teyta Diosmi tsënö nï>>.
Elíasta kachamunanpaq Teyta Dios ninqan
4 4 (3.22) Teyta Diosmi kënö nin: <<Sirwimaqnï Moisésta Horeb jirkachö#Éxo. 19.16—20.20; 24.1-17; Deut. 5.1-3. qoykushqä leynïkunata imëpis ama qonqayëtsu. Tsë leynïkuna y mandamientükunaqa llapan Israel nunakunapaqmi këkan.
5 5 (3.23) <<Juzganä junaq alläpa mantsakäkïpaqmi kanqa. Tsë junaq manaraq chämuptinmi profëta Elíasta qamkunaman kachamushaq.#1Rey. 17—21; 2Rey. 2.1-12; Mat. 11.14; 17.10-13; Mar. 9.11-13; Juan 1.21. 6 6 (3.24) Pë willakuptinmi mamäninpis wawankunawan y tëtanpis tsurinkunawan amishtayanqa. Tsurinkunapis tëtanwan y mamäninwan amishtayanqa.#Luc. 1.17. Mana amishtayaptinqa shamushqä höram nacionninta ushakätsishaq>>.
S'ha seleccionat:
Malaquías 4: qwhB
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2018, Wycliffe Bible Translators, Inc. All rights reserved.