Éxodo 6
6
1Yuus Moisésan chicharuk: “Yamai faraónkan wina senchirun iwaintuktataj nu wainkattame. Nu turamu asa atumka tachamaitiat wári jiintrarum wetaarma tusa turamtatrume”, tusa tinaiti.
Yuus Moisésan ataksha Egiptonam akupkamu
2Yuus Moisésan chicharuk: “Wika Yuus Tuke Pujuwaitjai”. 3Wii Abrahaman, Isaacan tura Jacobnasha “wika Yuus ashi senchirtin tutaiyaitjai tusan ujakaruitjai”. Turasha wina nekas naar Tuke Puju tutaiyaitaj nunaka ujakcharu ainajai. Nuwaiti wina nekas naarka, tusa tinaiti. 4Nuiyasha wii nitajai chichaman umiakun nugka Canaán tutain atumi uchiri ainan susartinaitjai, tusan tinaitjai. Nu nugkanam nukap uwí pujuinaksha nitaka irara numamtuk pujusaru ainawai. 5Egiptonmaya aina israelita ainan senchi takamtikainam waitainak chichainan anturkarjai. Turan nita uuntri ajakarua nujai chichaman umikuitaj nuna anearjai. 6Wika Tuke Puju tutaiyaitjai. Tuma asan wii egiptonmaya ainan waittan suinakun israelita ainan aantra takamtikainam waitu pujuina nuna wina senchirjai jiiran agkanmamtikawartatjai tusa tawai tusam ujakarta. 7Nitaka winau artatui, wii Yuus Tuke Pujuwaitaj nunaka nita Yuusri atatjai. Tumawartin asarmatai egiptonmaya aina inaku waitkainam pujuina nuna jiiran agkanmamtikawartatjai. Turawaram wii nita Yuusriyaitaj nuna nekarawartatui. 8Abrahaman, Isaacan tura Jacobon nu ainan atumi uchiri ainan nugkan susartinaitjai tusan anajmatawaruitaj nui yaruakan nitanka, apujsartatjai. Wika Yuus Tuke Puju tutaiyaitjai, tumau asan nunaka tajai, tusa Moisésan tinaiti.
9Yuus timaunka turusag israelita ainan Moisés ujakuiti. Turasha senchi takamtikainaku waitkainamu asar, nekaspapi tawa tusarka ticharu ainawai. 10Tumaina asarmatai Yuus Moisésan chicharuk: 11Israelita ainan Egipto nugkanam pujuina nuna jiir akuprati tusa turamui tusam faraón werim ujakta, tusa tinaiti.
12Turasha Moisés Yuusan ayak: Israelita shuar ainaksha nekaspapi tawa turutainatsui, tura faraónkawa wii shir chichachu asamtai winaka nekaspapi tawa turutchattawai, tusa tinaiti.
13Nuna takai Yuus Moisésan Aarónjai israelita ainan jiir akupkati tusa turamui tusarum faraón ujaktarma, tusa tinaiti. 14-27(-)
Yuus ataksha Moisésan Aarónjai chichasmau
28Yuus Egipto nugkanam Moisésjai chichasua nuu tsawantin 29chicharuk: Wika Tuke Puju tutaiyaitjai. Wii amina titatjam nuka egiptonmaya apu ashi ujakta, tusa tinaiti. 30Turasha Moisés Yuusan chicharuk: Yuusru, wika shir chichachuitjai, tumau asamtai nekaspapi tawa tusa faraón turutchattawai, tusa tinaiti.
S'ha seleccionat:
Éxodo 6: hubDBL
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2010, Wycliffe Bible Translators, Inc. All rights reserved.