Salmos 150

150

1¡Aleluya! Häˊ hnähꜘ kihꜗ Dio hi̱ˉ gyaꜗ nehꜙ gwahꜙ kihꜗ.

Häˊ hnähꜘ kihꜗ hi̱ˉ gyaꜗ jeeˊ laˈ naˊhñaahꜗ gyʉʉhˈ jmɨˉgyʉʉꜙ.

2Häˊ hnähꜘ kihꜗ hi̱ˉ jmeeꜙ läꜙjëꜙ heˉ jʉhˉga̱a̱ˉ.

Häˊ hnähꜘ kiyhꜗ, jëëhꜘ ja̱a̱ˉ hñiiꜘ bihꜗ la̱a̱yꜗ jø̱hˈga̱a̱ˉ.

3Häˊ hnähꜘ kiyhꜗ kya̱a̱hˊ luuꜘ hooˊ.

Häˊ hnähꜘ kiyhꜗ kya̱a̱hˊ tu̱ˉ heˉ chooˈ chaˉmiihˉ sɨˊñeꜗ.

4Häˊ hnähꜘ kiyhꜗ kya̱a̱hˊ pandero, jmeeˊ hnähꜘ ja̱ˊ.

Häˊ hnähꜘ kiyhꜗ kya̱a̱hˊ läꜙjëꜙ nëëˈ tu̱ˉ hiꜙ kya̱a̱hˊ luuꜘ hmaˉtaˉ.

5Häˊ hnähꜘ kiyhꜗ kya̱a̱hˊ jwɨˊñeꜗ heˉ nʉʉhꜘ ki̱i̱ˉ,

baˊjmiꜗ hnähꜘ jwɨˊñeꜗ heˉ ta̱a̱hˉ mɨɨhˊ.

6Läꜙjë̱ë̱ꜙ hi̱ˉ ji̱i̱hꜙ waˊ häyꜘ kihꜗ DSAˉJØ̱Ø̱Hˈ jnänˋ. ¡Aleluya!

S'ha seleccionat:

Salmos 150: chz

Subratllat

Copia

Compara

Comparteix

Vols que els teus subratllats es desin a tots els teus dispositius? Registra't o inicia sessió

Versets bíblics populars de
Salmos 150