ROMA 5
5
God ki hagakorogia tanga ngaia marena
1Hoi, suria God ki bani hagakorogia tanga ngaia marena renia na tongesuriha iaka, tahema na Araha iaka o Jesu Kirisito ki haganakugia tanga God. 2Renia igia ka tongesuria o Kirisito, ngaia ki merâgia igê na korohana God, ga oga igê i ngekê. Manga ngekê igia ka vagevage bâraha, renia igia ka girara nga, ga page nahunia na mauriha henia God. 3Ma ta na marâ nikâ. Igia ka vagevage renigi na mamasiaganiha iaka, suria igia ka girara, vi na mamasiaganiha ki katogia, ka ramoramo ka piringiape. 4Ma suria igia ka ramoramo ka piringiape, God ki tanga monari renigia. Ma renia God ki tanga monari renigia, igia ka nahunia na naasiha. 5Renia na naasiha ngekê igia ka pe nanasi baguru, suria God ki bani naka na takuiha iana igê na aitangihaka suria ngaia ki bani vategia na Higona Apu.
6Renia igê na matena i barabara tangagia, vi ge tamanigia mareka, o Kirisito ki me, hanana i hagatahigia na enoni era. Ngaia ki kato vikana igê na matena, God i bani surua tanga. 7I bara tanga na enoni, vi ge me tanga na enoni, i râ surigi na ramata. Ta na enoni vari ki agana, hanana vi meme tanga na enoni koro. 8Ma God ki bani hagabângenia tangagia, vi ngaia ki takuigia ngavê, renia na matena igia ka vora mênga igê, vi na enoni era, o Kirisito ki me, hanana i hagatahigia. 9Renia na mera iana o Kirisito God ki hagakorogia tanga ngaia marena i ngekê. Ma suria na tarana ngekê ki monari, o Kirisito ki page hagatahigia tenia na hagaitangiha iana God. 10I nago igia ka na merongana God, ma ngaia ki bani katogia, ka vora re na kariana renia na mera iana o Karena. Ma i ngekê igia ka vora na kariana God. Tahema igia ka girara monari, vi o Kirisito ki page hagatahigia, suria ngaia ki mêri. 11Ma ta na marâ nikâ: God ki hagakoro obaka renia na Araha iaka o Jesu Kirisito, i katogia, ka vora re na kariana God.
O Atama mo Kirisito
12Na tasi ki vora me i maveta renia na mane gi tage togo. Ma na tasi iana ki torea me na mera. Tahema na mera ki tarahura na enoni hato i maveta, renia na enoni hato ka tasi. 13Na tasi ki bani oga me i maveta, ma hemuri ka kahu vora me na Ramata igê na Buka Apuna. Ma suria ga mareha na ramata, tahema God ki gagêmaga renigi na tasi. 14Ma tenia na matena iana o Atama mataro me na matena iana o Moise na mera ki marungira na enoni hato, ma na enoni nikâ, ga pe tasi igê na tarana, i tasi igê o Atama, matena i aharê igê na tamasinga iana God.
O Atama ki nununia o vani, i page arâ me. 15Ma ngairerua karu pe tagenaterua, renia na mahatanga iana God ki pe tagenana manga na tasi iana o Atama. I monari, na enoni hato ka me renia na tasi iana na mane gi tage ngekana, ma na korohana God ki raha teha, ma ki raha teha nikâ na mahatanga iana tangara na enoni hato. Ma na mahatanga ngekana ngaia ki na mane gi tage o Jesu Kirisito. 16I na berarogaterua na mahatanga iana God ma na tasi iana na mane gi tage ngekana karu tora hegitigi. I murina na tasi gi tage God ki suria ki hagaitangia o Atama, ma i hemuri me ka rako na tasi iata na enoni, ma God ki mahata tangara ma ki pe surira ki hagaitangira. 17I monari, renia na tasi iana na mane gi tage na mera ki haganega ki marungira na enoni hato renia na mane gi tage ngekana. Ma na mane gi tage, o Jesu Kirisito ngaia, ki bani katoa na tarana i teha. Renia na tarana i bani katoa o Kirisito, na enoni hato ka page mauri renia ma ka page araha, renia God ki koro tangara ma ki bani mahata tangara, hanana viga korokoro ma ka ototo i maana.
18I ngekana na tasi gi tage ki erasira na enoni hato, ma ki tagenana ma, na mane gi tage, i paronga koro ma ki oto, ngaia ki rupasira ma ki hagamêrira na enoni hato. 19Renia na enoni hato ka vora na enoni era, renia na mane gi tage ki guguruga tanga God, ma ki tagenana ma, God ki katora na enoni, ka koro ma ka oto i maana, renia na mane gi tage i tê viteana God.
20God ki nakagi na Ramata igê na Buka Apuna, hanana vi ga hagarakonigi na tasi. Ma na matena ga rakorako na tasi, na korohana God ki rakorako teha ngavê. 21Tahema renia na tasi ki marungira na enoni renia na mera, ki tagenana ma nikâ, na korohana God ki marungigia, renia ngaia ki katogia, ka koro ma oto i maana, ma ki vategia na mêriha mora ma tarema renia o Jesu Kirisito na Araha iaka.
S'ha seleccionat:
ROMA 5: KCB
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2011 Bible Society of the South Pacific
ROMA 5
5
God ki hagakorogia tanga ngaia marena
1Hoi, suria God ki bani hagakorogia tanga ngaia marena renia na tongesuriha iaka, tahema na Araha iaka o Jesu Kirisito ki haganakugia tanga God. 2Renia igia ka tongesuria o Kirisito, ngaia ki merâgia igê na korohana God, ga oga igê i ngekê. Manga ngekê igia ka vagevage bâraha, renia igia ka girara nga, ga page nahunia na mauriha henia God. 3Ma ta na marâ nikâ. Igia ka vagevage renigi na mamasiaganiha iaka, suria igia ka girara, vi na mamasiaganiha ki katogia, ka ramoramo ka piringiape. 4Ma suria igia ka ramoramo ka piringiape, God ki tanga monari renigia. Ma renia God ki tanga monari renigia, igia ka nahunia na naasiha. 5Renia na naasiha ngekê igia ka pe nanasi baguru, suria God ki bani naka na takuiha iana igê na aitangihaka suria ngaia ki bani vategia na Higona Apu.
6Renia igê na matena i barabara tangagia, vi ge tamanigia mareka, o Kirisito ki me, hanana i hagatahigia na enoni era. Ngaia ki kato vikana igê na matena, God i bani surua tanga. 7I bara tanga na enoni, vi ge me tanga na enoni, i râ surigi na ramata. Ta na enoni vari ki agana, hanana vi meme tanga na enoni koro. 8Ma God ki bani hagabângenia tangagia, vi ngaia ki takuigia ngavê, renia na matena igia ka vora mênga igê, vi na enoni era, o Kirisito ki me, hanana i hagatahigia. 9Renia na mera iana o Kirisito God ki hagakorogia tanga ngaia marena i ngekê. Ma suria na tarana ngekê ki monari, o Kirisito ki page hagatahigia tenia na hagaitangiha iana God. 10I nago igia ka na merongana God, ma ngaia ki bani katogia, ka vora re na kariana renia na mera iana o Karena. Ma i ngekê igia ka vora na kariana God. Tahema igia ka girara monari, vi o Kirisito ki page hagatahigia, suria ngaia ki mêri. 11Ma ta na marâ nikâ: God ki hagakoro obaka renia na Araha iaka o Jesu Kirisito, i katogia, ka vora re na kariana God.
O Atama mo Kirisito
12Na tasi ki vora me i maveta renia na mane gi tage togo. Ma na tasi iana ki torea me na mera. Tahema na mera ki tarahura na enoni hato i maveta, renia na enoni hato ka tasi. 13Na tasi ki bani oga me i maveta, ma hemuri ka kahu vora me na Ramata igê na Buka Apuna. Ma suria ga mareha na ramata, tahema God ki gagêmaga renigi na tasi. 14Ma tenia na matena iana o Atama mataro me na matena iana o Moise na mera ki marungira na enoni hato, ma na enoni nikâ, ga pe tasi igê na tarana, i tasi igê o Atama, matena i aharê igê na tamasinga iana God.
O Atama ki nununia o vani, i page arâ me. 15Ma ngairerua karu pe tagenaterua, renia na mahatanga iana God ki pe tagenana manga na tasi iana o Atama. I monari, na enoni hato ka me renia na tasi iana na mane gi tage ngekana, ma na korohana God ki raha teha, ma ki raha teha nikâ na mahatanga iana tangara na enoni hato. Ma na mahatanga ngekana ngaia ki na mane gi tage o Jesu Kirisito. 16I na berarogaterua na mahatanga iana God ma na tasi iana na mane gi tage ngekana karu tora hegitigi. I murina na tasi gi tage God ki suria ki hagaitangia o Atama, ma i hemuri me ka rako na tasi iata na enoni, ma God ki mahata tangara ma ki pe surira ki hagaitangira. 17I monari, renia na tasi iana na mane gi tage na mera ki haganega ki marungira na enoni hato renia na mane gi tage ngekana. Ma na mane gi tage, o Jesu Kirisito ngaia, ki bani katoa na tarana i teha. Renia na tarana i bani katoa o Kirisito, na enoni hato ka page mauri renia ma ka page araha, renia God ki koro tangara ma ki bani mahata tangara, hanana viga korokoro ma ka ototo i maana.
18I ngekana na tasi gi tage ki erasira na enoni hato, ma ki tagenana ma, na mane gi tage, i paronga koro ma ki oto, ngaia ki rupasira ma ki hagamêrira na enoni hato. 19Renia na enoni hato ka vora na enoni era, renia na mane gi tage ki guguruga tanga God, ma ki tagenana ma, God ki katora na enoni, ka koro ma ka oto i maana, renia na mane gi tage i tê viteana God.
20God ki nakagi na Ramata igê na Buka Apuna, hanana vi ga hagarakonigi na tasi. Ma na matena ga rakorako na tasi, na korohana God ki rakorako teha ngavê. 21Tahema renia na tasi ki marungira na enoni renia na mera, ki tagenana ma nikâ, na korohana God ki marungigia, renia ngaia ki katogia, ka koro ma oto i maana, ma ki vategia na mêriha mora ma tarema renia o Jesu Kirisito na Araha iaka.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2011 Bible Society of the South Pacific