MATEO 24
24
O Jesu ki tamasi renia na hagaerasiana na Ruma ni Rotu
(Mk 13.1-2; Lk 21.5-6)
1Matena i tavoraha noga o Jesu tenia na Ruma ni Rotu, na kariana ka râ me tanga, ma ka hagabâsia renigi na Ruma ni Rotu ma na ruma getigi igê na mahera na Ruma ni Rotu. 2Ma ngaia ki vi: “Mu konetenigi na bâkorohani iê? Be vi tangagamu: ga page hagasuhigi hato; i asa vê tani na hê, vi ge page oga gatagata igê na peregana; ngaigi hato ki page agorata so i ano.”
Na bagabevoana ma na henahuita
(Mk 13.3-13; Lk 21.7-19)
3Matena o Jesu ki oga so igê na Hungana ni Olive, na kariana ka râ me pinihi tanga. Ngaira ka hagate, ka vi: “Gu visia me tangagami, i na keta kani page voravora me igê na tarana ngekana, ma na taroha ta kani page hagagiraragami renia na matena, igo ko page arâ me nikâ igê, ma renia na hagahatongina na maveta.”
4O Jesu ki arami, ki vi: “Mu bâsigamu, hanana siana ta na enoni ke hagabekasigamu. 5Suria ga rako na mane, ga page arâ me, ma ka hêtata mareta reniê inê, ka vivi, ‘Na Mesaia kani inê’, ma ka page hagabekasira rako na enoni. 6Igamu kamu page rongogi na henahuita, ga hagarangi me, ma na tarohani na henahuita, na ani ga hagatê mêngagi. Ma kamu rongo, siana kamu anumanuma. Na tarani ngegana ka girara ga voravora me, ma ki mareha vi ge vi, vi na hagahatongina. 7Na marê ki page merongasia ta na marê; na gavumane ki page meheariha ta na gavumane. Na enoni ka page magê ngavê ma ki page nununu i na ara ni agua. 8Na mani tarani hato ngegana ka mangagi na mamasiaganiha iana na gete, i riki na gerina.
9“Ma na enoni ka page hagatotongogamu ma ka mahatangenigamu tange na hagaitangiha ma ka page hagamesigamu. Na enoni hato ka page kikitenigamu reniê inê. 10I na matena ngekana na enoni rako ka page kasia na tongesuriha iata; ngaira ka page kikitenira heri ma ka page ranganira heri tanga na hagaitangiha. 11Ma na poropete ngarangara rako ka page voravora me, ma ka page hagabekasira rako na enoni. 12Na eraha ki page totoko, hanana i hagamesigi na takuiha iata rako na enoni. 13Ma na enoni, i ama ni togeaga nga, henaka vi na eraha, ngaia ki page tahi. 14Ma ka page tarohenia na Taroha Koro ngekê renia na Arahanga iana God tangara na enoni hato i maveta, hanana na enoni hato ka page girara, ma hemuri ki kahu arâ me na hagahatongina.
Na Eraha Raha
(Mk 13.14-23; Lk 21.20-24)
15“‘Na Eraha Raha’, na poropete o Taniele ki tamasi renia, igamu kamu page rigia, i oga igê na agua, i apu tanga.” (Na enoni, i tomania na marâ ngekê, ngaia ki girara, vi na ta ki na girarana.) 16“Na enoni i Jutea ki tuguhira, ga gavagava tagere igê na hungani. 17Na enoni igê na gerina na ruma iana ki tuguhia, i vatovato rêrê, ma siana ki bêbanu noga i ruma, hanana vi torea na nahuninga iana, hanana siana ki kakaviaga. 18Na mane i mu iana siana ki aporo i hinua, hanana vi torea na gahu iana. 19I page era ngavê tangara na gete, ga obara, se na gete, ga hagasusu kare! 20Nungia God, hanana siana kamu gavagava i na matena na rogaroga huru, se vi igê na Tangiana ni Mamaroha. 21Renia na bagabevoana igê na matena ngekana ki page era ngavê teharigi na ani mavê na bagabevoani i nago, haganega tenia na haganegahana na maveta, mataro me i ngekê akê. Ma ki asa, vi ge page râ me nikâ na bagabevoana, i manga na ani ngekê. 22Ma God ki bani hagabubua na bevoana. Manga ge mareha vikê, ke asa hagetage ta na enoni, vi ge tahi. Ma suria God ki takuira na kariana, tahema ngaia ki page hagabubua na bevoana ngekana.
23“Hoi, manga ta na enoni, ma ki vi tangagamu, ki vivi, Bâ, na Mesaia ikê!” se i vivi, ‘Bâ, ngaia ki ikana!’ siana mu tongesuria. 24Renia ga page voravora me na mesaia hagaparu ma na poropete hagaparu; ngaira ka page tanugi na mena ma na tagaraha raha, ga hagakonera na enoni renigi, hanana ga hagaparura na kariana God, manga i pe asa tangara. 25Mu rongo! Inê kê bani vi tangagamu i nago!
26“Se, manga na enoni, ma ki vi tangagamu, ki vivi, ‘Bâ ngaia ikana igê na manihê!’ siana mu arâ i ngekana; se ki vivi, ‘Bâ, ngaia kani goga pinihi ikê!’ siana kamu tongesuria. 27Renia o Karena Enoni ki page arâ me manga na marangeia, i takiria na vavearo hagenani tenia i kerekê tanga i kere so.
28“Na ahetaronga ka page hakuhaku me igê na agua, i tâ igê na gahuana na marâ, i meme.
Na râha me iana o Karena Enoni
(Mk 13.24-27; Lk 21.25-28)
29“Matena i hatohato na bagabevoana igê na tangiani ngegana, ki page roto ototo râ nga na arito, ma ki hato, vi ge page mave na hageha, ma na higu ka page vota tenia na vavearo, ma na marâ i vavearo ka page hagatasigi na atohata. 30Ma hemuri ki page voravora me i vavearo na girarana o Karena Enoni. Ma na ara ni enoni hatohato i maveta ka page angiangi, ma ka page bâsia o Karena Enoni, i arâ me igê na parêru i vavearo. Ngaia ki raramohaga hunia ma ki bâbâ hahanetaga ngavê. 31Ma ki page rongo raha na ringena na ahuri raha. Ma ngaia ki page hagatorangenira na angero iana tange na apaneni ge he na maveta hagenani, ma ngaira ka page hagahakura na kariana tenia ta bogona na maveta tanga ta bogona.
Na maramaraveta renia na apinige na fiki
(Mk 13.28-31; Lk 21.29-33)
32“Na apinige na fiki ki hagesurigamu. Matena ga baogo na arani ma ka mamakaga ma ka hisihisi, igamu kamu girara, vi na hutohutoêa ki hagarangi me noga. 33I tagenana ma, matena mu bâsigi na tarani hato ngegana, igamu kamu page girara, vi ngaia ki hagarangi me noga, i nanê vi haganega. 34Mu rongo! Na ara ni marâ hato ngegana ka page voravora me togâta tani na enoni, ga mauri mêngara i ngekê. 35Na vavearo ma na ano karu page hato; ma na tamasinga iaku ki asa, vi ge page hato.
Igia ka pe girara na matena na râha me iana na Araha
(Mk 13.32-37; Lk 17.26-30, 34-36)
36“Mareha ta na enoni vi ge girara, vi i na keta kani page arâ me igê na tangiana ngekana se na bevoana ngekana. Na angero iana God ka pe girara nogata, ma o Karena ki pe girara nogana. Ngaia getea ma o Vaemana kani girara. 37Na râha me iana o Karena Enoni ki page mangagi na tarani, ga bani oga i na matena iana o Noa. 38I mangagi na mateni i nago tarana na Maganuha Raha: na enoni ka ama ni ngêngê nga, ma ka ama ni totono nga, ma na mane ma na gete ka ata ni auragi mavê ma ka hagataku, mataro me igê nga na tangiana i banu o Noa igê na haka. 39Ma ngaira ka pe girara, vi na ta kani voravora me, mataro ma ki arâ me na Maganuha Raha, ma ka tono ka me hato. Matena ki arâ me o Karena Enoni ki page manga ngekana nikâ. 40I na matena ngekana na mane gi rua karu tagara i mu. God ki page torea vê tani ma ki page naka so tani. 41Na gete gi rua karu pigapiga na ngêra. God ki page torea vê tani ma ki page naka so tani.
42“Hoi, mu bâbâ, suria igamu kamu pe girara, vi na matena ta kani page arâ me igê na Araha iami. 43Mu rongo! Manga o vavanuni ruma, ma ki girara na matena, i arâ me igê na mane hanago, ngaia ki bâbâ, i era ma na mane hanago ki hogea na ruma iana. 44Tahema ki tuguhigamu, igamu nogami vigamu nananê tare, suria o Karena Enoni ki page arâ me igê na matena, igamu kamu pe hinarua, vi arâ me igê.
Na enoni vurivuri na ani koro ma na ani era
(Lk 12.41-48)
45“Hoi, o ti na enoni vurivuri, i tako mataha ma na araha iana ki hagêguritogo renia? Ngaia ki na ani, na araha i hagêguria ki bâbâsurira na tamana, hanana i titi ngêra tangara igê na matena ni ngêra. 46I babarisi ngavê na enoni vurivuri ngekana, manga vi atata me na araha iana ma ki tarahua, i katogi na tagaraha iana. 47Be vi tangagamu: i monari, na araha ki page hagêguria na enoni vurivuri ngekana, ki bâbâsurigi na ara ni nahuninga hato iana. 48Manga vi ngaia na enoni vurivuri, ma ki pe tagara bâkoro, ngaia ki page vivi i obana, ki vivi, ‘Na araha iaku ki hagarihu, vi ge aporo me.’ 49Ma ngaia ki page haganega, ki tahurura na tamana, ma ki page ngêngê ma ki page totono henira na mane, i ruguhira na tonoha. 50Ma na araha iana na enoni vurivuri ngekana ki page arâ me igê na tangiana, ngaia ki pe hinarua, vi na araha iana ki arâ me igê, ma igê na matena, ngaia i pe girara. 51Na araha ki page reterete nguria; ma ki page hagaitangia henira na enoni, ga bagasusuka. Ma igê na agua ngekana ngaia ki page angiangi ma ka hengaki na rivona, suria i hatamia na mamasiaganiha.
S'ha seleccionat:
MATEO 24: KCB
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2011 Bible Society of the South Pacific
MATEO 24
24
O Jesu ki tamasi renia na hagaerasiana na Ruma ni Rotu
(Mk 13.1-2; Lk 21.5-6)
1Matena i tavoraha noga o Jesu tenia na Ruma ni Rotu, na kariana ka râ me tanga, ma ka hagabâsia renigi na Ruma ni Rotu ma na ruma getigi igê na mahera na Ruma ni Rotu. 2Ma ngaia ki vi: “Mu konetenigi na bâkorohani iê? Be vi tangagamu: ga page hagasuhigi hato; i asa vê tani na hê, vi ge page oga gatagata igê na peregana; ngaigi hato ki page agorata so i ano.”
Na bagabevoana ma na henahuita
(Mk 13.3-13; Lk 21.7-19)
3Matena o Jesu ki oga so igê na Hungana ni Olive, na kariana ka râ me pinihi tanga. Ngaira ka hagate, ka vi: “Gu visia me tangagami, i na keta kani page voravora me igê na tarana ngekana, ma na taroha ta kani page hagagiraragami renia na matena, igo ko page arâ me nikâ igê, ma renia na hagahatongina na maveta.”
4O Jesu ki arami, ki vi: “Mu bâsigamu, hanana siana ta na enoni ke hagabekasigamu. 5Suria ga rako na mane, ga page arâ me, ma ka hêtata mareta reniê inê, ka vivi, ‘Na Mesaia kani inê’, ma ka page hagabekasira rako na enoni. 6Igamu kamu page rongogi na henahuita, ga hagarangi me, ma na tarohani na henahuita, na ani ga hagatê mêngagi. Ma kamu rongo, siana kamu anumanuma. Na tarani ngegana ka girara ga voravora me, ma ki mareha vi ge vi, vi na hagahatongina. 7Na marê ki page merongasia ta na marê; na gavumane ki page meheariha ta na gavumane. Na enoni ka page magê ngavê ma ki page nununu i na ara ni agua. 8Na mani tarani hato ngegana ka mangagi na mamasiaganiha iana na gete, i riki na gerina.
9“Ma na enoni ka page hagatotongogamu ma ka mahatangenigamu tange na hagaitangiha ma ka page hagamesigamu. Na enoni hato ka page kikitenigamu reniê inê. 10I na matena ngekana na enoni rako ka page kasia na tongesuriha iata; ngaira ka page kikitenira heri ma ka page ranganira heri tanga na hagaitangiha. 11Ma na poropete ngarangara rako ka page voravora me, ma ka page hagabekasira rako na enoni. 12Na eraha ki page totoko, hanana i hagamesigi na takuiha iata rako na enoni. 13Ma na enoni, i ama ni togeaga nga, henaka vi na eraha, ngaia ki page tahi. 14Ma ka page tarohenia na Taroha Koro ngekê renia na Arahanga iana God tangara na enoni hato i maveta, hanana na enoni hato ka page girara, ma hemuri ki kahu arâ me na hagahatongina.
Na Eraha Raha
(Mk 13.14-23; Lk 21.20-24)
15“‘Na Eraha Raha’, na poropete o Taniele ki tamasi renia, igamu kamu page rigia, i oga igê na agua, i apu tanga.” (Na enoni, i tomania na marâ ngekê, ngaia ki girara, vi na ta ki na girarana.) 16“Na enoni i Jutea ki tuguhira, ga gavagava tagere igê na hungani. 17Na enoni igê na gerina na ruma iana ki tuguhia, i vatovato rêrê, ma siana ki bêbanu noga i ruma, hanana vi torea na nahuninga iana, hanana siana ki kakaviaga. 18Na mane i mu iana siana ki aporo i hinua, hanana vi torea na gahu iana. 19I page era ngavê tangara na gete, ga obara, se na gete, ga hagasusu kare! 20Nungia God, hanana siana kamu gavagava i na matena na rogaroga huru, se vi igê na Tangiana ni Mamaroha. 21Renia na bagabevoana igê na matena ngekana ki page era ngavê teharigi na ani mavê na bagabevoani i nago, haganega tenia na haganegahana na maveta, mataro me i ngekê akê. Ma ki asa, vi ge page râ me nikâ na bagabevoana, i manga na ani ngekê. 22Ma God ki bani hagabubua na bevoana. Manga ge mareha vikê, ke asa hagetage ta na enoni, vi ge tahi. Ma suria God ki takuira na kariana, tahema ngaia ki page hagabubua na bevoana ngekana.
23“Hoi, manga ta na enoni, ma ki vi tangagamu, ki vivi, Bâ, na Mesaia ikê!” se i vivi, ‘Bâ, ngaia ki ikana!’ siana mu tongesuria. 24Renia ga page voravora me na mesaia hagaparu ma na poropete hagaparu; ngaira ka page tanugi na mena ma na tagaraha raha, ga hagakonera na enoni renigi, hanana ga hagaparura na kariana God, manga i pe asa tangara. 25Mu rongo! Inê kê bani vi tangagamu i nago!
26“Se, manga na enoni, ma ki vi tangagamu, ki vivi, ‘Bâ ngaia ikana igê na manihê!’ siana mu arâ i ngekana; se ki vivi, ‘Bâ, ngaia kani goga pinihi ikê!’ siana kamu tongesuria. 27Renia o Karena Enoni ki page arâ me manga na marangeia, i takiria na vavearo hagenani tenia i kerekê tanga i kere so.
28“Na ahetaronga ka page hakuhaku me igê na agua, i tâ igê na gahuana na marâ, i meme.
Na râha me iana o Karena Enoni
(Mk 13.24-27; Lk 21.25-28)
29“Matena i hatohato na bagabevoana igê na tangiani ngegana, ki page roto ototo râ nga na arito, ma ki hato, vi ge page mave na hageha, ma na higu ka page vota tenia na vavearo, ma na marâ i vavearo ka page hagatasigi na atohata. 30Ma hemuri ki page voravora me i vavearo na girarana o Karena Enoni. Ma na ara ni enoni hatohato i maveta ka page angiangi, ma ka page bâsia o Karena Enoni, i arâ me igê na parêru i vavearo. Ngaia ki raramohaga hunia ma ki bâbâ hahanetaga ngavê. 31Ma ki page rongo raha na ringena na ahuri raha. Ma ngaia ki page hagatorangenira na angero iana tange na apaneni ge he na maveta hagenani, ma ngaira ka page hagahakura na kariana tenia ta bogona na maveta tanga ta bogona.
Na maramaraveta renia na apinige na fiki
(Mk 13.28-31; Lk 21.29-33)
32“Na apinige na fiki ki hagesurigamu. Matena ga baogo na arani ma ka mamakaga ma ka hisihisi, igamu kamu girara, vi na hutohutoêa ki hagarangi me noga. 33I tagenana ma, matena mu bâsigi na tarani hato ngegana, igamu kamu page girara, vi ngaia ki hagarangi me noga, i nanê vi haganega. 34Mu rongo! Na ara ni marâ hato ngegana ka page voravora me togâta tani na enoni, ga mauri mêngara i ngekê. 35Na vavearo ma na ano karu page hato; ma na tamasinga iaku ki asa, vi ge page hato.
Igia ka pe girara na matena na râha me iana na Araha
(Mk 13.32-37; Lk 17.26-30, 34-36)
36“Mareha ta na enoni vi ge girara, vi i na keta kani page arâ me igê na tangiana ngekana se na bevoana ngekana. Na angero iana God ka pe girara nogata, ma o Karena ki pe girara nogana. Ngaia getea ma o Vaemana kani girara. 37Na râha me iana o Karena Enoni ki page mangagi na tarani, ga bani oga i na matena iana o Noa. 38I mangagi na mateni i nago tarana na Maganuha Raha: na enoni ka ama ni ngêngê nga, ma ka ama ni totono nga, ma na mane ma na gete ka ata ni auragi mavê ma ka hagataku, mataro me igê nga na tangiana i banu o Noa igê na haka. 39Ma ngaira ka pe girara, vi na ta kani voravora me, mataro ma ki arâ me na Maganuha Raha, ma ka tono ka me hato. Matena ki arâ me o Karena Enoni ki page manga ngekana nikâ. 40I na matena ngekana na mane gi rua karu tagara i mu. God ki page torea vê tani ma ki page naka so tani. 41Na gete gi rua karu pigapiga na ngêra. God ki page torea vê tani ma ki page naka so tani.
42“Hoi, mu bâbâ, suria igamu kamu pe girara, vi na matena ta kani page arâ me igê na Araha iami. 43Mu rongo! Manga o vavanuni ruma, ma ki girara na matena, i arâ me igê na mane hanago, ngaia ki bâbâ, i era ma na mane hanago ki hogea na ruma iana. 44Tahema ki tuguhigamu, igamu nogami vigamu nananê tare, suria o Karena Enoni ki page arâ me igê na matena, igamu kamu pe hinarua, vi arâ me igê.
Na enoni vurivuri na ani koro ma na ani era
(Lk 12.41-48)
45“Hoi, o ti na enoni vurivuri, i tako mataha ma na araha iana ki hagêguritogo renia? Ngaia ki na ani, na araha i hagêguria ki bâbâsurira na tamana, hanana i titi ngêra tangara igê na matena ni ngêra. 46I babarisi ngavê na enoni vurivuri ngekana, manga vi atata me na araha iana ma ki tarahua, i katogi na tagaraha iana. 47Be vi tangagamu: i monari, na araha ki page hagêguria na enoni vurivuri ngekana, ki bâbâsurigi na ara ni nahuninga hato iana. 48Manga vi ngaia na enoni vurivuri, ma ki pe tagara bâkoro, ngaia ki page vivi i obana, ki vivi, ‘Na araha iaku ki hagarihu, vi ge aporo me.’ 49Ma ngaia ki page haganega, ki tahurura na tamana, ma ki page ngêngê ma ki page totono henira na mane, i ruguhira na tonoha. 50Ma na araha iana na enoni vurivuri ngekana ki page arâ me igê na tangiana, ngaia ki pe hinarua, vi na araha iana ki arâ me igê, ma igê na matena, ngaia i pe girara. 51Na araha ki page reterete nguria; ma ki page hagaitangia henira na enoni, ga bagasusuka. Ma igê na agua ngekana ngaia ki page angiangi ma ka hengaki na rivona, suria i hatamia na mamasiaganiha.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2011 Bible Society of the South Pacific