TAGARAHA IATA NA APOSOTOLO 27
27
O Paulo ki tage ki râ tanga i Roma
1Ngaira ka vi, igami ki ararigami vigami tagetage tanga i Itali, ma ka tagarenira o Paulo ma tani na enoni getera, ga oga i ruma ni hagaitangiha, tanga o Julio. Ngaia ki na araha iata na mane ni me, ma ki bêngenira na mane ni hearihatana ni Roma. Na hakuta na mane ni me ngegê ka hêtata, vi na hakuta na mane ni hearihatana iana na mane i teha igê na gavumane i Roma. 2Igami kami akê igê ta na haka ni Ataramitio. Na haka ngekê ki nanê, vi arâ tange na hinua i na apanena i Asia, ma kami tage kami râ. O Arisitako, na mane ni Tesalonika i Masetonia, ki tage henigami. 3Na tangiana i muri kami ata i Sitone. O Julio ki koro tanga o Paulo, ma ki hagamarumungenia, ki râ ki bâsira na tamana koro, hanana vi ga vatea na marâ, i obanigi tanga na râha iana. 4Igami kami tage tenia i ngekana, ma suria na roga ki tora i matomami, igami kami râ suria na apanena na marê i Saipero, i ahi tenia na roga. 5Igami kami ritenia na apanena na asi i Silisia ma i Pamupilia, ma kami tage tare tanga i hinua i Mira i na apanena i Lisia. 6Ma i ngekana na araha iata na mane ni me ki tarahua igê na ani getea na haka. Na haka ngekana ki râ me tenia i Alesanteria, ma ki arâ tanga i Itali. Vikê ngaia ki kasigami igê na haka ngekana.
7Surigi tani na tangiani na haka ki pe tango, suria mi maatia na roga, ma ki henaka i kere bara, ma igami kami ata me hagarangia na hinua i Kinito. Renia na roga ki tora i matomami, i asa iamami, vi gami guruguru râ. Tahema igami kami tage kami niha so suria na marê i Kerete i na agua, i ahi tenia na roga, ma kami ritenia na suragina i Salamone. 8Igami kami niha, henaka i kere bara tangagami, ma igami kami ata igê ta na agua, ga hêtana vi Sugu Koro, hagarangia i hinua i Lasea.
9Igami kami oga arihu era i ngekana, me muri ki pe arari, vi gami tavoraha nikâ, suria i era noga na asi, ma ki bani hato na Tangiana ni Kasimena renigi na tasi. Vikana o Paulo ki vi tangara, ki vi: 10“Vegamu, inê kê hinarua, na râha iaka tenia i ngekê ki page era ngavê. Na toraha ki page era ngavê, ma na haka nikâ, ma ka page meme na enoni nikâ.” 11Ma na araha iata na mane ni me ki haritohea na tamasinga iana o Paulo, ma ngaia ki tongesuria ma na tamasinga iaterua na mane, i torea na haka, ma na avanuna na haka. 12Na sugu ki pe koro, hanana vi ge hunahuna igê, matena i ramoramo na asi ma na roga. Tahema ga rako na mane, ga obania, vi ga pania na sugu ngekana, ma ka uhungia viga arâ tanga na sugu i Punise, manga vi pe asa. Na sugu ngekana ki na sugu i na marê i Kerete, ma ki maatia na gari ma na avarosi, ma ki koro tangara, vi ga hunahuna igê, matena i ramoramo na asi ma na roga.
Na tangi era
13Matena i haganega na kere mamava, ngaira na mane ka takusia, vi ga uhungia ka arâ. Ma ngaira ka okea na huna, ma ka tage ka niha suria na marê i Kerete. 14Ki parama ma ki tangi era. Na roga ki râ me tenia na apanena na marê i berarogaterua na avarosi ma na târagina. 15Ngaia ki hitaria na haka. Igami kami uhungia bâraha, vi gami hagamaturia na haka tanga na roga, ma ki bara tangagami. Tahema mi naka so ma, ma na roga ki torea na haka. 16Igami kami tahi sisite tenia na roga, matena mi tage kami niha so suria na kere marê i Kauta i na agua, i ahi tenia na roga. I ngekana igami kami okea akê igê na bêta, henaka i kere bara. 17Ngaira ka okea akê igê na haka, ma ka hugusia gatagata na haka renigi na varo raha. Ngaira ka magu, suria ga takusia, vi na haka ki guruguru vari igê na raho na agua, i ahaha hagarangia i Libia. Ma ngekana ngaira ka tasigi so igê na selo ka taretare, ma na roga ki torea na haka. 18Ma na tangi era raha ki asa, vi ge hato. Ma igê na tangiana i muri tani na toraha igê na haka ngaira ka haganega ka kasi harê. 19Ma igê na oruta na tangiana ngaira ka kasi harê mareta tani na marâ tanga na haka. 20I bara tangagami, vi gami bâsia na arito, se vi na higu surigi rako na tangiani, ma na roga ki ama ni ramoramo teha nga. Ma igami kami tako hagetage, vi gami meme.
21Ma ki arihu me era na mane ka pe ngê rârâ. Ma o Paulo ki ura i maata, ma ki vi: “Vegamu, mu pe bani rongo, gê vi, vi siana kamu tagetage tenia na marê i Kerete. Mu togeaga. Tahema ga era rako na marâ, ma ka hagatasigi. 22Hoita, gê vi tangagamu, mu gatagata! Igamu hato kamu page tahi. Na haka ma ki page era. 23Inê kê girara na tarana ngekê, suria i na bungi na angero iana na Araha ki râ me. Na God ngekê ki nahuniê, ma inê kê rahesia. 24Ma na angero ki vi tangê, ki vi, ‘Paulo, siana ko magu. Igo ko girara ma, go rêra i maana na mane i teha igê na gavumane i Roma. God ki koro ngavê, ma tahema renigo igo ngaia ki page hagatahira na enoni hato, ga tage henigo.’ 25Tahema vegamu, mu ramoramo! Renia inê kê tongesuria God, ma kê girara, vi ga voravora me na ara ni marâ hato, i bani visigi tangê. 26Ma na roga ki page toregia tanga na one i ta na marê.
27Na tangi era ki tâ noga surigi na wiki gi rua, ma ki bungi nikâ, ma igami kami tare i asi i Atiria, ma na roga raha ki toregami. I gupu na bungi na mane tagara igê na haka ka takusia ma, vi igami kami hagarangia banu na one. 28Ma ka baroa na marâ, i higa, ma ka kunai so, hanana ga girara, vi na asi ki kokoro, se mareha. Ngaira ka tarahua, vi na asi ki kokoro na 36 mita ma hemuri 27 mita. 29Ngaira ka magu, vi na haka ki guruguru igê na hê. Tahema ngaira ka kasigi na huna ge he i murina na haka. Ma ngaira ka nunginungi, hanana vi tangitangi rêrê. 30Na mane tagara igê na haka ka kato, vi ga uhungia, ka gavagava pania na haka. Ngaira ka kunia so na bêta i asi, ma ka hagaparu, vi ga arâ ka kasikasi na huna i na nagona na haka. 31Mo Paulo ki vi tangara na araha iata na mane ni me ma na mane ni me iana, ki vi: “Manga vi na mane tagara igê na haka, ma ka gavagava, igamu kamu page tono kamu meme.” 32Vikana na mane ni me ka retegi râ na varona na bêta, ma ka naka vê na guruna ki râ.
33I sugi tangi noga, mo Paulo ki vi tangara na enoni hato, ka ngê. Ngaia ki vi: “Igamu kamu bani oga noga surigi na wiki gi rua, ma kamu pe ngê rârâ. 34Tahema inê kê vi tangagamu, kamu ngêngê ta na marâ, hanana mu tahitahi. I asa, vi ge era ta na marâ tangagamu.” 35O Paulo ki tamasi hato vikana, ma ki têgi tani na bereti, ma i maata na enoni hato ngaia ki nungi, ma ki visia koro God renia. Ngaia ki pipia, ma ki haganega ki ngêa. 36Ngaira ka kahu pe magu, ma ngaira hato nikâ ka ngê. 37Igami hato igê na haka kami vora na tangarê gi rua ma na tangahuru gi pi matara ke ono. 38Matena ngaira hato ka ngê masu, ngaira ka kasi harê i asi na toraha na ngêra, hanana vi mahaha na haka.
I guru na haka
39Matena i tangitangi noga, na mane tagara igê na haka ka pe bâgirara na marê, ma ngaira ka bâsia na maanitava na one, ma ka vi, manga vi pe asa, ngaira ka gotogoto i one. 40Tahema ngaira ka retegi râ na varo na huna, ma na huna ka kokoro, ma ka rupasigi na varo, ga bani rakugi renigi na vote ni gapiriri. Ma hemuri ka okea na selo igê na nagona na haka, hanana vi na roga ki torea na haka, ki arâ tanga ga gotogoto i one. 41Ma na haka ki guru igê na tagaru, ma ki bara, vi ge râ nikâ. Na nagona na haka ki susu, ma ki tâ ma igê na agua gi tage, ma na asi ki ramo ngavê, ma ki botagia na murina.
42Na mane ni me ka harikato, vi ga nanahuira na enoni hato, ga torera tanga na ruma ni hagaitangiha, hanana siana na vere tage na hitangita, vi ge arasi i one, ma ke gavagava. 43Ma na araha iata na mane ni me ki pe obania, vi ge nahuia o Paulo. Tahema ngaia ki manimanira, vi siana ka nanahuira. Ma ki bonasira na mane hato, ga girara ga arasi, ka reke harê hagenago i asi, ma ka arasi tanga na one. 44Ma hemuri na ani getera, ga râ surira, ka arasi igê na ani mavê na hagahe i na haka. Ma igami hato kami mataro i one, ma kami tahi.
S'ha seleccionat:
TAGARAHA IATA NA APOSOTOLO 27: KCB
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2011 Bible Society of the South Pacific
TAGARAHA IATA NA APOSOTOLO 27
27
O Paulo ki tage ki râ tanga i Roma
1Ngaira ka vi, igami ki ararigami vigami tagetage tanga i Itali, ma ka tagarenira o Paulo ma tani na enoni getera, ga oga i ruma ni hagaitangiha, tanga o Julio. Ngaia ki na araha iata na mane ni me, ma ki bêngenira na mane ni hearihatana ni Roma. Na hakuta na mane ni me ngegê ka hêtata, vi na hakuta na mane ni hearihatana iana na mane i teha igê na gavumane i Roma. 2Igami kami akê igê ta na haka ni Ataramitio. Na haka ngekê ki nanê, vi arâ tange na hinua i na apanena i Asia, ma kami tage kami râ. O Arisitako, na mane ni Tesalonika i Masetonia, ki tage henigami. 3Na tangiana i muri kami ata i Sitone. O Julio ki koro tanga o Paulo, ma ki hagamarumungenia, ki râ ki bâsira na tamana koro, hanana vi ga vatea na marâ, i obanigi tanga na râha iana. 4Igami kami tage tenia i ngekana, ma suria na roga ki tora i matomami, igami kami râ suria na apanena na marê i Saipero, i ahi tenia na roga. 5Igami kami ritenia na apanena na asi i Silisia ma i Pamupilia, ma kami tage tare tanga i hinua i Mira i na apanena i Lisia. 6Ma i ngekana na araha iata na mane ni me ki tarahua igê na ani getea na haka. Na haka ngekana ki râ me tenia i Alesanteria, ma ki arâ tanga i Itali. Vikê ngaia ki kasigami igê na haka ngekana.
7Surigi tani na tangiani na haka ki pe tango, suria mi maatia na roga, ma ki henaka i kere bara, ma igami kami ata me hagarangia na hinua i Kinito. Renia na roga ki tora i matomami, i asa iamami, vi gami guruguru râ. Tahema igami kami tage kami niha so suria na marê i Kerete i na agua, i ahi tenia na roga, ma kami ritenia na suragina i Salamone. 8Igami kami niha, henaka i kere bara tangagami, ma igami kami ata igê ta na agua, ga hêtana vi Sugu Koro, hagarangia i hinua i Lasea.
9Igami kami oga arihu era i ngekana, me muri ki pe arari, vi gami tavoraha nikâ, suria i era noga na asi, ma ki bani hato na Tangiana ni Kasimena renigi na tasi. Vikana o Paulo ki vi tangara, ki vi: 10“Vegamu, inê kê hinarua, na râha iaka tenia i ngekê ki page era ngavê. Na toraha ki page era ngavê, ma na haka nikâ, ma ka page meme na enoni nikâ.” 11Ma na araha iata na mane ni me ki haritohea na tamasinga iana o Paulo, ma ngaia ki tongesuria ma na tamasinga iaterua na mane, i torea na haka, ma na avanuna na haka. 12Na sugu ki pe koro, hanana vi ge hunahuna igê, matena i ramoramo na asi ma na roga. Tahema ga rako na mane, ga obania, vi ga pania na sugu ngekana, ma ka uhungia viga arâ tanga na sugu i Punise, manga vi pe asa. Na sugu ngekana ki na sugu i na marê i Kerete, ma ki maatia na gari ma na avarosi, ma ki koro tangara, vi ga hunahuna igê, matena i ramoramo na asi ma na roga.
Na tangi era
13Matena i haganega na kere mamava, ngaira na mane ka takusia, vi ga uhungia ka arâ. Ma ngaira ka okea na huna, ma ka tage ka niha suria na marê i Kerete. 14Ki parama ma ki tangi era. Na roga ki râ me tenia na apanena na marê i berarogaterua na avarosi ma na târagina. 15Ngaia ki hitaria na haka. Igami kami uhungia bâraha, vi gami hagamaturia na haka tanga na roga, ma ki bara tangagami. Tahema mi naka so ma, ma na roga ki torea na haka. 16Igami kami tahi sisite tenia na roga, matena mi tage kami niha so suria na kere marê i Kauta i na agua, i ahi tenia na roga. I ngekana igami kami okea akê igê na bêta, henaka i kere bara. 17Ngaira ka okea akê igê na haka, ma ka hugusia gatagata na haka renigi na varo raha. Ngaira ka magu, suria ga takusia, vi na haka ki guruguru vari igê na raho na agua, i ahaha hagarangia i Libia. Ma ngekana ngaira ka tasigi so igê na selo ka taretare, ma na roga ki torea na haka. 18Ma na tangi era raha ki asa, vi ge hato. Ma igê na tangiana i muri tani na toraha igê na haka ngaira ka haganega ka kasi harê. 19Ma igê na oruta na tangiana ngaira ka kasi harê mareta tani na marâ tanga na haka. 20I bara tangagami, vi gami bâsia na arito, se vi na higu surigi rako na tangiani, ma na roga ki ama ni ramoramo teha nga. Ma igami kami tako hagetage, vi gami meme.
21Ma ki arihu me era na mane ka pe ngê rârâ. Ma o Paulo ki ura i maata, ma ki vi: “Vegamu, mu pe bani rongo, gê vi, vi siana kamu tagetage tenia na marê i Kerete. Mu togeaga. Tahema ga era rako na marâ, ma ka hagatasigi. 22Hoita, gê vi tangagamu, mu gatagata! Igamu hato kamu page tahi. Na haka ma ki page era. 23Inê kê girara na tarana ngekê, suria i na bungi na angero iana na Araha ki râ me. Na God ngekê ki nahuniê, ma inê kê rahesia. 24Ma na angero ki vi tangê, ki vi, ‘Paulo, siana ko magu. Igo ko girara ma, go rêra i maana na mane i teha igê na gavumane i Roma. God ki koro ngavê, ma tahema renigo igo ngaia ki page hagatahira na enoni hato, ga tage henigo.’ 25Tahema vegamu, mu ramoramo! Renia inê kê tongesuria God, ma kê girara, vi ga voravora me na ara ni marâ hato, i bani visigi tangê. 26Ma na roga ki page toregia tanga na one i ta na marê.
27Na tangi era ki tâ noga surigi na wiki gi rua, ma ki bungi nikâ, ma igami kami tare i asi i Atiria, ma na roga raha ki toregami. I gupu na bungi na mane tagara igê na haka ka takusia ma, vi igami kami hagarangia banu na one. 28Ma ka baroa na marâ, i higa, ma ka kunai so, hanana ga girara, vi na asi ki kokoro, se mareha. Ngaira ka tarahua, vi na asi ki kokoro na 36 mita ma hemuri 27 mita. 29Ngaira ka magu, vi na haka ki guruguru igê na hê. Tahema ngaira ka kasigi na huna ge he i murina na haka. Ma ngaira ka nunginungi, hanana vi tangitangi rêrê. 30Na mane tagara igê na haka ka kato, vi ga uhungia, ka gavagava pania na haka. Ngaira ka kunia so na bêta i asi, ma ka hagaparu, vi ga arâ ka kasikasi na huna i na nagona na haka. 31Mo Paulo ki vi tangara na araha iata na mane ni me ma na mane ni me iana, ki vi: “Manga vi na mane tagara igê na haka, ma ka gavagava, igamu kamu page tono kamu meme.” 32Vikana na mane ni me ka retegi râ na varona na bêta, ma ka naka vê na guruna ki râ.
33I sugi tangi noga, mo Paulo ki vi tangara na enoni hato, ka ngê. Ngaia ki vi: “Igamu kamu bani oga noga surigi na wiki gi rua, ma kamu pe ngê rârâ. 34Tahema inê kê vi tangagamu, kamu ngêngê ta na marâ, hanana mu tahitahi. I asa, vi ge era ta na marâ tangagamu.” 35O Paulo ki tamasi hato vikana, ma ki têgi tani na bereti, ma i maata na enoni hato ngaia ki nungi, ma ki visia koro God renia. Ngaia ki pipia, ma ki haganega ki ngêa. 36Ngaira ka kahu pe magu, ma ngaira hato nikâ ka ngê. 37Igami hato igê na haka kami vora na tangarê gi rua ma na tangahuru gi pi matara ke ono. 38Matena ngaira hato ka ngê masu, ngaira ka kasi harê i asi na toraha na ngêra, hanana vi mahaha na haka.
I guru na haka
39Matena i tangitangi noga, na mane tagara igê na haka ka pe bâgirara na marê, ma ngaira ka bâsia na maanitava na one, ma ka vi, manga vi pe asa, ngaira ka gotogoto i one. 40Tahema ngaira ka retegi râ na varo na huna, ma na huna ka kokoro, ma ka rupasigi na varo, ga bani rakugi renigi na vote ni gapiriri. Ma hemuri ka okea na selo igê na nagona na haka, hanana vi na roga ki torea na haka, ki arâ tanga ga gotogoto i one. 41Ma na haka ki guru igê na tagaru, ma ki bara, vi ge râ nikâ. Na nagona na haka ki susu, ma ki tâ ma igê na agua gi tage, ma na asi ki ramo ngavê, ma ki botagia na murina.
42Na mane ni me ka harikato, vi ga nanahuira na enoni hato, ga torera tanga na ruma ni hagaitangiha, hanana siana na vere tage na hitangita, vi ge arasi i one, ma ke gavagava. 43Ma na araha iata na mane ni me ki pe obania, vi ge nahuia o Paulo. Tahema ngaia ki manimanira, vi siana ka nanahuira. Ma ki bonasira na mane hato, ga girara ga arasi, ka reke harê hagenago i asi, ma ka arasi tanga na one. 44Ma hemuri na ani getera, ga râ surira, ka arasi igê na ani mavê na hagahe i na haka. Ma igami hato kami mataro i one, ma kami tahi.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2011 Bible Society of the South Pacific