TAGARAHA IATA NA APOSOTOLO 13
13
Na Higona Apu ki aterarua o Banebasi mo Saulo karu tarohenia o Jesu
1I pasita na enoni i Antioko, ga tongesuri, ka goga tani na mane, ga ateate renia na Taroha Koro, ma ka hagesurira na enoni, ga tongesuri. Na mane ngegê ka no Banebasi, mo Simeone (ga hêtana nikâ vi o Masuri), mo Lusio (na mane ni Sairini), mo Maneni (na tamana o Herote na Gavumane, matena garu sisite), mo Saulo. 2Matena ngaira ka hagarotu, ma ka harihari, na Higona Apu ki tamasi tangara, ki vi: “Mu nakarerua o Banebasi mo Saulo tangê, hanana garu katoa na tagaraha, gê bani hagêgurirerua renia.” 3Ngaira ka harihari, ma ka nunginungi, ma ka têbuhirerua, ma ka hagatorangenirerua vê.
O Banebasi mo Saulo i Saipero
4Hoi, matena na Higona Apu ki bani hagatorangenirerua o Banebasi mo Saulo, karu so i Selusia, ma i ngekana karu tage igê na haka, karu râ tanga na marê i Saipero. 5Matena garu ata vê i Salamisi, ngairerua karu ateate igê renia na tamasinga iana God igê na ruma ni sukuru iata na Siu. O Joane Mareko ki oga henirerua, ma ki tamanirerua igê na tagaraha iaterua.
6Ngaira ka hatare ka râ tanga i Papo i ta bogona na marê. Ma i ngekana ngaira ka tarahua igê na mane haritavo ma ki mangata, o BaraJesu ka na atana. Ngaia ki na Siu, ma ki poropete hagaparu. 7Ngaia na tamana koro na Gavumane igê na marê, o Seresio Paulo na atana, na mane tako. Na Gavumane ki unirerua o Banebasi mo Saulo i pasina, renia i obania, vi rongoa na tamasinga iana God. 8Mo BaraJesu, na mane i haritavo ma ki mangata, (i Agaia ka hêtana vi o Elima), ki urapusirerua. Ngaia ki uhungia, vi katoa na Gavumane, vi siana ki tongesuri. 9Ma na Higona Apu ki angaria o Saulo, ma ta na atana nikâ ka no Paulo. Ngaia ki bore rapurapu renia na mane i haritavo ma ki mangata, 10ma ki vi: “Igo o karena Satana! Go urapusigi na ara ni marâ koro! Go hagahagaparu tare ma ko era ngavê! Mego ko uhungia tare, vi go herigagi na tamasinga oto renia God! 11Na Araha raramohaga ki page hagaitangigo i ngekê. Ko page guru, ma ki asa, vi gu page bâsia na mavetana na tangiana, mataro me ki marava aporo na maamu.”
Ma ki parama na marâ i manga na roto hono, ma ki bara pusia na maana o Elima. Ma ngaia ki tatagara rârâ, ki uhungia, vi tarahua ta na enoni, hanana vi urua. 12Matena na Gavumane ki bâsia na tarana ngekana, ngaia ki tongesuri. Ngaia ki konetenia bâraha na hagesuringa renia na Araha.
O Paulo i Antioko i Pisitia
13O Paulo ma na tamana ka tage i Papo, ma ka râ me i Perega i Pamupilia. Mo Joane Mareko ki panirerua, ma ki aporo i Jerusaleme. 14Ngairerua karu râ nga tenia i Perega, ma karu râ me i Antioko i Pisitia. Ma igê na Tangiana ni Mamaroha ngairerua karu banu i ruma ni sukuru, ma karu oga so igê. 15Matena ta na enoni ki bani tomania hato na tomatomaha tenia na Buka na Ramata iana o Moise, ma tenigi na buka, ga bani segegi na poropete, na mane, ga onosuria na ruma ni sukuru, ka kasi tamasinga tangarerua o Paulo mo Banebasi, ka vi: “Goaku, igami kami obania, muru tamasi tangara na enoni, hanana muru hagaramonira.” 16O Paulo ki aharaga, ki bubuhira na enoni, ma ki haganega ki tamasi, ki vi:
“Goaku na Siu, ma igamu hato na enoni, mu pe Siu ma kamu rahesia God! Mu rongoê! 17Na God iata na Isiraelita ki atera na êvarita na Siu, ma inê na Siu, ma ki hagarakonira na Siu, matena ngaira ka oga mamahuara i Esipito. God ki torera hura tenia i Esipito, suria ngaia ki raramohaga hunia. 18Ma ngaia ki tamanira igê na bagamasusu raha surigi na harisi tangahuru ge he, henaka ga guguruga tanga. 19Ngaia ki hagamagahurura na apaneni me gi pi na enoni tenia i Kanani, ma ki vatera na kariana, ka nahunia na mako iata. 20Na matena hagenani ki na ararina na tangarê harisi ge he matara na tangahuru gi rima.
“Hemuri ngaia ki vatera na mane ni hagaotonga mataro me na matena iana o Samuele na poropete. 21Ma na matena ga obania tani na mane, vi ge maneraha iata, God ki kasia o Saulo, ki maneraha tangara surigi na harisi tangahuru ge he. Ngaia ki no karena o Kisi tenia na varo ninuni iana o Benamino. 22Ma hemuri God ki kasia hura o Saulo, ma ki kasia o Tavite, ki vora na maneraha iata. God ki tamasi renia vikê ki vi, ‘Inê kê girara, vi o Tavite, o karena o Jese, ngaia ki na mane koro, gê obania, renia ngaia ki page tanugi na ara ni marâ, gê obanigi.’ 23O Jesu ngaia nogana ki na raraha iana o Tavite, ma God ki atea, ki vora na Hagamauri iata na Isiraelita manga i bani surua. 24I nago, i mênga, vi ge arâ me o Jesu, o Joane i bani ateate tangara na Isiraelita hato, hanana vi ga urusi parongata era, ma ka batesimo. 25Ma na matena o Joane ki sugia ma, vi ge hatungia na tagaraha iana, ngaia ki vi tangara na enoni, ki vi, ‘Igamu kamu visia, vi o ti kani inê? Inê ki mareha nga, vi o vani mu naasia. Mu rongo! Ngaia ki mumuriê me, menê na mane gê pe koro. Tahema ki pe arariê, vi ve ruhasigi râ na buti i ugana.’
26“Goaku, igamu na raraha iana o Abaramo, ma igamu hato na enoni, mu pe Siu ma kamu rahesia God! Na taroha na vuripusiaka ngekê ki bani râ me tangagia. 27Renia na enoni, ga goga i Jerusaleme, ma na meraha iata ka pe girara, vi o Jesu ki na Hagamuri, ma nikâ ngaira ka pe rongogiraragi na tamasinga iata na poropete, ga tomanigi igê na ara ni Tangiana ni Mamaroha i ruma ni sukuru. Henaka, ma ngaira ka hagamonarigi na tamasinga iata na poropete, suria ga hagamesia o Jesu. 28Ma ki henaka, ma ngaira ka pe tarahua rârâ ta na marâ, vi ge tonga hunana, hanana vi ge nahuia suria, ma ngaira ka nungia o Pilato ki hagamesia. 29Ma na matena ga bani katogi hato na ara ni marâ, na Buka Apuna i visigi renia o Jesu, na kariana ka torea so tenia na kuruse, ma ka bagia igê na matiku. 30Ma God ki hagamêria aporo tenira na enoni, ga me. 31Ma surigi na tangiani rako ngaia ki hagabângenia marena tangara na enoni, ga bani takua rârâ i Galilea tanga i Jerusaleme. Ma i ngekê ngaira ka tarohenia tangara na Isiraelita. 32I ngekê igamirua kamuru torea me na Taroha Koro renia o Jesu tangagamu. God ki bani naka na suruha iana tangara na êvarita na Siu. 33Ma i ngekê ngaia ki bani hagamonaria noga na suruha iana tangagia, na Siu ma na enoni, ga pe Siu, suria ngaia ki bani hagamauria aporo o Jesu. Ma na ruata na ki apuna ki vi:
‘Igo nga ka no Kareku.
I ngekê inê kê vora o Vaemamu.’
34God ki hagamêria aporo o Jesu tenira na enoni, ga me, hanana i asa, vi ge page me nikâ. Ma renia na tarana ngekê God ki vi vikê:
‘Inê be vatego na marâ koro,
gê bani tohe ma kê surugi tanga o Tavite.’
35Ma ngekê ta agua getea i rarona na Buka Apuna ki vi:
‘Ma ko page usi,
vi ge kakaga na kariamu koro.’
36Renia o Tavite igê na matena i mauri mênga ngaia ki tanugi na marâ, God ki katogi. Ma hemuri ngaia ki me, ma ka bagia henira na êvarina, ma na gahuana ki kakaga. 37Ma na ani, God i hagamêria aporo tenira na enoni, ga me, ki asa, vi ge page kakaga na gahuana. 38-39Goaku, i tuguhigamu hato, mu girara bâkoro, vi igamirua kamuru ateate tangagamu renia na taroha, vi God ki bonotenigi na tasi iami renia o Jesu. I tuguhigamu, mu girara, vi na ara ni hitangimi, i tongesuria o Jesu, ki aharupa tenigi na tasi hato, na Ramata iana o Moise ki asa, vi ge rupasigi tenigamu. 40Mu hinaru, siana ka tarahugamu na marâ, ga bani visigi na poropete, ka vi:
41‘Mu rongo, igamu mu heheriga!
Mu konekone ma kamu magahuru!
Renia igamu kamu usi,
vi gamu tongesuria na tagaraha,
gê katoa i pasimi,
henaka ta na enoni ki ramatenia tangagamu.’”
42Matena o Paulo mo Banebasi karu hura tenia na ruma ni sukuru, na enoni ka nungirerua, vi garu page arâ me nikâ igê na Tangiana ni Mamaroha i muri, hanana vi garu hagarongora nikâ renigi tani na marâ, garu kahu visigi. 43Bevoana na enoni ka sukuru hato, rako na Siu ma na enoni, ga pe Siu, ka râ surirerua o Paulo mo Banebasi. Na aposotolo karu tamasi tangara, ma karu kanukanura, vi ga ama ni hagêguritogo nga renia na korohana God.
44Igê na Tangiana ni Mamaroha i muri ka hagarangia, vi na enoni hato i hinua kani ga râ me, ka rongoa na tamasinga iana na Araha. 45Matena na Siu ka bâsira na hakuta raha na enoni, ngaira ka hengari ngavê. Ngaira ka tamasi ka haritohea na marâ, i visia o Paulo, ma ka guharia. 46Henaka i manga ngekana, ma o Paulo mo Banebasi karu pe magu, vi garu tamasi ramo, karu vi: “I tuguhigamirua, muru tamasia hagenago na tamasinga iana God tangagamu. Ma suria igamu kamu usitenia, ma kamu takusia, vi na mêriha mora ma tarema ki pe ararigamu, tahema igamirua kamuru hatohato tenigamu, ma kamuru arâ tangara na enoni, ga pe Siu. 47Suria na Araha ki bani bonasigamirua vikê, ki vi:
‘Inê kê hagatorangenigo,
ko mavesigi na obata na enoni,
ga pe Siu,
hanana na enoni hato i maveta
ka page tahi renigo.’”
48Matena na enoni, ga pe Siu, ka rongo vikana, ngaira ka vagevage, ma ka visia raha God renia na tamasinga iana. Ma ngaira na enoni, God i bani atera, hanana vi ga page nahunia na mêriha mora ma tarema, ngaira ka tongesuri.
49Na tamasinga iana na Araha ki râhigi na ara ni hinua i na apanena ngekana. 50Ma na Siu ka hagatagetagera na maneraha ni hinua ma na gete raha ni ruruguha, ga pe Siu ma ka rahesia God, hanana vi ga rêra pusirerua. Ngaira ka haganeaga ka hagamamasiaga apeterua o Paulo mo Banebasi, ma ka pairerua hura tenia na apanena iata. 51Na aposotolo karu kangikangi uga, hanana ngaira ka girara so, vi ngaira ka pe koro, ma karu râ igê na hinua i Ikonio. 52Na enoni i hinua i Antioko, ga tongesuri, ka vagevage bâraha, ma na Higona Apu ki angarira.
S'ha seleccionat:
TAGARAHA IATA NA APOSOTOLO 13: KCB
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2011 Bible Society of the South Pacific
TAGARAHA IATA NA APOSOTOLO 13
13
Na Higona Apu ki aterarua o Banebasi mo Saulo karu tarohenia o Jesu
1I pasita na enoni i Antioko, ga tongesuri, ka goga tani na mane, ga ateate renia na Taroha Koro, ma ka hagesurira na enoni, ga tongesuri. Na mane ngegê ka no Banebasi, mo Simeone (ga hêtana nikâ vi o Masuri), mo Lusio (na mane ni Sairini), mo Maneni (na tamana o Herote na Gavumane, matena garu sisite), mo Saulo. 2Matena ngaira ka hagarotu, ma ka harihari, na Higona Apu ki tamasi tangara, ki vi: “Mu nakarerua o Banebasi mo Saulo tangê, hanana garu katoa na tagaraha, gê bani hagêgurirerua renia.” 3Ngaira ka harihari, ma ka nunginungi, ma ka têbuhirerua, ma ka hagatorangenirerua vê.
O Banebasi mo Saulo i Saipero
4Hoi, matena na Higona Apu ki bani hagatorangenirerua o Banebasi mo Saulo, karu so i Selusia, ma i ngekana karu tage igê na haka, karu râ tanga na marê i Saipero. 5Matena garu ata vê i Salamisi, ngairerua karu ateate igê renia na tamasinga iana God igê na ruma ni sukuru iata na Siu. O Joane Mareko ki oga henirerua, ma ki tamanirerua igê na tagaraha iaterua.
6Ngaira ka hatare ka râ tanga i Papo i ta bogona na marê. Ma i ngekana ngaira ka tarahua igê na mane haritavo ma ki mangata, o BaraJesu ka na atana. Ngaia ki na Siu, ma ki poropete hagaparu. 7Ngaia na tamana koro na Gavumane igê na marê, o Seresio Paulo na atana, na mane tako. Na Gavumane ki unirerua o Banebasi mo Saulo i pasina, renia i obania, vi rongoa na tamasinga iana God. 8Mo BaraJesu, na mane i haritavo ma ki mangata, (i Agaia ka hêtana vi o Elima), ki urapusirerua. Ngaia ki uhungia, vi katoa na Gavumane, vi siana ki tongesuri. 9Ma na Higona Apu ki angaria o Saulo, ma ta na atana nikâ ka no Paulo. Ngaia ki bore rapurapu renia na mane i haritavo ma ki mangata, 10ma ki vi: “Igo o karena Satana! Go urapusigi na ara ni marâ koro! Go hagahagaparu tare ma ko era ngavê! Mego ko uhungia tare, vi go herigagi na tamasinga oto renia God! 11Na Araha raramohaga ki page hagaitangigo i ngekê. Ko page guru, ma ki asa, vi gu page bâsia na mavetana na tangiana, mataro me ki marava aporo na maamu.”
Ma ki parama na marâ i manga na roto hono, ma ki bara pusia na maana o Elima. Ma ngaia ki tatagara rârâ, ki uhungia, vi tarahua ta na enoni, hanana vi urua. 12Matena na Gavumane ki bâsia na tarana ngekana, ngaia ki tongesuri. Ngaia ki konetenia bâraha na hagesuringa renia na Araha.
O Paulo i Antioko i Pisitia
13O Paulo ma na tamana ka tage i Papo, ma ka râ me i Perega i Pamupilia. Mo Joane Mareko ki panirerua, ma ki aporo i Jerusaleme. 14Ngairerua karu râ nga tenia i Perega, ma karu râ me i Antioko i Pisitia. Ma igê na Tangiana ni Mamaroha ngairerua karu banu i ruma ni sukuru, ma karu oga so igê. 15Matena ta na enoni ki bani tomania hato na tomatomaha tenia na Buka na Ramata iana o Moise, ma tenigi na buka, ga bani segegi na poropete, na mane, ga onosuria na ruma ni sukuru, ka kasi tamasinga tangarerua o Paulo mo Banebasi, ka vi: “Goaku, igami kami obania, muru tamasi tangara na enoni, hanana muru hagaramonira.” 16O Paulo ki aharaga, ki bubuhira na enoni, ma ki haganega ki tamasi, ki vi:
“Goaku na Siu, ma igamu hato na enoni, mu pe Siu ma kamu rahesia God! Mu rongoê! 17Na God iata na Isiraelita ki atera na êvarita na Siu, ma inê na Siu, ma ki hagarakonira na Siu, matena ngaira ka oga mamahuara i Esipito. God ki torera hura tenia i Esipito, suria ngaia ki raramohaga hunia. 18Ma ngaia ki tamanira igê na bagamasusu raha surigi na harisi tangahuru ge he, henaka ga guguruga tanga. 19Ngaia ki hagamagahurura na apaneni me gi pi na enoni tenia i Kanani, ma ki vatera na kariana, ka nahunia na mako iata. 20Na matena hagenani ki na ararina na tangarê harisi ge he matara na tangahuru gi rima.
“Hemuri ngaia ki vatera na mane ni hagaotonga mataro me na matena iana o Samuele na poropete. 21Ma na matena ga obania tani na mane, vi ge maneraha iata, God ki kasia o Saulo, ki maneraha tangara surigi na harisi tangahuru ge he. Ngaia ki no karena o Kisi tenia na varo ninuni iana o Benamino. 22Ma hemuri God ki kasia hura o Saulo, ma ki kasia o Tavite, ki vora na maneraha iata. God ki tamasi renia vikê ki vi, ‘Inê kê girara, vi o Tavite, o karena o Jese, ngaia ki na mane koro, gê obania, renia ngaia ki page tanugi na ara ni marâ, gê obanigi.’ 23O Jesu ngaia nogana ki na raraha iana o Tavite, ma God ki atea, ki vora na Hagamauri iata na Isiraelita manga i bani surua. 24I nago, i mênga, vi ge arâ me o Jesu, o Joane i bani ateate tangara na Isiraelita hato, hanana vi ga urusi parongata era, ma ka batesimo. 25Ma na matena o Joane ki sugia ma, vi ge hatungia na tagaraha iana, ngaia ki vi tangara na enoni, ki vi, ‘Igamu kamu visia, vi o ti kani inê? Inê ki mareha nga, vi o vani mu naasia. Mu rongo! Ngaia ki mumuriê me, menê na mane gê pe koro. Tahema ki pe arariê, vi ve ruhasigi râ na buti i ugana.’
26“Goaku, igamu na raraha iana o Abaramo, ma igamu hato na enoni, mu pe Siu ma kamu rahesia God! Na taroha na vuripusiaka ngekê ki bani râ me tangagia. 27Renia na enoni, ga goga i Jerusaleme, ma na meraha iata ka pe girara, vi o Jesu ki na Hagamuri, ma nikâ ngaira ka pe rongogiraragi na tamasinga iata na poropete, ga tomanigi igê na ara ni Tangiana ni Mamaroha i ruma ni sukuru. Henaka, ma ngaira ka hagamonarigi na tamasinga iata na poropete, suria ga hagamesia o Jesu. 28Ma ki henaka, ma ngaira ka pe tarahua rârâ ta na marâ, vi ge tonga hunana, hanana vi ge nahuia suria, ma ngaira ka nungia o Pilato ki hagamesia. 29Ma na matena ga bani katogi hato na ara ni marâ, na Buka Apuna i visigi renia o Jesu, na kariana ka torea so tenia na kuruse, ma ka bagia igê na matiku. 30Ma God ki hagamêria aporo tenira na enoni, ga me. 31Ma surigi na tangiani rako ngaia ki hagabângenia marena tangara na enoni, ga bani takua rârâ i Galilea tanga i Jerusaleme. Ma i ngekê ngaira ka tarohenia tangara na Isiraelita. 32I ngekê igamirua kamuru torea me na Taroha Koro renia o Jesu tangagamu. God ki bani naka na suruha iana tangara na êvarita na Siu. 33Ma i ngekê ngaia ki bani hagamonaria noga na suruha iana tangagia, na Siu ma na enoni, ga pe Siu, suria ngaia ki bani hagamauria aporo o Jesu. Ma na ruata na ki apuna ki vi:
‘Igo nga ka no Kareku.
I ngekê inê kê vora o Vaemamu.’
34God ki hagamêria aporo o Jesu tenira na enoni, ga me, hanana i asa, vi ge page me nikâ. Ma renia na tarana ngekê God ki vi vikê:
‘Inê be vatego na marâ koro,
gê bani tohe ma kê surugi tanga o Tavite.’
35Ma ngekê ta agua getea i rarona na Buka Apuna ki vi:
‘Ma ko page usi,
vi ge kakaga na kariamu koro.’
36Renia o Tavite igê na matena i mauri mênga ngaia ki tanugi na marâ, God ki katogi. Ma hemuri ngaia ki me, ma ka bagia henira na êvarina, ma na gahuana ki kakaga. 37Ma na ani, God i hagamêria aporo tenira na enoni, ga me, ki asa, vi ge page kakaga na gahuana. 38-39Goaku, i tuguhigamu hato, mu girara bâkoro, vi igamirua kamuru ateate tangagamu renia na taroha, vi God ki bonotenigi na tasi iami renia o Jesu. I tuguhigamu, mu girara, vi na ara ni hitangimi, i tongesuria o Jesu, ki aharupa tenigi na tasi hato, na Ramata iana o Moise ki asa, vi ge rupasigi tenigamu. 40Mu hinaru, siana ka tarahugamu na marâ, ga bani visigi na poropete, ka vi:
41‘Mu rongo, igamu mu heheriga!
Mu konekone ma kamu magahuru!
Renia igamu kamu usi,
vi gamu tongesuria na tagaraha,
gê katoa i pasimi,
henaka ta na enoni ki ramatenia tangagamu.’”
42Matena o Paulo mo Banebasi karu hura tenia na ruma ni sukuru, na enoni ka nungirerua, vi garu page arâ me nikâ igê na Tangiana ni Mamaroha i muri, hanana vi garu hagarongora nikâ renigi tani na marâ, garu kahu visigi. 43Bevoana na enoni ka sukuru hato, rako na Siu ma na enoni, ga pe Siu, ka râ surirerua o Paulo mo Banebasi. Na aposotolo karu tamasi tangara, ma karu kanukanura, vi ga ama ni hagêguritogo nga renia na korohana God.
44Igê na Tangiana ni Mamaroha i muri ka hagarangia, vi na enoni hato i hinua kani ga râ me, ka rongoa na tamasinga iana na Araha. 45Matena na Siu ka bâsira na hakuta raha na enoni, ngaira ka hengari ngavê. Ngaira ka tamasi ka haritohea na marâ, i visia o Paulo, ma ka guharia. 46Henaka i manga ngekana, ma o Paulo mo Banebasi karu pe magu, vi garu tamasi ramo, karu vi: “I tuguhigamirua, muru tamasia hagenago na tamasinga iana God tangagamu. Ma suria igamu kamu usitenia, ma kamu takusia, vi na mêriha mora ma tarema ki pe ararigamu, tahema igamirua kamuru hatohato tenigamu, ma kamuru arâ tangara na enoni, ga pe Siu. 47Suria na Araha ki bani bonasigamirua vikê, ki vi:
‘Inê kê hagatorangenigo,
ko mavesigi na obata na enoni,
ga pe Siu,
hanana na enoni hato i maveta
ka page tahi renigo.’”
48Matena na enoni, ga pe Siu, ka rongo vikana, ngaira ka vagevage, ma ka visia raha God renia na tamasinga iana. Ma ngaira na enoni, God i bani atera, hanana vi ga page nahunia na mêriha mora ma tarema, ngaira ka tongesuri.
49Na tamasinga iana na Araha ki râhigi na ara ni hinua i na apanena ngekana. 50Ma na Siu ka hagatagetagera na maneraha ni hinua ma na gete raha ni ruruguha, ga pe Siu ma ka rahesia God, hanana vi ga rêra pusirerua. Ngaira ka haganeaga ka hagamamasiaga apeterua o Paulo mo Banebasi, ma ka pairerua hura tenia na apanena iata. 51Na aposotolo karu kangikangi uga, hanana ngaira ka girara so, vi ngaira ka pe koro, ma karu râ igê na hinua i Ikonio. 52Na enoni i hinua i Antioko, ga tongesuri, ka vagevage bâraha, ma na Higona Apu ki angarira.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2011 Bible Society of the South Pacific