Zacarías 1
1
Na'su Chiga tise aindeccuma ttu'se
1Na'su Darío, tise manda'je'cho canqque'fa dos, ccovu ochove, tsu Na'su Chigaja Chiga Aya'fama afa'su Zacaríasnga condase. Nane Zacarías yaya tsu Berequías, tsa Ido dutssi'ye.
2-3“Ña, Na'su Osha'choma Oshacho'cho Chiga gi que'i tayopisundeccu'yema tsain'bitsse iyicca'ye. Tsa'cansi ja'ño ña aindeccunga qquen suja: ‘Que'i ñanga ccase ji'fasi gi toequi que'inga jiya. Ña, Na'su gi que'inga conda. 4Que'i tayopisundeccu'ye tsonqquia'caen tson'fajama. Nane ña Aya'fama afasundeccu tayópi ña su'choma conda'fa cuintsu tise'pa egae tsincon'choma cati'faye. Tsa'ma tsa'caen conda'fa'ni'qque tsendeccuja ñama paña'fambi ni ña suqquia'caen tson'fambi. Ña, Na'su gi que'inga conda. 5Tsa'ma ¿mani tsu que'i tayopisundeccu'ye ja'ño can'jen'fa? ¿Chiga Aya'fama afasundeccuta ti tsangae canse'faya? Nane poiyi'cco tsu tayo pa'fa. 6Tsa'ma tsendeccu'yema ña in'jaensi afa'fasi tsu jai'ngae que'i tayopisundeccu'yeja ña manda'cho, ña su'choma'qque paña'fa. Pañamba tise'pa egae tsincon'choma catipa ñani ji'fa. Pañamba tsu in'jan'fa ña, Na'su Osha'choma Oshacho'cho Chiga tsa'caen tise'pa egae tsincon'chone vanae'jen'chove.’ ”
S'ha seleccionat:
Zacarías 1: con
Subratllat
Comparteix
Compara
Copia
Vols que els teus subratllats es desin a tots els teus dispositius? Registra't o inicia sessió
© 1998, Wycliffe Bible Translators, Inc. All rights reserved.