Job 8
8
1Tsonsi faesu amigo, Bildadja, qquen su:
2¿Mi'nge'e qui ya'caen injanga afa'jeya?
Aqquia fingian quian'me fingianqquia'caen qui afa'je.
3Chiga Osha'choma Oshacho'choja tsangae tansintssia've in'jamba
minguite'qque tise in'jamba antte'choma pasaeña'mbi.
4Ñoa'me que dutssiyendeccu Chiganga egae tsinconsi tsu
Tiseja antte cuintsu tsa'caen ñoa'me vana'faye.
5Tsa'ma Chiga, tsa Osha'choma Oshacho'chove tta'ttapa
tisema iñajanjan cuintsu quema mendeyeye.
6Nane que tansintsse in'jamba tsa'caen ñotsse tson'ninda tsu
Tiseja ñotssipa quema ñotsse in'jamba
ccase quembe jinchonga quema ccutsiaña.
7Que tayopi an'bian'cho re'riccoqquia'caen tsu attiaña.
Nane tsama ñoa'me ti'tsse joccapitssia tsu
que jai'ngae isupa an'biaña'cho.
S'ha seleccionat:
Job 8: con
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 1998, Wycliffe Bible Translators, Inc. All rights reserved.