Isaías 61
61
Israelma ccushaeñe condase'cho
(Lc 4.18-19)
1Na'suja tisumbeve ñama ttu'sesi
tise Qquendya'pa tsu ñama in'jaemba manda
va ñotsse condase'choma va'chandeccunga candusiañe.
Ñama manda injama'choni ñombi'yesundeccuma ccushaeñe.
Ñama manda indiye'chondeccunga tise'pama ccupaya'chone condaye.
Nane picco'je'ttima fettasi jaya'chone gi condaseya.
2Na'su tsu a'ima in'jamba ja'ño canqque'fa fuite'je.
Ja'ño a'ta'qque tsu Chiga ingima egae tsonsundeccuma vanaeña.
Ñama tsu manda ñombi'yesundeccuma ñoquiañe.
3Ñama tsu manda Zión canqque'su ñombi'yesundeccuma cusepa'ye somboemba
ño'an otifaccuma afeqquia'caen afeye.
Ñama tsu manda ina'jen'choma samboemba ñome'bai'ccu ño'mianqquia'caen avujaeñe.
Toya'caen ñama manda oshambipa noñangiañe'suma avujaensi cuintsu settapoen'faye.
Tisema tsu “Ta'etssia ñotssia quini'cco” qquen afa'faya.
Nane Na'su Chiga tise'pama jonsi tsu tise ñotssiama canjaen'faya.
S'ha seleccionat:
Isaías 61: con
Subratllat
Comparteix
Compara
Copia
Vols que els teus subratllats es desin a tots els teus dispositius? Registra't o inicia sessió
© 1998, Wycliffe Bible Translators, Inc. All rights reserved.