JOWEL 3
3
1Bugol kayni nan ma was ŋusta vanu
goy kay sumun kafe.
Joriyona hiɗi guro-boyna vigiya,
ma di kay slen ma voksina.
Sa maariyana vigiya duwayt ma disiya,
sa gurayna vigiya slen ma vul tuwam kirsiya.
2Sa gorvona van ɦawa kaw,
nan min was ŋusta van goy tisiya,
sa jufayna hiɗi sa boyn kaw.
3Nan ma li ɗekka kulo hay dukalawna,
gaa kay nagat kaw,
nigi ma wi busuwna; kuta, hiɗi nuk ma pat kamu.
4Fatta ma muɗ goy jufunu,
tilla ma muɗ goy busuwu,
kayni ma li'e jew mata vi Ma-Vatɗina.
Fatta ŋolda ta ɦuyum kuɗa'ta.
5Hay buur namna ɗawni,
sa ma yi sem Ma-Vatɗinawana,
nam ma fi su'da.#3:5 Ɗuw Lop Ap 2:15-17.
Su'da ma co'o kay hiɗiyta vi Siyon,
hay Yerusalem kaw.
Ki Ma-Vatɗin di nala,
sa hin kuɗsina Ma-Vatɗin min vulsi yita.
S'ha seleccionat:
JOWEL 3: Massana
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
BIBALDA TA PELDETTA © L'Alliance Biblique du Cameroun, 2001