Ef 3
3
Li xk'anjel laj Pablo sa' xyanqeb' li maawa'eb' aj Judiiy
1Jo'kan naq laa'in laj Pablo wankin chi preexil sa' xk'ab'a' li Kriist xb'aan eeraab'al laa'ex li maawa'ex aj Judiiy. 2Ak xerab'i resil link'anjel k'eeb'il we cho'q eere laa'ex, xb'aan xnimal rusilal li Yos. 3Nekenaw naq kik'utb'esiik chiwu li muqmuukil na'leb', jo' chanru li toja' xintz'iib'a b'ayaq eerik'in. 4Rik'in rilb'al xsa' li xintz'iib'a, teetaw xyaalal li k'aru ninnaw chirix li muqmuukil na'leb' a'an, li kitz'aqlok ru rik'in li Kriist. 5Sa'eb' li kutan ke'numje'k chaq ink'a' kik'utb'esiik chiruheb' li tenamit jo' naq xk'utb'esiik anaqwan chiruheb' li xsantil apóstol li Yos ut eb' li propeet, xb'aan li Musiq'ej.
6A'an a'in li muqmuukil na'leb': naq chixjunileb' li tenamit te'reechani li rosob'tesihom li Yos, junajeb' aj chik chi tz'ejwalej rik'ineb' laj Israel, wotz te'tz'aqonq sa' li xyeechi'om li Yos, sa' xk'ab'a' li Kristo Jesus. 7Ut anaqwan xaqab'anb'ilin cho'q aj k'anjel chirix li Chaab'il Esilal a'in, jo' chanru linmaatan k'eeb'il we rik'in xnimal rusilal li Yos xb'aan xkawilal li xwankil.
8Laa'in, li q'axal kub'enaq inwankil chiruheb' chixjunil laj santil paab'anel, xinmaatani li k'anjel a'in: xpuktesinkil resil li xchamal xsasal li xb'ihomal li Kriist reheb' li maawa'eb' aj Judiiy, 9ut xch'olob'ankil chanru naq yo chi tz'aqlok ru li tz'aptz'ookil na'leb' muqmu chalen chaq q'e kutan rik'in li Yos, laj yoob'tesihom re chixjunil. 10Chi jo'kan, sa' xk'ab'a' li Iklees, nak'eemank chi nawe'k anaqwan li xnimal xk'a'uxl li Yos chiruheb' li wankeb' xwankil ut neke'taqlank sa' li choxa, 11jo' chanru kixk'uub' li Yos chalen chaq q'e kutan ut kixb'aanu moqon sa' xk'ab'a' li Kristo Jesus, li Qaawa'. 12Qochb'een li Kriist ut rik'in xpaab'ankil A'an kaw qach'ool chi ok rik'in li Yos chi maak'a' qaxiw. 13Jo'kan utan, nintz'aama cheru naq mich'inank leech'ool xb'aan li raaxiik' yookin chi xk'ulb'al cherix laa'ex, xb'aan naq a'an a'in leeloq'al.
14Jo'kan naq ninwiq'ib' wib' chiru li Yuwa'b'ej, 15a'an li xyo'leb'aal chixjunil li komonil sa' choxa ut sa' ruuchich'och', 16re naq tixk'e eere, jo' chanru li xnimal xloq'al, naq kawaq eech'ool ut k'uub'kuuq leeraanm xb'aan li xMusiq'. 17Li Kriist chihilanq sa' leeraanm sa' xk'ab'a' li paab'aal. Chexe'eni ut cherub'ela eerib' sa' li rahok, 18ut chi jo'kan teetaw ru eerochb'eeneb' chixjunil laj santil paab'anel chanru li xnimal ru, li xteram, li xnimal roq ut li xchamal li qaraab'al xb'aan. 19Nintz'aama chiru li Yuwa'b'ej naq teenaw li xrahom li Kriist li naxq'ax ru chixjunil li qak'a'uxl, re naq nujenaqaqex rik'in chixjunil li xchaab'ilal li Yos toj taatz'aqloq ru li Kriist eerik'in.
20Li Yos li wank xwankil re xb'aanunkil chixjunil chi numtajenaq chik chiru li naqatz'aama malaj naqak'oxla, jo' chanru li xkawilal yo wi' chi k'anjelak qik'in, 21rehaq taxaq A'an li loq'al sa' li Iklees ut rik'in li Kristo Jesus, sa' xyanqeb' chixjunil li xteepaleb' li ruuchich'och' chi junelik q'e kutan. Jo'kan taxaq.
S'ha seleccionat:
Ef 3: QQC
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Q'eqchi DC Bible © Bible Society in Guatemala, 2005.
Ef 3
3
Li xk'anjel laj Pablo sa' xyanqeb' li maawa'eb' aj Judiiy
1Jo'kan naq laa'in laj Pablo wankin chi preexil sa' xk'ab'a' li Kriist xb'aan eeraab'al laa'ex li maawa'ex aj Judiiy. 2Ak xerab'i resil link'anjel k'eeb'il we cho'q eere laa'ex, xb'aan xnimal rusilal li Yos. 3Nekenaw naq kik'utb'esiik chiwu li muqmuukil na'leb', jo' chanru li toja' xintz'iib'a b'ayaq eerik'in. 4Rik'in rilb'al xsa' li xintz'iib'a, teetaw xyaalal li k'aru ninnaw chirix li muqmuukil na'leb' a'an, li kitz'aqlok ru rik'in li Kriist. 5Sa'eb' li kutan ke'numje'k chaq ink'a' kik'utb'esiik chiruheb' li tenamit jo' naq xk'utb'esiik anaqwan chiruheb' li xsantil apóstol li Yos ut eb' li propeet, xb'aan li Musiq'ej.
6A'an a'in li muqmuukil na'leb': naq chixjunileb' li tenamit te'reechani li rosob'tesihom li Yos, junajeb' aj chik chi tz'ejwalej rik'ineb' laj Israel, wotz te'tz'aqonq sa' li xyeechi'om li Yos, sa' xk'ab'a' li Kristo Jesus. 7Ut anaqwan xaqab'anb'ilin cho'q aj k'anjel chirix li Chaab'il Esilal a'in, jo' chanru linmaatan k'eeb'il we rik'in xnimal rusilal li Yos xb'aan xkawilal li xwankil.
8Laa'in, li q'axal kub'enaq inwankil chiruheb' chixjunil laj santil paab'anel, xinmaatani li k'anjel a'in: xpuktesinkil resil li xchamal xsasal li xb'ihomal li Kriist reheb' li maawa'eb' aj Judiiy, 9ut xch'olob'ankil chanru naq yo chi tz'aqlok ru li tz'aptz'ookil na'leb' muqmu chalen chaq q'e kutan rik'in li Yos, laj yoob'tesihom re chixjunil. 10Chi jo'kan, sa' xk'ab'a' li Iklees, nak'eemank chi nawe'k anaqwan li xnimal xk'a'uxl li Yos chiruheb' li wankeb' xwankil ut neke'taqlank sa' li choxa, 11jo' chanru kixk'uub' li Yos chalen chaq q'e kutan ut kixb'aanu moqon sa' xk'ab'a' li Kristo Jesus, li Qaawa'. 12Qochb'een li Kriist ut rik'in xpaab'ankil A'an kaw qach'ool chi ok rik'in li Yos chi maak'a' qaxiw. 13Jo'kan utan, nintz'aama cheru naq mich'inank leech'ool xb'aan li raaxiik' yookin chi xk'ulb'al cherix laa'ex, xb'aan naq a'an a'in leeloq'al.
14Jo'kan naq ninwiq'ib' wib' chiru li Yuwa'b'ej, 15a'an li xyo'leb'aal chixjunil li komonil sa' choxa ut sa' ruuchich'och', 16re naq tixk'e eere, jo' chanru li xnimal xloq'al, naq kawaq eech'ool ut k'uub'kuuq leeraanm xb'aan li xMusiq'. 17Li Kriist chihilanq sa' leeraanm sa' xk'ab'a' li paab'aal. Chexe'eni ut cherub'ela eerib' sa' li rahok, 18ut chi jo'kan teetaw ru eerochb'eeneb' chixjunil laj santil paab'anel chanru li xnimal ru, li xteram, li xnimal roq ut li xchamal li qaraab'al xb'aan. 19Nintz'aama chiru li Yuwa'b'ej naq teenaw li xrahom li Kriist li naxq'ax ru chixjunil li qak'a'uxl, re naq nujenaqaqex rik'in chixjunil li xchaab'ilal li Yos toj taatz'aqloq ru li Kriist eerik'in.
20Li Yos li wank xwankil re xb'aanunkil chixjunil chi numtajenaq chik chiru li naqatz'aama malaj naqak'oxla, jo' chanru li xkawilal yo wi' chi k'anjelak qik'in, 21rehaq taxaq A'an li loq'al sa' li Iklees ut rik'in li Kristo Jesus, sa' xyanqeb' chixjunil li xteepaleb' li ruuchich'och' chi junelik q'e kutan. Jo'kan taxaq.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Q'eqchi DC Bible © Bible Society in Guatemala, 2005.