Tito 2
2
Cuajica panaitjaca napjeyale naji iglesia irsuperri
1Mitsa pjia Tito, pirsutsa picananta matsia mayacantsa. 2Picaite pinaiwa njaji atsianai pekipenaina najicarru nawapaca ljiaji nacaulre matsia, matupitetacana-perricatsana nafiucapua naiwana, yuufacape cayuji cajikjeperrishu; icadacape icaolreo matsia, ipeyucape naikitsiñape njite narsutsa natarrawataca. 3Caitsakja, njaji inaitjepe pekipenaina narsutsa nacañjatacacawa sheepacaperrina Dios yacu matsia, macaitepekjeperritsa, madewanacaperritsa. Narsutsa nacañjataca nacaparru naicaona 4njite nacanantacarru njaji yempetipetua napeyucarru nanirrinai njite neenipe tsakja, 5nawaopicarru naicao naufaacarru matsiawa, njeepacarru cuanca nanirrinai icaiteca, nawapacarru matsia naapana njite icamitsa nawaopiakjeca nanaitjaca caiji Dios ipeyucapishu, curricarruatsa mashi cacuca apada lrinacu ljiaji Dios yacu.
6Caitsakja njaji atsianai yempetipetua picaitena nawaopicarru naicao naufaacarru matsiawa 7pjiumi-nacu, njite pjiatsa picañjata nacapacarru naico cuajica panaitjaca matsia. Picanantacadanacuatsa, pinaitjautsani picaulre ajadalri maupitjadalri yapiya, 8picanantautsa ljiaji ajadalri, curricarruatsa cacuna maashi linacu ljiaji picanantalri. Carrucarruatsa naicao njaji jipundatacape faa, njite curriwatsa cuca nacaite mashidalri wanacu.
9Picaitetsakja njaji irsucape iminanai njeepacarru naminanai yacu pjiumi-nacu; catimacarru nadejica narsu curricarru njeepaca naapiya. 10Curricarru nañaito naminanai, mitsa nacadacarru nacapa ljiaji matsiadalri nanakjuite pjiumi nacu, nacañjatacarrutsakja nacapa matsiadalrica ljiaji lriacu ljiaji Waminalri Dios Iyumjetacaita.
11Ima Dios icadenina wacapa lrimatsiaca, lrishu ljiaji yumjecai lricadali narsu pjiumi naji inaiki. 12Njite ljiaji matsiadalri lrinaitjalri warsu lricadaca feenitacao lriuya ljiaji jalredauca imashicana njite lriuya ljiaji wawaopiakje upidalrim icadacada waumaca wacatimataca wadada, wataitacarruatsa waufaca canjikeperrishu wanaitacarru ljiaji mayacandalri njite wadejicarru lrisru, 13wawapacadanatua wacapacarruatsa wacapa ljiadawatsa catimacafaa lrinucadanacuatsa melemeledalishu ljiaji wa-Dioste macadali njite Iyumjetacaita Jesucristo. 14Lricadacau mayamicarrun waikjaote, ljitacarru faa lriuya ljiaji maashidalri, lricutsucarru faa lriuya pjiumi ljiaji wamashicana njite lricadacarru lrinaikitecarru faa wacadacacarrua wanaitjacarru ljiaji idejikjeti matsiadalri#Ex 19:5; Dt 4:20.
15Icatsa ljiaji pisrulritsautsa picanantaca, picatimatacarru njite pimayacantacarru kjaida pinaiwana caiji cacunadalrishu. Curriwatsa apada itaita imacuadataca pjia.
S'ha seleccionat:
Tito 2: kpc
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2025 CLAN
© 2025 Seed Company