Rom-noba 3
3
1Ka a naŋ waa lɛ boŋ tɔnɔ ka a Gyuu neɛ taa? Bee boŋ tɔnɔ ka dɛgre iruu taa? 2#Rom 9:4; Begɛ 4:7-8; Yiel 147:19-20 A taa la tɔnɔ yaga yɛlɛ zaa poɔ. Bonso, a Gyuumine la ka Naaŋmen da daŋ de O yelbiri tere ka ba kaara o zu. 3#Rom 9:6; 11:29; 2 Tim 2:13 Boŋ na e ka ba mine ba wa taa yelmeŋɛ? A yeldeebo ba naŋ ba taa na toɔ̃ sãã la Naaŋmen yelmennoŋ bare be? 4#Yiel 116:11; 51:4 A koŋ baŋ waa a lɛ! Aneazaa ka neɛzaa waa la ziriŋmaara, kyɛ Naaŋmen eŋ taa la yelmeŋɛ, aŋa ba naŋ da sɛge lɛ,
“Ka ka fo na nyɛ yelmennoŋ yi a fo yelbie poɔ,
ka fo deme bebe a fo sɛrɛɛdiibu poɔ.”
5Kyɛ ka te yelmeŋɛ bataabo wa vɛŋ ka Naaŋmen yelmennoŋ sãã, te na yeli ka boŋ? Ka Naaŋmen ba taa yelmeŋɛ ne O naŋ de O supuriyaaraa dɔgle te be? (N yelee yɛlɛ aŋa nensaala). 6A koŋ baŋ waa lɛ togitogi! Ka lɛ naane wola ka Naaŋmen na toɔ̃ di a andonɛɛ sɛrɛɛ? 7Kyɛ ka n zirii ŋmaabo wa vɛŋ ka Naaŋmen yelmennoŋ e ka O puubu duoro zu, bonso ka ba naŋ kyɛnɛ derɛ saanaa dɔglɔ ma aŋa yelbe-erɛ? 8#Rom 6:1-2 Ka bonso ka te koŋ yeli (aŋa noba mine naŋ saana te yuori ka tenee la yele), “Yɛ vɛŋ ka te erɛ yelfaare ka ka yelsonne wa”? A saanaa ba naŋ de duori ba seŋ ne ba la!
Neɛzaa Ba Waa Meŋɛ
9 #
Rom 1:18—2:24
Boŋ pãã la? Tenee mɔɔ eŋ seɛɛ la be? Ai, a ba waa lɛ togitogi zaa; bonso, te daŋ wulee la ka Gyuumine ane Girik noba zaa be la yelbebe kpeɛ̃õ puliŋ, 10#Yiel 14:1-3; 53:1-3 aŋa ba naŋ da sɛge lɛ:
“Neɛzaa kyebe a e nemmeŋɛ, nen-yeni gba kyebe;
11neɛzaa kyebe a taa yelbammo,
neɛzaa kyebe a boɔrɔ Naaŋmen.
12Nensaalba zaa bɔrɛɛ la, ba zaa laŋ la taa a leɛ noba naŋ ba taa tɔnɔ;
neɛzaa kyebe a zoro nembaaloŋ,
nen-yeni gba kyebe.”
13 #
Yiel 5:9; 140:3 “A ba kɔkɔpoɔ waa ŋa yaare naŋ yuo gaŋ;#3:13 Kɔkɔpoɔ Waa Ŋa Yaare Naŋ Yuo Gaŋ: A Gyuumine kɔkɔre poɔ, a yeluu ŋa tɛgɛ la: o soba noɔre yelyelii maŋ ko la kũũ.
ka ba bɛllɛ noba ne ba zelɛ.”
“Ba nɔɛ zɛle ne la dompane logi.”
14 #
Yiel 10:7
“Ba nɔɛ paale ne la kaa-emmo ane nɔtuo.”
15 #
Aza 59:7-8
“Ba gbɛɛ maŋ e la foɔ̃o ka ba te kyiri zẽẽ;
16saamo ane laadimee be la ba sobie poɔ,
17kyɛ ka ba ba baŋ a emmaaroŋ sobiri.”
18 #
Yiel 36:1
“Ba ba zoro Naaŋmen togitogi zaa.”
19 #
Rom 2:12
Pampana ŋa te baŋ ka bonna zaa a bege naŋ yele, o yele korɔ la banaŋ naŋ da be a bege puliŋ, ka ka noɔre zaa na pɔge, kyɛ ka Naaŋmen di a andonɛɛ zaa sɛrɛɛ. 20#Yiel 143:2; Gal 2:16; Rom 7:7 Bonso, “nensaala zaa koŋ nyɛ mennoŋ Naaŋmen zie” a yi a tontonne a bege naŋ manne biŋ eŋɛ, bonso, a bege zie la ka yelbieri bammo maŋ yi.
Mennoŋ Naŋ Yi Yeldeebo Eŋɛ
21 #
Tom 10:43
Kyɛ pampana ŋa, a yi a bege puoriŋ, a Naaŋmen mennoŋ yi sããɛ la, ka a bege ane a Ŋmen-yelmanneba da di a danseɛ; 22Naaŋmen wuli la O mennoŋ a ko banaŋ zaa naŋ taa yeldeebo a Yeezu Kirista eŋɛ, bonso, tɛɛtɛɛ zaa ba kyebe. 23#Rom 3:9; 3:19; 5:2 A naŋ ta ka nensaalba zaa e la yelbieri a waa tɔɔre ne Naaŋmen veɛloŋ; 24#Rom 5:1; Efe 2:8 ŋaa ba nyɛ la mennoŋ naŋ waa kyɔɔtaa yi Naaŋmen garaaseɛ poɔ. O da e la a ŋaa yi a faabo naŋ be a Kirista Yeezu eŋɛ, 25#Bag 16:12-15; Hib 4:16 Ona la ka Naaŋmen iri tere ka ba maale ne bagre ka O zẽẽ yɔɔ yelbebe sane ko a banaŋ naŋ taa yeldeebo. A Naaŋmen da e la a lɛ ka O wuli O mennoŋ, bonso, a O Naaŋmennoŋ kannyiri zuiŋ la ka O da di suuri ko nensaalba yelbebe zaa ba naŋ da e; 26a da eɛɛ la ka a wuli a zenɛ ŋa ka Naaŋmen waa la meŋɛ, a korɔ banaŋ naŋ taa yeldeebo a Yeezu eŋɛ mennoŋ.
27 #
1 Kor 1:29; 1:31 A pɔloo eebo tɛgɛ pãã la boŋ? A ba taa tɛgɛ. Boŋ tɔ bege la? Toma tommo poɔ la be? Ai, a yeldeebo bege la ka te na tuuro. 28#Gal 2:16 Bonso, tenee sage deɛ la ka neɛ maŋ leɛ la nemmeŋɛ yi o soba yeldeebo eŋɛ, kyɛ a ba e o soba toma zuiŋ, aŋa lɛ a bege naŋ yeli. 29#Rom 10:12 Bee a Naaŋmen e la a Gyuumine yoŋ Naaŋmen? O mɔɔ ba e a Girik noba meŋ Naaŋmen be? Serɛzaa Naaŋmen waa la a Nemboore-yobo meŋ Naaŋmen, 30#Rom 4:11-12 a naŋ pãã waa ka Naaŋmen e la yeni; ka Ona la na e ka banaŋ ba naŋ iri ba dɛgre e nemmenne a yi ba yeldeebo eŋɛ, kyɛ e ka a banaŋ meŋ ba naŋ ba iri ba dɛgre leɛ nemmenne a yi a yeldeebo na ne o zu. 31#Rom 3:21; 4:3; 8:4; Mat 5:17 Te mɔɔ pãã de a bege lɔɔ bare a yeldeebo ŋa zuiŋ be? A koŋ baŋ waa lɛ togitogi! Kyɛ te na maaleŋ tuuro la a bege.
S'ha seleccionat:
Rom-noba 3: DGA
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Dagaare First Bible © The Bible Society of Ghana, 2025.