Matio 3
3
A Gyɔɔn Babtis Naŋ Moɔle A Yeezu Waabo Yɛlɛ
(Mak 1:1-8; Luk 3:1-18; Gyɔɔn 1:19-28)
1 #
Luk 1:13
A bebie na poɔ, Gyɔɔn Babtis da yi la a Gyudiya wɛgyɛŋ poɔ, a moɔlɔ yele: 2#Mat 4:17 “Yɛ leɛ yɛ eebo, bonso, a tenvelaa#3:2 Tenvelaa: A Kiristabiiri mine maŋ boɔle la a yelbiri ŋa ka Dapare. naaloŋ peɛlɛ la.” 3#Aza 40:3; Gyn 1:23 A Gyɔɔn yɛlɛ la ka a Ŋmen-yelmanna Azaaya da daŋ yeli:
“Neɛ kaŋ kɔkɔre ŋmeɛrɛ la kpɛlle a wɛgyɛŋ poɔ:
‘Nare a Daana sori,
maale O sobie ka a tori.’ ”
4 #
2 Nam 1:8
A Gyɔɔn da su la bontaŋ kɔɔloŋ kparoo kyɛ seɛ gane bɛlɛnte#3:4 Bɛlɛnte: A dakoroŋ saŋ ba da boɔlɔ la a bɛlɛnte ka Kpagre o seɛŋ. Sensobo ane tammalaara da la o bondirii. 5Lɛ la ka Gyeruzɛlɛm ane Gyudiya tenne noba ane Gyɔɔdan baa fɔŋ noba zaa da yire gɛrɛ o zie, 6a kyiire ba yelbebe kyɛ ka a Gyɔɔn ko ba suobu a Gyɔɔdan baa poɔ.
7 #
Mat 12:34; 23:33 Kyɛ o naŋ da wa nyɛ a Faraziimine ane Sadusiimine yaga naŋ waana ka o ko ba suobu, o da soore ba la, “Yɛnee dompane boorɔ ŋa! Nembuo la kpãã yɛ ka yɛ zo muri a Naaŋmen supuriyaaraa na naŋ waana? 8Yɛ wɔŋ wɔnveɛle naŋ wuli ka yɛ sereŋ leɛ la yɛ eebo.” 9#Rom 2:28-29; 4:12; Gyn 8:33; 8:39 Yɛ daŋ ta wa teɛre ŋaa yeluu yɛmenne zie, “Aboraham la te sããkoma”; maa yele korɔ yɛ, Naaŋmen na toɔ̃ e la ka kubo ama leɛ biiri a ko Aboraham. 10#Luk 13:7-9 Haali pampana ŋa a lare tare la a teere seɛŋ. Azuiŋ teɛ na zaa naŋ ba wɔnɔ wɔnveɛle, ba na kyɛ o la ŋmaa lɔɔ eŋ vũũ poɔ.
11 #
Gyn 1:26-27; 1:33; Tom 1:5 “N korɔ yɛ la suobu ne koɔ̃, yɛ yelbebe poɔ leɛ yiibu zuiŋ, kyɛ a soba na naŋ tu n puori waana taa la kpeɛ̃õ gaŋ ma. N gba ba seŋ ne O nɔɔteɛ detaabo. O na ko yɛ la suobu ne a Vooroŋ Soŋ ane vũũ. 12#Mat 13:30 O kayeɛl-ŋmane be la O nu poɔ, ka O na yeɛle O kyi a wuo eŋ bugo poɔ, kyɛ gbaale a ka-uri lantaa nyege vũũ naŋ ba kpiire poɔ.”
Yeezu Suobu Deebo Yɛlɛ
(Mak 1:9-11; Luk 3:21-22)
13Lɛ la ka a Yeezu da yi Galili a gaa Gyɔɔn zie a Gyɔɔdan baa poɔ ka o te ko O suobu. 14A Gyɔɔn da ba sagra ka o ko a Yeezu a suobu, kyɛ yele, “Maa la da seŋ ka fo ko ma suobu, kyɛ ka fo meŋ la wa n zie ka n ko fo suobu?” 15Kyɛ ka a Yeezu leɛ yelsɔge o, “Vɛŋ ka a e a lɛ pampana ŋa; bonso, lɛ la ka a seŋ ka te e ka mennoŋ zaa tu a tuubu.” Lɛ la ka a Gyɔɔn da sage. 16A Yeezu naŋ da wa de a suobu baare, a wa yire a koɔ̃ poɔ, daadaalɛ ka a saluoni yuo, ka O nyɛ a Naaŋmen Vooroŋ ka o sigre waana aŋa ŋmanee, a wa dɔɔ O zuŋ. 17#Mat 17:5; Aza 42:1 Ka kɔkɔre kaŋ yi sazu a yeli, “N Bidɔɔ la aŋa, N Poyɛŋ Bie, N poɔ pɛle ne O la yaga.”
S'ha seleccionat:
Matio 3: DGA
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Dagaare First Bible © The Bible Society of Ghana, 2025.