ᐋᐴᓯᑕᓖᑦ ᐱᓂᐊᕐᓂᖏᑦ 18
18
ᑯᕆᓐᑎᒥ
1ᑕᒪᑐᒪ ᑭᖑᕐᖓᒍᑦ ᐸᐅᓗᓯ ᐋᑎᓐᓯᒥᑦ ᐊᐅᓪᓚᕐᐳᖅ ᑯᕆᓐᑎᒧᐊᕐᓗᓂ. 2ᑕᕝᕙᓂᓗ ᑲᑎᓯᕗᖅ ᔫᑎᐅᔪᒥᒃ ᐊᑯᐃᓚᒥᒃ ᐊᑎᓕᖕᒥᒃ, ᐹᓐᑕᓯᒥ ᐃᓅᓕᕐᓯᒪᔪᒥᒃ, ᑕᕝᕗᓐᖓᕋᑖᕐᑐᕕᓂᖅ ᐃᑕᓕᒥᑦ ᓄᓕᐊᓂ ᐳᕆᓯᓚ ᐂᑉᐸᕆᓪᓗᒍ, ᐊᖓᔪᖅᑳᕐᔪᐊᑉ ᑲᓚᐅᑎᐊᓯᐅᑉ ᔫᑎᓕᒫᑦ ᐊᐅᓪᓚᖁᓚᐅᕐᒪᒋᑦ ᕉᒪᒥᑦ. ᐸᐅᓗᓯᐅᑉ ᑕᑯᔭᕐᑐᕋᒥᒋᒃ; 3ᐱᓇᓱᐊᖃᑎᒋᓕᕐᐹᒃ ᓇᔪᕐᑎᒋᓪᓗᒋᒃ, ᑐᐱᓕᐅᕐᑎᐅᒐᒥᒃ ᑕᒪᕐᒥᒃ ᑐᐱᕐᓂᒃ ᓴᓇᓪᓗᑎᒃ ᓂᐅᕐᕈᑎᒃᓴᓕᐅᖃᑦᑕᕐᐳᑦ. 4ᐅᖃᖃᑎᖃᖃᑦᑕᕐᐳᖅ ᓴᐸᑎᐅᓕᕌᖓᑦ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓂ, ᑐᑭᓯᑎᓐᓇᓱᐊᕐᓗᒋᑦ ᔫᑎᑦ ᒍᕇᑭᓪᓗ.
5ᓮᓚᓯᒃᑯᒃ ᑎᒧᑎᒃᑯᒃ ᒫᓯᑑᓂᐊᒥᑦ ᑎᑭᒻᒪᑎᒃ, ᐸᐅᓗᓯ ᐊᔪᕆᕐᑐᐃᖏᓐᓇᕐᓂᕐᓴᐅᓕᕐᐳᖅ ᑎᓕᔭᐅᑦᔪᑎᒥᓂᒃ, ᓇᓗᓁᔧᓪᓗᓂ ᔫᑎᓄᑦ ᔩᓱᓯᐅᑉ ᙭ᔅᑑᓯᐅᓂᖓᓂᒃ. 6ᑖᒃᑯᐊ ᐊᑭᕋᕐᑐᕐᒪᑕ ᐅᖃᕐᓂᕐᓘᑎᖃᕐᒪᑕᓗ ᐸᐅᓗᓯᒥᒃ; ᐊᓐᓄᕌᓂ ᐳᔪᕐᓗᖏᑦ ᐃᑦᓱᒃᐰᑦ ᐊᖏᖃᑎᒋᖏᒻᒪᕆᒃᓗᒋᓪᓗ ᐅᖃᐅᑎᕔᑦ, “ᑕᕐᓂᓯ ᐊᓯᐅᒃᐸᑕ ᐃᓕᑦᓯᓐᓂᒃ ᓇᖕᒥᓂᖅ ᐱᔭᕆᓂᐊᕐᐳᓯ! ᐅᕙᖓ ᐸᓯᔭᒃᓴᐅᓂᐊᓐᖏᓚᖓ. ᒫᓐᓇᒥᑦ ᔫᑎᐅᖏᑦᑐᑦ ᐊᔪᕆᕐᑐᖔᕐᓂᐊᓕᕐᐸᒃᑲ.” 7ᕿᒪᒃᑲᒥᒋᑦ ᐂᕗᖅ ᑍᑑᓯ ᔭᔅᑕᓯᐅᑉ ᐃᒡᓗᖓᓄᑦ, ᑕᕝᕙᓂ ᑐᔪᕐᒥᓕᕐᓗᓂ, ᑖᓐᓇ ᒎᑎᒧᑦ ᑐᒃᓯᐊᕐᐸᒃᑐᖅ, ᑖᑦᓱᒪ ᐃᒡᓗᖓ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᑦᑕ ᓴᓂᑦᑎᐊᖓᓃᑉᐳᖅ. 8ᑯᕆᔅᐸᓯ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓄᑦ ᐊᖓᔪᖅᑳᖑᔪᖅ, ᐊᑕᓂᕐᒧᑦ ᐅᒃᐱᓕᕐᐳᖅ, ᐃᒡᓗᒥᐅᖃᑎᓂ ᐃᓚᒋᓪᓗᒋᑦ; ᐅᓄᕐᑐᓪᓗ ᑯᕆᓐᑎᒥᐅᑦ ᐸᐅᓗᓯᐅᑉ ᐅᖃᐅᓯᖏᓐᓂᒃ ᑐᓴᕐᑐᑦ ᐅᒃᐱᓕᕋᒥᒃ ᐹᑉᑎᑕᐅᕗᑦ.
9ᐅᓐᓄᐃᑦ ᐃᓚᖓᓐᓂ ᐊᑕᓂᖅ ᐸᐅᓗᓯᒧᑦ ᐅᖃᕐᐳᖅ ᑕᑯᑎᑦᔪᑎᒃᑯᑦ, “ᓯᕘᕋᖏᓪᓗᑎᑦ, ᐊᔪᕆᕐᑐᐃᑐᐃᓐᓇᕆᑦ ᓄᖅᑲᕐᑍᓕᓗᑎᑦ; 10ᐃᓚᒋᒐᒃᑭᑦ, ᑭᓇᒧᓪᓘᓐᓃᑦ ᐅᐸᒃᑐᕐᑕᐅᓂᐊᓐᖏᓚᑎᑦ ᐊᓐᓂᕐᑕᐅᔭᕐᑐᕐᓗᑎᑦ, ᐊᒥᓱᓂᒃ ᐃᓄᖁᑎᖃᕋᒪ ᑕᕝᕙᓂ ᐃᒡᓗᒐᓴᖕᓂ.” 11ᑍᒤᒻᒪᑦ ᑕᕝᕙᓃᓚᐅᕐᐳᖅ ᐊᕐᕌᒍᒥᒃ ᐊᑕᐅᓯᕐᒥᒃ ᑕᖅᑭᓂᒡᓗ ᐱᖓᓲᔪᕐᑐᓂᒃ, ᒎᑎᐅᑉ ᐅᖃᐅᓯᖏᓐᓂᒃ ᐊᔪᕆᕐᑐᐃᓪᓗᓂ ᑖᒃᑯᓇᓂ.
12ᒑᓕᐅ ᐊᖓᔪᖅᑳᓐᖑᕐᑎᑕᐅᖕᒪᑦ ᐊᑬᐊᒥ, ᔫᑎᑦ ᑕᐱᕇᓕᓗᑎᒃ ᐸᐅᓗᓯ ᑎᒍᕚᑦ ᐃᖅᑲᕐᑐᐃᕕᖕᒧᓪᓗ ᐱᑎᑉᐹᑦ. 13ᐅᖃᕐᓗᑎᒃ, “ᐅᓇ ᐃᓄᖕᓂᒃ ᑐᒃᓯᐊᕐᑎᑦᓯᖃᑦᑕᕋᓱᒃᑐᖅ ᒎᑎᒧᑦ, ᐱᖁᔭᑦᑎᓐᓄᑦ ᐊᑭᕋᕐᑐᕐᑐᒥᒃ ᐊᑐᕐᓗᓂ.”
14ᐸᐅᓗᓯᓕ ᓂᓪᓕᕐᓂᐊᓕᕐᑎᓪᓗᒍ, ᒑᓕᐅ ᔫᑎᓄᑦ ᐅᖃᕐᐳᖅ, “ᑕᒪᓐᓇ ᐱᐅᖏᑦᑐᓕᓂᐊᓘᒃᐸᑦ ᐱᕋᔭᖕᓂᐅᒃᐸᓪᓘᓐᓃᑦ, ᐃᓕᑦᓯᓐᓄᑦ ᔫᑎᐅᔪᓯ ᓈᓚᒐᓱᐊᕋᔭᕐᐳᖓ, 15ᑭᓯᐊᓂ ᐅᖃᐅᓯᕐᓂᒃ ᐊᑎᕐᓂᒡᓗ ᓇᖕᒥᓂᕐᓗ ᐱᖁᔭᑦᓯᓐᓂᒃ ᐱᑦᔪᑎᒃᓴᖃᕐᑎᓪᓗᒍ, ᐃᓕᑦᓯ ᓇᖕᒥᓂᖅ ᐋᖅᑭᒐᓱᐊᓕᕐᓯᐅᒃ; ᐅᕙᖓᓕ ᑕᒪᒃᑯᓄᖓ ᐃᖅᑲᕐᑐᐃᔨᐅᔪᒪᓐᖏᓚᖓ.” 16ᑕᕝᕙᓐᖓᑦ ᐃᖅᑲᕐᑐᐃᕕᖕᒥᑦ ᐊᓂᖁᕔᑦ. 17ᑖᒃᑯᐊ ᓲᔅᑎᓃᓯ ᔫᑎᑦ ᑲᑎᒪᕕᖓᓐᓄᑦ ᐊᖓᔪᖅᑳᖑᔪᖅ ᑎᒍᕚᑦ, ᐃᖅᑲᕐᑐᐃᔪᑦ ᑕᑯᓐᓇᕐᑎᓪᓗᒋᑦ ᐊᓇᐅᓕᓕᕐᐹᑦ. ᒑᓕᐅᓪᓕ ᑲᒪᒋᓐᖏᓔᑦ.
ᐊᓐᑎᐅᑭᐊᒧᑦ ᐅᑎᕐᓂᖏᑦ
18 #
ᒨᓯᓯ ᓯᑕᒪᖏᑦ 6:18. ᑕᒪᑐᒪ ᑭᖑᕐᖓᒍᑦ ᐸᐅᓗᓯ ᑯᕆᓐᑎᒦᓚᐅᕐᐳᖅ ᐅᓪᓗᓂᒃ ᐊᒥᓱᓂᒃ, ᐅᒃᐱᕐᑑᖃᑎᒌᑦ ᕿᒪᓚᐅᕆᕔᑦ ᓯᕆᐊᒧᓪᓗ ᐅᒥᐊᕐᑐᕐᐳᖅ ᐳᕆᓯᓚ ᐊᑯᐃᓚᓗ ᐃᓚᒋᓪᓗᒋᒃ. ᑭᓐᑯᕆᐊᒥ ᐸᐅᓗᓯᐅᑉ ᓄᔭᓂ ᕿᐅᕐᑕᕐᐰᑦ, ᓱᓕᓂᐊᕐᓂᕋᕐᓗᓂ ᑍᒫᒃ ᐊᖏᕈᑎᖃᕐᓯᒪᒐᒥ. 19ᐃᐱᓲᓯᒧᑦ ᑎᑭᓐᓇᒥᒃ ᐃᓚᓂ ᐳᕆᓯᓚ ᐊᑯᐃᓚᓗ ᕿᒪᒃᐹᒃ; ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓄᐊᕐᓗᓂ, ᔫᑎᑦ ᐅᖃᖃᑎᒋᕔᑦ. 20ᐃᓄᐃᑦ ᐊᑯᓂᒃᑲᓐᓂᖅ ᑕᕝᕙᓃᖁᒐᓗᐊᕐᐹᑦ ᐊᖏᓐᖏᓔᓪᓕ; 21ᕿᒪᓕᕋᒥᒋᑦ ᐅᖃᐅᑎᕔᑦ, “ᒎᑎ ᐱᖁᔨᒃᐸᑦ ᐃᓕᑦᓯᓐᓄᑦ ᐅᑎᓛᕆᕗᖓ.” ᐅᒥᐊᒃᑯᑦ ᐃᐱᓲᓯᒥᑦ ᐊᐅᓪᓚᕐᐳᖅ.
22ᓯᓴᕆᐊᒧᑦ ᑎᑭᓐᓇᒥ, ᔨᕉᓴᓕᒻᒧᐊᕐᐳᖅ ᐅᒃᐱᕐᑑᖃᑎᖐᓂᒃ ᑲᑎᓯᓚᐅᕐᓗᓂ, ᐊᓐᑎᐅᑭᐊᒧᑦ ᐊᐅᓪᓚᓕᕆᕗᖅ. 23ᐊᑯᓂ ᑕᕝᕙᓃᓚᐅᕐᓗᓂ ᐊᐅᓪᓚᕆᕗᖅ, ᒐᓔᑎᐊ ᐊᖅᑯᑎᒋᓪᓗᒍ ᐴᕐᒋᐊᓗ, ᐃᓕᓐᓂᐊᕐᑎᓕᒫᑦ ᐱᕙᓪᓕᕐᑎᑉᐰᑦ.
ᐊᐴᓗᓯᐅᑉ ᐃᐱᓲᓯᒦᓐᓂᖓ ᑯᕆᓐᑎᒥᓗ
24ᑍᑦᓱᒪᓂ ᐊᖑᑦ ᔫᑎ ᐊᐴᓗᓯᒥᒃ ᐊᑎᓕᒃ, ᐊᓕᒃᓴᓐᑐᕆᐊᒥ ᐃᓅᓕᕐᓂᑯ, ᐃᐱᓲᓯᒧᑦ ᑎᑭᑉᐳᖅ. ᑖᓐᓇ ᐅᖃᓪᓚᑦᓯᐊᕈᓐᓇᕐᑑᖅ, ᐊᒡᓚᓂᒃ ᖃᐅᔨᒪᑦᓯᐊᕐᓗᓂ. 25ᑖᓐᓇᓗ ᐊᑕᓂᕐᒥᒃ ᒪᓕᖕᓂᕐᒥᒃ ᐊᔪᕆᕐᑐᕐᑕᐅᓯᒪᕗᖅ; ᑕᒪᑐᒥᖓ ᑲᑦᓱᖕᒊᕐᓯᒪᑦᓯᐊᕐᓗᓂ, ᐊᔪᕆᕐᑐᐃᕗᖅ ᓈᒻᒪᓈᕐᓯᒪᑦᓯᐊᕐᓗᓂ ᔩᓱᓯᐅᑉ ᒥᒃᓵᓄᑦ, ᔪᐊᓇᓯᐅᓪᓕ ᐹᑉᑎᑦᓯᑦᔪᑖᓂᒃ ᖃᐅᔨᒪᔭᑐᐊᖃᕐᐳᖅ. 26ᑖᓐᓇ ᐊᔪᕆᕐᑐᐃᓕᕐᐳᖅ ᓯᕘᕋᓇᓂ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓐᓂ; ᐳᕆᓯᓚᐅᑉ ᐊᑯᐃᓚᓪᓗ ᑐᓵᒐᒥᒃᑯᒃ, ᐊᖏᕐᕋᐅᑎᕚᒃ ᐊᔪᕆᕐᑐᕆᐊᒃᑲᓐᓂᕐᓗᒍ ᒎᑎᒧᑦ ᒪᓕᒃᑎᐅᓂᕐᒥᒃ. 27ᐊᐴᓗᓯ ᐊᑬᐊᒧᐊᕈᒪᖕᒪᑦ, ᐅᒃᐱᕐᑑᖃᑎᒌᑦ ᐃᑲᔪᕐᑐᕐᐹᑦ, ᑎᑎᕋᕐᓗᑎᒃ ᐃᓕᓐᓂᐊᕐᑎᓄᑦ ᐃᓚᓕᐅᕐᑕᐅᖁᓪᓗᒍ. ᑍᑯᖓ ᑎᑭᒻᒪᑦ, ᐊᖏᔪᒥᒃ ᐃᑲᔪᕐᐳᖅ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᐅᒃᐱᕐᑐᓐᖑᕐᑎᑕᐅᓚᐅᕐᑐᓂᒃ. 28ᐅᖃᕈᓐᓇᑦᓯᐊᕐᓂᕐᒥᓄᓪᓗ ᔫᑎᑦ ᓵᓚᒋᕔᑦ ᐃᓄᐃᑦ ᑕᒃᑯᐊᓂ, ᐊᒡᓔᑦ ᐅᖃᐅᓯᖏᑦ ᓇᓗᓁᓕᓪᓗᒋᑦ ᔩᓱᓯᐅᑉ ᙭ᔅᑑᓯᐅᓂᖓᓂᒃ.
S'ha seleccionat:
ᐋᐴᓯᑕᓖᑦ ᐱᓂᐊᕐᓂᖏᑦ 18: EAIB
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Eastern Arctic Inuktitut Bible © Canadian Bible Society, 2012, 2021-2023.
ᐋᐴᓯᑕᓖᑦ ᐱᓂᐊᕐᓂᖏᑦ 18
18
ᑯᕆᓐᑎᒥ
1ᑕᒪᑐᒪ ᑭᖑᕐᖓᒍᑦ ᐸᐅᓗᓯ ᐋᑎᓐᓯᒥᑦ ᐊᐅᓪᓚᕐᐳᖅ ᑯᕆᓐᑎᒧᐊᕐᓗᓂ. 2ᑕᕝᕙᓂᓗ ᑲᑎᓯᕗᖅ ᔫᑎᐅᔪᒥᒃ ᐊᑯᐃᓚᒥᒃ ᐊᑎᓕᖕᒥᒃ, ᐹᓐᑕᓯᒥ ᐃᓅᓕᕐᓯᒪᔪᒥᒃ, ᑕᕝᕗᓐᖓᕋᑖᕐᑐᕕᓂᖅ ᐃᑕᓕᒥᑦ ᓄᓕᐊᓂ ᐳᕆᓯᓚ ᐂᑉᐸᕆᓪᓗᒍ, ᐊᖓᔪᖅᑳᕐᔪᐊᑉ ᑲᓚᐅᑎᐊᓯᐅᑉ ᔫᑎᓕᒫᑦ ᐊᐅᓪᓚᖁᓚᐅᕐᒪᒋᑦ ᕉᒪᒥᑦ. ᐸᐅᓗᓯᐅᑉ ᑕᑯᔭᕐᑐᕋᒥᒋᒃ; 3ᐱᓇᓱᐊᖃᑎᒋᓕᕐᐹᒃ ᓇᔪᕐᑎᒋᓪᓗᒋᒃ, ᑐᐱᓕᐅᕐᑎᐅᒐᒥᒃ ᑕᒪᕐᒥᒃ ᑐᐱᕐᓂᒃ ᓴᓇᓪᓗᑎᒃ ᓂᐅᕐᕈᑎᒃᓴᓕᐅᖃᑦᑕᕐᐳᑦ. 4ᐅᖃᖃᑎᖃᖃᑦᑕᕐᐳᖅ ᓴᐸᑎᐅᓕᕌᖓᑦ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓂ, ᑐᑭᓯᑎᓐᓇᓱᐊᕐᓗᒋᑦ ᔫᑎᑦ ᒍᕇᑭᓪᓗ.
5ᓮᓚᓯᒃᑯᒃ ᑎᒧᑎᒃᑯᒃ ᒫᓯᑑᓂᐊᒥᑦ ᑎᑭᒻᒪᑎᒃ, ᐸᐅᓗᓯ ᐊᔪᕆᕐᑐᐃᖏᓐᓇᕐᓂᕐᓴᐅᓕᕐᐳᖅ ᑎᓕᔭᐅᑦᔪᑎᒥᓂᒃ, ᓇᓗᓁᔧᓪᓗᓂ ᔫᑎᓄᑦ ᔩᓱᓯᐅᑉ ᙭ᔅᑑᓯᐅᓂᖓᓂᒃ. 6ᑖᒃᑯᐊ ᐊᑭᕋᕐᑐᕐᒪᑕ ᐅᖃᕐᓂᕐᓘᑎᖃᕐᒪᑕᓗ ᐸᐅᓗᓯᒥᒃ; ᐊᓐᓄᕌᓂ ᐳᔪᕐᓗᖏᑦ ᐃᑦᓱᒃᐰᑦ ᐊᖏᖃᑎᒋᖏᒻᒪᕆᒃᓗᒋᓪᓗ ᐅᖃᐅᑎᕔᑦ, “ᑕᕐᓂᓯ ᐊᓯᐅᒃᐸᑕ ᐃᓕᑦᓯᓐᓂᒃ ᓇᖕᒥᓂᖅ ᐱᔭᕆᓂᐊᕐᐳᓯ! ᐅᕙᖓ ᐸᓯᔭᒃᓴᐅᓂᐊᓐᖏᓚᖓ. ᒫᓐᓇᒥᑦ ᔫᑎᐅᖏᑦᑐᑦ ᐊᔪᕆᕐᑐᖔᕐᓂᐊᓕᕐᐸᒃᑲ.” 7ᕿᒪᒃᑲᒥᒋᑦ ᐂᕗᖅ ᑍᑑᓯ ᔭᔅᑕᓯᐅᑉ ᐃᒡᓗᖓᓄᑦ, ᑕᕝᕙᓂ ᑐᔪᕐᒥᓕᕐᓗᓂ, ᑖᓐᓇ ᒎᑎᒧᑦ ᑐᒃᓯᐊᕐᐸᒃᑐᖅ, ᑖᑦᓱᒪ ᐃᒡᓗᖓ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᑦᑕ ᓴᓂᑦᑎᐊᖓᓃᑉᐳᖅ. 8ᑯᕆᔅᐸᓯ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓄᑦ ᐊᖓᔪᖅᑳᖑᔪᖅ, ᐊᑕᓂᕐᒧᑦ ᐅᒃᐱᓕᕐᐳᖅ, ᐃᒡᓗᒥᐅᖃᑎᓂ ᐃᓚᒋᓪᓗᒋᑦ; ᐅᓄᕐᑐᓪᓗ ᑯᕆᓐᑎᒥᐅᑦ ᐸᐅᓗᓯᐅᑉ ᐅᖃᐅᓯᖏᓐᓂᒃ ᑐᓴᕐᑐᑦ ᐅᒃᐱᓕᕋᒥᒃ ᐹᑉᑎᑕᐅᕗᑦ.
9ᐅᓐᓄᐃᑦ ᐃᓚᖓᓐᓂ ᐊᑕᓂᖅ ᐸᐅᓗᓯᒧᑦ ᐅᖃᕐᐳᖅ ᑕᑯᑎᑦᔪᑎᒃᑯᑦ, “ᓯᕘᕋᖏᓪᓗᑎᑦ, ᐊᔪᕆᕐᑐᐃᑐᐃᓐᓇᕆᑦ ᓄᖅᑲᕐᑍᓕᓗᑎᑦ; 10ᐃᓚᒋᒐᒃᑭᑦ, ᑭᓇᒧᓪᓘᓐᓃᑦ ᐅᐸᒃᑐᕐᑕᐅᓂᐊᓐᖏᓚᑎᑦ ᐊᓐᓂᕐᑕᐅᔭᕐᑐᕐᓗᑎᑦ, ᐊᒥᓱᓂᒃ ᐃᓄᖁᑎᖃᕋᒪ ᑕᕝᕙᓂ ᐃᒡᓗᒐᓴᖕᓂ.” 11ᑍᒤᒻᒪᑦ ᑕᕝᕙᓃᓚᐅᕐᐳᖅ ᐊᕐᕌᒍᒥᒃ ᐊᑕᐅᓯᕐᒥᒃ ᑕᖅᑭᓂᒡᓗ ᐱᖓᓲᔪᕐᑐᓂᒃ, ᒎᑎᐅᑉ ᐅᖃᐅᓯᖏᓐᓂᒃ ᐊᔪᕆᕐᑐᐃᓪᓗᓂ ᑖᒃᑯᓇᓂ.
12ᒑᓕᐅ ᐊᖓᔪᖅᑳᓐᖑᕐᑎᑕᐅᖕᒪᑦ ᐊᑬᐊᒥ, ᔫᑎᑦ ᑕᐱᕇᓕᓗᑎᒃ ᐸᐅᓗᓯ ᑎᒍᕚᑦ ᐃᖅᑲᕐᑐᐃᕕᖕᒧᓪᓗ ᐱᑎᑉᐹᑦ. 13ᐅᖃᕐᓗᑎᒃ, “ᐅᓇ ᐃᓄᖕᓂᒃ ᑐᒃᓯᐊᕐᑎᑦᓯᖃᑦᑕᕋᓱᒃᑐᖅ ᒎᑎᒧᑦ, ᐱᖁᔭᑦᑎᓐᓄᑦ ᐊᑭᕋᕐᑐᕐᑐᒥᒃ ᐊᑐᕐᓗᓂ.”
14ᐸᐅᓗᓯᓕ ᓂᓪᓕᕐᓂᐊᓕᕐᑎᓪᓗᒍ, ᒑᓕᐅ ᔫᑎᓄᑦ ᐅᖃᕐᐳᖅ, “ᑕᒪᓐᓇ ᐱᐅᖏᑦᑐᓕᓂᐊᓘᒃᐸᑦ ᐱᕋᔭᖕᓂᐅᒃᐸᓪᓘᓐᓃᑦ, ᐃᓕᑦᓯᓐᓄᑦ ᔫᑎᐅᔪᓯ ᓈᓚᒐᓱᐊᕋᔭᕐᐳᖓ, 15ᑭᓯᐊᓂ ᐅᖃᐅᓯᕐᓂᒃ ᐊᑎᕐᓂᒡᓗ ᓇᖕᒥᓂᕐᓗ ᐱᖁᔭᑦᓯᓐᓂᒃ ᐱᑦᔪᑎᒃᓴᖃᕐᑎᓪᓗᒍ, ᐃᓕᑦᓯ ᓇᖕᒥᓂᖅ ᐋᖅᑭᒐᓱᐊᓕᕐᓯᐅᒃ; ᐅᕙᖓᓕ ᑕᒪᒃᑯᓄᖓ ᐃᖅᑲᕐᑐᐃᔨᐅᔪᒪᓐᖏᓚᖓ.” 16ᑕᕝᕙᓐᖓᑦ ᐃᖅᑲᕐᑐᐃᕕᖕᒥᑦ ᐊᓂᖁᕔᑦ. 17ᑖᒃᑯᐊ ᓲᔅᑎᓃᓯ ᔫᑎᑦ ᑲᑎᒪᕕᖓᓐᓄᑦ ᐊᖓᔪᖅᑳᖑᔪᖅ ᑎᒍᕚᑦ, ᐃᖅᑲᕐᑐᐃᔪᑦ ᑕᑯᓐᓇᕐᑎᓪᓗᒋᑦ ᐊᓇᐅᓕᓕᕐᐹᑦ. ᒑᓕᐅᓪᓕ ᑲᒪᒋᓐᖏᓔᑦ.
ᐊᓐᑎᐅᑭᐊᒧᑦ ᐅᑎᕐᓂᖏᑦ
18 #
ᒨᓯᓯ ᓯᑕᒪᖏᑦ 6:18. ᑕᒪᑐᒪ ᑭᖑᕐᖓᒍᑦ ᐸᐅᓗᓯ ᑯᕆᓐᑎᒦᓚᐅᕐᐳᖅ ᐅᓪᓗᓂᒃ ᐊᒥᓱᓂᒃ, ᐅᒃᐱᕐᑑᖃᑎᒌᑦ ᕿᒪᓚᐅᕆᕔᑦ ᓯᕆᐊᒧᓪᓗ ᐅᒥᐊᕐᑐᕐᐳᖅ ᐳᕆᓯᓚ ᐊᑯᐃᓚᓗ ᐃᓚᒋᓪᓗᒋᒃ. ᑭᓐᑯᕆᐊᒥ ᐸᐅᓗᓯᐅᑉ ᓄᔭᓂ ᕿᐅᕐᑕᕐᐰᑦ, ᓱᓕᓂᐊᕐᓂᕋᕐᓗᓂ ᑍᒫᒃ ᐊᖏᕈᑎᖃᕐᓯᒪᒐᒥ. 19ᐃᐱᓲᓯᒧᑦ ᑎᑭᓐᓇᒥᒃ ᐃᓚᓂ ᐳᕆᓯᓚ ᐊᑯᐃᓚᓗ ᕿᒪᒃᐹᒃ; ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓄᐊᕐᓗᓂ, ᔫᑎᑦ ᐅᖃᖃᑎᒋᕔᑦ. 20ᐃᓄᐃᑦ ᐊᑯᓂᒃᑲᓐᓂᖅ ᑕᕝᕙᓃᖁᒐᓗᐊᕐᐹᑦ ᐊᖏᓐᖏᓔᓪᓕ; 21ᕿᒪᓕᕋᒥᒋᑦ ᐅᖃᐅᑎᕔᑦ, “ᒎᑎ ᐱᖁᔨᒃᐸᑦ ᐃᓕᑦᓯᓐᓄᑦ ᐅᑎᓛᕆᕗᖓ.” ᐅᒥᐊᒃᑯᑦ ᐃᐱᓲᓯᒥᑦ ᐊᐅᓪᓚᕐᐳᖅ.
22ᓯᓴᕆᐊᒧᑦ ᑎᑭᓐᓇᒥ, ᔨᕉᓴᓕᒻᒧᐊᕐᐳᖅ ᐅᒃᐱᕐᑑᖃᑎᖐᓂᒃ ᑲᑎᓯᓚᐅᕐᓗᓂ, ᐊᓐᑎᐅᑭᐊᒧᑦ ᐊᐅᓪᓚᓕᕆᕗᖅ. 23ᐊᑯᓂ ᑕᕝᕙᓃᓚᐅᕐᓗᓂ ᐊᐅᓪᓚᕆᕗᖅ, ᒐᓔᑎᐊ ᐊᖅᑯᑎᒋᓪᓗᒍ ᐴᕐᒋᐊᓗ, ᐃᓕᓐᓂᐊᕐᑎᓕᒫᑦ ᐱᕙᓪᓕᕐᑎᑉᐰᑦ.
ᐊᐴᓗᓯᐅᑉ ᐃᐱᓲᓯᒦᓐᓂᖓ ᑯᕆᓐᑎᒥᓗ
24ᑍᑦᓱᒪᓂ ᐊᖑᑦ ᔫᑎ ᐊᐴᓗᓯᒥᒃ ᐊᑎᓕᒃ, ᐊᓕᒃᓴᓐᑐᕆᐊᒥ ᐃᓅᓕᕐᓂᑯ, ᐃᐱᓲᓯᒧᑦ ᑎᑭᑉᐳᖅ. ᑖᓐᓇ ᐅᖃᓪᓚᑦᓯᐊᕈᓐᓇᕐᑑᖅ, ᐊᒡᓚᓂᒃ ᖃᐅᔨᒪᑦᓯᐊᕐᓗᓂ. 25ᑖᓐᓇᓗ ᐊᑕᓂᕐᒥᒃ ᒪᓕᖕᓂᕐᒥᒃ ᐊᔪᕆᕐᑐᕐᑕᐅᓯᒪᕗᖅ; ᑕᒪᑐᒥᖓ ᑲᑦᓱᖕᒊᕐᓯᒪᑦᓯᐊᕐᓗᓂ, ᐊᔪᕆᕐᑐᐃᕗᖅ ᓈᒻᒪᓈᕐᓯᒪᑦᓯᐊᕐᓗᓂ ᔩᓱᓯᐅᑉ ᒥᒃᓵᓄᑦ, ᔪᐊᓇᓯᐅᓪᓕ ᐹᑉᑎᑦᓯᑦᔪᑖᓂᒃ ᖃᐅᔨᒪᔭᑐᐊᖃᕐᐳᖅ. 26ᑖᓐᓇ ᐊᔪᕆᕐᑐᐃᓕᕐᐳᖅ ᓯᕘᕋᓇᓂ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓐᓂ; ᐳᕆᓯᓚᐅᑉ ᐊᑯᐃᓚᓪᓗ ᑐᓵᒐᒥᒃᑯᒃ, ᐊᖏᕐᕋᐅᑎᕚᒃ ᐊᔪᕆᕐᑐᕆᐊᒃᑲᓐᓂᕐᓗᒍ ᒎᑎᒧᑦ ᒪᓕᒃᑎᐅᓂᕐᒥᒃ. 27ᐊᐴᓗᓯ ᐊᑬᐊᒧᐊᕈᒪᖕᒪᑦ, ᐅᒃᐱᕐᑑᖃᑎᒌᑦ ᐃᑲᔪᕐᑐᕐᐹᑦ, ᑎᑎᕋᕐᓗᑎᒃ ᐃᓕᓐᓂᐊᕐᑎᓄᑦ ᐃᓚᓕᐅᕐᑕᐅᖁᓪᓗᒍ. ᑍᑯᖓ ᑎᑭᒻᒪᑦ, ᐊᖏᔪᒥᒃ ᐃᑲᔪᕐᐳᖅ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᐅᒃᐱᕐᑐᓐᖑᕐᑎᑕᐅᓚᐅᕐᑐᓂᒃ. 28ᐅᖃᕈᓐᓇᑦᓯᐊᕐᓂᕐᒥᓄᓪᓗ ᔫᑎᑦ ᓵᓚᒋᕔᑦ ᐃᓄᐃᑦ ᑕᒃᑯᐊᓂ, ᐊᒡᓔᑦ ᐅᖃᐅᓯᖏᑦ ᓇᓗᓁᓕᓪᓗᒋᑦ ᔩᓱᓯᐅᑉ ᙭ᔅᑑᓯᐅᓂᖓᓂᒃ.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Eastern Arctic Inuktitut Bible © Canadian Bible Society, 2012, 2021-2023.