ᐋᐴᓯᑕᓖᑦ ᐱᓂᐊᕐᓂᖏᑦ 14
14
ᐂᑯᓂᐊᒥᐅᑦ ᐊᔪᕆᕐᑐᕐᑕᐅᓂᖓᑦ
1ᐂᑯᓂᐊᒥ ᑍᒫᒃ ᓱᓕ ᐸᐅᓗᓯᒃᑯᒃ ᐸᓇᐹᓯᒃᑯᒃ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓐᓄᐊᕐᐴᒃ, ᐅᖃᓪᓚᖕᒪᑎᒃ ᐃᓄᒋᐊᒃᑐᐊᓗᐃᑦ ᐅᒃᐱᓕᕐᐳᑦ ᔫᑎᓪᓗ ᒍᕇᑭᓪᓗ. 2ᔫᑎᓪᓕ ᐅᒃᐱᖏᑦᑐᑦ ᐅᐃᒪᔮᕐᑎᑦᓯᓕᕐᐳᑦ ᔫᑎᐅᖏᑦᑐᓂᒃ ᐊᑭᕋᕐᑐᕐᑕᐅᑎᑦᓯᓇᓱᐊᕐᓗᑎᒃ ᐅᒃᐱᕐᑐᓂᒃ. 3ᑖᒃᑯᐊᒃ ᐊᑯᓂ ᑕᕝᕙᓃᑉᐴᒃ ᐊᔪᕆᕐᑐᐃᓪᓗᑎᒃ ᓯᕘᕋᓇᑎᒃ ᐊᑕᓂᖅ ᐱᑦᔪᑎᒋᓪᓗᒍ, ᐅᖃᐅᓯᕆᔭᖏᑦ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᓴᖅᑭᑎᑦᓯᕗᑦ ᓱᓕᑦᓯᐊᕐᓂᖓᓂᒡᓗ, ᐱᔪᓐᓇᕐᓂᖃᕐᑎᑕᐅᕗᓪᓗ ᑲᒪᓇᕐᑐᓕᓪᓗᑎᒃ ᓇᓗᓁᒃᑯᑕᕐᑎᒍᓪᓗ ᐱᓇᓱᐊᕐᑎᑕᐅᓪᓗᑎᒃ. 4ᓄᓇᓖᑦ ᒪᕐᕈᐃᓕᕗᑦ; ᐃᓚᖏᑦ ᔫᑎᓂᒃ ᒪᓕᒡᓗᑎᒃ, ᐃᓚᖏᓪᓗ ᐋᐴᓯᑕᓕᖕᓂᒃ ᒪᓕᒡᓗᑎᒃ.
5ᔫᑎᐅᖏᑦᑐᑦ ᔫᑎᓂᒃ ᐃᓚᖃᕐᓗᑎᒃ, ᐊᖓᔪᖅᑳᖏᓐᓂᒡᓗ ᐱᑦᓯᐊᖏᓐᓇᓱᐊᓕᕐᐳᑦ ᐋᐴᓯᑕᓕᖕᓄᑦ ᒥᓪᓗᕈᒪᓪᓗᒋᒃ. 6ᑖᒃᑯᐊᓕ ᑕᒪᑐᒥᖓ ᖃᐅᔨᒐᒥᒃ ᕿᒫᕗᑦ ᓄᓇᓕᖕᓄᑦ ᓕᔅᑐᕋᒧᑦ ᑐᕐᐱᒧᓪᓗ ᓔᑲᐅᓂᐊᒦᑦᑐᒧᑦ, ᓄᓇᓕᖕᓄᓪᓗ ᖃᓂᒋᔭᖏᓐᓃᑦᑐᓄᑦ; 7ᑕᕝᕙᓂ ᓄᓇᓕᖕᓂ ᐊᔪᕆᕐᑐᐃᕘᒃ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ.
ᓕᔅᑕᕆᒥ ᑑᕆᐱᒥᓗ
8ᓕᔅᑐᕋᒥ ᐃᒃᓯᕙᔪᖃᓚᐅᕐᐳᖅ ᐊᖑᒻᒥᒃ, ᐃᓅᓕᕐᓂᕐᒥᓂᑦ ᓂᐅᖏᒃ ᓄᑭᖃᖏᑦᑑᖕᓂᒃ, ᐱᓱᓚᐅᕐᓯᒪᓇᓂ. 9ᑖᓐᓇ ᑐᓵᓚᐅᕐᐳᖅ ᐸᐅᓗᓯ ᐊᔪᕆᕐᑐᐃᑎᓪᓗᒍ; ᐸᐅᓗᓯᐅᑉ ᑕᑯᓐᓇᓕᕐᐹ ᐅᒃᐱᕐᓂᖃᕐᓂᖓ ᐋᖅᑭᒃᑕᐅᔪᓐᓇᕐᓂᕐᒥᓂᒃ ᖃᐅᔨᒐᒥᐅᒃ, 10ᓂᐱᖁᕐᑐᓪᓗᓂ ᐅᖃᐅᑎᕚ, “ᒪᑭᓪᓗᑎᑦ ᓂᑯᕕᒋᑦ.” ᓂᑯᕕᓐᓇᒥ ᐱᓱᓕᕐᐳᖅ. 11ᐃᓄᒐᓴᒡᔪᐊᓪᓕ ᐸᐅᓗᓯᐅᑉ ᑍᒤᑎᑦᓯᓂᖓᓂᒃ ᑕᑯᒐᒥᒃ, ᓂᐱᖅᑯᕐᑐᓪᓗᑎᒃ ᓔᑲᐅᓂᐊᒥᐅᑎᑐᑦ ᐅᖃᕐᐳᑦ, “ᒎᑎᓂᑦ ᐊᖅᑲᕐᕕᐅᕗᒍᑦ ᐊᖑᑎᑎᑐᑦ ᑕᐅᑐᖃᓕᕐᑐᓂᒃ!” 12ᐸᕐᓇᐹᓯ ᐊᑦᑎᕐᐹᑦ ᔨᐅᓯᒥᒃ, ᐸᐅᓗᓯᓗ ᕼᐊᕐᒥᓯᒥᒃ ᐊᑦᑎᕐᐹᑦ ᐅᖃᓪᓚᒃᑎᐅᓂᕐᓴᐅᖕᒪᑦ. 13ᑕᕝᕙᓂ ᒎᑎᓐᖑᐊᒧᑦ ᔨᐅᓯᒧᑦ ᑐᒃᓯᐊᕐᕕᖓᑦ ᓄᓇᓕᖕᓄᑦ ᐃᑎᕐᑕᕐᕕᖏᑕ ᓯᓚᑎᑦᓯᐊᖓᓃᒻᒪᑦ, ᑐᓂᕐᕈᓯᕐᑎᑦᓯᔩᑦ ᐃᓚᖓᑦ ᕾᑎᑦᓯᕗᖅ ᐃᒻᒧᒃᓯᐅᒐᕐᓂᒃ, ᓄᓇᕋᕐᓂᒡᓗ ᓴᓇᓯᒪᔪᓂᒃ ᑖᒃᑯᓅᖓ ᑐᒃᓯᐊᕐᓗᑎᒃ ᑐᓂᕐᕈᓯᕐᕕᒋᔪᒪᓪᓗᒋᒃ.
14ᐸᕐᓇᐹᓯᒃᑯᒃ ᐸᐅᓗᓯᒃᑯᒃ ᑕᒪᑐᒥᖓ ᑐᓴᕋᒥᒃ, ᐊᓐᓄᕌᑎᒃ ᐊᓕᒃᐰᑦ, ᑐᐊᕕᕐᓗᑎᒃ ᐃᓄᒋᐊᒃᑐᑦ ᐊᑯᓐᓂᖓᓄᐊᕐᐴᒃ; ᕾᒐᓛᕐᓗᑎᒃ. 15#ᒨᓯᓯ ᐂᑉᐸᖏᑦ 20:11; ᐃᓐᖏᕈᑦ 146:6.“ᓱᖕᒪᑦ ᑍᒤᓕᐅᕐᐱᓰ? ᐅᕙᒍᒃ ᐃᓄᑐᐃᓐᓇᐅᖕᒥᔪᒍᒃ ᐃᓕᑦᓯᑎᑐᑦ, ᑕᒪᐅᖓ ᐅᖃᕆᐊᕐᑐᕐᐳᒍᒃ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ, ᒪᑯᓇᓐᖓᑦ ᓱᓕᖏᑦᑐᐊᓗᖕᓂᑦ, ᓵᒋᐊᖁᓪᓗᓯ ᒎᑎᒧᑦ ᐆᒪᔪᒧᑦ, ᕿᓚᖕᒥᒃ ᓄᓇᒥᒡᓗ ᐃᒪᕐᕕᖕᒥᒡᓗ ᐃᓗᐊᓃᑦᑐᓂᒡᓗ ᑕᒤᓐᓂᒃ ᓴᓇᓚᐅᕐᑐᒧᑦ. 16ᓯᕗᓂᑦᑎᓐᓂ ᒎᑎᐅᑉ ᐃᓄᓕᒫᑦ ᐃᓱᒪᕐᓱᕐᑎᓚᐅᕐᐰᑦ ᐱᔪᒪᔭᖏᓐᓄᑦ; 17ᓇᓗᓁᕐᓯᔪᓂᒃ ᐃᒻᒥᓄᑦ ᑐᕌᖓᔪᓂᒃ ᓴᖅᑭᑎᑦᓯᖃᑦᑕᓚᐅᕐᐳᖅ, ᐱᑦᓯᐊᕐᓂᕐᒥᓂᒃ ᓴᖅᑭᑎᑦᓯᕙᒃᓗᓂ ᕿᓚᖕᒥᑦ ᓯᓚᓗᒃᑎᑦᓯᕙᒃᑲᒥ ᐊᑲᐅᓈᑦᓯᐊᕐᑐᒥᒃ, ᑐᓂᓯᕕᒋᕙᒃᐹᓯᓗ ᓂᕿᒃᓴᓂᒃ, ᖁᕕᐊᓱᖕᓂᖃᕐᑎᓪᓗᓯᓗ ᐃᓗᑦᓯᒍᑦ.” 18ᐋᐴᓯᑕᓖᒃ ᑍᒫᒃ ᐅᖃᕋᓗᐊᕐᑎᓪᓗᒋᒃ ᐃᓄᐃᑦ ᑖᒃᑯᖕᓄᖓ ᑐᒃᓯᐊᕐᓗᑎᒃ ᑐᓂᕐᕈᓯᕈᒪᔪᑦ ᓄᖅᑲᖓᑎᑦᓱᓐᓇᕈᓐᓃᕐᐰᑦ.
19ᔫᑎᑦ ᐊᓐᑎᐅᑭᐊᒥᑦ ᐱᓯᑎᐊᒦᑦᑐᒥᑦ ᐂᑯᓂᐊᒥᓪᓗ ᑎᑭᑉᐳᑦ; ᐃᓄᐃᑦ ᐃᒻᒥᒃᑎᑐᑦ ᐃᓱᒪᑖᕐᑎᑦᓴᕇᕋᒥᒋᑦ, ᐸᐅᓗᓯ ᒥᓪᓗᕐᐹᑦ ᐅᔭᖅᑲᓄᑦ ᐅᓂᐊᕐᓗᒍ ᓄᓇᓖᑦ ᓯᓚᑖᓄᑦ, ᑐᖁᓇᓱᒋᓪᓗᒍ. 20ᐃᓕᓐᓂᐊᕐᑏᓪᓕ ᐸᐅᓗᓯᐅᑉ ᐊᕙᑖᓂ ᓇᖏᓕᕐᑎᓪᓗᒋᑦ, ᒪᑭᑉᐳᖅ ᓄᓇᓕᖕᓄᑦ ᐅᑎᓕᕆᓪᓗᓂ; ᖃᐅᑎᓪᓗᒍ ᐸᕐᓇᐹᓯ ᐂᑉᐸᕆᓪᓗᒍ ᑐᕐᐱᒧᑦ ᐊᐅᓪᓚᕐᐴᒃ.
ᐊᓐᑎᐅᑭᐊᒧᑦ ᓯᕆᐊᒦᑦᑐᒧᑦ ᐅᑎᕐᓂᖓᑦ
21ᑖᒃᑯᓄᖓᓕ ᐊᔪᕆᕐᑐᐃᓂᕐᒥᒍᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᑑᕆᐱᒥ ᐊᒥᓱᓂᒃ ᒪᓕᒃᑎᖃᓕᕐᓗᑎᒃ ᓕᔅᑐᕋᒧᑦ ᐅᑎᕐᐴᒃ, ᐂᑯᓂᐊᒧᐊᕐᓗᑎᒃ, ᐊᒻᒪ ᐊᓐᑎᐅᑭᐊᒧᑦ ᐱᓯᑎᐊᒦᑦᑐᒧᑦ ᐅᑎᕆᕘᒃ, 22ᐃᓕᓐᓂᐊᕐᑎᑦ ᐱᕙᓪᓕᕐᑎᑉᐰᑦ ᐃᓇᓪᓗᒋᑦ ᐅᒃᐱᕐᓂᕐᒦᖁᓪᓗᒋᑦ, ᐅᖃᐅᑎᓪᓗᒋᑦ. “ᐅᖁᒤᓐᓇᕐᑐᓂᒃ ᑲᑉᐱᐊᓇᕐᑐᓂᒡᓗ ᐊᒥᓱᓂᒃ ᐊᖅᑯᓵᕐᓯᔭᕆᐊᖃᕋᑦᑕ ᒎᑎᐅᑉ ᐊᑕᓂᐅᕕᖓᓄᑦ ᐃᑎᖁᓪᓗᑕ.” 23ᐃᓚᒌᒃᑐᓂᑦ ᐊᑐᓂᑦ ᓂᕈᐊᕐᓯᔭᕇᕋᒥᒃ ᓯᕗᓕᕐᑎᐅᓂᐊᕐᑐᓂᒃ, ᑐᒃᓯᐊᕐᓂᒃᑯᑦ ᓂᕆᑦᑍᓕᓂᒃᑯᓪᓗ ᑐᓂᕔᑦ ᐊᑕᓂᕐᒧᑦ ᐅᒃᐱᕐᕕᒋᔭᒥᖕᓄᑦ. 24ᐱᓯᑎᐊ ᐊᖅᑯᓵᕐᓗᒍ, ᐸᒻᐱᓕᐊᒧᑦ ᑎᑭᒃᑭᕘᒃ. 25ᐴᕐᒐᒥ ᐊᔪᕆᕐᑐᐃᔭᕇᕋᒥᒃ, ᐊᑕᓔᐊᒧᑦ ᐂᓕᕆᕘᒃ; 26ᑕᕝᕙᓐᖓᑦ ᐅᒥᐊᒃᑯᑦ ᐊᓐᑎᐅᑭᐊᒧᑦ ᐅᑎᕆᕘᒃ, ᑍᑲᓂ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᑐᒃᓯᐅᑦᔭᐅᓪᓗᑎᒃ ᐱᒋᐊᕐᕕᒋᓚᐅᕐᑕᒥᖕᓄᑦ ᐃᓱᓕᑦᓯᕘᒃ.
27ᐊᓐᑎᐅᑭᐊᒧᑦ ᑎᑭᓐᓇᒥᒃ, ᐃᓚᒌᒃᑐᑦ ᑲᑎᖁᕔᑦ ᐅᓂᒃᑳᕐᕕᒋᓪᓗᒋᑦ ᑕᒤᓐᓂᒃ ᒎᑎᒧᑦ ᐱᓂᐊᕐᕕᐅᓂᕐᒥᖕᓂᒃ, ᐅᒃᑯᐃᕈᑦᔭᐅᓂᕐᒥᖕᓂᒃ ᔫᑎᐅᖏᑦᑐᑦ ᐅᒃᐱᕐᑎᑕᐅᖁᓪᓗᒋᑦ. 28ᐊᑯᓂ ᑕᕝᕙᓃᓕᕐᐴᒃ ᐃᓕᓐᓂᐊᕐᑎᑦ ᐃᓚᒋᓪᓗᒋᑦ.
S'ha seleccionat:
ᐋᐴᓯᑕᓖᑦ ᐱᓂᐊᕐᓂᖏᑦ 14: EAIB
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Eastern Arctic Inuktitut Bible © Canadian Bible Society, 2012, 2021-2023.
ᐋᐴᓯᑕᓖᑦ ᐱᓂᐊᕐᓂᖏᑦ 14
14
ᐂᑯᓂᐊᒥᐅᑦ ᐊᔪᕆᕐᑐᕐᑕᐅᓂᖓᑦ
1ᐂᑯᓂᐊᒥ ᑍᒫᒃ ᓱᓕ ᐸᐅᓗᓯᒃᑯᒃ ᐸᓇᐹᓯᒃᑯᒃ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓐᓄᐊᕐᐴᒃ, ᐅᖃᓪᓚᖕᒪᑎᒃ ᐃᓄᒋᐊᒃᑐᐊᓗᐃᑦ ᐅᒃᐱᓕᕐᐳᑦ ᔫᑎᓪᓗ ᒍᕇᑭᓪᓗ. 2ᔫᑎᓪᓕ ᐅᒃᐱᖏᑦᑐᑦ ᐅᐃᒪᔮᕐᑎᑦᓯᓕᕐᐳᑦ ᔫᑎᐅᖏᑦᑐᓂᒃ ᐊᑭᕋᕐᑐᕐᑕᐅᑎᑦᓯᓇᓱᐊᕐᓗᑎᒃ ᐅᒃᐱᕐᑐᓂᒃ. 3ᑖᒃᑯᐊᒃ ᐊᑯᓂ ᑕᕝᕙᓃᑉᐴᒃ ᐊᔪᕆᕐᑐᐃᓪᓗᑎᒃ ᓯᕘᕋᓇᑎᒃ ᐊᑕᓂᖅ ᐱᑦᔪᑎᒋᓪᓗᒍ, ᐅᖃᐅᓯᕆᔭᖏᑦ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᓴᖅᑭᑎᑦᓯᕗᑦ ᓱᓕᑦᓯᐊᕐᓂᖓᓂᒡᓗ, ᐱᔪᓐᓇᕐᓂᖃᕐᑎᑕᐅᕗᓪᓗ ᑲᒪᓇᕐᑐᓕᓪᓗᑎᒃ ᓇᓗᓁᒃᑯᑕᕐᑎᒍᓪᓗ ᐱᓇᓱᐊᕐᑎᑕᐅᓪᓗᑎᒃ. 4ᓄᓇᓖᑦ ᒪᕐᕈᐃᓕᕗᑦ; ᐃᓚᖏᑦ ᔫᑎᓂᒃ ᒪᓕᒡᓗᑎᒃ, ᐃᓚᖏᓪᓗ ᐋᐴᓯᑕᓕᖕᓂᒃ ᒪᓕᒡᓗᑎᒃ.
5ᔫᑎᐅᖏᑦᑐᑦ ᔫᑎᓂᒃ ᐃᓚᖃᕐᓗᑎᒃ, ᐊᖓᔪᖅᑳᖏᓐᓂᒡᓗ ᐱᑦᓯᐊᖏᓐᓇᓱᐊᓕᕐᐳᑦ ᐋᐴᓯᑕᓕᖕᓄᑦ ᒥᓪᓗᕈᒪᓪᓗᒋᒃ. 6ᑖᒃᑯᐊᓕ ᑕᒪᑐᒥᖓ ᖃᐅᔨᒐᒥᒃ ᕿᒫᕗᑦ ᓄᓇᓕᖕᓄᑦ ᓕᔅᑐᕋᒧᑦ ᑐᕐᐱᒧᓪᓗ ᓔᑲᐅᓂᐊᒦᑦᑐᒧᑦ, ᓄᓇᓕᖕᓄᓪᓗ ᖃᓂᒋᔭᖏᓐᓃᑦᑐᓄᑦ; 7ᑕᕝᕙᓂ ᓄᓇᓕᖕᓂ ᐊᔪᕆᕐᑐᐃᕘᒃ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ.
ᓕᔅᑕᕆᒥ ᑑᕆᐱᒥᓗ
8ᓕᔅᑐᕋᒥ ᐃᒃᓯᕙᔪᖃᓚᐅᕐᐳᖅ ᐊᖑᒻᒥᒃ, ᐃᓅᓕᕐᓂᕐᒥᓂᑦ ᓂᐅᖏᒃ ᓄᑭᖃᖏᑦᑑᖕᓂᒃ, ᐱᓱᓚᐅᕐᓯᒪᓇᓂ. 9ᑖᓐᓇ ᑐᓵᓚᐅᕐᐳᖅ ᐸᐅᓗᓯ ᐊᔪᕆᕐᑐᐃᑎᓪᓗᒍ; ᐸᐅᓗᓯᐅᑉ ᑕᑯᓐᓇᓕᕐᐹ ᐅᒃᐱᕐᓂᖃᕐᓂᖓ ᐋᖅᑭᒃᑕᐅᔪᓐᓇᕐᓂᕐᒥᓂᒃ ᖃᐅᔨᒐᒥᐅᒃ, 10ᓂᐱᖁᕐᑐᓪᓗᓂ ᐅᖃᐅᑎᕚ, “ᒪᑭᓪᓗᑎᑦ ᓂᑯᕕᒋᑦ.” ᓂᑯᕕᓐᓇᒥ ᐱᓱᓕᕐᐳᖅ. 11ᐃᓄᒐᓴᒡᔪᐊᓪᓕ ᐸᐅᓗᓯᐅᑉ ᑍᒤᑎᑦᓯᓂᖓᓂᒃ ᑕᑯᒐᒥᒃ, ᓂᐱᖅᑯᕐᑐᓪᓗᑎᒃ ᓔᑲᐅᓂᐊᒥᐅᑎᑐᑦ ᐅᖃᕐᐳᑦ, “ᒎᑎᓂᑦ ᐊᖅᑲᕐᕕᐅᕗᒍᑦ ᐊᖑᑎᑎᑐᑦ ᑕᐅᑐᖃᓕᕐᑐᓂᒃ!” 12ᐸᕐᓇᐹᓯ ᐊᑦᑎᕐᐹᑦ ᔨᐅᓯᒥᒃ, ᐸᐅᓗᓯᓗ ᕼᐊᕐᒥᓯᒥᒃ ᐊᑦᑎᕐᐹᑦ ᐅᖃᓪᓚᒃᑎᐅᓂᕐᓴᐅᖕᒪᑦ. 13ᑕᕝᕙᓂ ᒎᑎᓐᖑᐊᒧᑦ ᔨᐅᓯᒧᑦ ᑐᒃᓯᐊᕐᕕᖓᑦ ᓄᓇᓕᖕᓄᑦ ᐃᑎᕐᑕᕐᕕᖏᑕ ᓯᓚᑎᑦᓯᐊᖓᓃᒻᒪᑦ, ᑐᓂᕐᕈᓯᕐᑎᑦᓯᔩᑦ ᐃᓚᖓᑦ ᕾᑎᑦᓯᕗᖅ ᐃᒻᒧᒃᓯᐅᒐᕐᓂᒃ, ᓄᓇᕋᕐᓂᒡᓗ ᓴᓇᓯᒪᔪᓂᒃ ᑖᒃᑯᓅᖓ ᑐᒃᓯᐊᕐᓗᑎᒃ ᑐᓂᕐᕈᓯᕐᕕᒋᔪᒪᓪᓗᒋᒃ.
14ᐸᕐᓇᐹᓯᒃᑯᒃ ᐸᐅᓗᓯᒃᑯᒃ ᑕᒪᑐᒥᖓ ᑐᓴᕋᒥᒃ, ᐊᓐᓄᕌᑎᒃ ᐊᓕᒃᐰᑦ, ᑐᐊᕕᕐᓗᑎᒃ ᐃᓄᒋᐊᒃᑐᑦ ᐊᑯᓐᓂᖓᓄᐊᕐᐴᒃ; ᕾᒐᓛᕐᓗᑎᒃ. 15#ᒨᓯᓯ ᐂᑉᐸᖏᑦ 20:11; ᐃᓐᖏᕈᑦ 146:6.“ᓱᖕᒪᑦ ᑍᒤᓕᐅᕐᐱᓰ? ᐅᕙᒍᒃ ᐃᓄᑐᐃᓐᓇᐅᖕᒥᔪᒍᒃ ᐃᓕᑦᓯᑎᑐᑦ, ᑕᒪᐅᖓ ᐅᖃᕆᐊᕐᑐᕐᐳᒍᒃ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ, ᒪᑯᓇᓐᖓᑦ ᓱᓕᖏᑦᑐᐊᓗᖕᓂᑦ, ᓵᒋᐊᖁᓪᓗᓯ ᒎᑎᒧᑦ ᐆᒪᔪᒧᑦ, ᕿᓚᖕᒥᒃ ᓄᓇᒥᒡᓗ ᐃᒪᕐᕕᖕᒥᒡᓗ ᐃᓗᐊᓃᑦᑐᓂᒡᓗ ᑕᒤᓐᓂᒃ ᓴᓇᓚᐅᕐᑐᒧᑦ. 16ᓯᕗᓂᑦᑎᓐᓂ ᒎᑎᐅᑉ ᐃᓄᓕᒫᑦ ᐃᓱᒪᕐᓱᕐᑎᓚᐅᕐᐰᑦ ᐱᔪᒪᔭᖏᓐᓄᑦ; 17ᓇᓗᓁᕐᓯᔪᓂᒃ ᐃᒻᒥᓄᑦ ᑐᕌᖓᔪᓂᒃ ᓴᖅᑭᑎᑦᓯᖃᑦᑕᓚᐅᕐᐳᖅ, ᐱᑦᓯᐊᕐᓂᕐᒥᓂᒃ ᓴᖅᑭᑎᑦᓯᕙᒃᓗᓂ ᕿᓚᖕᒥᑦ ᓯᓚᓗᒃᑎᑦᓯᕙᒃᑲᒥ ᐊᑲᐅᓈᑦᓯᐊᕐᑐᒥᒃ, ᑐᓂᓯᕕᒋᕙᒃᐹᓯᓗ ᓂᕿᒃᓴᓂᒃ, ᖁᕕᐊᓱᖕᓂᖃᕐᑎᓪᓗᓯᓗ ᐃᓗᑦᓯᒍᑦ.” 18ᐋᐴᓯᑕᓖᒃ ᑍᒫᒃ ᐅᖃᕋᓗᐊᕐᑎᓪᓗᒋᒃ ᐃᓄᐃᑦ ᑖᒃᑯᖕᓄᖓ ᑐᒃᓯᐊᕐᓗᑎᒃ ᑐᓂᕐᕈᓯᕈᒪᔪᑦ ᓄᖅᑲᖓᑎᑦᓱᓐᓇᕈᓐᓃᕐᐰᑦ.
19ᔫᑎᑦ ᐊᓐᑎᐅᑭᐊᒥᑦ ᐱᓯᑎᐊᒦᑦᑐᒥᑦ ᐂᑯᓂᐊᒥᓪᓗ ᑎᑭᑉᐳᑦ; ᐃᓄᐃᑦ ᐃᒻᒥᒃᑎᑐᑦ ᐃᓱᒪᑖᕐᑎᑦᓴᕇᕋᒥᒋᑦ, ᐸᐅᓗᓯ ᒥᓪᓗᕐᐹᑦ ᐅᔭᖅᑲᓄᑦ ᐅᓂᐊᕐᓗᒍ ᓄᓇᓖᑦ ᓯᓚᑖᓄᑦ, ᑐᖁᓇᓱᒋᓪᓗᒍ. 20ᐃᓕᓐᓂᐊᕐᑏᓪᓕ ᐸᐅᓗᓯᐅᑉ ᐊᕙᑖᓂ ᓇᖏᓕᕐᑎᓪᓗᒋᑦ, ᒪᑭᑉᐳᖅ ᓄᓇᓕᖕᓄᑦ ᐅᑎᓕᕆᓪᓗᓂ; ᖃᐅᑎᓪᓗᒍ ᐸᕐᓇᐹᓯ ᐂᑉᐸᕆᓪᓗᒍ ᑐᕐᐱᒧᑦ ᐊᐅᓪᓚᕐᐴᒃ.
ᐊᓐᑎᐅᑭᐊᒧᑦ ᓯᕆᐊᒦᑦᑐᒧᑦ ᐅᑎᕐᓂᖓᑦ
21ᑖᒃᑯᓄᖓᓕ ᐊᔪᕆᕐᑐᐃᓂᕐᒥᒍᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᑑᕆᐱᒥ ᐊᒥᓱᓂᒃ ᒪᓕᒃᑎᖃᓕᕐᓗᑎᒃ ᓕᔅᑐᕋᒧᑦ ᐅᑎᕐᐴᒃ, ᐂᑯᓂᐊᒧᐊᕐᓗᑎᒃ, ᐊᒻᒪ ᐊᓐᑎᐅᑭᐊᒧᑦ ᐱᓯᑎᐊᒦᑦᑐᒧᑦ ᐅᑎᕆᕘᒃ, 22ᐃᓕᓐᓂᐊᕐᑎᑦ ᐱᕙᓪᓕᕐᑎᑉᐰᑦ ᐃᓇᓪᓗᒋᑦ ᐅᒃᐱᕐᓂᕐᒦᖁᓪᓗᒋᑦ, ᐅᖃᐅᑎᓪᓗᒋᑦ. “ᐅᖁᒤᓐᓇᕐᑐᓂᒃ ᑲᑉᐱᐊᓇᕐᑐᓂᒡᓗ ᐊᒥᓱᓂᒃ ᐊᖅᑯᓵᕐᓯᔭᕆᐊᖃᕋᑦᑕ ᒎᑎᐅᑉ ᐊᑕᓂᐅᕕᖓᓄᑦ ᐃᑎᖁᓪᓗᑕ.” 23ᐃᓚᒌᒃᑐᓂᑦ ᐊᑐᓂᑦ ᓂᕈᐊᕐᓯᔭᕇᕋᒥᒃ ᓯᕗᓕᕐᑎᐅᓂᐊᕐᑐᓂᒃ, ᑐᒃᓯᐊᕐᓂᒃᑯᑦ ᓂᕆᑦᑍᓕᓂᒃᑯᓪᓗ ᑐᓂᕔᑦ ᐊᑕᓂᕐᒧᑦ ᐅᒃᐱᕐᕕᒋᔭᒥᖕᓄᑦ. 24ᐱᓯᑎᐊ ᐊᖅᑯᓵᕐᓗᒍ, ᐸᒻᐱᓕᐊᒧᑦ ᑎᑭᒃᑭᕘᒃ. 25ᐴᕐᒐᒥ ᐊᔪᕆᕐᑐᐃᔭᕇᕋᒥᒃ, ᐊᑕᓔᐊᒧᑦ ᐂᓕᕆᕘᒃ; 26ᑕᕝᕙᓐᖓᑦ ᐅᒥᐊᒃᑯᑦ ᐊᓐᑎᐅᑭᐊᒧᑦ ᐅᑎᕆᕘᒃ, ᑍᑲᓂ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᑐᒃᓯᐅᑦᔭᐅᓪᓗᑎᒃ ᐱᒋᐊᕐᕕᒋᓚᐅᕐᑕᒥᖕᓄᑦ ᐃᓱᓕᑦᓯᕘᒃ.
27ᐊᓐᑎᐅᑭᐊᒧᑦ ᑎᑭᓐᓇᒥᒃ, ᐃᓚᒌᒃᑐᑦ ᑲᑎᖁᕔᑦ ᐅᓂᒃᑳᕐᕕᒋᓪᓗᒋᑦ ᑕᒤᓐᓂᒃ ᒎᑎᒧᑦ ᐱᓂᐊᕐᕕᐅᓂᕐᒥᖕᓂᒃ, ᐅᒃᑯᐃᕈᑦᔭᐅᓂᕐᒥᖕᓂᒃ ᔫᑎᐅᖏᑦᑐᑦ ᐅᒃᐱᕐᑎᑕᐅᖁᓪᓗᒋᑦ. 28ᐊᑯᓂ ᑕᕝᕙᓃᓕᕐᐴᒃ ᐃᓕᓐᓂᐊᕐᑎᑦ ᐃᓚᒋᓪᓗᒋᑦ.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Eastern Arctic Inuktitut Bible © Canadian Bible Society, 2012, 2021-2023.