Tayitasi 2
2
Indayijo Iliiyo
1Koga iwi, ilayija indayijo iliiyo. 2Layija banhulume bakulwana kuti bezikatile, belemekejeke, bezwikabule, balosima mukudimbwa, balosima noludo, akale balosima mukusungwaja. 3Munzila yakaleyo layijani banhukaji bakulwana kuti bezwilemese muzwito zwabo, akale besibe banoniepa kana bakolwi banokubukilwa nobusukwa, koga belayije zwili izwo zwibuyanana, 4kutila kuti belayije banhukaji batukutuku kuda balume babo nabana babo, 5bebe namaano, bekashambijika, belondota misha yabo, baneshe, nokuzwibiga pasi pabalume babo, kuti iwhi lyaMwali lisishuluswe.
6Munzila yakaleyo, sungwaja bazhuzha kuti bezwibhate. 7Zwitondejele nenzila jose sechitondejelo chezwito zwibuya, akale mukulayija kuko tondejela kubimbika, kuzwipila, 8nendebo iliiyo isinoshungulika, kutila kuti yoyo unonyenyeja ebe neshoni, pesina chibi chaangalebe nozwedu.
9Layijani balanda kuti bezwideleje kumatezi abo akale kuti bebagunche muzwinhu zwose, akale besinoshandulana namatezi abo, 10kana kubakwibila, koga betondejele kubimbika kwechokomende kulopelelela, kutila kuti muzwinhu zwose lakamile indayijo yaMwali uNchiji wedu.
11Nokuti chipiwo chaMwali chakabuza luchijo lwabanhu bose, 12chitilayija kuzwikabula, kulamba zwechinamato,akale nozwokulakamila zwenyika, nokulalama bupenyu bunoshantisa mwali, tilulame akale bupenyu bokutya mwali penyika, 13takamilila makombolelo edu olubimbo, kupamuka kokungaima kwaMwali wedu unkulwana noNchiji Jesu Kristo, 14wakazwipila iye kutimunula isu mububi bose akale ezwichenesela banhu babe balosungwalila zwito zwibuyanana.
15Zibisa zwinhu yezwi, sungwaja akale kalalila nesimba lyose. Usivumile kana ani kuti ekulingile pasi.
S'ha seleccionat:
Tayitasi 2: LTP
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
The word for The World International