Handelinge 6

1In daardié dae, toe die studentevolgelinge vermeerder het, het daar ’n klagte vanaf die Hellenistiese studentevolgelinge teenoor die Hebreërs ontstaan dat hulle weduwees in die daaglikse versorging oorgesien is.

2Toe het die twaalf afgevaardigdes die hele vergadering van studentevolgelinge bymekaargeroep en gesê: “Dit is nie aanvaarbaar dat ons die boodskap van God nalaat, om tafels te bedien nie.

3Soek daarom, my broers en kies sewe manne vanuit julle, waarop die getuienis is, vol van die Gees van יהוה en wysheid, wat ons oor hierdie saak sal aanstel

4en ons sal voortgaan in gebed en die voortdurende bediening van die boodskap.”

5Die gedagte het byval gevind by almal en hulle het gekies: Stefanos, ’n man vol van vertroue en die Gees wat Afgesonderd is, Filippos, Progoros, Nikanor, Timon, Parmenas en Nikolaos, ’n proseliet uit Antiogeia.

6Hulle het hulle voor die afgevaardigdes laat staan en nadat hulle gebid het, het hulle hul die hande opgelê.

7Die boodskap van God het versprei en die getal studentevolgelinge het vinnig vermeerder in Yerushalayim en baie priesters het gehoorsaam geword aan die waarheid.

8Stefanos, vol van onverdiende guns en krag, het wonderwerke en tekens onder die mense gedoen

9en daar het sommige van die Bymekaarkomplek van die Bevryde Slawe, soos dit genoem is, opgestaan en van die Kureners en Alexandryne en van die mense van Kilikia en Asië en hulle het met Stefanos gedebatteer,

10maar hulle kon nie teen die wysheid en die Gees waardeur hy gepraat het, staan nie.

11Toe stuur hulle manne en beveel hulle om te sê: “Ons het hom kwaad hoor praat teen Mosheh en teen God.”

12Hulle het die mense, die oudstes en die leraars van die wet opgesweep en op hom afgekom en hom gegryp en voor die Raad gebring

13en hulle het valse getuies aangestel om te sê: “Dié man hou nie op om kwaad te praat teen die wet en hierdie afgesonderde plek nie,

14want ons het hom hoor sê: ‘Hierdie Yeshua, van Natzeret, sal hierdie plek afbreek en die gebruike wat Mosheh aan ons oorgegee het, verander.’”

15Terwyl almal wat in die Raad sit, hom stip dophou, sien hulle dat sy gesig soos die gesig van ’n engel is.

S'ha seleccionat:

Handelinge 6: SPC

Subratllat

Comparteix

Compara

Copia

Vols que els teus subratllats es desin a tots els teus dispositius? Registra't o inicia sessió

©Kopiereg 2025 deur Die Pad van Waarheid tot die Lewe Vertalings Projek.

Kopiereg op die inhoud behoort aan die Lewende, Skepper-God, YHWH, alleen. U is welkom om dit onveranderd te gebruik in enige leer of skrywe, met erkenning: “PWL” “PadWLewe” of “Die Pad van Waarheid tot die Lewe” vertaling.

Geen deel hiervan mag onder enige omstandighede, in enige formaat, verkoop word nie.

Sy Boodskap is gratis.

Més informació sobre PWL in Standaard Protestantse Canon