Romio 8
8
Pobitro attanaʹ maonaʹ jiui
1Jeko Khrisṭo Jisu suliʹ miʹṭheʹkanako Issortedo angko ar sâstiren joggo mente bang monekoe. 2Pobitro Attaoaʹ ângi Khrisṭo Jisu talate abodo jiui maboe, goiʹ ar papnaʹ ân khoiʹ mukto kâdinge. 3Mosiaʹ ântedo abo bang bacodareboe karon aboaʹ pap sobhabnaʹ durbolota laʹte. Ar ana laʹte ân akaṭaʹ bang rikâ darekade Issor nijegi ana rikâkade. Ânido aboaʹ pap sâhing laʹte nijeren nispap Hopontetʹ aboṭheʹ utsorgo hisâbte kolkidie. 4Âni ni kâmi rikâkade jate abodo aboaʹ nijeoaʹ icchânaʹ badalte attare baddhokete ân akaṭaʹ rikâkade ana rikâ dareʹabo.
5Jekodo pap sobhabnaʹ talare menaʹkoa angkoaʹ mondo âdmioaʹ sobhab akako koie anarigi angkodo monojogoʹako, ar jekodo Pobitro Attaoaʹ talare menaʹkoa angkoaʹ mondo Pobitro Atta akaṭaʹ koie anarigi monojogoʹako. 6Âdmioaʹ sobhab akaṭaʹ koie anare monojognaʹ jodo hoʹkana goiʹ, ar Pobitro Atta akaṭaʹ koie anare monojognaʹ jodo hoʹkana jiui ar sânti. 7Angko âdmioaʹ pap sobhab akako koie anarigi monojog maʹako, ana mondo Issoraʹ biruddhogiâ, karon anado Issoraʹ ân bang manelaʹ name, manoho bang dareʹe. 8Ekeko âdmi âdmioaʹ sobhab talare tahanako angkotedo Issor hub bang ma dareyako.
9Ar apedo apeyaʹ icchâtedo bang sasonoʹape kheʹ Issoraʹ Attate sasonoʹape kheʹ Issoraʹ Attatigi sasonoʹe ekedo apeyaʹ ontorrigi basoʹe. Ekeyaʹ ontorre Khrisṭoaʹ Atta bânuʹa ânido khrisṭore bang salaʹ tahane. 10Kheʹ Khrisṭo judi apeyaʹ ontorre tahene tahale apeyaʹ hormo pap laʹte gojoʹhaʹ kheʹ attado jiuitʹgi tahanhaʹ, karon Issorṭheʹ apedo dhârmik hokanape. 11Issoraʹ Atta eketedo Jisu Khrisṭo goiʹ khoiʹ jiuitʹberetʹkâdie âni judi apeyaʹ ontorre basoʹa, tahale Issorte Aiaʹ ana Attate apeyaʹ goiʹ hormoreho jiui maʹheʹ.
12Ana laʹte boiha ar mesrako, apeyaʹ hormo akaṭaʹ koie ana riki laʹte apedo jahan lakanaʹ jor bang hokana. Âdmioaʹ sobhabnaʹ talare taheketeʹ ar aboaʹ caloʹaʹ dorkar bânuʹa. 13Karon ape judi niâ panjeyape tahale apedo dhongsongenpehaʹ. Kheʹ judi ape Pobitro Attaoaʹ suktinaʹ talate ape kharap kâmi khoiʹ âcur hijuʹape tahale ape jiuitʹ namapehaʹ.
14Karon ekeko Issoraʹ Attanaʹ âyurte caloʹako angkogi Issorren gidrâkanako. 15Ape akaṭaʹ Issoraʹ Atta namkadape anatedo das oho banopeye, ana laʹte apedo alo botoroʹpehaʹ, apedo Issoraʹ Atta namkadape Eketedo ape gidrâoaʹ odhikar makaʹpeye. Ana laʹtigi abote Issordo "Baba" menketeʹ ṭâhuiabo. 16Pobitro Attaho aboaʹ ontorre niâ sakkho maʹe je, abodo Issorren gidrâkanabo. 17Karon abodo Issorren gidrâkanabo anate Aiʹren gidrâko akaṭaʹ makoheʹ mente rikitkade abo ana nambohaʹ. Khrisṭogi Issorṭheʹ khoiʹ mohima namheʹ ar aboho Âni suliʹ ana nambohaʹ, karon abo judi Khrisṭo suliʹ kosṭo bhogabo tahale Âni suliʹ mohimarenho bhâgi hoʹbohaʹ.
Akaṭaʹ mohima bhobisotre nambohaʹ
18Ing baṛeing, abo akaṭaʹ Issoraʹ mohima bhobisotre nambohaʹ ananaʹ tulonate aboaʹ niâ jiuinaʹ kosṭobhogdo itâʹgi bangkana. 19Issor Aiʹren gidrâko laʹte Aiaʹ mohima sodorheʹ ana laʹte sirjunaʹ sanamaʹgi agroho suliʹ ḍahar bengetʹketeʹ menaʹkoa. 20Karon sirjudo aiaʹ uddhesso ad laʹte nindâ holena ânioaʹ nijeoaʹ icchâtedo bang kheʹ Issoraʹ icchâte anado holena, Issorgi anado bifolnaʹ tire bâgigirikade. Kheʹ ana suliʹ niâ asaho makane je, 21dhongso khoiʹ bacoʹkohaʹ niâ sirju miʹdin Issorren gidrâkoaʹ mohimate sâdhinotaren bhâgidar hodarenhaʹ.
22Ale baṛeyale je, nit dhâriʹ Issoraʹ sanam sirjuonaʹ asote cilluʹkana, rejako alka gidrâ janamrenaʹ aso bhogako. 23Kebol sirju eskardo bang, abo ekeko Issoraʹ atta palhe upohar hisâbte namkadabo, aboho gerangdabo. Ar nitoʹ Issor uduʹkade je, abo Âniren gidrâkanabo ar aboaʹ hormo dhongso khoiʹ bacetaboe. 24Abodo niâ asagi namkadabo je, pap khoiʹ bacoʹbohaʹ. Abodo akaṭaʹ nam laʹte asaketeʹ menaʹboa judi ana namngeyabo tahaleto ana asado ar asagi bang tahelena. Akaṭaʹ nam hongekana, ana laʹte eke asaketeʹ tahena? 25Kheʹ akaṭaʹ nitoʹho bang namkadabo ana laʹte judi aboaʹ asa tahentaboa tahale ana laʹte abodo sahoketeʹ ḍaharbengetabo.
26Niâ bâgiketeʹ aboaʹ durbolotare Pobitro Attateho abo goroboe. Jâkhni abo bang baṛeyabo je itâʹ mente koijongaʹ ucitʹ tâkhni Pobitro Attate abo goroboe, kheʹ akaṭaʹ bhasate men bang jutuʹa analakanaʹ nehor suliʹ Pobitro Attado nijegi abo laʹte nehore. 27Issor âdmiaʹ ontor sendreye ânido Pobitro Attaoaʹ monnaʹ kathaho baṛeye, karon Pobitro Attado Issoraʹ icchâlakagi Issorren âdmiko laʹte nehore.
28Abo baṛeyabo, ekekote Âni dulâriâko angko sanamkhoiʹaʹ manja laʹte Issordo sanam somai kâmie. Issordo Aiʹaʹ uddesso laʹte angko bachongekaʹkoe. 29Issorte ekeko laharigi bacholeʹkoe angkodo Âni Aiʹren Hopontetren potimurti laka hoʹlaʹte ṭhikketeʹ doholeʹkoe, jate âni Hopondo aima boihako talaren maranguniʹ hoʹe. 30Ekeko Ânite laharigi ṭhikketeʹ doholeʹkoe angkodo Ânite ṭâhukeʹkoe, Ânite angko ṭâhukete Aiʹṭheʹ tengokeʹkoe ar angko ṭhik jagare dohoketeʹ Âniaʹ mohima makeʹkoe.
Issoraʹ dulâr
31Tahale niâko sanam beparte abodo itâʹ menbohaʹ? Issor jâkhni aboaʹ pokkhe miniâ tâkhni aboaʹ khuti rikiyiʹ eke miniâ? Ekeho bânuʹkoa. 32Issorte Aiʹren Hoponho rehai bang makâdie borong abo sanamkhoiʹ laʹte Ânido dankidie. Tahale Âni ki Hopon suliʹ sanamaʹgi abo maboheʹ? 33Issorte ekeko bachoengekaʹkoe eke angkoaʹ biruddhe nâliskohaʹ? Ekegi bang. Issor Aiʹtigi angkodo nirdos mente atangekaʹkoe. 34Ekete angko dusi metakohaʹ? Ekegi bang. Karon Eke goiʹlene ar Ekedo goiʹ khoiʹ jiuitʹ beretʹ hokana Âni Khrisṭo Jisu nitoʹ Issoraʹ jojma hate duruʹ miniâ ar abo laʹte nehoroʹkane. 35Emon itâʹ menaʹa akaṭaʹte Khrisṭoaʹ dulâr khoiʹ abo sâhingre ocoʹdareboe? Jahanaʹ somossate, kâṭhin somaire, ottacarte, ranggeʹte, obhabte, bipodte, goiʹte? Nako itâʹtigi bang. 36Pobitro sastrore ol menaʹa,
"Issor laʹte sanam somai ale talaren jahe bang jahegi goiʹlekanako,
ar jabhaoniʹ bhiṛi lakagi âdmikote ale disâleyako."#Siringko 44:22
37Bang, niâ sanamrigi ekete abo dulârkaʹboe Âniaʹ talatigi abo jitukanabo. 38Ing niâ katha manjatigi baṛeing, goiʹ se jiuitʹ, sorgodut se eṭaʹ sorgio sasoniʹ, bortoman se bhobisotʹnaʹ itâʹtigi se eṭaʹ jahan lakanaʹ sukti, 39se serma cetanrenaʹ se dhârti latarrenaʹ jahanaʹ, emonki, sanam sirjunaʹ talare jahanaʹ bepartigi Issoraʹ dulâr khoiʹ abo sâhingre bang ocoʹ dareboe. Issoraʹ niâ dulâr aboren Probhu Khrisṭo Jisuoaʹ talare menaʹa.
S'ha seleccionat:
Romio 8: EKL
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
©️2025 Bible Students Fellowship of Bangladesh
Romio 8
8
Pobitro attanaʹ maonaʹ jiui
1Jeko Khrisṭo Jisu suliʹ miʹṭheʹkanako Issortedo angko ar sâstiren joggo mente bang monekoe. 2Pobitro Attaoaʹ ângi Khrisṭo Jisu talate abodo jiui maboe, goiʹ ar papnaʹ ân khoiʹ mukto kâdinge. 3Mosiaʹ ântedo abo bang bacodareboe karon aboaʹ pap sobhabnaʹ durbolota laʹte. Ar ana laʹte ân akaṭaʹ bang rikâ darekade Issor nijegi ana rikâkade. Ânido aboaʹ pap sâhing laʹte nijeren nispap Hopontetʹ aboṭheʹ utsorgo hisâbte kolkidie. 4Âni ni kâmi rikâkade jate abodo aboaʹ nijeoaʹ icchânaʹ badalte attare baddhokete ân akaṭaʹ rikâkade ana rikâ dareʹabo.
5Jekodo pap sobhabnaʹ talare menaʹkoa angkoaʹ mondo âdmioaʹ sobhab akako koie anarigi angkodo monojogoʹako, ar jekodo Pobitro Attaoaʹ talare menaʹkoa angkoaʹ mondo Pobitro Atta akaṭaʹ koie anarigi monojogoʹako. 6Âdmioaʹ sobhab akaṭaʹ koie anare monojognaʹ jodo hoʹkana goiʹ, ar Pobitro Atta akaṭaʹ koie anare monojognaʹ jodo hoʹkana jiui ar sânti. 7Angko âdmioaʹ pap sobhab akako koie anarigi monojog maʹako, ana mondo Issoraʹ biruddhogiâ, karon anado Issoraʹ ân bang manelaʹ name, manoho bang dareʹe. 8Ekeko âdmi âdmioaʹ sobhab talare tahanako angkotedo Issor hub bang ma dareyako.
9Ar apedo apeyaʹ icchâtedo bang sasonoʹape kheʹ Issoraʹ Attate sasonoʹape kheʹ Issoraʹ Attatigi sasonoʹe ekedo apeyaʹ ontorrigi basoʹe. Ekeyaʹ ontorre Khrisṭoaʹ Atta bânuʹa ânido khrisṭore bang salaʹ tahane. 10Kheʹ Khrisṭo judi apeyaʹ ontorre tahene tahale apeyaʹ hormo pap laʹte gojoʹhaʹ kheʹ attado jiuitʹgi tahanhaʹ, karon Issorṭheʹ apedo dhârmik hokanape. 11Issoraʹ Atta eketedo Jisu Khrisṭo goiʹ khoiʹ jiuitʹberetʹkâdie âni judi apeyaʹ ontorre basoʹa, tahale Issorte Aiaʹ ana Attate apeyaʹ goiʹ hormoreho jiui maʹheʹ.
12Ana laʹte boiha ar mesrako, apeyaʹ hormo akaṭaʹ koie ana riki laʹte apedo jahan lakanaʹ jor bang hokana. Âdmioaʹ sobhabnaʹ talare taheketeʹ ar aboaʹ caloʹaʹ dorkar bânuʹa. 13Karon ape judi niâ panjeyape tahale apedo dhongsongenpehaʹ. Kheʹ judi ape Pobitro Attaoaʹ suktinaʹ talate ape kharap kâmi khoiʹ âcur hijuʹape tahale ape jiuitʹ namapehaʹ.
14Karon ekeko Issoraʹ Attanaʹ âyurte caloʹako angkogi Issorren gidrâkanako. 15Ape akaṭaʹ Issoraʹ Atta namkadape anatedo das oho banopeye, ana laʹte apedo alo botoroʹpehaʹ, apedo Issoraʹ Atta namkadape Eketedo ape gidrâoaʹ odhikar makaʹpeye. Ana laʹtigi abote Issordo "Baba" menketeʹ ṭâhuiabo. 16Pobitro Attaho aboaʹ ontorre niâ sakkho maʹe je, abodo Issorren gidrâkanabo. 17Karon abodo Issorren gidrâkanabo anate Aiʹren gidrâko akaṭaʹ makoheʹ mente rikitkade abo ana nambohaʹ. Khrisṭogi Issorṭheʹ khoiʹ mohima namheʹ ar aboho Âni suliʹ ana nambohaʹ, karon abo judi Khrisṭo suliʹ kosṭo bhogabo tahale Âni suliʹ mohimarenho bhâgi hoʹbohaʹ.
Akaṭaʹ mohima bhobisotre nambohaʹ
18Ing baṛeing, abo akaṭaʹ Issoraʹ mohima bhobisotre nambohaʹ ananaʹ tulonate aboaʹ niâ jiuinaʹ kosṭobhogdo itâʹgi bangkana. 19Issor Aiʹren gidrâko laʹte Aiaʹ mohima sodorheʹ ana laʹte sirjunaʹ sanamaʹgi agroho suliʹ ḍahar bengetʹketeʹ menaʹkoa. 20Karon sirjudo aiaʹ uddhesso ad laʹte nindâ holena ânioaʹ nijeoaʹ icchâtedo bang kheʹ Issoraʹ icchâte anado holena, Issorgi anado bifolnaʹ tire bâgigirikade. Kheʹ ana suliʹ niâ asaho makane je, 21dhongso khoiʹ bacoʹkohaʹ niâ sirju miʹdin Issorren gidrâkoaʹ mohimate sâdhinotaren bhâgidar hodarenhaʹ.
22Ale baṛeyale je, nit dhâriʹ Issoraʹ sanam sirjuonaʹ asote cilluʹkana, rejako alka gidrâ janamrenaʹ aso bhogako. 23Kebol sirju eskardo bang, abo ekeko Issoraʹ atta palhe upohar hisâbte namkadabo, aboho gerangdabo. Ar nitoʹ Issor uduʹkade je, abo Âniren gidrâkanabo ar aboaʹ hormo dhongso khoiʹ bacetaboe. 24Abodo niâ asagi namkadabo je, pap khoiʹ bacoʹbohaʹ. Abodo akaṭaʹ nam laʹte asaketeʹ menaʹboa judi ana namngeyabo tahaleto ana asado ar asagi bang tahelena. Akaṭaʹ nam hongekana, ana laʹte eke asaketeʹ tahena? 25Kheʹ akaṭaʹ nitoʹho bang namkadabo ana laʹte judi aboaʹ asa tahentaboa tahale ana laʹte abodo sahoketeʹ ḍaharbengetabo.
26Niâ bâgiketeʹ aboaʹ durbolotare Pobitro Attateho abo goroboe. Jâkhni abo bang baṛeyabo je itâʹ mente koijongaʹ ucitʹ tâkhni Pobitro Attate abo goroboe, kheʹ akaṭaʹ bhasate men bang jutuʹa analakanaʹ nehor suliʹ Pobitro Attado nijegi abo laʹte nehore. 27Issor âdmiaʹ ontor sendreye ânido Pobitro Attaoaʹ monnaʹ kathaho baṛeye, karon Pobitro Attado Issoraʹ icchâlakagi Issorren âdmiko laʹte nehore.
28Abo baṛeyabo, ekekote Âni dulâriâko angko sanamkhoiʹaʹ manja laʹte Issordo sanam somai kâmie. Issordo Aiʹaʹ uddesso laʹte angko bachongekaʹkoe. 29Issorte ekeko laharigi bacholeʹkoe angkodo Âni Aiʹren Hopontetren potimurti laka hoʹlaʹte ṭhikketeʹ doholeʹkoe, jate âni Hopondo aima boihako talaren maranguniʹ hoʹe. 30Ekeko Ânite laharigi ṭhikketeʹ doholeʹkoe angkodo Ânite ṭâhukeʹkoe, Ânite angko ṭâhukete Aiʹṭheʹ tengokeʹkoe ar angko ṭhik jagare dohoketeʹ Âniaʹ mohima makeʹkoe.
Issoraʹ dulâr
31Tahale niâko sanam beparte abodo itâʹ menbohaʹ? Issor jâkhni aboaʹ pokkhe miniâ tâkhni aboaʹ khuti rikiyiʹ eke miniâ? Ekeho bânuʹkoa. 32Issorte Aiʹren Hoponho rehai bang makâdie borong abo sanamkhoiʹ laʹte Ânido dankidie. Tahale Âni ki Hopon suliʹ sanamaʹgi abo maboheʹ? 33Issorte ekeko bachoengekaʹkoe eke angkoaʹ biruddhe nâliskohaʹ? Ekegi bang. Issor Aiʹtigi angkodo nirdos mente atangekaʹkoe. 34Ekete angko dusi metakohaʹ? Ekegi bang. Karon Eke goiʹlene ar Ekedo goiʹ khoiʹ jiuitʹ beretʹ hokana Âni Khrisṭo Jisu nitoʹ Issoraʹ jojma hate duruʹ miniâ ar abo laʹte nehoroʹkane. 35Emon itâʹ menaʹa akaṭaʹte Khrisṭoaʹ dulâr khoiʹ abo sâhingre ocoʹdareboe? Jahanaʹ somossate, kâṭhin somaire, ottacarte, ranggeʹte, obhabte, bipodte, goiʹte? Nako itâʹtigi bang. 36Pobitro sastrore ol menaʹa,
"Issor laʹte sanam somai ale talaren jahe bang jahegi goiʹlekanako,
ar jabhaoniʹ bhiṛi lakagi âdmikote ale disâleyako."#Siringko 44:22
37Bang, niâ sanamrigi ekete abo dulârkaʹboe Âniaʹ talatigi abo jitukanabo. 38Ing niâ katha manjatigi baṛeing, goiʹ se jiuitʹ, sorgodut se eṭaʹ sorgio sasoniʹ, bortoman se bhobisotʹnaʹ itâʹtigi se eṭaʹ jahan lakanaʹ sukti, 39se serma cetanrenaʹ se dhârti latarrenaʹ jahanaʹ, emonki, sanam sirjunaʹ talare jahanaʹ bepartigi Issoraʹ dulâr khoiʹ abo sâhingre bang ocoʹ dareboe. Issoraʹ niâ dulâr aboren Probhu Khrisṭo Jisuoaʹ talare menaʹa.
©️2025 Bible Students Fellowship of Bangladesh