Romio 2
2
Issoraʹ neibicâr
1Anate ape ekeko eṭaʹonkhoiʹaʹ bicârdape apeyaʹ jahan banheyaʹ bânuʹtapeya, karon apeho engkagi kâmiape. Anate ape jâkhni eṭaʹonkhoiʹaʹ bicârtakoape, tâkhni apeho nijegi dusiʹape. 2Abo baṛeyabo ekeko niâko kâmiako Issorte angkoaʹ bicârtakoe, ar Ânioaʹ bicârdo nejjogitaia. 3Akako kâmi laʹte amte eṭaʹonkhoiʹ dusikokanam ana kâmigi jâkhni am nije rikiam tâkhni ki moneyam Issoraʹ sâsti khoiʹ fâsuṛoʹmahaʹ? 4Issoraʹ maya, sahogun ar dhirjâ amtedo obohelaʹtayam. Amdo hiringgirikadam Issoraʹ niâ mayanaʹ uddessodo hoʹkana jate ape pap khoiʹ mon âcurtenape.
5Kheʹ amaʹ mondo keṭeʹgitama, amto pap khoiʹ mon âcurtenlaʹ bang namdam. Analaʹte akahiluʹ Issoraʹ edre sodoroʹhaʹ inâhiluʹ laʹte amdo amaʹ paona sâsti jaoraketeʹ dohodam. Ana somaigi Issoraʹ nei bicâr sodoroʹhaʹ. 6Issorte sanam âdmigi angko akaṭaʹ kâmikadako ana laka angko sâsti se puruskar makoheʹ. 7Ekeko sahoketeʹ manja kâmiketeʹ Issorṭheʹ khoiʹ gourob, sonman ar bingojoʹaʹ jiui namlaʹ namako, Issorte angkogi ononto jiui makoheʹ. 8Kheʹ ekeko sarthopor laka caʹako ar sâri bang manoketeʹ onnai manoketeʹ caʹako angko cetanre Issoraʹ aima edre agro hijuʹhaʹ. 9Ekeko papbereyako angkoaʹdo sanamkhoiʹaʹgi duk kosṭo ar durdasa hoʹtakohaʹ, palhere Jihudikoaʹ ar Ojihudikoaʹho. 10Kheʹ ekeko manja kâmikohaʹ angkodo gourob, sonman ar sânti namkohaʹ palhere Jihudiko ar Ojihudikoho. 11Karon Issortedo sanam âdmigi miʹlakaketeʹ bicârkoe.
12Mosiaʹ ânnaʹ baherre taha obosthare ekeko papako angkodo ân bâgiketeʹgi dhongsogenkohaʹ. Kheʹ ekeko ânre taheketeʹ papako angkoaʹ bicârdo ântigi hoʹtakohaʹ. 13Karon ekeko eken Mosiaʹ ânnaʹ katha atenako angkodo Issoraʹ metʹre bang dhârmikako, kheʹ ekeko ân palonako Issor mene je angkodo Aiʹ nijeṭheʹ atanglakaniʹ hoʹkohaʹ.
14Ojihudikodo Mosiaʹ ân bang namkadako, kheʹ taoreho angkodo ân laka kâmikadako ar angko uduʹkadako je angkodo baṛeyako akaṭaʹ rikâ ucit se ucit bangkana. 15Niâte leloʹa je, Mosiaʹ ânnaʹ motte akaṭaʹ rikâ ucit anado akoaʹ ontorrigi ol menaʹtakoa. Angkoaʹ bibek ar cintâho ana miʹlakagi sâkkhi maʹe, akako somai angkoaʹ cintâ ar bibekte angko dusikoe, se akako somai angko bacokoe.
16Issor jâkhni Jisu Khrisṭoaʹ talate âdmioaʹ sanam baionaʹ bicârtakoheʹ anahiluʹ angkoaʹ niâ bibeknaʹ bicârho sodoroʹhaʹ. Ing akaṭaʹ manja khobor procaring ana lakagi niâ bicâr hoʹhaʹ.
Ân ar Jihudiko
17Amdo nije Jihudi metoʹam ar amdo Mosiaʹ ânre nirbhoroʹam ar nije Issoreʹ âdmikanam mente gouroboʹam. 18Issor itâʹ koie anato amdo baṛeyam ar akaṭaʹ aima manjaoaʹ anado manongem, karon Mosiaʹ ân khoiʹ amdo anagi cetʹkadam. 19Ar amdo niscit je amtedo ândhuâko ḍahar uduʹokokanam. Ekeko nutre menaʹkoa amdo angkoṭheʹ marsal lakanam. 20Ekeko bebujgiâko amte angko sudrukoam ar gidrâkoren gurukanam karon am niscit je Mosiaʹ ânte am purâ gen ar sâriaʹ mame. 21Manjagito, amte jâkhni eṭaʹonkhoiʹ cetʹokoam tâkhni cekelaʹ nijeho bang cetʹdam? Amdo procardam, "Alo komreyam," Kheʹ amdo ki nijegi bang komrodam? 22Am menam, "Alo bebhicâram," kheʹ amdo ki bang bebhicârdam? Amteto murti ghrinâkoam, kheʹ am ki murtioaʹ mundirre caketeʹ bang komrodam? 23Mosiaʹ ân laite amdo gorbeyam, kheʹ amgi ki ân omannoketeʹ Issor bang osonmaneyam? 24Pobitro sastrore niâ katha ol menaʹa, "Ape karonte Ojihudikodo Issoraʹ nutumnaʹ nindâiako."#Jisaio 52:5
25Am judi Mosiaʹ ân manoketeʹ caʹam tahale sunnotnaʹ dam menaʹa, kheʹ judi ân omanneyam tahale anado sunnot bang hoʹaʹ soman. 26Niâ laʹte jaheoaʹ sunnot bang hokantaia angkaniʹ âdmi judi Mosiaʹ ân manoketeʹ calobanoʹe tahale Issorte ânioaʹdo sunnot rikâ hokantaia mente ki oho moneye? 27Amṭheʹ to olonaʹ ân menaʹa ar amaʹdo sunnot rikâ hokana. Kheʹ am judi ân omanneyam tahale ekeoaʹ sunnot rikâ bang hokâniʹ ar ân palonde, ânitedo ki ân omanne laʹte oho dusimie?
28Eken baher hate khoiʹ eke Jihudikane ânido sâriyiʹ Jihudi bangkane. Eken hormonaʹ baherre sunnot rikâ holenkheʹgi je sâri sunnot rikâ hokantaia anado bang. 29Kheʹ ontorre eke Jihudikane ânigie sâri Jihudi. Sâri sunnot rikiaʹ kâmido ontor bhitârrigi hoʹa ar anado hoʹkana attanaʹ kâmi, olonaʹ ân maneyaʹ bepardo bangkana. Nangkankhoiʹ âdmi, âdmioaʹ prosongsa bang namako, kheʹ Issoraʹ prosongsa namako.
S'ha seleccionat:
Romio 2: EKL
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
©️2025 Bible Students Fellowship of Bangladesh
Romio 2
2
Issoraʹ neibicâr
1Anate ape ekeko eṭaʹonkhoiʹaʹ bicârdape apeyaʹ jahan banheyaʹ bânuʹtapeya, karon apeho engkagi kâmiape. Anate ape jâkhni eṭaʹonkhoiʹaʹ bicârtakoape, tâkhni apeho nijegi dusiʹape. 2Abo baṛeyabo ekeko niâko kâmiako Issorte angkoaʹ bicârtakoe, ar Ânioaʹ bicârdo nejjogitaia. 3Akako kâmi laʹte amte eṭaʹonkhoiʹ dusikokanam ana kâmigi jâkhni am nije rikiam tâkhni ki moneyam Issoraʹ sâsti khoiʹ fâsuṛoʹmahaʹ? 4Issoraʹ maya, sahogun ar dhirjâ amtedo obohelaʹtayam. Amdo hiringgirikadam Issoraʹ niâ mayanaʹ uddessodo hoʹkana jate ape pap khoiʹ mon âcurtenape.
5Kheʹ amaʹ mondo keṭeʹgitama, amto pap khoiʹ mon âcurtenlaʹ bang namdam. Analaʹte akahiluʹ Issoraʹ edre sodoroʹhaʹ inâhiluʹ laʹte amdo amaʹ paona sâsti jaoraketeʹ dohodam. Ana somaigi Issoraʹ nei bicâr sodoroʹhaʹ. 6Issorte sanam âdmigi angko akaṭaʹ kâmikadako ana laka angko sâsti se puruskar makoheʹ. 7Ekeko sahoketeʹ manja kâmiketeʹ Issorṭheʹ khoiʹ gourob, sonman ar bingojoʹaʹ jiui namlaʹ namako, Issorte angkogi ononto jiui makoheʹ. 8Kheʹ ekeko sarthopor laka caʹako ar sâri bang manoketeʹ onnai manoketeʹ caʹako angko cetanre Issoraʹ aima edre agro hijuʹhaʹ. 9Ekeko papbereyako angkoaʹdo sanamkhoiʹaʹgi duk kosṭo ar durdasa hoʹtakohaʹ, palhere Jihudikoaʹ ar Ojihudikoaʹho. 10Kheʹ ekeko manja kâmikohaʹ angkodo gourob, sonman ar sânti namkohaʹ palhere Jihudiko ar Ojihudikoho. 11Karon Issortedo sanam âdmigi miʹlakaketeʹ bicârkoe.
12Mosiaʹ ânnaʹ baherre taha obosthare ekeko papako angkodo ân bâgiketeʹgi dhongsogenkohaʹ. Kheʹ ekeko ânre taheketeʹ papako angkoaʹ bicârdo ântigi hoʹtakohaʹ. 13Karon ekeko eken Mosiaʹ ânnaʹ katha atenako angkodo Issoraʹ metʹre bang dhârmikako, kheʹ ekeko ân palonako Issor mene je angkodo Aiʹ nijeṭheʹ atanglakaniʹ hoʹkohaʹ.
14Ojihudikodo Mosiaʹ ân bang namkadako, kheʹ taoreho angkodo ân laka kâmikadako ar angko uduʹkadako je angkodo baṛeyako akaṭaʹ rikâ ucit se ucit bangkana. 15Niâte leloʹa je, Mosiaʹ ânnaʹ motte akaṭaʹ rikâ ucit anado akoaʹ ontorrigi ol menaʹtakoa. Angkoaʹ bibek ar cintâho ana miʹlakagi sâkkhi maʹe, akako somai angkoaʹ cintâ ar bibekte angko dusikoe, se akako somai angko bacokoe.
16Issor jâkhni Jisu Khrisṭoaʹ talate âdmioaʹ sanam baionaʹ bicârtakoheʹ anahiluʹ angkoaʹ niâ bibeknaʹ bicârho sodoroʹhaʹ. Ing akaṭaʹ manja khobor procaring ana lakagi niâ bicâr hoʹhaʹ.
Ân ar Jihudiko
17Amdo nije Jihudi metoʹam ar amdo Mosiaʹ ânre nirbhoroʹam ar nije Issoreʹ âdmikanam mente gouroboʹam. 18Issor itâʹ koie anato amdo baṛeyam ar akaṭaʹ aima manjaoaʹ anado manongem, karon Mosiaʹ ân khoiʹ amdo anagi cetʹkadam. 19Ar amdo niscit je amtedo ândhuâko ḍahar uduʹokokanam. Ekeko nutre menaʹkoa amdo angkoṭheʹ marsal lakanam. 20Ekeko bebujgiâko amte angko sudrukoam ar gidrâkoren gurukanam karon am niscit je Mosiaʹ ânte am purâ gen ar sâriaʹ mame. 21Manjagito, amte jâkhni eṭaʹonkhoiʹ cetʹokoam tâkhni cekelaʹ nijeho bang cetʹdam? Amdo procardam, "Alo komreyam," Kheʹ amdo ki nijegi bang komrodam? 22Am menam, "Alo bebhicâram," kheʹ amdo ki bang bebhicârdam? Amteto murti ghrinâkoam, kheʹ am ki murtioaʹ mundirre caketeʹ bang komrodam? 23Mosiaʹ ân laite amdo gorbeyam, kheʹ amgi ki ân omannoketeʹ Issor bang osonmaneyam? 24Pobitro sastrore niâ katha ol menaʹa, "Ape karonte Ojihudikodo Issoraʹ nutumnaʹ nindâiako."#Jisaio 52:5
25Am judi Mosiaʹ ân manoketeʹ caʹam tahale sunnotnaʹ dam menaʹa, kheʹ judi ân omanneyam tahale anado sunnot bang hoʹaʹ soman. 26Niâ laʹte jaheoaʹ sunnot bang hokantaia angkaniʹ âdmi judi Mosiaʹ ân manoketeʹ calobanoʹe tahale Issorte ânioaʹdo sunnot rikâ hokantaia mente ki oho moneye? 27Amṭheʹ to olonaʹ ân menaʹa ar amaʹdo sunnot rikâ hokana. Kheʹ am judi ân omanneyam tahale ekeoaʹ sunnot rikâ bang hokâniʹ ar ân palonde, ânitedo ki ân omanne laʹte oho dusimie?
28Eken baher hate khoiʹ eke Jihudikane ânido sâriyiʹ Jihudi bangkane. Eken hormonaʹ baherre sunnot rikâ holenkheʹgi je sâri sunnot rikâ hokantaia anado bang. 29Kheʹ ontorre eke Jihudikane ânigie sâri Jihudi. Sâri sunnot rikiaʹ kâmido ontor bhitârrigi hoʹa ar anado hoʹkana attanaʹ kâmi, olonaʹ ân maneyaʹ bepardo bangkana. Nangkankhoiʹ âdmi, âdmioaʹ prosongsa bang namako, kheʹ Issoraʹ prosongsa namako.
©️2025 Bible Students Fellowship of Bangladesh