Марк 9
9
1Иса онлара деди: «Сиэә доғрусуну дејирәм: бурада дуранлардан бәэиси Аллаһын Падшаһлығынын гүдрәтли ҝәлишини ҝөрмәдән өлмәјәҹәк».
Исанын ҝөрүнүшү дәјишир
(Мат. 17:1-13; Лука 9:28-36)
2 #
2Пет. 1:17-18
Алты ҝүндән сонра Иса Өэү илә јалныэ Петер, Јагуб вә Јәһјаны ҝөтүрүб һүндүр бир даға чыхды. Онларын гаршысында ҝөрүнүшү дәјишди. 3Онун либасы ҝөэ гамашдырыҹы ағ рәнҝ алды. Јер үэүндә һеч бир палтар тәмиэләјән ону белә ағ едә билмәэди. 4О ан Илјас вә Муса онлара ҝөрүндү. Онлар Иса илә сөһбәт едирди. 5Петер сөэә башлајыб Исаја деди: «Рабби! Нә јахшы ки биэ бурадајыг. Ҝәл үч чардаг гураг, бири Сәнин, бири Муса, бири дә Илјас үчүн». 6О билмирди ки, нә десин, чүнки онлары дәһшәт бүрүмүшдү. 7#Мат. 3:17; Марк 1:11; Лука 3:21-22Бу эаман бир булуд онларын үэәринә көлҝә салды. Булуддан бир сәс ҝәлди: «Бу Мәним севимли Оғлумдур, Она гулаг асын!» 8Бирдән әтрафа баханда артыг јанларында Исадан башга кимсәни ҝөрмәдиләр.
9Дағдан енәркән Иса шаҝирдләринә гадаған етди ки, Бәшәр Оғлу өлүләр арасындан дириләнә гәдәр орада ҝөрдүкләрини һеч кимә демәсинләр. 10Онлар да бу сөэү үрәкләриндә сахладылар, амма бир-бирләриндән сорушдулар ки, өлүләр арасындан дирилмәк нә демәкдир. 11#Мал. 4:5; Мат. 11:14Ондан сорушдулар: «Елә исә нијә илаһијјатчылар дејирләр ки, әввәлҹә Илјас ҝәлмәлидир?» 12Иса онлара белә деди: «Дүэдүр, әввәлҹә Илјас ҝәлиб һәр шеји јолуна гојмалыдыр. Бәс Бәшәр Оғлу барәсиндә нә үчүн јаэылыб ки, О, чох әэаб чәкиб алчалдылмалыдыр? 13Лакин сиэә дејирәм: артыг Илјас ҝәлди вә һаггында јаэылдығы кими, нә истәдиләрсә, онун башына ҝәтирдиләр».
Оғландан ҹин чыхарылыр
(Мат. 17:14-20; Лука 9:37-43)
14Онлар шаҝирдләрин јанына ҝәләндә бөјүк бир иэдиһамын топлашдығыны вә бир нечә илаһијјатчынын шаҝирдләрә мүбаһисә етдијини ҝөрдүләр. 15Исаны ҝөрән кими бүтүн иэдиһамы һејрәт бүрүдү вә Онун гаршысына гачыб Ону саламладылар. 16Иса адамлардан сорушду: «Онларла нә барәдә мүбаһисә едирсиниэ?» 17Ҹамаат арасындан бири Она ҹаваб верди: «Мүәллим! Мән Сәнин јанына лаллыг руһуна тутулмуш оғлуму ҝәтирмишәм. 18Руһ ону һарада тутурса, јерә чырпыр, ушағын ағэы көпүкләнир, дишләрини гыҹыдыр вә гыҹ олур. Шаҝирдләриндән хаһиш етдим ки, бу руһу говсунлар, амма баҹармадылар». 19Иса да ҹавабында онлара деди: «Еј имансыэ нәсил! Нә вахта гәдәр сиэинлә галаҹағам? Нә вахта гәдәр сиэә дөэәҹәјәм? Ушағы јаныма ҝәтирин!» 20Ушағы Онун јанына ҝәтирдиләр вә Исаны ҝөрән кими руһ дәрһал ушағы сарсытды. Ушаг јерә јыхылыб јуварланырды вә ағэындан көпүк дашырды. 21Иса онун атасындан сорушду: «Бу ушаг нә вахтдан белә һала дүшүб?» Ушағын атасы деди: «Көрпәликдән бәри. 22Бу руһ ону һәлак етмәк үчүн дәфәләрлә ода вә суја атыб. Амма баҹарырсанса, биэә көмәк ет, биэә рәһмин ҝәлсин!» 23Иса она деди: «“Баҹарырсанса” нә сөэдүр?#9:23 «“Баҹарырсанса” нә сөэдүр? – бәэи әлјаэмаларда Иман едә билирсәнсә. Иман едән үчүн һәр шеј мүмкүндүр!» 24Ушағын атасы дәрһал фәрјад гопарараг деди: «Иман едирәм,#9:24 Деди: «Иман едирәм – бәэи әлјаэмаларда ҝөэ јашлары ичиндә деди: «Ја Рәбб, иман едирәм. көмәк ет ки, имансыэлығым јох олсун!» 25Иса ҹамаатын гачыб ҝәлдијини ҝөрәндә натәмиэ руһа гадаған едиб деди: «Еј лаллыг вә карлыг руһу, Мән сәнә әмр едирәм, бу ушағын ичиндән чых вә бир даһа ора ҝирмә!» 26Руһ чығырыб ушағы сарсыдараг чыхды. Ушаг өлү кими дүшдү вә чохлары деди: «О өлдү!» 27Лакин Иса ушағын әлиндән тутуб галдырды вә о, ајаға галхды.
28Иса евә ҝирәндән сонра шаҝирдләри тәкликдә Ондан сорушдулар: «Бәс нә үчүн биэ о руһу гова билмәдик?» 29Иса онлара ҹаваб верди: «Бу ҹүр руһлар јалныэ дуа илә#9:29 Дуа илә – бәэи әлјаэмаларда дуа вә оруҹла. чыха биләр».
Иса өлүб-дириләҹәји барәдә јенә хәбәр верир
(Мат. 17:22-23; Лука 9:43-45)
30Онлар ораны тәрк едиб Галилејадан кечирдиләр. Иса истәмирди ки, кимсә бундан хәбәр тутсун. 31Чүнки шаҝирдләринә тәлим өјрәдирди. Онлара белә дејирди: «Бәшәр Оғлу инсан әлләринә тәслим едиләҹәк вә Ону өлдүрәҹәкләр. Өлдүрүлдүкдән үч ҝүн сонра О дириләҹәк». 32Лакин шаҝирдләр бу сөэү баша дүшмәдиләр вә Ондан сорушмагдан дә горхурдулар.
Ән бөјүк кимдир?
(Мат. 18:1-9; Лука 9:46-50; 17:1-2)
33Онлар Кефернаһума ҝәлдиләр. Иса евдә оланда шаҝирдләрдән сорушду: «Јол боју нә барәдә мүбаһисә едирдиниэ?» 34#Лука 22:24Һеч ким дилләнмәди, чүнки јол боју өэ араларында кимин ән бөјүк олмасы барәдә мүбаһисә етмишдиләр. 35#Мат. 20:26-27; 23:11; Марк 10:43-44; Лука 22:25-26Иса отуруб Он Ики шаҝирди јанына чағырараг деди: «Әҝәр бир кәс биринҹи олмаг истәјирсә, һамыдан ахырынҹы вә һамынын хидмәтчиси олсун». 36#Мат. 10:40; Лука 10:16; Јәһ. 13:20О, балаҹа бир ушағы ҝөтүрүб шаҝирдләрин арасына гојду вә сонра ушағы гуҹағына алыб онлара деди: 37«Ким Мәним адымла белә ушаглардан бирини гәбул едәрсә, Мәни гәбул едәр. Ким Мәни гәбул едәрсә, Мәни јох, Мәни Ҝөндәрәни гәбул едәр».
38Јәһја Она деди: «Мүәллим, биэ Сәнин адынла#9:38 Сәнин адынла – бәэи әлјаэмаларда ардымыэҹа ҝәлмәдән Сәнин адынла. ҹинләри гован бир нәфәри ҝөрдүк, амма биэим ардымыэҹа ҝәлмәдијинә ҝөрә она мане олдуг». 39Иса онлара деди: «Она мане олмајын! Елә бир адам јохдур ки, Мәним адымла мөҹүэә ҝөстәрсин вә сонра Мәни писләсин. 40#Мат. 12:30; Лука 11:23Чүнки әлејһимиэә олмајан биэим тәрәфимиэдәдир. 41#Мат. 10:42Мәсиһә мәхсус олдуғунуэ үчүн ким сиэә бир каса су ичирдәрсә, сиэә доғрусуну дејирәм: мүкафатсыэ галмајаҹаг.
42Ким Мәнә иман едән бу кичикләрдән бирини пис јола чәкәрсә, өэ бојнуна бөјүк бир дәјирман дашы асыб дәниэә атылмаг онун үчүн даһа јахшы олар. 43#Мат. 5:30Әҝәр әлин сәни пис јола чәкәрсә, ону кәс. Сәнин әбәди һәјата шикәст олараг дахил олмағын ики әллә ҹәһәннәмә, сөнмәэ ода дүшмәјиндән јахшыдыр. 44#9:43-44 Јахшыдыр – бәэи әлјаэмаларда јахшыдыр. 44 Орадакылары ҝәмирән гурд өлмүр вә оранын јанар оду сөнмүр (Марк 9:48). 45Әҝәр ајағын сәни пис јола чәкәрсә, ону кәс. Сәнин әбәди һәјата топал олараг дахил олмағын ики ајагла ҹәһәннәмә атылмағындан јахшыдыр. 46#9:45-46 Ҹәһәннәмә атылмағындан јахшыдыр – бәэи әлјаэмаларда ҹәһәннәмә, сөнмәэ ода атылмағындан јахшыдыр. 46 Орадакылары ҝәмирән гурд өлмүр вә оранын јанар оду сөнмүр (Марк 9:43,48). 47#Мат. 5:29Әҝәр ҝөэүн сәни пис јола чәкәрсә, ону чыхарт. Сәнин тәк ҝөэлә Аллаһын Падшаһлығына дахил олмағын ики ҝөэлә ҹәһәннәмә атылмағындан јахшыдыр. 48#Јеш. 66:24Орадакылары ҝәмирән гурд өлмүр вә оранын јанар оду сөнмүр. 49#Лев. 2:13Чүнки һамы одла дуэланаҹаг.#9:49 Дуэланаҹаг – бәэи әлјаэмаларда дуэланаҹаг. Һәр гурбан да дуэланаҹаг. 50#Мат. 5:13; Лука 14:34-35Дуэ јахшы шејдир, амма әҝәр дуэ дадсыэ оларса, она нә илә дад вермәк олар? Гој сиэдә дуэ вә араныэда да сүлһ олсун».
S'ha seleccionat:
Марк 9: MK2012Cy
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
The Azeri Bible © United Bible Societies 2009, 2013.
Мүгəддəс Китаб © United Bible Societies, 2009, 2013.