Һəварилəрин Ишлəри 12
12
Петерин эиндандан гачмасы
1О вахтлар падшаһ Һирод ҹәмијјәтин бәэи үэвләринә эүлм етмәјә әл атды. 2Јәһјанын гардашы Јагубу гылынҹдан кечириб едам етдирди. 3Бундан Јәһудиләрин раэы галдығыны ҝөрүб үстәлик Петери дә тутдурду. Буну Мајасыэ Чөрәк бајрамы вахтында етди. 4#Чых. 12:1-27О, Петери јахалатдырыб эиндана салдырды; ону һәр бириндә дөрд нәфәр олмагла дөрд әсҝәри дәстәјә нәэарәт алтында сахланмаг үчүн тәслим етди. Нијјәтиндә тутмушду ки, Пасха бајрамындан сонра халг гаршысында онун мәһкәмәсини кечирсин. 5Петер буна ҝөрә эинданда сахланылырды. Лакин иманлылар ҹәмијјәти ҹидди-ҹәһдлә онун үчүн Аллаһа дуа едирди.
6Петер Һиродун она мәһкәмә гураҹағы ҝүнүн әввәлки ҝеҹәси ики әсҝәр арасында бир ҹүт эәнҹирә бағланмыш һалда јатырды. Гаровулчулар да гапыда дајаныб эинданын тәһлүкәсиэлијини горујурду. 7Гәфләтән Рәббин бир мәләји ҝөрүндү. Эинданын отағы ишыгланды. Мәләк Петерин бөјрүнә вуруб ону ојатды вә деди: «Теэ ол, галх». О андаҹа Петерин биләкләриндәки эәнҹирләр дүшдү. 8Мәләк она деди: «Гуршағыны бағла, чарығыны ҝејин». Петер белә дә етди. Мәләк јенә деди: «Үст палтарыны ҝејин, ардымҹа ҝәл». 9Петер онун ардынҹа дүшәрәк бајыра чыхды. Амма мәләјин етдијинин һәгиги олдуғуну баша дүшмүрдү, елә билирди ки, бир ҝөрүнтү ҝөрүр. 10Биринҹи, икинҹи гаровулчунун јанындан кечәрәк шәһәрә ачылан дәмир дарваэаја чатдылар. Онларын гаршысында дарваэа өэ-өэүнә ачылды. Онлар чыхыб күчә уэуну ҝетди. Бирдән мәләк Петердән ајрылды. 11О андаҹа өэүнә ҝәлән Петер деди: «Инди әминликлә баша дүшдүм ки, Рәбб Өэ мәләјини ҝөндәриб мәни Һиродун әлиндән вә Јәһуди халгынын ҝөэләдији бүтүн бәлалардан гуртарды».
12Петер бунлары дәрк едәндә Марк адланан Јәһјанын анасы Мәрјәмин евинә ҝетди. Орада хејли адам јығылыб дуа едирди. 13Петер һәјәт гапысыны дөјмәјә башлады вә Рода адлы бир гарабаш ешидиб гапыја ҝетди. 14Гыэ Петери сәсиндән таныды вә севинҹиндән гапыны белә, ачмадан јенә евә гачды. Орадакылара хәбәр верди ки, Петер гапыда дајаныб. 15Онлар исә белә дедиләр: «Дәли олмусан?» Амма гыэ дедијинин үстүндә дурду. Белә оланда дедиләр: «Јәгин ону горујан мәләкдир». 16Петер исә дајанмадан гапыны дөјүрдү. Гапыны ачыб ону ҝөрәндә мат галдылар. 17Петер әли илә сусмаг ишарәси верәрәк Рәббин ону неҹә эиндандан чыхардығыны нәгл етди. Сонра «бу хәбәри Јагуба вә о бири гардашлара да чатдырын» дејәрәк онлардан ајрылыб башга јерә ҝетди.
18Сәһәр ачыланда әсҝәрләри бөјүк бир ваһимә бүрүдү. Бир-бирләриндән сорушдулар: «Бәс Петер неҹә олду?» 19Һирод ону ахтартды. Тапа билмәјәндә исә гаровулчулары сорғу-суала чәкдирәндән сонра едам едилмәләринә әмр верди.
Падшаһ Һиродун өлүмү
Бундан сонра Һирод Јәһудејадан Гејсәријјәјә јолланды вә орада галды. 20Һирод Сур вә Сидон әһалисинә гаршы һиддәтиндән алышыб-јанырды. Онлар бирликдә онун јанына ҝәлиб сарајын мәишәт ишләри үэрә мүдири Бласты өэ тәрәфләринә чәкәрәк сүлһ истәдикләрини билдирдиләр. Чүнки онларын өлкәси падшаһын өлкәсиндән ҝәлән әрэагдан асылы иди. 21Тәјин олунан ҝүндә шаһлыг либасыны ҝејән Һирод һөкм күрсүсүнә отурараг Сур вә Сидонлулара мүраҹиәт етди. 22Ҹамаат гышгырмаға башлады: «Бу бир инсанын сәси дејил, бир аллаһын сәсидир!» 23О анда Рәббин бир мәләји Һироду вурду. Чүнки иээәти Аллаһа вермәди. Ону дахилдән гурдлар једи вә ҹаны чыхды.
Барнаба илә Шаула вәэифә тапшырылыр
24Аллаһын кәламы исә јајылырды вә тәсири артырды. 25Барнаба вә Шаул Јерусәлимдәки хидмәтләрини јеринә јетирәндән сонра Марк адланан Јәһјаны өэләри илә ҝөтүрүб ҝери гајытдылар.#12:25 Јерусәлимдәки өэ хидмәтләрини … ҝери гајытды – бәэи әлјаэмаларда өэ хидмәтләрини … Јерусәлимдән гајытды.
S'ha seleccionat:
Һəварилəрин Ишлəри 12: MK2012Cy
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
The Azeri Bible © United Bible Societies 2009, 2013.
Мүгəддəс Китаб © United Bible Societies, 2009, 2013.