ရှင်မာကု 16
16
အသက်ပြန်ရှင်သော မနက်
(မ၊ ၂၈:၁-၈။ လု၊ ၂၄:၁-၁၂။ ယော၊ ၂၀:၁-၁၀)
1ဥပုသ်နေ့လွန်မြောက်ပြီး နောက်တစ်ရက်ညနေခင်း၌ မာဂဒလမြို့သူ မာရိ၊ ယာကုပ်၏မိခင် မာရိနှင့် ရှာလုံအမည်ရှိ အမျိုးသမီးတို့သည် သင်္ချိုင်းဂူအတွင်းရှိ ကိုယ်တော်ယေရှု၏ရုပ်အလောင်းတော်အား သွားရောက်ပူဇော်နိုင်ရန်အတွက် အမွှေးနံ့သာဆီများထွက်၍ဝယ်ကြလေ၏။ 2ထို့နောက် ရက်သတ္တပတ်၏ပထမဆုံးနေ့ မနက်စောစော နေထွက်ချိန်တွင် ကိုယ်တော်ယေရှု၏ရုပ်အလောင်းတော်ရှိရာ သင်္ချိုင်းဂူအနီးသို့ သွားကြလေ၏။ 3သူတို့သည် သင်္ချိုင်းဂူပေါက်ဝကို ပိတ်ထားသော ကျောက်တုံးကြီးကို မည်သူက ကူညီ၍ လှိမ့်ဖယ်ပေးမည်နည်းဟု အချင်းချင်း ပြောဆိုကြလျက်
4သင်္ချိုင်းဂူရှိရာအနီးသို့ ရောက်ရှိလာသောအချိန်တွင် လှမ်းကြည့်လိုက်ကြရာ သင်္ချိုင်းဂူပေါက်ဝရှိ အလွန်ကြီးမားသော ကျောက်တုံးကြီးအား တစ်စုံတစ်ယောက်သည် အခြားနေရာသို့ လိမ့်၍ရွှေ့ထားပြီးဖြစ်နေသည်ကို တွေ့ကြရ၏။ 5ထို့နောက် သူတို့သည် သင်္ချိုင်းဂူအတွင်းသို့ ဝင်ကြရာ ဝတ်ရုံအဖြူဝတ်ဆင်ထားသော လူငယ်တစ်ဦးအား သူမတို့၏ညာဘက်၌ ထိုင်နေသည်ကို တွေ့လိုက်ရသဖြင့် သူမတို့သည် အလွန်အံ့ဩသွားကြ၏။
6သို့သော် ထိုလူငယ်က “မကြောက်ကြနှင့်၊ လက်ဝါးကပ်တိုင်ပေါ်တင်၍ ကွက်မျက်ခြင်းခံရသည့် နာဇရက်မြို့သား ယေရှုကို သင်တို့ရှာနေကြသည်မဟုတ်လော။ သူသည် အသက်ပြန်ရှင်ခဲ့ပြီဖြစ်၍ ဤအရပ်၌မရှိတော့ပေ။ အလောင်းတော်ထားရှိသည့် နေရာကိုကြည့်ကြလော့။ 7သင်တို့သည်လည်း ပေတရုနှင့်တခြားတပည့်တော်များထံသို့သွား၍ ‘ကိုယ်တော်ယေရှုသည် သင်တို့အား ယခင်ကပင် မိန့်မှာခဲ့သည့်အတိုင်း ဂါလိလဲပြည်ကို သင်တို့ရှေ့မှ အရင်ကြွသွားတော်မူပြီ။ သင်တို့သည် ကိုယ်တော်ကို ထိုအရပ်၌ တွေ့ကြရလိမ့်မည်’ ဟုပြောပြကြလော့” ဟုဆိုလေ၏။
8ထိုစကားကိုကြားပြီးနောက် အမျိုးသမီးတို့သည် အံ့ဩတုန်လှုပ်ကာ သင်္ချိုင်းဂူမှ ပြေးထွက်သွားကြ၏။ သူမတို့သည် အလွန်ကြောက်လန့်ကြသဖြင့် ထိုလူပြောသောအကြောင်းအရာများကို မည်သူ့ကိုမှ မပြောပြနိုင်ဘဲ ဖြစ်နေကြ၏။
လူတို့ထံ ထင်ရှားပြသတော်မူခြင်း
(ယော၊ ၂၀:၁၁-၁၈။ လု၊ ၂၄:၁၃-၃၅)
9ရက်သတ္တပတ်၏ပထမဆုံးနေ့ မနက်စောစောပိုင်းတွင် ထိုအမျိုးသမီးတို့သည် ထိုသင်္ချိုင်းဂူမှ ပြေးထွက်လာခဲ့ကြပြီးနောက် ကိုယ်တော်ယေရှုသည် ပထမဦးစွာ မာဂဒလမြို့သူ မာရိအား ကိုယ်ထင်ပြတော်မူ၏။ သူမသည် ယခင်က ကိုယ်တော်ယေရှုမှ မကောင်းဆိုးဝါးခုနှစ်ကောင်အား သူမထံမှ နှင်ထုတ်ပေးခဲ့ဖူးသူ မာရိပင်ဖြစ်၏။ 10သူမသည် ဝမ်းနည်းငိုကြွေးနေကြသော ကိုယ်တော်ယေရှုနှင့်အတူရှိခဲ့ဖူးသူများထံသို့သွား၍ သူမမြင်တွေ့ခဲ့ရသော အဖြစ်အပျက်များကို ပြောပြလေ၏။ 11သို့သော် ကိုယ်တော်အား အသက်ရှင်လျက်ဖြင့် သူမမြင်တွေ့ခဲ့ရကြောင်း ပြောဆိုသော်လည်း သူတို့သည် ယုံကြည်ခြင်းမရှိကြပေ။ 12ထိုအခြင်းအရာများ ဖြစ်ပျက်ပြီးနောက် ကိုယ်တော်ယေရှုသည် ဂျေရုဆလင်မြို့မှ အနီးပတ်ဝန်းကျင်သို့ လမ်းလျှောက်လာကြသည့် သူ၏တပည့်တော်နှစ်ဦးအား မတူညီသော ပုံစံတစ်မျိုးဖြင့် ကိုယ်ထင်ပြခဲ့လေသဖြင့် 13ထိုတပည့်တော်နှစ်ဦးသည်လည်း ဂျေရုဆလင်မြို့သို့ပြန်သွားကာ ဖြစ်ပျက်ခဲ့သည်များကို အခြားတပည့်တော်များအား ပြန်လည်ပြောပြလေ၏။ သို့သော် အခြားတပည့်တော်များသည် သူတို့ပြောပြသည်များကို မယုံကြည်ကြချေ။
ကြီးမြတ်သော မိန့်မှာမှု
(မ၊ ၂၈:၁၆-၂၀။ လု၊ ၂၄:၃၆-၄၉။ ယော၊ ၂၀:၁၉-၂၃)
14ထို့နောက် ကိုယ်တော်ယေရှုသည် တပည့်သာဝကတစ်ဆယ့်တစ်ဦး စားသောက်နေကြစဉ်တွင် သူတို့အား ကိုယ်ထင်ပြတော်မူ၏။ ကိုယ်တော်က သူအသက်ပြန်ရှင်လာပြီဖြစ်ကြောင်း အခြားသူများကပြောပြသည်များကို ယုံကြည်ရန် ခေါင်းမာနေကြသောကြောင့် သူတို့အား ပြစ်တင်၍ ဆုံးမတော်မူပြီးနောက် 15ကိုယ်တော်က “ဤကမ္ဘာလောကအနှံ့အပြားကိုသွား၍ လူသားအပေါင်းတို့အား မင်္ဂလာသတင်းကောင်းကို ဟောကြားကြလော့။ 16ယုံကြည်၍ ရေနှစ်မင်္ဂလာခံယူကြသည့်သူအပေါင်းတို့ကို ဘုရားရှင်သည် ကယ်တင်တော်မူမည်ဖြစ်၍ ယုံကြည်လက်ခံခြင်းမရှိသည့်သူအပေါင်းတို့သည် ဘုရားရှင်၏ပြစ်ဒဏ်စီရင်ခြင်းကို ခံကြရလိမ့်မည်။ 17ယုံကြည်သောသူအပေါင်းတို့သည် ငါ၏အမည်နာမကို အမှီပြု၍ မကောင်းဆိုးဝါးအပေါင်းကို နှင်ထုတ်ဖယ်ရှားခြင်း၊ ထူးခြားသော ဘာသာစကားကို ပြောဆိုနိုင်ကြခြင်းများအပြင် 18ထိုသူတို့သည် မြွေကို ကိုင်ထားလျှင်သော်လည်းကောင်း၊ သေစေနိုင်သောအဆိပ်ကို သောက်သော်လည်းကောင်း ဘေးအန္တရာယ် ကျရောက်မည်မဟုတ်။ ထိုသူတို့သည် နာမကျန်းသူတို့၏ကိုယ်ခန္ဓာပေါ် သို့ လက်ကို တင်လိုက်ရုံဖြင့်ပင် ရောဂါများ ပျောက်ကင်းသွားစေရန် လုပ်နိုင်ကြခြင်းဆိုသည့် အံ့ဖွယ်နိမိတ်လက္ခဏာများစွာကို လုပ်ဆောင်နိုင်ကြလိမ့်မည်” ဟူ၍ မိန့်တော်မူလေ၏။
ရွှေမြို့တော်သို့ကြွမြန်းတော်မူခြင်း
(လု၊ ၂၄:၅၀-၅၃)
19ကိုယ်တော်သည် တပည့်တော်တို့အား ထိုသို့မိန့်တော်မူပြီးနောက် ရွှေမြို့တော်သို့ ကြွမြန်းတော်မူ၍ ဘုရားရှင်၏လက်ယာဘက်တွင် စံတော်မူ၏။ 20တပည့်တော်တို့သည်လည်း ဂျေရုဆလင်မြို့မှ ထွက်ခွာလာကြပြီးနောက် အရပ်ဒေသအသီးသီး၌ ဟောပြောကြ၏။ သူတို့သွားလေရာ အရပ်ဒေသအသီးသီးတွင် ကိုယ်တော်ယေရှုသည်လည်း သူတို့အား မစတော်မူ၍ အံ့ဖွယ်အမှုများ ပြုစေတော်မူခြင်းအားဖြင့် နှုတ်ကပါတ်တရားတော်သည် စစ်မှန်ကြောင်းကို လူတို့အား ပြသစေတော်မူ၏။
S'ha seleccionat:
ရှင်မာကု 16: TPV-RV
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
ရှင်မာကု 16
16
အသက်ပြန်ရှင်သော မနက်
(မ၊ ၂၈:၁-၈။ လု၊ ၂၄:၁-၁၂။ ယော၊ ၂၀:၁-၁၀)
1ဥပုသ်နေ့လွန်မြောက်ပြီး နောက်တစ်ရက်ညနေခင်း၌ မာဂဒလမြို့သူ မာရိ၊ ယာကုပ်၏မိခင် မာရိနှင့် ရှာလုံအမည်ရှိ အမျိုးသမီးတို့သည် သင်္ချိုင်းဂူအတွင်းရှိ ကိုယ်တော်ယေရှု၏ရုပ်အလောင်းတော်အား သွားရောက်ပူဇော်နိုင်ရန်အတွက် အမွှေးနံ့သာဆီများထွက်၍ဝယ်ကြလေ၏။ 2ထို့နောက် ရက်သတ္တပတ်၏ပထမဆုံးနေ့ မနက်စောစော နေထွက်ချိန်တွင် ကိုယ်တော်ယေရှု၏ရုပ်အလောင်းတော်ရှိရာ သင်္ချိုင်းဂူအနီးသို့ သွားကြလေ၏။ 3သူတို့သည် သင်္ချိုင်းဂူပေါက်ဝကို ပိတ်ထားသော ကျောက်တုံးကြီးကို မည်သူက ကူညီ၍ လှိမ့်ဖယ်ပေးမည်နည်းဟု အချင်းချင်း ပြောဆိုကြလျက်
4သင်္ချိုင်းဂူရှိရာအနီးသို့ ရောက်ရှိလာသောအချိန်တွင် လှမ်းကြည့်လိုက်ကြရာ သင်္ချိုင်းဂူပေါက်ဝရှိ အလွန်ကြီးမားသော ကျောက်တုံးကြီးအား တစ်စုံတစ်ယောက်သည် အခြားနေရာသို့ လိမ့်၍ရွှေ့ထားပြီးဖြစ်နေသည်ကို တွေ့ကြရ၏။ 5ထို့နောက် သူတို့သည် သင်္ချိုင်းဂူအတွင်းသို့ ဝင်ကြရာ ဝတ်ရုံအဖြူဝတ်ဆင်ထားသော လူငယ်တစ်ဦးအား သူမတို့၏ညာဘက်၌ ထိုင်နေသည်ကို တွေ့လိုက်ရသဖြင့် သူမတို့သည် အလွန်အံ့ဩသွားကြ၏။
6သို့သော် ထိုလူငယ်က “မကြောက်ကြနှင့်၊ လက်ဝါးကပ်တိုင်ပေါ်တင်၍ ကွက်မျက်ခြင်းခံရသည့် နာဇရက်မြို့သား ယေရှုကို သင်တို့ရှာနေကြသည်မဟုတ်လော။ သူသည် အသက်ပြန်ရှင်ခဲ့ပြီဖြစ်၍ ဤအရပ်၌မရှိတော့ပေ။ အလောင်းတော်ထားရှိသည့် နေရာကိုကြည့်ကြလော့။ 7သင်တို့သည်လည်း ပေတရုနှင့်တခြားတပည့်တော်များထံသို့သွား၍ ‘ကိုယ်တော်ယေရှုသည် သင်တို့အား ယခင်ကပင် မိန့်မှာခဲ့သည့်အတိုင်း ဂါလိလဲပြည်ကို သင်တို့ရှေ့မှ အရင်ကြွသွားတော်မူပြီ။ သင်တို့သည် ကိုယ်တော်ကို ထိုအရပ်၌ တွေ့ကြရလိမ့်မည်’ ဟုပြောပြကြလော့” ဟုဆိုလေ၏။
8ထိုစကားကိုကြားပြီးနောက် အမျိုးသမီးတို့သည် အံ့ဩတုန်လှုပ်ကာ သင်္ချိုင်းဂူမှ ပြေးထွက်သွားကြ၏။ သူမတို့သည် အလွန်ကြောက်လန့်ကြသဖြင့် ထိုလူပြောသောအကြောင်းအရာများကို မည်သူ့ကိုမှ မပြောပြနိုင်ဘဲ ဖြစ်နေကြ၏။
လူတို့ထံ ထင်ရှားပြသတော်မူခြင်း
(ယော၊ ၂၀:၁၁-၁၈။ လု၊ ၂၄:၁၃-၃၅)
9ရက်သတ္တပတ်၏ပထမဆုံးနေ့ မနက်စောစောပိုင်းတွင် ထိုအမျိုးသမီးတို့သည် ထိုသင်္ချိုင်းဂူမှ ပြေးထွက်လာခဲ့ကြပြီးနောက် ကိုယ်တော်ယေရှုသည် ပထမဦးစွာ မာဂဒလမြို့သူ မာရိအား ကိုယ်ထင်ပြတော်မူ၏။ သူမသည် ယခင်က ကိုယ်တော်ယေရှုမှ မကောင်းဆိုးဝါးခုနှစ်ကောင်အား သူမထံမှ နှင်ထုတ်ပေးခဲ့ဖူးသူ မာရိပင်ဖြစ်၏။ 10သူမသည် ဝမ်းနည်းငိုကြွေးနေကြသော ကိုယ်တော်ယေရှုနှင့်အတူရှိခဲ့ဖူးသူများထံသို့သွား၍ သူမမြင်တွေ့ခဲ့ရသော အဖြစ်အပျက်များကို ပြောပြလေ၏။ 11သို့သော် ကိုယ်တော်အား အသက်ရှင်လျက်ဖြင့် သူမမြင်တွေ့ခဲ့ရကြောင်း ပြောဆိုသော်လည်း သူတို့သည် ယုံကြည်ခြင်းမရှိကြပေ။ 12ထိုအခြင်းအရာများ ဖြစ်ပျက်ပြီးနောက် ကိုယ်တော်ယေရှုသည် ဂျေရုဆလင်မြို့မှ အနီးပတ်ဝန်းကျင်သို့ လမ်းလျှောက်လာကြသည့် သူ၏တပည့်တော်နှစ်ဦးအား မတူညီသော ပုံစံတစ်မျိုးဖြင့် ကိုယ်ထင်ပြခဲ့လေသဖြင့် 13ထိုတပည့်တော်နှစ်ဦးသည်လည်း ဂျေရုဆလင်မြို့သို့ပြန်သွားကာ ဖြစ်ပျက်ခဲ့သည်များကို အခြားတပည့်တော်များအား ပြန်လည်ပြောပြလေ၏။ သို့သော် အခြားတပည့်တော်များသည် သူတို့ပြောပြသည်များကို မယုံကြည်ကြချေ။
ကြီးမြတ်သော မိန့်မှာမှု
(မ၊ ၂၈:၁၆-၂၀။ လု၊ ၂၄:၃၆-၄၉။ ယော၊ ၂၀:၁၉-၂၃)
14ထို့နောက် ကိုယ်တော်ယေရှုသည် တပည့်သာဝကတစ်ဆယ့်တစ်ဦး စားသောက်နေကြစဉ်တွင် သူတို့အား ကိုယ်ထင်ပြတော်မူ၏။ ကိုယ်တော်က သူအသက်ပြန်ရှင်လာပြီဖြစ်ကြောင်း အခြားသူများကပြောပြသည်များကို ယုံကြည်ရန် ခေါင်းမာနေကြသောကြောင့် သူတို့အား ပြစ်တင်၍ ဆုံးမတော်မူပြီးနောက် 15ကိုယ်တော်က “ဤကမ္ဘာလောကအနှံ့အပြားကိုသွား၍ လူသားအပေါင်းတို့အား မင်္ဂလာသတင်းကောင်းကို ဟောကြားကြလော့။ 16ယုံကြည်၍ ရေနှစ်မင်္ဂလာခံယူကြသည့်သူအပေါင်းတို့ကို ဘုရားရှင်သည် ကယ်တင်တော်မူမည်ဖြစ်၍ ယုံကြည်လက်ခံခြင်းမရှိသည့်သူအပေါင်းတို့သည် ဘုရားရှင်၏ပြစ်ဒဏ်စီရင်ခြင်းကို ခံကြရလိမ့်မည်။ 17ယုံကြည်သောသူအပေါင်းတို့သည် ငါ၏အမည်နာမကို အမှီပြု၍ မကောင်းဆိုးဝါးအပေါင်းကို နှင်ထုတ်ဖယ်ရှားခြင်း၊ ထူးခြားသော ဘာသာစကားကို ပြောဆိုနိုင်ကြခြင်းများအပြင် 18ထိုသူတို့သည် မြွေကို ကိုင်ထားလျှင်သော်လည်းကောင်း၊ သေစေနိုင်သောအဆိပ်ကို သောက်သော်လည်းကောင်း ဘေးအန္တရာယ် ကျရောက်မည်မဟုတ်။ ထိုသူတို့သည် နာမကျန်းသူတို့၏ကိုယ်ခန္ဓာပေါ် သို့ လက်ကို တင်လိုက်ရုံဖြင့်ပင် ရောဂါများ ပျောက်ကင်းသွားစေရန် လုပ်နိုင်ကြခြင်းဆိုသည့် အံ့ဖွယ်နိမိတ်လက္ခဏာများစွာကို လုပ်ဆောင်နိုင်ကြလိမ့်မည်” ဟူ၍ မိန့်တော်မူလေ၏။
ရွှေမြို့တော်သို့ကြွမြန်းတော်မူခြင်း
(လု၊ ၂၄:၅၀-၅၃)
19ကိုယ်တော်သည် တပည့်တော်တို့အား ထိုသို့မိန့်တော်မူပြီးနောက် ရွှေမြို့တော်သို့ ကြွမြန်းတော်မူ၍ ဘုရားရှင်၏လက်ယာဘက်တွင် စံတော်မူ၏။ 20တပည့်တော်တို့သည်လည်း ဂျေရုဆလင်မြို့မှ ထွက်ခွာလာကြပြီးနောက် အရပ်ဒေသအသီးသီး၌ ဟောပြောကြ၏။ သူတို့သွားလေရာ အရပ်ဒေသအသီးသီးတွင် ကိုယ်တော်ယေရှုသည်လည်း သူတို့အား မစတော်မူ၍ အံ့ဖွယ်အမှုများ ပြုစေတော်မူခြင်းအားဖြင့် နှုတ်ကပါတ်တရားတော်သည် စစ်မှန်ကြောင်းကို လူတို့အား ပြသစေတော်မူ၏။
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.