याकूब परिचय
परिचय
याकूब की किताब याकूब नाओं के कोई आदमी के जरिया लिखी गई रहै। जौ हुई सकथै: ईसु को भईय्या याकूब रहै, जो सुरु की कलीसिया मैं एक अगुवा रहै और यरूसलेम के परिसद को हिस्सा रहै प्रेरितो 15:13। प्रेरित पौलुस बाकै गलातियों 2:9 मैं कलीसिया को खम्मा भी कही। विद्वानन को माननो है कि याकूब की किताब ईसु के जनम के लमसम 50 साल बाद लिखी गई रहै। काहैकि याकूब यरूसलेम की कलीसिया को अगुवा रहै, उनसे जाधेतर हुँआँ रहत भै किताब लिखी रहै। याकूब अपनी किताब कै “गैर यहूदियन मैं बिखरे भै बारह गोत्रन” कै संबोधित करथै 1:1। याकूब के पाठ सबै मसीहियन मैं लागू होथैं लेकिन “बारह गोत्रन” सब्दन के उपयोग से जौ संभव हुई जाथै कि याकूब सीधे यहूदि मसीहियन कै लिखरौ है। काहैकि जौ किताब पढ़न बारे के एक व्यापक समूह ले पहुँचन के ताहीं रहै, जौ तमान विसयन कै संबोधित करी। याकूब बिस्वास और कामन के बीच के संबंध के ऊपर ध्यान केंद्रित करथै। सच्चो बिस्वास कारवाई मैं दिखाओ जागो 2:17। बौ सेठ लोगन के प्रति पक्छपात ना दिखान की चितौनी भी देथै 2:1-4और कहथै कि हम जो कहथैं बासे चहाचीते रहमैं। 3:1-12
रूपरेखा:
1. अपने पढ़न बारेन को अभिवादन करथै। याकूब 1:1
2. जाके बाद बौ मसीहियन कै प्रोत्साहित करथै कि जब बे कस्ट सहमैं तौ दृढ़ बने रहमैं। 1:2-27
3. फिर बौ कहथै कि करमन के जरिया बिस्वास को दिखाई देनो कैसे जरूरी है। 2:1-26
4. जाके बाद बौ कहथै कि सब्द कितने सक्तिसाली हुई सकथैं। 3:1-12
5. तौ याकूब समझाथै कि कैसे परमेस्वर की बुद्धि दुनिया की बुद्धि से अलग है। 3:13–4:10
6. जाके बाद बौ अपने पढ़न बारेन कै घमंडी होन के खिलाप चितौनी देथै। 4:1–5:6
7. याकूब कुछ सामान्य निर्देस दैकै अपनी किताब कै खतम करथै। 5:7-20
S'ha seleccionat:
याकूब परिचय: RTu2025
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
The Rana Tharu Bible ©The Word for the World International and Rana Tharu Translation Samithi, Khatima, UttraKhanda, India. 2025