Хуруҷ 37
37
Сандиқ
1Басалъил чи ақоқиё дорки сандиқ соз акун, ваниш дуним қулочи, паҳмиш якуним қулочи, қадш якуним қулочи хой. 2Ке ах чи дарину кадувар холӣ тиллоҳипи апошунор, ави хотир гирд гирд тиллоҳи астар соз акун. 3Ке ави хотир, чи туфор немайш туфор тиллоҳи ҳалқай авид: ду ҳалқай чи и немаш, ду ҳалқай чи парайш.
4Дастактиш чи ақоқиё доркипи соз акун, ахтит чи тиллоҳи апошун. 5Ке ах дастакт сандиқи биқини ҳалқот иёр, агудайрун, то авипи сандиқ сухояк воот.
Сарпуш
6Ке сарпуш чи холӣ тиллоҳи соз акун, ваниш ду нима қулочи, паҳмиш якуним қулочи хой. 7Ке чи тиллоҳи ду фарештай соз акун; ахтит яклухт, чи ду немай сандиқи сарпуши сари соз акун. 8Фарештоти сират иш чид немай иш чав сарпуши немай соз акун , фарештот чи на сарпуши хапиш чи ду немайш соз акун. 9Ке фарештот қанатшинт сариса паҳм акунор, сарпуш қанатипишинт апушуношт, ке ритшинт ҳамдигари немайса иёр; фарештоти ритшинт сарпуши немайса иёр.
Дастархун хайри нуни бахша
10Ке чи ақоқи дорки миз соз акун, ваниш ду қулочи, паҳмиш и қулочи, қади баландиш якуним қулочи хой.
11Миз чи холӣ тиллоҳи апошун, ке гирдогирдиш тиллоҳи астар соз акун. 12Ке наҳави гирд зеҳтинитш ҳайкалчот соз акунор, ке ави гирди тиллоҳи астарипи зеҳтинитш соз акунор. 13Ке туфор тиллоҳи ҳалқа ави хотир соз акун, ке ҳалқот чи туфор немай туфор поётипиш пайванд акун.
14Ҳалқот биқини баландипиш мувофиқ воонт, ке дастакт катакчот мизи сухояки хизмат акуништ. 15Дастакт чи ақоқи дорки соз акун, ке ахтит тиллоҳипи апошун, то мизи сухояки хизмат кунот. 16Ке фарештоти ҳайкалчот мизи хотир иёр, автити ворзот, чумчотиш, лаълитиш, ави пиёлотиш, ави бахша ави хотир авидошт, чи холӣ тиллоҳи соз акун.
Тиллоҳи чироғдун
17Чироғдун холӣ тиллоҳипи соз акун; чироғдун якҷоя соз акун, гули пунбактишу поётиш ави чи хапиш иёр. 18Ке ухш шохай чи биқинш дувари анижишт: тирай чироғдуни шоха чи ит немаш, тирай чироғдуни шоха чи ав немаш. 19Тирай гунбази бодуми гули ӣ шохайнитш гули мухчай ёв хой, тирай гумбази бодуми гули мета ани шохайш, мухчаю гул; ухш шохайк чи чироғ дувари анижошт соз икташ ой. 20Ке чироғдуни пояй туфор гунбази гули бодуми мета мухчаю гултипиш иёр.
21Ке муғҷотиш чи ду шохай так, тик ду муғчай чи ани шохай так, —ке ухш шохай чи дувар авоwишт. 22Мухчотишу шохотиш чи хапиш иёр, ах ҳамаш чи тиллоҳи холи иёр. 23Ке авд чироғи ой дастотшинту руғини ҷоготшинт чи холӣ тиллоҳи соз акун.
Бухури қурбунгоҳ
24Ах ҳама чизу чоротиш чи холӣ тиллоҳи соз акун.
25Ке чи ақоқиё дорки қурбунгоҳи бухур(ӣ чизик сухсунаки вахти хушру вуд кунчӣ) соз акун, ваниш ӣ қулочи, паҳмиш тим ӣ қулочи, туфор кунҷиш ой, қадш ду қулочи; шохтиш чи хапиш иёр. 26Ке ахтит чи холӣ тиллоҳи апошун: кусаршу гирди деволтишу шохтиш астартшинт гирдогирд тиллоҳипи соз акун. 27Ке астари таки хотирш чи ду немайш тиллоҳи ҳалқа соз акун, ке дастактипи катак соз акун, то авипи ах сухоёт. 28Дастакт чи ақоқи дорки соз акун, ахтит тиллоҳипи апошун.
29Ке пок руған(маҳси хотир) ке (бухур) иш ӣ хуруши чави атр таёр куношт соз акун, чи итити беҳад хушру атр таёр икташ ой.
S'ha seleccionat:
Хуруҷ 37: yai
Subratllat
Comparteix
Compara
Copia
Vols que els teus subratllats es desin a tots els teus dispositius? Registra't o inicia sessió
© 2022, Оби Ҳаёт