Be ya a Roma 3
3
Ehwya a ende e bwekǝ̀n fwa mbwe anga
1Ekǝnggwa mò ebentubim a o ben adia o no ya a Yahuda anga a ano? Eno e ra mò ebwejwa a o ben adia be tsen ara o tkyà ángá a ano? 2Mò ebentubim no tén enom adi egwa egwa mò efwa. Mò ebentubim ekwafya, a ba be ya a Yahuda ya Ehwya, è ti fwa mbwe du ara be a bu ángá.
3Ano àa bwe, ano ya ehwyà mo be è ma fwa be ngge chaebi ra? Chaebi a be fwa be ngge nó ra, àa du Ehwya ge e fu e se ye vǝ-esenm mbwe ra? 4É yé, ge fwa didi ye enò ra. Ehwya fe ye fwafe anga ra, bi adia binbin mo nobǝ a be ya fwafe. Abu ge no ebam adi Fwa mo Ehwya jan,
“Atan a o jan fwa, egwa egwa e di
jan mò a o jan anga, no ebi.
Ano be nobǝ kpèn o kǝ́n,
o de a vǝ́.”
5Tea ano mò esera a je bwe, du be nobǝ di ebi mo Ehwya adi enggasansan, mò a ja jan anga a ano? Ja jan Ehwya chà bwe ye ebi ra adia ge tswa je ekan anga? (M jan enò adi shwa ekam mo nobǝ kpwà ara.) 6É yé, ge fwa didi ye enò ra. Ano ge è no enò, bwe engǝ Ehwya a kpèn zǝnchaje kǝ́n? 7Ende akan a ká eka jan, “Ano fwa efem mam du be nobǝ be tubi Ehwya egǝ̀n twafǝ̀ abu gè no ángá, n du be e di ebitete mo Ehwya adi enggasansan, ano bwe a ge ba kpèn m kǝ́n jan ma ya mò esera ebwem?” 8Ano ge no enò, ano bwe a ge je no a kpwà je adi mò esera ebwem, evǝa ge e no mò a bwe ja ben mò e no esese ángá ra? Ena a mò e bwe be ya ehwyà janbgen je anga jan ne je jan, “Je e bwe mò esera evǝa esese e gwa a je a tswa mo nó.” Ba kpèn be nobǝ ena kǝ́n e defǝ ngge be ángá.
Binbin mo be nobǝ a be ya ebgen
9Kǝnggwa, mò a ja jan ekǝn-etkyen mo fwa ena ángá a ano? A je ya a Yahuda je se twafǝ̀ be ya e dan ángá? É yé, ge fwa didi ye enò ra. Jé jan fwa ara jan ebgen dwatì no a chu be nobǝ binbin, ge è ma no be ya a Yahuda eno e ra be ya e fwa be ya a Yahuda ra. 10Abu ge no ebam adi Afketa mo Ehwya jan,
“Ende e bwe esese anga fwa ye ra,
èé akan.
11Ende akan e no ya enggaton
adi ebi anga fwa ye ra,
ende e tkunda Ehwya anga fwa ye ra.
12Binbin mo be nobǝ twanga
ara chashin mo be,
binbin mo be nga ara mokukwa.
Ende e bwe mò esese
anga fwa ye ra,
èé akan.”
13“Be totoro egǝ́n mo be yo yò
anga abu be dì e no efkigwagwa,
be mochi mo dgyén mo
be nggade be nobǝ anga.”
“Kwà mo fkonde gwa a je anga
a kpevǝ mo be.”
14“Be kpevǝ mo be mbo ngge tutu
etsum tangge fwa ejojo àywá.”
15“Be twa be endngo anga adi nobǝ egum ra,
16egwa egwa mo zǝn a be ken,
be vǝ mò etkom ngge nya ebgenm
bwa anga a zǝn,
17be yi be abu ba bwe be nobǝ be
e no zǝno adi adgye e sojube ángá ra.”
18“Be fwa didi be ngge etsentsen mo
Ehwya adi be binbin mo be mò a
be bwe anga ra.”
19Asuswana, je yi jan egwa egwa mo mò a edon jan anga, ge jan nó anga ngge ya edon hon bin be no anga, evǝa ende akan è fwa ye ngge kpevǝ ge e ti jan mò akan ra, ngge be e tú jan binbin mo be nobǝ mo zǝnchaje bwe ara edan chafya mo Ehwya. 20Adia ende akan a no a ti esese chafya mo Ehwya adia ge bwe mò a edon jan anga, fwa ye ra. Edon hon tú kpwà je abu je bgen no ángá.
Abu ja no ya esese ebwem a chafya mo Ehwya ángá
21Asuswana, be tú ara je efǝ abu ja nga be nobǝ esese a chafya mo Ehwya. Ge fwa ye a chu edon hon ra. Edon mo Ehwya ngge mò a be efojan jan anga, binbin chadwa ngge fwa hon ena. 22Je nga nobǝ esese chafya mo Ehwya a chu shwa eyim a je no ngge nó a chu Kristi ángá. Mò hon ena no ebi a chu binbin mo be nobǝ ya e tsǝ́ekǝ̀n anga, ge è ma no ara. 23Adia binbin mo be nobǝ è bwe ara ebgen, n kǝn be be e ben egǝ̀n mo Ehwya ra, 24tea be nobǝ nga ara ya esese chafya mo Ehwya a chu esese mbwe, gè bwe mò ena adi efka mo Yeso Kristi atan a gè fkenggwa je a bu mo ten-ekǝnm e bwa anga a chu ebgen a jè bwe ángá. 25Ehwya è ti ye no abu mò etinom echa evǝa ge e kpwa e cha be nobǝ a chu ebgen mo be. Be ben egwanom ena anga a chu chaebi a chu ngǝ mbwe. Ehwya è bwe eno evǝa ge e tú jan ge cha ebgan sǝ́ ye nobǝ anga ra. Ekpe ekpe Ehwya è bon-ekǝ̀n nè difǝ be mò esera a be nobǝ è bwe anga. 26Tea asuswana, ge kpèn be nobǝ kǝ́n anga a chu ebgen mo be evǝa ge e tú jan ge cha ebgan sǝ́ ye nobǝ anga ra. Enò gaten, Ehwya tú chu ye jan a ge ga ya ebitete ngge ga ende e jan-gwa egwa egwa e tsǝ́ekǝ̀n no a chu Yeso ángá.
27Kǝnggwa engà mo efin efinm mo je, a ano? Engà mo efin efinm fwa ye ra. Ge no a chu ebam mo edon? É yé, be ti efin efinm nyi ara a buetkwa. Ge no adi efka mo ekǝ̀n-etsǝ́m kpwà ara. 28Adia je jan anga jan, nobǝ nga bwi ya esese chafya mo Ehwya a chu ekǝ̀n a ge tsǝ́ no a chu ye anga kpwà ara, fwa ye adia ge bwe bwi mò a edon jan ge e bwe ángá ra. 29Ehwya hon a Ehwya mo ya a Yahuda kpwà ara? Ge fwa ye Ehwya mo be ya e fwa be ya a Yahuda ra, gaten? Eshwen, ge no Ehwya mo ya e fwa be ya a Yahuda ra gaten, 30adia Ehwya no akan. Ga bwe be nobǝ ya a bè tsen ara be tkyà be no ya mò esese ebwem chafya mbwe adia be nyishwa no a chu ye. Enò gaten, ya be chà tsen be be tkyà ra, be e nga ya esese ebwem chafya mbwe a chu chaebi akan hon a chu ye gaten. 31Enona, je jan anga jan edon hon a mokukwa a chu chaebi? É yé, ge fwa didi ye enò ra, tea je bwe edon hon no anga echakpokpo.
S'ha seleccionat:
Be ya a Roma 3: ICH
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2024 Luke Initiative for Scripture Translation
Be ya a Roma 3
3
Ehwya a ende e bwekǝ̀n fwa mbwe anga
1Ekǝnggwa mò ebentubim a o ben adia o no ya a Yahuda anga a ano? Eno e ra mò ebwejwa a o ben adia be tsen ara o tkyà ángá a ano? 2Mò ebentubim no tén enom adi egwa egwa mò efwa. Mò ebentubim ekwafya, a ba be ya a Yahuda ya Ehwya, è ti fwa mbwe du ara be a bu ángá.
3Ano àa bwe, ano ya ehwyà mo be è ma fwa be ngge chaebi ra? Chaebi a be fwa be ngge nó ra, àa du Ehwya ge e fu e se ye vǝ-esenm mbwe ra? 4É yé, ge fwa didi ye enò ra. Ehwya fe ye fwafe anga ra, bi adia binbin mo nobǝ a be ya fwafe. Abu ge no ebam adi Fwa mo Ehwya jan,
“Atan a o jan fwa, egwa egwa e di
jan mò a o jan anga, no ebi.
Ano be nobǝ kpèn o kǝ́n,
o de a vǝ́.”
5Tea ano mò esera a je bwe, du be nobǝ di ebi mo Ehwya adi enggasansan, mò a ja jan anga a ano? Ja jan Ehwya chà bwe ye ebi ra adia ge tswa je ekan anga? (M jan enò adi shwa ekam mo nobǝ kpwà ara.) 6É yé, ge fwa didi ye enò ra. Ano ge è no enò, bwe engǝ Ehwya a kpèn zǝnchaje kǝ́n? 7Ende akan a ká eka jan, “Ano fwa efem mam du be nobǝ be tubi Ehwya egǝ̀n twafǝ̀ abu gè no ángá, n du be e di ebitete mo Ehwya adi enggasansan, ano bwe a ge ba kpèn m kǝ́n jan ma ya mò esera ebwem?” 8Ano ge no enò, ano bwe a ge je no a kpwà je adi mò esera ebwem, evǝa ge e no mò a bwe ja ben mò e no esese ángá ra? Ena a mò e bwe be ya ehwyà janbgen je anga jan ne je jan, “Je e bwe mò esera evǝa esese e gwa a je a tswa mo nó.” Ba kpèn be nobǝ ena kǝ́n e defǝ ngge be ángá.
Binbin mo be nobǝ a be ya ebgen
9Kǝnggwa, mò a ja jan ekǝn-etkyen mo fwa ena ángá a ano? A je ya a Yahuda je se twafǝ̀ be ya e dan ángá? É yé, ge fwa didi ye enò ra. Jé jan fwa ara jan ebgen dwatì no a chu be nobǝ binbin, ge è ma no be ya a Yahuda eno e ra be ya e fwa be ya a Yahuda ra. 10Abu ge no ebam adi Afketa mo Ehwya jan,
“Ende e bwe esese anga fwa ye ra,
èé akan.
11Ende akan e no ya enggaton
adi ebi anga fwa ye ra,
ende e tkunda Ehwya anga fwa ye ra.
12Binbin mo be nobǝ twanga
ara chashin mo be,
binbin mo be nga ara mokukwa.
Ende e bwe mò esese
anga fwa ye ra,
èé akan.”
13“Be totoro egǝ́n mo be yo yò
anga abu be dì e no efkigwagwa,
be mochi mo dgyén mo
be nggade be nobǝ anga.”
“Kwà mo fkonde gwa a je anga
a kpevǝ mo be.”
14“Be kpevǝ mo be mbo ngge tutu
etsum tangge fwa ejojo àywá.”
15“Be twa be endngo anga adi nobǝ egum ra,
16egwa egwa mo zǝn a be ken,
be vǝ mò etkom ngge nya ebgenm
bwa anga a zǝn,
17be yi be abu ba bwe be nobǝ be
e no zǝno adi adgye e sojube ángá ra.”
18“Be fwa didi be ngge etsentsen mo
Ehwya adi be binbin mo be mò a
be bwe anga ra.”
19Asuswana, je yi jan egwa egwa mo mò a edon jan anga, ge jan nó anga ngge ya edon hon bin be no anga, evǝa ende akan è fwa ye ngge kpevǝ ge e ti jan mò akan ra, ngge be e tú jan binbin mo be nobǝ mo zǝnchaje bwe ara edan chafya mo Ehwya. 20Adia ende akan a no a ti esese chafya mo Ehwya adia ge bwe mò a edon jan anga, fwa ye ra. Edon hon tú kpwà je abu je bgen no ángá.
Abu ja no ya esese ebwem a chafya mo Ehwya ángá
21Asuswana, be tú ara je efǝ abu ja nga be nobǝ esese a chafya mo Ehwya. Ge fwa ye a chu edon hon ra. Edon mo Ehwya ngge mò a be efojan jan anga, binbin chadwa ngge fwa hon ena. 22Je nga nobǝ esese chafya mo Ehwya a chu shwa eyim a je no ngge nó a chu Kristi ángá. Mò hon ena no ebi a chu binbin mo be nobǝ ya e tsǝ́ekǝ̀n anga, ge è ma no ara. 23Adia binbin mo be nobǝ è bwe ara ebgen, n kǝn be be e ben egǝ̀n mo Ehwya ra, 24tea be nobǝ nga ara ya esese chafya mo Ehwya a chu esese mbwe, gè bwe mò ena adi efka mo Yeso Kristi atan a gè fkenggwa je a bu mo ten-ekǝnm e bwa anga a chu ebgen a jè bwe ángá. 25Ehwya è ti ye no abu mò etinom echa evǝa ge e kpwa e cha be nobǝ a chu ebgen mo be. Be ben egwanom ena anga a chu chaebi a chu ngǝ mbwe. Ehwya è bwe eno evǝa ge e tú jan ge cha ebgan sǝ́ ye nobǝ anga ra. Ekpe ekpe Ehwya è bon-ekǝ̀n nè difǝ be mò esera a be nobǝ è bwe anga. 26Tea asuswana, ge kpèn be nobǝ kǝ́n anga a chu ebgen mo be evǝa ge e tú jan ge cha ebgan sǝ́ ye nobǝ anga ra. Enò gaten, Ehwya tú chu ye jan a ge ga ya ebitete ngge ga ende e jan-gwa egwa egwa e tsǝ́ekǝ̀n no a chu Yeso ángá.
27Kǝnggwa engà mo efin efinm mo je, a ano? Engà mo efin efinm fwa ye ra. Ge no a chu ebam mo edon? É yé, be ti efin efinm nyi ara a buetkwa. Ge no adi efka mo ekǝ̀n-etsǝ́m kpwà ara. 28Adia je jan anga jan, nobǝ nga bwi ya esese chafya mo Ehwya a chu ekǝ̀n a ge tsǝ́ no a chu ye anga kpwà ara, fwa ye adia ge bwe bwi mò a edon jan ge e bwe ángá ra. 29Ehwya hon a Ehwya mo ya a Yahuda kpwà ara? Ge fwa ye Ehwya mo be ya e fwa be ya a Yahuda ra, gaten? Eshwen, ge no Ehwya mo ya e fwa be ya a Yahuda ra gaten, 30adia Ehwya no akan. Ga bwe be nobǝ ya a bè tsen ara be tkyà be no ya mò esese ebwem chafya mbwe adia be nyishwa no a chu ye. Enò gaten, ya be chà tsen be be tkyà ra, be e nga ya esese ebwem chafya mbwe a chu chaebi akan hon a chu ye gaten. 31Enona, je jan anga jan edon hon a mokukwa a chu chaebi? É yé, ge fwa didi ye enò ra, tea je bwe edon hon no anga echakpokpo.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2024 Luke Initiative for Scripture Translation