Be ya a Roma 15
15
No zǝno, be nobǝ e fo etkwa mbo
1A je ya e no ngge chaebi echakpokpo ángá, ge no kenm je e bon-ekǝ̀n ngge be ya a chaebi mo be no embǝmbǝ ángá. Je e no bwe je be mò e no kpwà mo etkwa efom mo chu je ángá ra. 2Egwa egwa mo je e bwe mò a vǝ etkwa efom a bwa nwenjin ye ya ekǝ̀n-etsǝ́m ángá, ngge ge e bwe e jwa nó, evǝa ge e chakpo adi chaebi. 3Adia èé Kristi e chu ye è bwe ye mò è vǝ etkwa efom bwa kpwà a chu ye tete ra, tea abu ge no ebam, “Be tutu a be tsú o anga, bwa fwe ara a chu m.” 4Binbin mo be mò a bè bá no adi Afketa mo Ehwya ekpe ángá, bè bá be evǝa be e tú je mò. Ekǝ̀n ejanbonm e no a tswa Fwaebam a jè cha ángá, bwe je je no a tswa ekǝ̀n-ebonm ngge zǝno a tswa shwa enyim.
5Ehwya nwene e no be nobǝ fǝechim ngge ekǝ̀n ejanbonm anga, ge e no nye engǝ́ mo zǝno adgye enom ngge egwa egwa. Ge e no nye be mò ena abu nye e no ba fukèn mo Yeso Kristi anga, 6evǝa a nye binbin ngge vǝ akan, nya tàn Ehwya. Ehwya hon nwene e no Ehwya ngge Ate mo Etsodwe je Yeso Kristi ángá.
7Enona, nye e cha so abu Kristi è cha nye ángá, evǝa be e no Ehwya egǝ̀n. 8Adia m jan nye anga jan, Kristi è nga ende akan nwene è bwe mochi anga a tswa mo be ya a Yahuda, evǝa ge e tú jan Ehwya a bwe a kǝ̀n mò a gè sen ara vǝ jan ga bwe ngge be ebǝ ata mo je ángá. 9Gè nga ya mochi, evǝa be ya e fwa be ya a Esǝrela ra, be e no Ehwya egǝ̀n a chu ashi mo be a Ehwya di anga. Mò ena ken tén abu ge no ebam a tswa Afketa mo Bón, jan, “Enona, ma tàn o a tswa engga mo be ya e fwa be ya a Esǝrela ra, ma twa be bón a tàn ti mbo.”
10Efwe, ge no ebam chá efki jan,
“A nye ya e fwa nye be ya a Esǝrela ra,
nye e shánju tangge be nobǝ ya
Ehwya è swa ara ángá.”
11Efwe, ge no ebam jan,
“A nye binbin,
be ya e fwa
be ya a Esǝrela ra,
nye e tàn Ehwya,
ngge nye e tàn ye,
a nye binbin mo be nobǝ
a tswa zǝnchaje.”
12Efwe efojan Eshaya è jan,
“Edefǝ́n mo Jesi hon a bwa
na dwatì a chu be nobǝ
ya e fwa be ya a Esǝrela ra,
ngge ba nyishwa mo be a chu ye.”
13Ehwya hon nwene e du nobǝ nyishwa no anga, ge e du tsuruku mo nye e mbo ngge vǝtsen ngge adgye abu nye nyishwa no a chu ye ángá evǝa nye e mbo ngge shwa enyim adi efka mo echakpo mo Engǝ́ mo Ehwya.
Bulu jan mò e bwe gè bá afketa chí ena ángá
14Be nwenjwa m ya, a me e chu m, m cha ara dwa jan a nye, nya ya e bwe mò esese anga àywá. Nya be nobǝ ya e yi be mò àywá ngge nye tú a ti so mò. 15Bi adi enò, m fwa m ngge etsentsen me e bá mò a chu be mò ya ehwyà ena ra, adia m yi jan binbin mo mò a nye dgyan anga, a be e ka e ben nye efwe kpwà ara. Adia adi esese mo Ehwya, 16a me ma etsonchi eswavǝm nwene a Yeso Kristi è tson bwa a zǝn be ya e fwa be ya a Esǝrela ra evǝa me e du edgon mo Fwa Esese mo Ehwya. Evǝa be ya e yi be Ehwya ra, be e no abu mò etinom nwone Ehwya a fo etkwa mo nó, a Engǝ́ mo Ehwya nacha ara nó ángá.
17Adia m fǝnchu no ngge Kristi ángá, m shánju a chu binbin mo be mochi a m bwe no Ehwya anga. 18Ma jan fwa, m ton m mò akan a chu mò a Kristi è du m me e bwe ángá ra. Abu m̀ bwe be ya e fwa be ya a Esǝrela ra, be e tse Ehwya. M̀ bwe be be e no enò a chu mò a m jan ngge be mò a m bwe. 19Bè di be mò ena adi efka mo be moeditanm ngge be echi efki efki. Bè tse nó adi efka mo echakpo mo Engǝ́ mo Ehwya. Enona, tke a Urishelima ti ken kwa gu be zǝn efa mo Eleriku, m̀ jan ara be Fwa Esese a chu Kristi hon, m̀ gwa didi m zǝn akan ra.
20Nogwa nogwa, m̀ dgyan kpwà me e du edgon a chu Fwa Esese mo Kristi a zǝn a bè chà du be edgon mo nó ra, evǝa ge e no ye jan m mbwe mò anga a chu mò a nobǝ efki è tke fù mo nó a ge ángá ra. 21Tea abu ge no ebam adi Afketa mo Ehwya jan,
“Be ya a bè chà jan be be fwa
a chu ye ra, a di ye,
ngge be ya è chà fo be Fwa Esese hon ra,
fo a yi engà mo nó.”
22Ena a mò e bwe kè embo embo m ben ti m efwa me e bwa a zǝn nye ra.
Fuchin etem mo Bulu evǝa ge e ken a Roma
23Tea asuswana, adia be zǝn efki fwa be adi be efa ena nwone a ma bwe mochi ra, ngge adia m ti ara be je embo, m no nda anga me e di nye ángá, 24m té fuchin anga jan ma ken a zǝn nye atan a ma ken a Asbaniya ángá. Atan a m nyaken anga, ma ndnya a zǝn nye. Chashin a m fo ara etkwa mo nye mo ekpengga nwofyan, nya no m mò a nda anga adi kèn mam hon.
25Tea asuswana, m no a efǝ nyaken a Urishelima evǝa me e ti moedwe e ti e no be ya ekǝ̀n-etsǝ́m e no a zǝn ángá. 26Adia be ya ekǝ̀n-etsǝ́m ya è no a sǝnsen mo Makidoniya ngge Akaya ángá, a tswa ju emam è vǝ́ moedwe, a be kpu a no be ya ekan ya e no a engga mo be ya ekǝ̀n-etsǝ́m ya e dwa a Urishelima ángá. 27Bè fo etkwa be e bwe enò, eshwen ge no esese a zǝn be, be e bwe ejwa be. Adia ano be ya e fwa be ya a Esǝrela ra è ben esese mo Engǝ́ a Ehwya éè no ḿ mo be ya a Yahuda ángá, ge no esese be e tan e kwa be mobenben mo be ngge be ya a Yahuda. 28Enona, atan a m bwe gu ara mochi ena ngge a m no ara be binbin mo be mò a bè vǝ́, evǝa be e ti e no be ángá, ma ken a Asbaniya adi kèn mam hon, tea ma ndnya a zǝn nye sangǝ́ m chà twafǝ̀ a nya. 29M yi jan atan a m bwa ara zǝn nye ángá, Kristi a bwe je esese àywá atan a je no abibi.
30M bgó nye anga be nwenjwa m ya, adi ti mo Etsodwe je Yeso Kristi, ngge edgyan a Engǝ́ no je anga, nye e fǝnchu ngge me adi etkyanm mam a tswa ebgo ebgom a zǝn Ehwya a chu m. 31Nye e bgó ebgo evǝa me e ben etivǝm a bu mo be ya e chà tsǝ́ be ekǝ̀n ra, e no a Yahudiya ngge evǝa be ya ekǝ̀n-etsǝ́m e no a Urishelima ángá, be e cha moedwe hon a ma no be ángá. 32Kǝnggwa ano Ehwya cha ara dwa, ma bwa a zǝn nye ngge vǝtsen ngge ma tke nya a zǝn nye. 33Ehwya e no bwi adgye anga, e no ngge nye binbin. Ge e no enò.
S'ha seleccionat:
Be ya a Roma 15: ICH
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2024 Luke Initiative for Scripture Translation
Be ya a Roma 15
15
No zǝno, be nobǝ e fo etkwa mbo
1A je ya e no ngge chaebi echakpokpo ángá, ge no kenm je e bon-ekǝ̀n ngge be ya a chaebi mo be no embǝmbǝ ángá. Je e no bwe je be mò e no kpwà mo etkwa efom mo chu je ángá ra. 2Egwa egwa mo je e bwe mò a vǝ etkwa efom a bwa nwenjin ye ya ekǝ̀n-etsǝ́m ángá, ngge ge e bwe e jwa nó, evǝa ge e chakpo adi chaebi. 3Adia èé Kristi e chu ye è bwe ye mò è vǝ etkwa efom bwa kpwà a chu ye tete ra, tea abu ge no ebam, “Be tutu a be tsú o anga, bwa fwe ara a chu m.” 4Binbin mo be mò a bè bá no adi Afketa mo Ehwya ekpe ángá, bè bá be evǝa be e tú je mò. Ekǝ̀n ejanbonm e no a tswa Fwaebam a jè cha ángá, bwe je je no a tswa ekǝ̀n-ebonm ngge zǝno a tswa shwa enyim.
5Ehwya nwene e no be nobǝ fǝechim ngge ekǝ̀n ejanbonm anga, ge e no nye engǝ́ mo zǝno adgye enom ngge egwa egwa. Ge e no nye be mò ena abu nye e no ba fukèn mo Yeso Kristi anga, 6evǝa a nye binbin ngge vǝ akan, nya tàn Ehwya. Ehwya hon nwene e no Ehwya ngge Ate mo Etsodwe je Yeso Kristi ángá.
7Enona, nye e cha so abu Kristi è cha nye ángá, evǝa be e no Ehwya egǝ̀n. 8Adia m jan nye anga jan, Kristi è nga ende akan nwene è bwe mochi anga a tswa mo be ya a Yahuda, evǝa ge e tú jan Ehwya a bwe a kǝ̀n mò a gè sen ara vǝ jan ga bwe ngge be ebǝ ata mo je ángá. 9Gè nga ya mochi, evǝa be ya e fwa be ya a Esǝrela ra, be e no Ehwya egǝ̀n a chu ashi mo be a Ehwya di anga. Mò ena ken tén abu ge no ebam a tswa Afketa mo Bón, jan, “Enona, ma tàn o a tswa engga mo be ya e fwa be ya a Esǝrela ra, ma twa be bón a tàn ti mbo.”
10Efwe, ge no ebam chá efki jan,
“A nye ya e fwa nye be ya a Esǝrela ra,
nye e shánju tangge be nobǝ ya
Ehwya è swa ara ángá.”
11Efwe, ge no ebam jan,
“A nye binbin,
be ya e fwa
be ya a Esǝrela ra,
nye e tàn Ehwya,
ngge nye e tàn ye,
a nye binbin mo be nobǝ
a tswa zǝnchaje.”
12Efwe efojan Eshaya è jan,
“Edefǝ́n mo Jesi hon a bwa
na dwatì a chu be nobǝ
ya e fwa be ya a Esǝrela ra,
ngge ba nyishwa mo be a chu ye.”
13Ehwya hon nwene e du nobǝ nyishwa no anga, ge e du tsuruku mo nye e mbo ngge vǝtsen ngge adgye abu nye nyishwa no a chu ye ángá evǝa nye e mbo ngge shwa enyim adi efka mo echakpo mo Engǝ́ mo Ehwya.
Bulu jan mò e bwe gè bá afketa chí ena ángá
14Be nwenjwa m ya, a me e chu m, m cha ara dwa jan a nye, nya ya e bwe mò esese anga àywá. Nya be nobǝ ya e yi be mò àywá ngge nye tú a ti so mò. 15Bi adi enò, m fwa m ngge etsentsen me e bá mò a chu be mò ya ehwyà ena ra, adia m yi jan binbin mo mò a nye dgyan anga, a be e ka e ben nye efwe kpwà ara. Adia adi esese mo Ehwya, 16a me ma etsonchi eswavǝm nwene a Yeso Kristi è tson bwa a zǝn be ya e fwa be ya a Esǝrela ra evǝa me e du edgon mo Fwa Esese mo Ehwya. Evǝa be ya e yi be Ehwya ra, be e no abu mò etinom nwone Ehwya a fo etkwa mo nó, a Engǝ́ mo Ehwya nacha ara nó ángá.
17Adia m fǝnchu no ngge Kristi ángá, m shánju a chu binbin mo be mochi a m bwe no Ehwya anga. 18Ma jan fwa, m ton m mò akan a chu mò a Kristi è du m me e bwe ángá ra. Abu m̀ bwe be ya e fwa be ya a Esǝrela ra, be e tse Ehwya. M̀ bwe be be e no enò a chu mò a m jan ngge be mò a m bwe. 19Bè di be mò ena adi efka mo be moeditanm ngge be echi efki efki. Bè tse nó adi efka mo echakpo mo Engǝ́ mo Ehwya. Enona, tke a Urishelima ti ken kwa gu be zǝn efa mo Eleriku, m̀ jan ara be Fwa Esese a chu Kristi hon, m̀ gwa didi m zǝn akan ra.
20Nogwa nogwa, m̀ dgyan kpwà me e du edgon a chu Fwa Esese mo Kristi a zǝn a bè chà du be edgon mo nó ra, evǝa ge e no ye jan m mbwe mò anga a chu mò a nobǝ efki è tke fù mo nó a ge ángá ra. 21Tea abu ge no ebam adi Afketa mo Ehwya jan,
“Be ya a bè chà jan be be fwa
a chu ye ra, a di ye,
ngge be ya è chà fo be Fwa Esese hon ra,
fo a yi engà mo nó.”
22Ena a mò e bwe kè embo embo m ben ti m efwa me e bwa a zǝn nye ra.
Fuchin etem mo Bulu evǝa ge e ken a Roma
23Tea asuswana, adia be zǝn efki fwa be adi be efa ena nwone a ma bwe mochi ra, ngge adia m ti ara be je embo, m no nda anga me e di nye ángá, 24m té fuchin anga jan ma ken a zǝn nye atan a ma ken a Asbaniya ángá. Atan a m nyaken anga, ma ndnya a zǝn nye. Chashin a m fo ara etkwa mo nye mo ekpengga nwofyan, nya no m mò a nda anga adi kèn mam hon.
25Tea asuswana, m no a efǝ nyaken a Urishelima evǝa me e ti moedwe e ti e no be ya ekǝ̀n-etsǝ́m e no a zǝn ángá. 26Adia be ya ekǝ̀n-etsǝ́m ya è no a sǝnsen mo Makidoniya ngge Akaya ángá, a tswa ju emam è vǝ́ moedwe, a be kpu a no be ya ekan ya e no a engga mo be ya ekǝ̀n-etsǝ́m ya e dwa a Urishelima ángá. 27Bè fo etkwa be e bwe enò, eshwen ge no esese a zǝn be, be e bwe ejwa be. Adia ano be ya e fwa be ya a Esǝrela ra è ben esese mo Engǝ́ a Ehwya éè no ḿ mo be ya a Yahuda ángá, ge no esese be e tan e kwa be mobenben mo be ngge be ya a Yahuda. 28Enona, atan a m bwe gu ara mochi ena ngge a m no ara be binbin mo be mò a bè vǝ́, evǝa be e ti e no be ángá, ma ken a Asbaniya adi kèn mam hon, tea ma ndnya a zǝn nye sangǝ́ m chà twafǝ̀ a nya. 29M yi jan atan a m bwa ara zǝn nye ángá, Kristi a bwe je esese àywá atan a je no abibi.
30M bgó nye anga be nwenjwa m ya, adi ti mo Etsodwe je Yeso Kristi, ngge edgyan a Engǝ́ no je anga, nye e fǝnchu ngge me adi etkyanm mam a tswa ebgo ebgom a zǝn Ehwya a chu m. 31Nye e bgó ebgo evǝa me e ben etivǝm a bu mo be ya e chà tsǝ́ be ekǝ̀n ra, e no a Yahudiya ngge evǝa be ya ekǝ̀n-etsǝ́m e no a Urishelima ángá, be e cha moedwe hon a ma no be ángá. 32Kǝnggwa ano Ehwya cha ara dwa, ma bwa a zǝn nye ngge vǝtsen ngge ma tke nya a zǝn nye. 33Ehwya e no bwi adgye anga, e no ngge nye binbin. Ge e no enò.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2024 Luke Initiative for Scripture Translation