Be ya a Roma 12
12
Abu ya ekǝ̀n-etsǝ́m a no zǝno mbwe ángá
1Enona, be nwenjwa, m bgó nye anga àywá adi fǝedwam mo Ehwya a chu nye, nye e kpu chu nye e no Ehwya abu mò etinom e no angǝ, echanwenwen ngge mò a ga fo etkwa mo nó ángá. Ena a abu Ehwya dgyan nye e no e fen ye anga. 2Nye e cha nye dwa jan fukèn mo zǝnchaje ena ge e dwatì a chu nye efwe ra, tea nye e gwa Ehwya ge e twa e fwe tsuruku mo nye, ne no nye shwa ekam efwe. Kǝnggwa nye chà yi mò a Ehwya dgyan anga. Moedgyan mbwe hon, e no esese, e no etkwatkwa ngge e defǝ ara a zǝn ye ángá.
3Adi esese a Ehwya è bwe m ángá, m jan egwa egwa mo nye anga jan, ende akan mo nye e ti ye chu ye jan ge twafǝ̀ mò a ge no ángá ra. Tea egwa egwa e bgeshi fǝzǝn abu ge ka shwa anga a chu ye. Ge e ka shwa a chu ye abu chaebi a Ehwya no ara ye ángá. 4Ge no tén abu egwa egwa mo je no ngge ekǝnjuju akan ngge eswakwa embo ángá, be eswakwa mo ju ena, no ngge be mochi efki efki. 5Eni abu ge no a ju Kristi ángá. Ja be eswakwa embo mo ekǝnjuju akan mbwe, ngge je no ḿ mo so. 6Je no ngge be edwe efki efki a Ehwya è dwe je ken abu esese mbwe no ángá. Enona, ano ende akan ma no ngge edwe mo fwa efijanm, ge e fijan nó e ken abu chaebi a ge no ngge nó ángá. 7Ano ge no a ge e bwe be nobǝ efki mochi, ge e bwe mochi hon; ano ge no a ge e tú be nobǝ mò, ge e tú mò hon. 8Ano ge no abu ge jan a bon be nobǝ ekǝ̀n, ge e jan e bon be nobǝ ekǝ̀n. Ano ge no abu ge tan a kwa mò ngge be ya e fwa be ngge nó ra, ge e bwe nó ngge bu efkigwagwa. Ano ge no jan, ge e no chu mo be ya mochi, ge e bwe nó ngge tsuruku akan. Ano ge no abu ga dwafǝ be nobǝ ángá, ge e bwe nó ngge vǝtsen àywá.
Mò a tú ya aduwa ebi ángá
9Edgyan mo nye a chu be nobǝ ge e no edgyan ebi. Nye e ze mò e no mofǝ̀, nye e fú e ngǝ́shi mò e no esese ángá, a tsuruku mo nye. 10A chu edgyan mo be nwenjwa je ya ekǝ̀n-etsǝ́m, nye e dgyan be ngge tsuruku akan. A chu edgwa a nye no egwa egwa anga, nye e no be nobǝ efki edgwa abu be twafǝ́ nye. 11Nye e twa e didi nye ekǝ̀n ra, nye e bwe Ehwya mochi ngge tsuruku akan. 12Nye e no ngge vǝtsen a chu shwa enyinm mo nye, nye e bon e tén ekǝ̀n a chu ekan engǝm mo nye ngge nye e no e kpwà adi ebgo ebgom a zǝn Ehwya. 13Nye e bwe e jwa be nwenjwa nye ya ekǝ̀n-etsǝ́m ya e nda mò anga, ngge be mò a nye no ngge be ángá. Nye e cha be ya echan e shi a tswa akanmu nye ngge vǝtsen.
14Nye e bgó Ehwya ge e bwe be ya e tswa nye fí anga esese. Nye e bgó jan ge e bwe be esese, ge e to ye be ebwe a chu ra. 15Nye e no a tswa tsuruku etenten ngge be ya e no a tswa tsuruku etenten, nye e no a tswa tsen ebenm ngge be ya e bentsen anga. 16Nye e twa nye fwa e sojunye ra, nye e no zǝno edwe e so. Nye e sé nye fǝ́ ra, tea nye e dgyan chuefǝnm ngge be nobǝ ya be di jan be kǝn be mò akan ra. Nye e ka nye jan nye yi mò tkyan be nobǝ efki ra.
17Nye e kpwa nye kpo mo mò esera ngge mò esera ra. Nye e bgeshi fǝzǝn evǝa nye e bwe mò a egwa egwa e di, na jan mò a nye bwe anga, no esese. 18Ano ge no ebwetim, nye e bwe binbin mo be mò a nye bwe a ti evǝa nye e no zǝno a tswa adgye ngge egwa egwa. 19Be shushwa m ya, nye e kpwa nye kpo mo mò esera ra, nye gwa ye e no Ehwya ge e kpwa nye kpo mo nó a ge, adia Etsodwe a tswa be Fwaebam mbwe jan, “Kpo ekpwam a ḿ mam, a me ma kpwakpo mo nó, Ehwya jan a ge.” 20Fwa mo Ehwya jan efwe jan,
“Ano mbe fu ya eze mbo anga,
we no ye mode.
Ano jwangǝ̀ fu ye anga,
we no ye mò ge e ngǝ.
Ano nye bwe enò,
ga no abu nye nggwa be
kafǝ̀ anga, a chu.”
21Nye e cha nye dwa mò esera e de e vǝ́ a chu nye ra, tea nye e de e vǝ́ a chu mò esera adi be mò esese ebwem mo nye.
S'ha seleccionat:
Be ya a Roma 12: ICH
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2024 Luke Initiative for Scripture Translation
Be ya a Roma 12
12
Abu ya ekǝ̀n-etsǝ́m a no zǝno mbwe ángá
1Enona, be nwenjwa, m bgó nye anga àywá adi fǝedwam mo Ehwya a chu nye, nye e kpu chu nye e no Ehwya abu mò etinom e no angǝ, echanwenwen ngge mò a ga fo etkwa mo nó ángá. Ena a abu Ehwya dgyan nye e no e fen ye anga. 2Nye e cha nye dwa jan fukèn mo zǝnchaje ena ge e dwatì a chu nye efwe ra, tea nye e gwa Ehwya ge e twa e fwe tsuruku mo nye, ne no nye shwa ekam efwe. Kǝnggwa nye chà yi mò a Ehwya dgyan anga. Moedgyan mbwe hon, e no esese, e no etkwatkwa ngge e defǝ ara a zǝn ye ángá.
3Adi esese a Ehwya è bwe m ángá, m jan egwa egwa mo nye anga jan, ende akan mo nye e ti ye chu ye jan ge twafǝ̀ mò a ge no ángá ra. Tea egwa egwa e bgeshi fǝzǝn abu ge ka shwa anga a chu ye. Ge e ka shwa a chu ye abu chaebi a Ehwya no ara ye ángá. 4Ge no tén abu egwa egwa mo je no ngge ekǝnjuju akan ngge eswakwa embo ángá, be eswakwa mo ju ena, no ngge be mochi efki efki. 5Eni abu ge no a ju Kristi ángá. Ja be eswakwa embo mo ekǝnjuju akan mbwe, ngge je no ḿ mo so. 6Je no ngge be edwe efki efki a Ehwya è dwe je ken abu esese mbwe no ángá. Enona, ano ende akan ma no ngge edwe mo fwa efijanm, ge e fijan nó e ken abu chaebi a ge no ngge nó ángá. 7Ano ge no a ge e bwe be nobǝ efki mochi, ge e bwe mochi hon; ano ge no a ge e tú be nobǝ mò, ge e tú mò hon. 8Ano ge no abu ge jan a bon be nobǝ ekǝ̀n, ge e jan e bon be nobǝ ekǝ̀n. Ano ge no abu ge tan a kwa mò ngge be ya e fwa be ngge nó ra, ge e bwe nó ngge bu efkigwagwa. Ano ge no jan, ge e no chu mo be ya mochi, ge e bwe nó ngge tsuruku akan. Ano ge no abu ga dwafǝ be nobǝ ángá, ge e bwe nó ngge vǝtsen àywá.
Mò a tú ya aduwa ebi ángá
9Edgyan mo nye a chu be nobǝ ge e no edgyan ebi. Nye e ze mò e no mofǝ̀, nye e fú e ngǝ́shi mò e no esese ángá, a tsuruku mo nye. 10A chu edgyan mo be nwenjwa je ya ekǝ̀n-etsǝ́m, nye e dgyan be ngge tsuruku akan. A chu edgwa a nye no egwa egwa anga, nye e no be nobǝ efki edgwa abu be twafǝ́ nye. 11Nye e twa e didi nye ekǝ̀n ra, nye e bwe Ehwya mochi ngge tsuruku akan. 12Nye e no ngge vǝtsen a chu shwa enyinm mo nye, nye e bon e tén ekǝ̀n a chu ekan engǝm mo nye ngge nye e no e kpwà adi ebgo ebgom a zǝn Ehwya. 13Nye e bwe e jwa be nwenjwa nye ya ekǝ̀n-etsǝ́m ya e nda mò anga, ngge be mò a nye no ngge be ángá. Nye e cha be ya echan e shi a tswa akanmu nye ngge vǝtsen.
14Nye e bgó Ehwya ge e bwe be ya e tswa nye fí anga esese. Nye e bgó jan ge e bwe be esese, ge e to ye be ebwe a chu ra. 15Nye e no a tswa tsuruku etenten ngge be ya e no a tswa tsuruku etenten, nye e no a tswa tsen ebenm ngge be ya e bentsen anga. 16Nye e twa nye fwa e sojunye ra, nye e no zǝno edwe e so. Nye e sé nye fǝ́ ra, tea nye e dgyan chuefǝnm ngge be nobǝ ya be di jan be kǝn be mò akan ra. Nye e ka nye jan nye yi mò tkyan be nobǝ efki ra.
17Nye e kpwa nye kpo mo mò esera ngge mò esera ra. Nye e bgeshi fǝzǝn evǝa nye e bwe mò a egwa egwa e di, na jan mò a nye bwe anga, no esese. 18Ano ge no ebwetim, nye e bwe binbin mo be mò a nye bwe a ti evǝa nye e no zǝno a tswa adgye ngge egwa egwa. 19Be shushwa m ya, nye e kpwa nye kpo mo mò esera ra, nye gwa ye e no Ehwya ge e kpwa nye kpo mo nó a ge, adia Etsodwe a tswa be Fwaebam mbwe jan, “Kpo ekpwam a ḿ mam, a me ma kpwakpo mo nó, Ehwya jan a ge.” 20Fwa mo Ehwya jan efwe jan,
“Ano mbe fu ya eze mbo anga,
we no ye mode.
Ano jwangǝ̀ fu ye anga,
we no ye mò ge e ngǝ.
Ano nye bwe enò,
ga no abu nye nggwa be
kafǝ̀ anga, a chu.”
21Nye e cha nye dwa mò esera e de e vǝ́ a chu nye ra, tea nye e de e vǝ́ a chu mò esera adi be mò esese ebwem mo nye.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2024 Luke Initiative for Scripture Translation