Be ya a Roma 1
1
Fwa ebim
1A me Bulu, ya mochi mo Yeso Kristi, a bè fǝ́ ye dwa ge e no etsonchi, etsǝpepe evǝ mo edgon mo Fwa Esese mo Ehwya edum. 2Fwa Esese hon a Ehwya è sen ara vǝ ekpe ekpe, adi efka mo be efojan mbwe abu gè no ebam a tswa Fwaebam Echwanwenwen ángá. 3Fwa Esese hon no a chu Nwen ye, nwene adi zǝno enom mbwe abu nobǝ, gè no ebi abonbon mo Dawuda. 4Tea adi Engǝ́, bè tú ara nó adi echakpo jan ga Nwen mo Ehwya, adia gè ti ye nyi etkyen a dì ángá. Yeso Kristi hon ena, a Etsodwe je. 5Adi efka mbwe ngge adi ti mbwe, Ehwya no ara je efwa je e no be etsonchi, evǝa je e fǝ́ be nobǝ a tswa engga mo be ya e fwa be ya a Yahuda ra dwa, be e tsǝ́ekǝ̀n a chu ye, ne tse fwa mbwe. 6A nye gaten, nye no a engga mo be ya Ehwya è fǝ́ ara be dwa be e bwa e no be nobǝ mo Yeso Kristi ángá.
7Afketa chí ena vǝ a zǝn m, Bulu, ken a zǝn nye, ya e dgyan Ehwya anga, e no Roma, ya Ehwya è dgyan be nè fǝ́ ara be dwa be e no ya e ba ye anga.
Esese ngge adgye mo Ate je Ehwya ngge Etsodwe je Yeso Kristi, be e no ngge nye.
Bulu è dgyan ge e ken a Roma
8Ekwafya binbin, m chwano Ehwya mam adi efka mo Yeso Kristi a chu nye binbin, adia be nobǝ binbin a tswa zǝnchaje jan fwa anga a chu chaebi mo nye. 9Ehwya, a m bwe ye mochi anga ngge binbin mo tsuruku mam adi edgon mo Fwa Esese mo Nwen ye a m du anga, yi jan m kaben nye anga, 10adi ebgo ebgom mam nogwa nogwa. M bgó jan Ehwya e fki m efwa evǝa adi edgyan mbwe, a dgyen ye fon ra, me bwa a zǝn nye.
11M maju anga me e di nye evǝa me e dwe nye be edwe mo Engǝ́ mo Ehwya ya ehwyà, evǝa nye e ben echafǝju adi engǝ́, 12evǝa a nye ngge me je e jan e bon so ekǝ̀n a chu chaebi a egwa egwa mo je no ngge nó ángá. 13M dgyan m jan nye e no a tswafǝ ra, be nwenjwa m, ya ekǝ̀n-etsǝ́m, jan kè embo embo m̀ té fuchin me e bwa a zǝn nye (tea ti bwa anga na be chà no m efwa ra), evǝa me e du ya ehwyà mo nye be e tsǝ́ekǝ̀n a chu Ehwya abu m̀ ben a engga mo be ya efki ya e fwa be ya a Yahuda ra ángá.
14Ge no m kenm, me e bwe be ya a Girka ngge be ya e fwa be ya a Girka ra mochi, be ya mò eyiyi ngge be ya e yi be mò ra. 15Eni a mò e bwe m̀ no maju anga evǝa me e du edgon a chu Fwa Esese hon a zǝn nye ya e no a Roma ángá gaten.
Echakpo e no a tswa Fwa mo Ehwya ángá
16M fu m ebgenju mo Fwa Esese hon ra, adia ga echakpo mo Ehwya nwone e no egwa egwa e tsǝ́ ara ekǝ̀n a chu nya e no a fwa efwam ángá. Fwa Esese hon ena, bè kwafya jan nó a zǝn be ya a Yahuda, kǝnggwa a zǝn be ya e fwa be ya a Yahuda ra. 17Adia Fwa Esese mo Ehwya hon ena, jan je abu Ehwya bwe be nobǝ be e no zǝno edwe ngge ge. Zǝno esese hon ena no a chu chaebi, tke ekwafya a chu chaebi hon, ti ken kǝn-etkyen ngge nó, abu ge no ebam jan. “Ya esese ebwem hon a no angǝ adi efka mo chaebi.”
Engo mo Ehwya a chu be nobǝ ebgen
18Adia be tú engo mo Ehwya shwa anga chá kpe a chu binbin mo be ya e bwe mò esera anga, ngge be ya mofǝ̀. Be ya hon ena, dòn be nobǝ be e yi ebi a chu Ehwya, a chu mofǝ̀ mo be a be bwe anga, 19adia mò e no kenm be e yi a chu Ehwya no enggasansan a zǝn be, adia Ehwya tú ara be nó enggasansan. 20Tke atan a Ehwya è mmò zǝnchaje ángá, be mochi engǝ̀tonton mo Ehwya a be diben be anga ngge fǝzǝn ra, no enggasansan a zǝn be, echakpo mbwe e no a fwa efwam ngge zǝno Ehwya enom mbwe, no enggasansan. Be yi be mò ena anga a chu be mò a gè mmò ángá. Enona, nobǝ fwa didi ye ngge fwa a ge ti jan tivǝ́ a ti chu ye ángá ra.
21Bi adia bè yi Ehwya, bè no be ye egǝ̀n abu Ehwya ra, nè chwano be ye ra. Fwa ekam mo be è ben ye engà ra ngge tsuruku hwen mo be hwà yi ye mò akan ra. 22Bi adia bè jan ba be ya enggaton ángá, adi ebi, bè nga ara hwen, 23ngge bè ti egǝ̀n a be e ti e no Ehwya e no a fwa efwam ángá, ti no be mò e no abu nobǝ e fǝ anga, be nwendnye, be gwemo ngge be mò ya e ya anga eyam ángá.
24No enona, Ehwya twagwa be n gwa be, be bwe be mò esera a tsuruku mo be tú be, n du be be e bwe ekacha nwone e du be be bwe mbǝgo sojube anga. 25Be twafwe ebi mo Ehwya hon ngge fwafe. Be fen n bwe be mò a Ehwya mmò ángá mochi, efwe-echi mo Ehwya nwene e no Ehwya-emmò, nwene e kǝn ara n no a fwam efwam be e tàn ye ángá. Ge e no enò.
26A chu mò ena Ehwya twagwa ara be, be no bwe be mò a be dgyan e no mò ebgenju àywá anga. Èé be ndegwa mo be twagwa ara edwa-ngo edwam ngge be ndedon e no adi efwa mo nó ángá, n dgyan fí àa, be e dwa ngge be ndegwa efki. 27Ba anona, be ndedon twagwa edwa-ngo edwam ngge be ndegwa è no adi efwa mo nó ángá, bè no ngge edgyan echakpokpo mo so. Be ndedon è no bwe be mò ebgenju àywá anga ngge be ndedon efki. No enona, be vǝ ekan e defǝ a chu be ángá bwa a chu be.
28Fwa ye ena tete ra, adia bè ka be jan ge no esese be e fu e seshi ebi a be yi a chu mo Ehwya ra ángá, Ehwya è twagwa be a tswa fwa ekam esera mo be, evǝa be e bwe be mò e se be, be e bwe ángá ra. 29Tsuruku mo be è mbo ara ngge egwa egwa mo mofǝ̀: ebgen, moedgyanfim ngge eze e sojube. Be mbo ngge engǝbgen, nobǝ egum, efyan etwam, enggadem ngge nobǝ enyim a tsuruku. Be jan ejanbwe anga e sojube, 30be fe fwa anga e sojube, be ze Ehwya, be cha chu anga, be fìn efin ngge fǝ́ esem. Be mmò be efwa àywá mo be mò esera ebwem, be fo be be ya e mbwa be ángá ra, 31be hwayi be fwa ra, be bwe be mochi ngge fwa mo be ra, be fwa be ngge edgyan ra n fwa be ngge tsuruku mo ashi ra. 32Bi adia be yi jan edon mo Ehwya jan be ya e bwe yishwa be mò ena anga, defǝ be e gu be ángá, be no kpwà be adi be mò hon ebwem tete ra, tea be cha ebgan sǝ́ be ya e bwe be yishwa mò ena anga gaten.
S'ha seleccionat:
Be ya a Roma 1: ICH
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2024 Luke Initiative for Scripture Translation
Be ya a Roma 1
1
Fwa ebim
1A me Bulu, ya mochi mo Yeso Kristi, a bè fǝ́ ye dwa ge e no etsonchi, etsǝpepe evǝ mo edgon mo Fwa Esese mo Ehwya edum. 2Fwa Esese hon a Ehwya è sen ara vǝ ekpe ekpe, adi efka mo be efojan mbwe abu gè no ebam a tswa Fwaebam Echwanwenwen ángá. 3Fwa Esese hon no a chu Nwen ye, nwene adi zǝno enom mbwe abu nobǝ, gè no ebi abonbon mo Dawuda. 4Tea adi Engǝ́, bè tú ara nó adi echakpo jan ga Nwen mo Ehwya, adia gè ti ye nyi etkyen a dì ángá. Yeso Kristi hon ena, a Etsodwe je. 5Adi efka mbwe ngge adi ti mbwe, Ehwya no ara je efwa je e no be etsonchi, evǝa je e fǝ́ be nobǝ a tswa engga mo be ya e fwa be ya a Yahuda ra dwa, be e tsǝ́ekǝ̀n a chu ye, ne tse fwa mbwe. 6A nye gaten, nye no a engga mo be ya Ehwya è fǝ́ ara be dwa be e bwa e no be nobǝ mo Yeso Kristi ángá.
7Afketa chí ena vǝ a zǝn m, Bulu, ken a zǝn nye, ya e dgyan Ehwya anga, e no Roma, ya Ehwya è dgyan be nè fǝ́ ara be dwa be e no ya e ba ye anga.
Esese ngge adgye mo Ate je Ehwya ngge Etsodwe je Yeso Kristi, be e no ngge nye.
Bulu è dgyan ge e ken a Roma
8Ekwafya binbin, m chwano Ehwya mam adi efka mo Yeso Kristi a chu nye binbin, adia be nobǝ binbin a tswa zǝnchaje jan fwa anga a chu chaebi mo nye. 9Ehwya, a m bwe ye mochi anga ngge binbin mo tsuruku mam adi edgon mo Fwa Esese mo Nwen ye a m du anga, yi jan m kaben nye anga, 10adi ebgo ebgom mam nogwa nogwa. M bgó jan Ehwya e fki m efwa evǝa adi edgyan mbwe, a dgyen ye fon ra, me bwa a zǝn nye.
11M maju anga me e di nye evǝa me e dwe nye be edwe mo Engǝ́ mo Ehwya ya ehwyà, evǝa nye e ben echafǝju adi engǝ́, 12evǝa a nye ngge me je e jan e bon so ekǝ̀n a chu chaebi a egwa egwa mo je no ngge nó ángá. 13M dgyan m jan nye e no a tswafǝ ra, be nwenjwa m, ya ekǝ̀n-etsǝ́m, jan kè embo embo m̀ té fuchin me e bwa a zǝn nye (tea ti bwa anga na be chà no m efwa ra), evǝa me e du ya ehwyà mo nye be e tsǝ́ekǝ̀n a chu Ehwya abu m̀ ben a engga mo be ya efki ya e fwa be ya a Yahuda ra ángá.
14Ge no m kenm, me e bwe be ya a Girka ngge be ya e fwa be ya a Girka ra mochi, be ya mò eyiyi ngge be ya e yi be mò ra. 15Eni a mò e bwe m̀ no maju anga evǝa me e du edgon a chu Fwa Esese hon a zǝn nye ya e no a Roma ángá gaten.
Echakpo e no a tswa Fwa mo Ehwya ángá
16M fu m ebgenju mo Fwa Esese hon ra, adia ga echakpo mo Ehwya nwone e no egwa egwa e tsǝ́ ara ekǝ̀n a chu nya e no a fwa efwam ángá. Fwa Esese hon ena, bè kwafya jan nó a zǝn be ya a Yahuda, kǝnggwa a zǝn be ya e fwa be ya a Yahuda ra. 17Adia Fwa Esese mo Ehwya hon ena, jan je abu Ehwya bwe be nobǝ be e no zǝno edwe ngge ge. Zǝno esese hon ena no a chu chaebi, tke ekwafya a chu chaebi hon, ti ken kǝn-etkyen ngge nó, abu ge no ebam jan. “Ya esese ebwem hon a no angǝ adi efka mo chaebi.”
Engo mo Ehwya a chu be nobǝ ebgen
18Adia be tú engo mo Ehwya shwa anga chá kpe a chu binbin mo be ya e bwe mò esera anga, ngge be ya mofǝ̀. Be ya hon ena, dòn be nobǝ be e yi ebi a chu Ehwya, a chu mofǝ̀ mo be a be bwe anga, 19adia mò e no kenm be e yi a chu Ehwya no enggasansan a zǝn be, adia Ehwya tú ara be nó enggasansan. 20Tke atan a Ehwya è mmò zǝnchaje ángá, be mochi engǝ̀tonton mo Ehwya a be diben be anga ngge fǝzǝn ra, no enggasansan a zǝn be, echakpo mbwe e no a fwa efwam ngge zǝno Ehwya enom mbwe, no enggasansan. Be yi be mò ena anga a chu be mò a gè mmò ángá. Enona, nobǝ fwa didi ye ngge fwa a ge ti jan tivǝ́ a ti chu ye ángá ra.
21Bi adia bè yi Ehwya, bè no be ye egǝ̀n abu Ehwya ra, nè chwano be ye ra. Fwa ekam mo be è ben ye engà ra ngge tsuruku hwen mo be hwà yi ye mò akan ra. 22Bi adia bè jan ba be ya enggaton ángá, adi ebi, bè nga ara hwen, 23ngge bè ti egǝ̀n a be e ti e no Ehwya e no a fwa efwam ángá, ti no be mò e no abu nobǝ e fǝ anga, be nwendnye, be gwemo ngge be mò ya e ya anga eyam ángá.
24No enona, Ehwya twagwa be n gwa be, be bwe be mò esera a tsuruku mo be tú be, n du be be e bwe ekacha nwone e du be be bwe mbǝgo sojube anga. 25Be twafwe ebi mo Ehwya hon ngge fwafe. Be fen n bwe be mò a Ehwya mmò ángá mochi, efwe-echi mo Ehwya nwene e no Ehwya-emmò, nwene e kǝn ara n no a fwam efwam be e tàn ye ángá. Ge e no enò.
26A chu mò ena Ehwya twagwa ara be, be no bwe be mò a be dgyan e no mò ebgenju àywá anga. Èé be ndegwa mo be twagwa ara edwa-ngo edwam ngge be ndedon e no adi efwa mo nó ángá, n dgyan fí àa, be e dwa ngge be ndegwa efki. 27Ba anona, be ndedon twagwa edwa-ngo edwam ngge be ndegwa è no adi efwa mo nó ángá, bè no ngge edgyan echakpokpo mo so. Be ndedon è no bwe be mò ebgenju àywá anga ngge be ndedon efki. No enona, be vǝ ekan e defǝ a chu be ángá bwa a chu be.
28Fwa ye ena tete ra, adia bè ka be jan ge no esese be e fu e seshi ebi a be yi a chu mo Ehwya ra ángá, Ehwya è twagwa be a tswa fwa ekam esera mo be, evǝa be e bwe be mò e se be, be e bwe ángá ra. 29Tsuruku mo be è mbo ara ngge egwa egwa mo mofǝ̀: ebgen, moedgyanfim ngge eze e sojube. Be mbo ngge engǝbgen, nobǝ egum, efyan etwam, enggadem ngge nobǝ enyim a tsuruku. Be jan ejanbwe anga e sojube, 30be fe fwa anga e sojube, be ze Ehwya, be cha chu anga, be fìn efin ngge fǝ́ esem. Be mmò be efwa àywá mo be mò esera ebwem, be fo be be ya e mbwa be ángá ra, 31be hwayi be fwa ra, be bwe be mochi ngge fwa mo be ra, be fwa be ngge edgyan ra n fwa be ngge tsuruku mo ashi ra. 32Bi adia be yi jan edon mo Ehwya jan be ya e bwe yishwa be mò ena anga, defǝ be e gu be ángá, be no kpwà be adi be mò hon ebwem tete ra, tea be cha ebgan sǝ́ be ya e bwe be yishwa mò ena anga gaten.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2024 Luke Initiative for Scripture Translation