Be Mochi 15
15
Be chu mo be ya aduwa è fǝnchu a Urishelima
1Atan a Bulu ngge Banaba è no a Antakiya e no a sǝnsen mo Siriya ángá, be nobǝ ya ehwyà è vǝ a Yahudiya bwa a zǝn, nè kwa ara ya ekǝ̀n-etsǝ́m moetum, jan, “Ano be chà tsen be nye tkyà abu edon mo Mosa tú anga ra, Ehwya a ti a vǝ́ ye nye ra.” 2Bulu ngge Banaba è twa be efyan ngge echakpo nè cha be dwa ngge fwa a bè jan be ya ekǝ̀n-etsǝ́m hon anga ra. Ekǝn-etkyen be ya ekǝ̀n-etsǝ́m è pa pyoro jan be e tson Bulu ngge Banaba tangge be ya ehwyà a engga mo be, be è vǝ́ a Urishelima evǝa be e jan fwa ngge be etsonchi tangge be chu mo be ya aduwa a chu mo fwa ena. 3Be ya a be ya ekǝ̀n-etsǝ́m è tson be nyavǝ́ ángá, è kpo efǝ e ken chá Fonikiya ngge Samariya nè jan be ya ekǝ̀n-etsǝ́m ya e no a zǝn ángá, abu be ya e fwa be ya a Esǝrela ra, è nga be ya ekǝ̀n-etsǝ́m ángá. Fwa ena è bwe tsuruku mo be ya ekǝ̀n-etsǝ́m binbin tenten. 4Atan a bè vǝ́ngga a Urishelima ángá, be ya ekǝ̀n-etsǝ́m, be etsonchi tangge be chu mo be ya aduwa è cha be bu fà fà. Ekǝnggwa Banaba ngge Bulu è jan gu be mò a Ehwya bwe chá bu mo be ángá.
5Tea be ya ekǝ̀n-etsǝ́m ya ehwyà è no adi etso mo be Farisi ángá, è nyi etkyen nè chifǝ jan ne, “Ge no kenm be ya e fwa be ya a Yahuda ra, ya e tsǝ̀ ara ekǝ̀n ángá, be e tsen be tkyà ngge be e ba edon mo Mosa.”
6Be etsonchi ngge be chu mo be ya aduwa è fǝnchu evǝa be e kpèn e tswa fwa hon. 7Chashin a be jan ara fwa àywá ángá, Bitru è nyi etkyen nè jan, “Be nwenjwa m ya, nye yi jan ekpe ekpe Ehwya è swa m a tswa engga mo nye, me e ken e du edgon a chu Fwa Esese a zǝn be ya e fwa be ya a Yahuda ra, abu be e tsǝ́ekǝ̀n. 8Ehwya nwene e yi gu tsuruku mo be nobǝ ángá, n tú ara jan ge cha ara be ya e fwa be ya a Esǝrela ra adi Engǝ́ mbwe a ge no be, abu gè no je. 9Gè tú ye efi etanm a engga mo je ngge be ra, gè gwano ara be be ebgen mo be a bè bwe ángá adia be tsǝ́ ara ekǝ̀n a chu ye. 10No enona, ano bwe a ge nye mbwadi Ehwya anga adi etkon a nye tso be ya e fwa be ya a Esǝrela ra, be ya e tsǝ́ ara ekǝ̀n na, etkon hon nwone a a je, eno e ra be ebǝ ata mo je è tso ti be ra? 11É yé, ge e no ye enò ra. Je tsǝ́ekǝ̀n jan adi esese mo Yeso Etsodwe, Ehwya tivǝ́ ara je abu ge tivǝ́ be anga.”
12Binbin mo be nobǝ hon è no buton fo abu be Banaba ngge Bulu è no jantu gu be moeditanm ngge be echi mo be mò ezǝzǝju a Ehwya è bwe a tswa engga mo ya e fwa be ya a Yahuda ra chá bu mo be ángá. 13Atan a bè jan fwa ara ángá, Yakubo è nyi etkyen nè jan, “Nwenjwa, nye fo m, 14Sima è jan ara je abu Ehwya è tú fǝedwam mbwe ekwafya a chu be ya fwa be ya a Esǝrela ra adia gè kpu be ya ehwyà a engga mo be, be e no be nobǝ mbwe. 15Be fwa mo be efojan chadwa ngge fwa ena, abu ge no ebam jan,
16“ ‘Chashin mo mò ena, ma twabǝ a bwa,
me e mbwe e se afku mo Dawuda è bwi ángá.
Ma twanga a mbwe a se etkom mo nó,
ma ti afku hon a nyi etkyen efwe,
17evǝa be nobǝ ya e dan shi ángá
a nda be e yi Etsodwe ngge binbin mo
be ya e fwa be ya a Esǝrela ra,
ya a be fǝ́ be dwa anga adi ti mam anga,
a nda be e yi Etsodwe gaten.
Ena a fwa mo Ehwya nwene e
bwe bwi be mò ena,’
18è bwe be bè yi ara be mò hon ekpe ekpe.
19“Enona, adi fwa ekam mam, m di jan, je e tswa je be ya e fwa be ya a Esǝrela ra, ya e tsǝ́ ara ekǝ̀n a chu Ehwya ekan ra. 20Tea je e bá e no be jan, be e kwaju ngge edem mo mode a be ti no ara be sen ángá, ngge edwa ekacha, be e kǝ́n be gwemo a be fǝ̀ngu efǝngum ngge be e ngǝ be ngǝ ra. 21Adia è bwa ekpe, be nobǝ è no du edgon a chu edon mo Mosa a tswa egwa egwa mo be eten nè ká nó anga a tswa be àtá chuefǝnm nogwa nogwa, mo Nò nya Etkem.”
Afketa chí a bè bá no be ya e fwa be ya a Esǝrela ra ángá
22Ekǝnggwa be etsonchi, be echikǝ̀n ngge be ya è ba Yeso anga a Urishelima, di jan ge se, be e swa ya ehwyà a engga mo be, e tson e ken a Antakiya ngge Bulu tangge Banaba. Bè swa, Yahuda (a bè fǝ́ anga Basaba) ngge Sila, be ya è no chu a engga mo be ya ekǝ̀n-etsǝ́m ángá. 23Ena a fwa a bè bá no a tswa afketa chí hon ángá:
Afketa chí ena vǝ a zǝn be etsonchi, be echikǝ̀n ngge be nwenjwa nye ya e no a Urishelima ángá.
Je bá no nye anga, be nwenjwa ya e fwa be ya a Esǝrela ra, ya e tsǝ́ ara ekǝ̀n, e no a Antakiya, Siriya ngge Kilikiya. Je bi nye fwa anga.
24Jè fo ara jan be ya ehwyà è vǝ́ a je a engga mo je, n bwa no fa nye anga ngge moetum, n no chitkon nye tsuruku anga, tea jè tson je be a je ra. 25Enona, je cha gu ara dwa jan, je e swa be ya ehwyà a engga mo je, je e tson be ngge be ya edgyan mo je Banaba ngge Bulu, 26be nobǝ ya e ti nya mo be du ara a tswa etí evǝa be e bwe Etsodwe je Yeso Kristi mochi. 27Je tson ara Yahuda ngge Sila evǝa be e jan nye mò a jè bá ángá ngge kpevǝ mo be gaten. 28Adia je yi jan ge no esese a zǝn Engǝ́ mo Ehwya ngge a zǝn je, jan ne je e du je nye, nye e bwe be mò efki e twafǝ̀ be mò ena ra. 29Ge no kenm, nye e kwaju ngge edem mo be mode a bè ti no ara sen, nye e ngǝ nye ngǝ ra, nye kǝ́n nye gwemo a be fèn gu efǝngum ángá ra ngge nye e kwaju ngge edwa ekacha. Ano nye tse be mò ena, nye bwe ara esese.
Je chá a no.
30Be ya a bè tson be chí ángá, è nya tén enyam kè akan ken shi a Antakiya, nè fǝ́ fǝn be è ya ba Yeso anga dwa, nè ti afketa chí hon no be. 31Atan a be nobǝ hon è ká ara nó ángá, bè fo etkwa adi ekǝ̀n ejanbonm è no a tswa mo nó ángá. 32Yahuda ngge Sila ya éè no be efojan e chu be ángá, è jan be fwa àywá nwone è bwebon be ekǝ̀n nè no tsuruku mo be no echakpokpo a tswa chaebi. 33A bè no ara a zǝn mo tsǝnò fà ángá, be ya ekǝ̀n-etsǝ́m è du be efǝ ngge dwavǝ adgye, bè twabǝ ken a zǝn be ya è tson be chí hon ángá. [ 34Sila è di jan ge no esese a zǝn ye, ge e no a zǝn.] 35Bulu ngge Banaba è ndnya ḿ mo be a Antakiya, zǝn a a be ngge be ya ehwyà embo, è tú be nobǝ mò nè du edgon mo fwa mo Etsodwe ángá.
Bulu ngge Banaba è kwaju e so
36Beti bishi, Bulu è jan Banaba jan, “Je e twabǝ e ken e ban e di be nwenjwa a tswa be eten binbin zǝn a jè jan be fwa mo Etsodwe ángá, evǝa je di abu be no anga.” 37Banaba è dgyan anga be e ti Yohana a bè fǝ́ anga Marku anga e ken ngge be, 38tea Bulu è di jan ge se ye a be e ken ngge ende è twagwa ara be a Pamfiliya nè ken ye chafya ngge be adi mochi hon ra ra. 39Mò ena è ti efyan etwam echakpokpo bwa a engga mo be nè du be bè kwaju e so adi kèn hon. Banaba è ti Marku, bè kwa ngga nya chá Sayifuru. 40Tea Bulu è swa Sila, ngge atan a be ya ekǝ̀n-etsǝ́m è bgó ara ebgo jan Ehwya ne bwe e jwa be adi kèn mo be ángá, bè vǝ ken mo be hon. 41Kǝnggwa Bulu è tkukwa gu be efa mo Siriya ngge Kilikiya nè no janbon be ya è ba Yeso ya è no a zǝn ángá, ekǝ̀n anga.
S'ha seleccionat:
Be Mochi 15: ICH
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2024 Luke Initiative for Scripture Translation
Be Mochi 15
15
Be chu mo be ya aduwa è fǝnchu a Urishelima
1Atan a Bulu ngge Banaba è no a Antakiya e no a sǝnsen mo Siriya ángá, be nobǝ ya ehwyà è vǝ a Yahudiya bwa a zǝn, nè kwa ara ya ekǝ̀n-etsǝ́m moetum, jan, “Ano be chà tsen be nye tkyà abu edon mo Mosa tú anga ra, Ehwya a ti a vǝ́ ye nye ra.” 2Bulu ngge Banaba è twa be efyan ngge echakpo nè cha be dwa ngge fwa a bè jan be ya ekǝ̀n-etsǝ́m hon anga ra. Ekǝn-etkyen be ya ekǝ̀n-etsǝ́m è pa pyoro jan be e tson Bulu ngge Banaba tangge be ya ehwyà a engga mo be, be è vǝ́ a Urishelima evǝa be e jan fwa ngge be etsonchi tangge be chu mo be ya aduwa a chu mo fwa ena. 3Be ya a be ya ekǝ̀n-etsǝ́m è tson be nyavǝ́ ángá, è kpo efǝ e ken chá Fonikiya ngge Samariya nè jan be ya ekǝ̀n-etsǝ́m ya e no a zǝn ángá, abu be ya e fwa be ya a Esǝrela ra, è nga be ya ekǝ̀n-etsǝ́m ángá. Fwa ena è bwe tsuruku mo be ya ekǝ̀n-etsǝ́m binbin tenten. 4Atan a bè vǝ́ngga a Urishelima ángá, be ya ekǝ̀n-etsǝ́m, be etsonchi tangge be chu mo be ya aduwa è cha be bu fà fà. Ekǝnggwa Banaba ngge Bulu è jan gu be mò a Ehwya bwe chá bu mo be ángá.
5Tea be ya ekǝ̀n-etsǝ́m ya ehwyà è no adi etso mo be Farisi ángá, è nyi etkyen nè chifǝ jan ne, “Ge no kenm be ya e fwa be ya a Yahuda ra, ya e tsǝ̀ ara ekǝ̀n ángá, be e tsen be tkyà ngge be e ba edon mo Mosa.”
6Be etsonchi ngge be chu mo be ya aduwa è fǝnchu evǝa be e kpèn e tswa fwa hon. 7Chashin a be jan ara fwa àywá ángá, Bitru è nyi etkyen nè jan, “Be nwenjwa m ya, nye yi jan ekpe ekpe Ehwya è swa m a tswa engga mo nye, me e ken e du edgon a chu Fwa Esese a zǝn be ya e fwa be ya a Yahuda ra, abu be e tsǝ́ekǝ̀n. 8Ehwya nwene e yi gu tsuruku mo be nobǝ ángá, n tú ara jan ge cha ara be ya e fwa be ya a Esǝrela ra adi Engǝ́ mbwe a ge no be, abu gè no je. 9Gè tú ye efi etanm a engga mo je ngge be ra, gè gwano ara be be ebgen mo be a bè bwe ángá adia be tsǝ́ ara ekǝ̀n a chu ye. 10No enona, ano bwe a ge nye mbwadi Ehwya anga adi etkon a nye tso be ya e fwa be ya a Esǝrela ra, be ya e tsǝ́ ara ekǝ̀n na, etkon hon nwone a a je, eno e ra be ebǝ ata mo je è tso ti be ra? 11É yé, ge e no ye enò ra. Je tsǝ́ekǝ̀n jan adi esese mo Yeso Etsodwe, Ehwya tivǝ́ ara je abu ge tivǝ́ be anga.”
12Binbin mo be nobǝ hon è no buton fo abu be Banaba ngge Bulu è no jantu gu be moeditanm ngge be echi mo be mò ezǝzǝju a Ehwya è bwe a tswa engga mo ya e fwa be ya a Yahuda ra chá bu mo be ángá. 13Atan a bè jan fwa ara ángá, Yakubo è nyi etkyen nè jan, “Nwenjwa, nye fo m, 14Sima è jan ara je abu Ehwya è tú fǝedwam mbwe ekwafya a chu be ya fwa be ya a Esǝrela ra adia gè kpu be ya ehwyà a engga mo be, be e no be nobǝ mbwe. 15Be fwa mo be efojan chadwa ngge fwa ena, abu ge no ebam jan,
16“ ‘Chashin mo mò ena, ma twabǝ a bwa,
me e mbwe e se afku mo Dawuda è bwi ángá.
Ma twanga a mbwe a se etkom mo nó,
ma ti afku hon a nyi etkyen efwe,
17evǝa be nobǝ ya e dan shi ángá
a nda be e yi Etsodwe ngge binbin mo
be ya e fwa be ya a Esǝrela ra,
ya a be fǝ́ be dwa anga adi ti mam anga,
a nda be e yi Etsodwe gaten.
Ena a fwa mo Ehwya nwene e
bwe bwi be mò ena,’
18è bwe be bè yi ara be mò hon ekpe ekpe.
19“Enona, adi fwa ekam mam, m di jan, je e tswa je be ya e fwa be ya a Esǝrela ra, ya e tsǝ́ ara ekǝ̀n a chu Ehwya ekan ra. 20Tea je e bá e no be jan, be e kwaju ngge edem mo mode a be ti no ara be sen ángá, ngge edwa ekacha, be e kǝ́n be gwemo a be fǝ̀ngu efǝngum ngge be e ngǝ be ngǝ ra. 21Adia è bwa ekpe, be nobǝ è no du edgon a chu edon mo Mosa a tswa egwa egwa mo be eten nè ká nó anga a tswa be àtá chuefǝnm nogwa nogwa, mo Nò nya Etkem.”
Afketa chí a bè bá no be ya e fwa be ya a Esǝrela ra ángá
22Ekǝnggwa be etsonchi, be echikǝ̀n ngge be ya è ba Yeso anga a Urishelima, di jan ge se, be e swa ya ehwyà a engga mo be, e tson e ken a Antakiya ngge Bulu tangge Banaba. Bè swa, Yahuda (a bè fǝ́ anga Basaba) ngge Sila, be ya è no chu a engga mo be ya ekǝ̀n-etsǝ́m ángá. 23Ena a fwa a bè bá no a tswa afketa chí hon ángá:
Afketa chí ena vǝ a zǝn be etsonchi, be echikǝ̀n ngge be nwenjwa nye ya e no a Urishelima ángá.
Je bá no nye anga, be nwenjwa ya e fwa be ya a Esǝrela ra, ya e tsǝ́ ara ekǝ̀n, e no a Antakiya, Siriya ngge Kilikiya. Je bi nye fwa anga.
24Jè fo ara jan be ya ehwyà è vǝ́ a je a engga mo je, n bwa no fa nye anga ngge moetum, n no chitkon nye tsuruku anga, tea jè tson je be a je ra. 25Enona, je cha gu ara dwa jan, je e swa be ya ehwyà a engga mo je, je e tson be ngge be ya edgyan mo je Banaba ngge Bulu, 26be nobǝ ya e ti nya mo be du ara a tswa etí evǝa be e bwe Etsodwe je Yeso Kristi mochi. 27Je tson ara Yahuda ngge Sila evǝa be e jan nye mò a jè bá ángá ngge kpevǝ mo be gaten. 28Adia je yi jan ge no esese a zǝn Engǝ́ mo Ehwya ngge a zǝn je, jan ne je e du je nye, nye e bwe be mò efki e twafǝ̀ be mò ena ra. 29Ge no kenm, nye e kwaju ngge edem mo be mode a bè ti no ara sen, nye e ngǝ nye ngǝ ra, nye kǝ́n nye gwemo a be fèn gu efǝngum ángá ra ngge nye e kwaju ngge edwa ekacha. Ano nye tse be mò ena, nye bwe ara esese.
Je chá a no.
30Be ya a bè tson be chí ángá, è nya tén enyam kè akan ken shi a Antakiya, nè fǝ́ fǝn be è ya ba Yeso anga dwa, nè ti afketa chí hon no be. 31Atan a be nobǝ hon è ká ara nó ángá, bè fo etkwa adi ekǝ̀n ejanbonm è no a tswa mo nó ángá. 32Yahuda ngge Sila ya éè no be efojan e chu be ángá, è jan be fwa àywá nwone è bwebon be ekǝ̀n nè no tsuruku mo be no echakpokpo a tswa chaebi. 33A bè no ara a zǝn mo tsǝnò fà ángá, be ya ekǝ̀n-etsǝ́m è du be efǝ ngge dwavǝ adgye, bè twabǝ ken a zǝn be ya è tson be chí hon ángá. [ 34Sila è di jan ge no esese a zǝn ye, ge e no a zǝn.] 35Bulu ngge Banaba è ndnya ḿ mo be a Antakiya, zǝn a a be ngge be ya ehwyà embo, è tú be nobǝ mò nè du edgon mo fwa mo Etsodwe ángá.
Bulu ngge Banaba è kwaju e so
36Beti bishi, Bulu è jan Banaba jan, “Je e twabǝ e ken e ban e di be nwenjwa a tswa be eten binbin zǝn a jè jan be fwa mo Etsodwe ángá, evǝa je di abu be no anga.” 37Banaba è dgyan anga be e ti Yohana a bè fǝ́ anga Marku anga e ken ngge be, 38tea Bulu è di jan ge se ye a be e ken ngge ende è twagwa ara be a Pamfiliya nè ken ye chafya ngge be adi mochi hon ra ra. 39Mò ena è ti efyan etwam echakpokpo bwa a engga mo be nè du be bè kwaju e so adi kèn hon. Banaba è ti Marku, bè kwa ngga nya chá Sayifuru. 40Tea Bulu è swa Sila, ngge atan a be ya ekǝ̀n-etsǝ́m è bgó ara ebgo jan Ehwya ne bwe e jwa be adi kèn mo be ángá, bè vǝ ken mo be hon. 41Kǝnggwa Bulu è tkukwa gu be efa mo Siriya ngge Kilikiya nè no janbon be ya è ba Yeso ya è no a zǝn ángá, ekǝ̀n anga.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2024 Luke Initiative for Scripture Translation