Markus 13:35-37

Nyalamle touk, na babye, anggunti nyapsine. Anyaik pil don nang sik deiyoknye aweik aik talilulnye tamubuka yanamalye talak kum bikinyak atonun, anggun babye, na tukwak mutuku tamubuka yanamne talak kel kum biknuluma ati, ‘Nun deiyoknye Yesus dan talak yanamle do?’ tenen, kintinibuka dinamnulume. ‘Ayam gamulamle talak do, bereklamle talak do, sintam talak do, pia lukunyan noutam talak yanamle do?’ pia kum teneluluma anya arye, kanye pia moubuka umunce kintinibuka dinauk unamlulume. Winibuka datalye unmamunya talak arye, ‘Na talye karin yanyak’ tenen, pia kintinibuka dinamnulume. Ayupu anyapmasin touk, ninye mutuku-mutuku nirya ati, atonun nyapsine. Pia kanye moubuka kintinibuka dinauk unamnulume, nyapsine. Yesus arye el mapu ati nyabuk.