प्रेरीत् 22
22
1ओउःमयः ङैमाःत मुआक्तीको पावुल्इ ओउः इस्राएल् मान्ताकोः यहुदी भासा नोःती “अ इस्राएल् मान्तालम्य ङापाय् नीङ्कोः मीक्हाङः चीङ्ती लयःकायः तोओ नोःचाङः। नीङ्इ पेतो सायःनु दा” त दाय्ह्ती पावुल्इ तोआथास। 2पावुल्पाय् ओउःमयःकोः लयःकोः यहुदी भासा नोःओ सायःती ओउः हुम्ओ मान्तालम्इ न्हाङ्तोलेः चीङःचाङः त मुआकाय्। 3ओहाङःसैको पावुल् फेरीलेः नोःती “लौ ङापाय् सीलीसीया जील्लाकोः तार्सुस् सहर्हाङः ओत्ओ यहुदी मान्ता लेःआः ङ। लोन्ते इ यरुसालेम् सहर्ताङ् वाङ्ती ङाइ गामालीएल् त तोओ मास्तर्कःहाङः ङीकोः आय्कानः तोकानःइ जवओ ऐन् पेतो स्यान्आलाङःस। नीङ्लो लेखा ङाइ परमेस्वर्कोः कुरा जाङ्ह्ओ आन पेतोलेः झाक्ती जाङ्ह्आलाङः। 4ओउःत झ्यान्ते येसुकोः गुल्ह्ओमयःकायः ङाइ आन लीह्सीःओ बयःती ओउःमयःकायः सात्सा बोङःङोतो मोमःचोःलम्मा गोय्चोःलम्कायःमा ङाइ चुम्ती झ्याल्खानहाङः दाक्आलाङःसु। 5इतलेः इहाङःकोः प्रधान् पुरोहीत्इमा सबै सभाकोः ताङ्ह्ओ मान्तालम्इ चीःनानी। ओउः सभाकोः मान्तालम्इ दामास्कस्हाङः मुओ यहुदीलम्कायः चेती लेखती ‘दामास्कस्हाङः मुओ येसुकायः गुल्ह्ओमयः चुम्ती यरुसालेम्ताङ् न्युम्ह्ताक्लाङ् वानःपाःथास’ त दाय्ह्ती ल्होक्आताङः। ओहाङःसैको ङा इ चेतीलम् लात्ती दामास्कस् सहर्ताङ् आल्आलाङः। 6ओहाङःसैको आल्ती ओहाङः दाह्खेःतोक् बेलाहाङः न्याम् दोपारे स्याव्ओहाङः रोमो तोकोलेः फेल्बाङ्सै ङाकःताङ् आन मीक् झोर्ताक्ओलेः थोङ्तो स्याव्आ। 7ओउःतलेः थोङ्ती स्याव्तोक्हाङः ङा साःताङ् प्लाती तोन्ती स्याव्आलाङः। ओहाङःसैको ‘अ सावुल्य दोह् हायःतीतेः ङाकायः एत रेव्तो जाङ्ह्सा बोङःतेःनाःची’ त दाय्ह्ती यात्ज्योः हाव्नयः सायःङोतो 8‘अ प्रभु नाङ् सुखेलोतेः खेःतेःनाः’ त दाय्ह्ती व्हत्आलाङः ‘ङापाय् नाङ्इ रेव्तो जाङ्ह्ओलेः नासरेत्कोः येसु लेःआः ङ’ त दाय्ह्ती त्याङ्आ। 9इत नोःकाय्तोक् बेलाहाङः ङाकोः साथीलम्इ ओउः थोङ्ओखे ह च्यवःनीतो ङाकुस् नोःकाय्ओ हाव्नयःखे सायःताङःनीली। 10‘लौ प्रभुय ङाइ द्याह् दोह् हायःचाङः’ त दाय्ह्ती व्हत्ङोतो ‘लौ चीङ्ती दामास्कस् सहर्ताङ् आल्अ। ओहाङः आल्आक्तीको दोह् दोह्लो नाङ्इ लोने जाङ्ह्सा खेःतो ओउःलेः नाङ्कायः स्यान्तेःनाः’ त दाय्ह्ती प्रभु त्याङ्आ। 11ओउःत त्याङ्आक्तीको ङा आन झोर्ती मीक् लोक्ओ त झ्यान्ते साथीलम्इ ङाकोः क्रुत्हाङः ज्योती लात्ती दामास्कस्ताङ् आल्आताङः। 12ओहाङःसैको दामास्कस् सहर्हाङः यात्चाक् परमेस्वर्कोः कुरा जाङ्ह्ओ मान्ता हननाया त तोओ याक्ती मुओ खेःतो। ओउः मान्ताकायःपाय् सबै दामास्कस् मुओ यहुदीलम्इ पेतोलेः नोःओ खेःतो। 13ओहाङःसैको इ हननाया त तोओ ङीकःताङ् वाङ्ती ‘अ सावुल्य नाङ्कोः मीक् थोङ्तेःपाः’ त दाय्ह्ती तोमाकादे ङाकोः मीक् थोङ्आलाङः। मीक् थोङ्आक्तीको ङाइ हननायाकायः च्यवःआलाङः। 14च्यवःआक्तीको ‘लौ ओउःकोः लयःकोः ल्हुङ्तुक् चीःसाकायः ङीकोः आय्कानः तोकानःइ झाह्ओ परमेस्वर्इ नीङ्कायः छ्युङ्ह्तेःआ। ओउःकोः पेओ काम् जाङ्ह्ओ येसुकायः च्यवःसामा ओउःकोः हाव्नयः सायःसामा नाङ्पाय् छ्युङ्ह्ओ लेःतेःआः बा। 15ओहाङःसैको इ नाङ्इ च्यवःओ सायःओ कुरा “सबै अरु मान्तालम्कायः ल्हाक्ती छ्यानःउसु” त परमेस्वर्इ तोतेःनाः। 16लौ दोह् हायःतीतेः ल्युङ्ह्ती मुतेःनाः। द्याह् चीङ्ती बाप्तीस्मा त्याक्उ दा। येसुकोः मय्ङ् पेह्ती नाङ्कोः ङ्हा जाङ्ह्ओ रेव्तो हायःओ पेतोलेः क्युम्ह्ती वाय्पाः’ त दाय्ह्ती हननायाइ ङाकायः तोआताङः।
17ओहाङःसैको बाप्तीस्मा त्याक्आक्तीको ङा यरुसालेम्ताङ् पाय्ह्आलाङः। यरुसालेम्ताङ् पाय्ह्आक्तीको ङा मन्दीर्हाङः परमेस्वर्कायः तोतोक् बेलाहाङः प्रभु येसुकायः माङःखा च्यवःआलाङः। 18माङःखा च्यवःतोक्हाङः ‘लौ इहाङःकोः मान्तालम्इ नाङ्इ ल्हाक्ती छ्यानःओ ङाकोः कुरा ङ्हाम्नीली ओउःत झ्यान्ते उया रेन्ह्तोलेः इ यरुसालेम्सै ग्ल्युङ्ह्ती आल्अ’ त दाय्ह्ती तोताङःतो 19‘अ प्रभुय ङाइ दोह् हायःचाङः ङ्हापाय् नाङ्कायः ङ्हाम्ओलम्कायः थनःओ कीम्सै चुम्ती वानःती ङाइ घान्ती झ्याल्खानहाङः राक्आथास। इतलेः इहाङःकोः मान्तालम्इ सबै चीःनानी बा। 20ओहाङःसैको नाङ्कोः कुरा ल्हाक्ती छ्यानःओ स्तीफन् त तोओकायः सात्ओ बेलाहाङः ओउःकायः “सात्पाः” त ङामा म्हर्ती ओउः सात्सा बोङःओ मान्तालम्कायः ङाइ नाय् योती मुङोतो’ त घोती ङा प्रभु येसुकायः दाय्ह्ती त्याङ्आलाङः। 21एत त्याङ्आक्तीको ‘लौ आल्अ दा यहुदी खेःमालो जात्लम्कायः स्यान्ती तोलाङ् ङाइ नाङ्कायः लोक्तो लोक्तो देस्लम्ताङ् ल्होक्नेःनाङ् बा’ त दाय्ह्ती येसुइ तोआताङः” त दाय्ह्ती पावुल्इ ओउः हुम्ओ यहुदीलम्कायः तोआथास।
22ओहाङःसैको इच्युक्कायः ओउः यहुदीकोः हुम्ओ मान्तालम्इ पेतो ङैमाःत सायःती मुइतो “यहुदी खेःमालो जात्लम्कायः ल्होक्नेःनाङ्” त तोओ सायःओ कुस्ब्रक्त ओउःमयः लती ल्हुङ् मल्ह्ती हीह्आकाय् “इकायः सात्ती वाय्पाःथै। सात्साआः खेःतो। इपाय् सेलः मुसा स्याव्नाः जुगु” त दाय्ह्ती गोःआकाय्। 23आन ल्हुङ् मल्ह्ती झ्यान्ते ओउःमयः लयःकोः नाय् क्रत्ती फुत्साः आप्ती मुआकाय्। 24ओउःत झ्यान्ते “लौ इकायः चौकीहाङः लात्ती वानःनु। वानःआक्तीको ‘यहुदीलम् ओउःकः दोह् हायःतीलेः एत ल्हुङ् मल्ह्नै’ त घोताक्साकायः ओउःकायः लाइ स्राप्ती व्हत्नु” त दाय्ह्ती सीपाहीकायः हाकीम्इ ताआथास। 25ओहाङःसैको पावुल्कायः चौकीहाङः भीत्र वानःती लाइ पानःआक्तीको यात्चाक् सीपाहीकोः सुबेदार्इ पावुल्कायः लाइ स्राप्ताक्सा बोङःउतो “लौ ङालो लेखा रोमी सहर्हाङः ओत्ओ मान्ताकायःपाय् कुरा सायःमाःत तात्माःत स्राप्सा स्याव्नाः जुगु” त दाय्ह्ती पावुल्इ ओउः सुबेदार्कायः नोःती तोआकान्। 26एत पावुल्इ नोःओ कुरा सायःआक्तीको ओउः सुबेदार्इ हाकीम्कायः छ्यानःलाङ् वाङ्आ। वाङ्आक्तीको “ङीइ दोह् हायःसा बोङःनाःतय्हनी हाकीम्य। ओउः मान्तापाय् रोमी सहर्कोः मान्ता लेःआः बा” त दाय्ह्ती हाकीम्कायः छ्यानःती तोआथै। 27एत छ्यानःती तोआक्तीको ओउः हाकीम्पाय् पावुल्कःताङ् वाङ्ती “दोङ्सीलेः नाङ् रोमी सहर्कोः मान्तालेःतेः खेःतेःनाःया खेःतेःलया” त दाय्ह्ती पावुल्कायः व्हत्थातो “माः खेःलेःनाङः” त दाय्ह्ती पावुल् त्याङ्आ। 28“अहः ङाखेइपाय् नाःतो पैसा बयःआक्तीको ह रोमी सहर्कोः मान्ताकोः कागत् दोःआलाङः” त दाय्ह्ती हाकीम् दाय्ह्आ। “ङाखे आमा आपाहाङःसै रोमी सहर्कोः मान्ता लेःआः ङ” त पावुल् दाय्ह्ती तोआथै। 29एत त्याङ्ती तोओ कुरा सायःती “इपाय् रोमी सहर्कोः मान्ता लेःआः बा। ओउःकायः इतलेः पानःसा घान्सा जुगाङ् स्याव्ल। ङीइ ओउःकायः पानःताक्नाङःसु घान्ताक्नाङःसु त खेःया राजाइ ङीकायःमा पानःचाःताङी घान्चाःताङी” त म्हर्तीताङः पावुल्कायः घान्सा दाय्ह्ओ मान्तालम्मा ज्याल्आकाय् ओउः हाकीम्मा रैआकाय्।
30ओहाङःसैको अनम्ह्कोः स्याङ्ह्लोहाङः “इ मान्ताकः दोह् हायःतीलेः यहुदीलम्कोः ओउःच्युक् ल्हुङ् मल्ह्ओ खेःइतो” त ग्याङ्ह्ती म्हर्ती पावुल्कायः साङ्लाइ फास्ती ओउः यहुदीकोः ताङ्ह्ओ पुरोहीत्लम्मा सभाकोः मान्तालम्कायःमा हुम्लाङ् गोत्आक्तीको ओउःमयःकःताङ् पावुल्कायः वानःती चीङ्ताक्आकान्।
S'ha seleccionat:
प्रेरीत् 22: CDM93
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 1993 Wycliffe Bible Translators Inc., All Rights Reserved.
प्रेरीत् 22
22
1ओउःमयः ङैमाःत मुआक्तीको पावुल्इ ओउः इस्राएल् मान्ताकोः यहुदी भासा नोःती “अ इस्राएल् मान्तालम्य ङापाय् नीङ्कोः मीक्हाङः चीङ्ती लयःकायः तोओ नोःचाङः। नीङ्इ पेतो सायःनु दा” त दाय्ह्ती पावुल्इ तोआथास। 2पावुल्पाय् ओउःमयःकोः लयःकोः यहुदी भासा नोःओ सायःती ओउः हुम्ओ मान्तालम्इ न्हाङ्तोलेः चीङःचाङः त मुआकाय्। 3ओहाङःसैको पावुल् फेरीलेः नोःती “लौ ङापाय् सीलीसीया जील्लाकोः तार्सुस् सहर्हाङः ओत्ओ यहुदी मान्ता लेःआः ङ। लोन्ते इ यरुसालेम् सहर्ताङ् वाङ्ती ङाइ गामालीएल् त तोओ मास्तर्कःहाङः ङीकोः आय्कानः तोकानःइ जवओ ऐन् पेतो स्यान्आलाङःस। नीङ्लो लेखा ङाइ परमेस्वर्कोः कुरा जाङ्ह्ओ आन पेतोलेः झाक्ती जाङ्ह्आलाङः। 4ओउःत झ्यान्ते येसुकोः गुल्ह्ओमयःकायः ङाइ आन लीह्सीःओ बयःती ओउःमयःकायः सात्सा बोङःङोतो मोमःचोःलम्मा गोय्चोःलम्कायःमा ङाइ चुम्ती झ्याल्खानहाङः दाक्आलाङःसु। 5इतलेः इहाङःकोः प्रधान् पुरोहीत्इमा सबै सभाकोः ताङ्ह्ओ मान्तालम्इ चीःनानी। ओउः सभाकोः मान्तालम्इ दामास्कस्हाङः मुओ यहुदीलम्कायः चेती लेखती ‘दामास्कस्हाङः मुओ येसुकायः गुल्ह्ओमयः चुम्ती यरुसालेम्ताङ् न्युम्ह्ताक्लाङ् वानःपाःथास’ त दाय्ह्ती ल्होक्आताङः। ओहाङःसैको ङा इ चेतीलम् लात्ती दामास्कस् सहर्ताङ् आल्आलाङः। 6ओहाङःसैको आल्ती ओहाङः दाह्खेःतोक् बेलाहाङः न्याम् दोपारे स्याव्ओहाङः रोमो तोकोलेः फेल्बाङ्सै ङाकःताङ् आन मीक् झोर्ताक्ओलेः थोङ्तो स्याव्आ। 7ओउःतलेः थोङ्ती स्याव्तोक्हाङः ङा साःताङ् प्लाती तोन्ती स्याव्आलाङः। ओहाङःसैको ‘अ सावुल्य दोह् हायःतीतेः ङाकायः एत रेव्तो जाङ्ह्सा बोङःतेःनाःची’ त दाय्ह्ती यात्ज्योः हाव्नयः सायःङोतो 8‘अ प्रभु नाङ् सुखेलोतेः खेःतेःनाः’ त दाय्ह्ती व्हत्आलाङः ‘ङापाय् नाङ्इ रेव्तो जाङ्ह्ओलेः नासरेत्कोः येसु लेःआः ङ’ त दाय्ह्ती त्याङ्आ। 9इत नोःकाय्तोक् बेलाहाङः ङाकोः साथीलम्इ ओउः थोङ्ओखे ह च्यवःनीतो ङाकुस् नोःकाय्ओ हाव्नयःखे सायःताङःनीली। 10‘लौ प्रभुय ङाइ द्याह् दोह् हायःचाङः’ त दाय्ह्ती व्हत्ङोतो ‘लौ चीङ्ती दामास्कस् सहर्ताङ् आल्अ। ओहाङः आल्आक्तीको दोह् दोह्लो नाङ्इ लोने जाङ्ह्सा खेःतो ओउःलेः नाङ्कायः स्यान्तेःनाः’ त दाय्ह्ती प्रभु त्याङ्आ। 11ओउःत त्याङ्आक्तीको ङा आन झोर्ती मीक् लोक्ओ त झ्यान्ते साथीलम्इ ङाकोः क्रुत्हाङः ज्योती लात्ती दामास्कस्ताङ् आल्आताङः। 12ओहाङःसैको दामास्कस् सहर्हाङः यात्चाक् परमेस्वर्कोः कुरा जाङ्ह्ओ मान्ता हननाया त तोओ याक्ती मुओ खेःतो। ओउः मान्ताकायःपाय् सबै दामास्कस् मुओ यहुदीलम्इ पेतोलेः नोःओ खेःतो। 13ओहाङःसैको इ हननाया त तोओ ङीकःताङ् वाङ्ती ‘अ सावुल्य नाङ्कोः मीक् थोङ्तेःपाः’ त दाय्ह्ती तोमाकादे ङाकोः मीक् थोङ्आलाङः। मीक् थोङ्आक्तीको ङाइ हननायाकायः च्यवःआलाङः। 14च्यवःआक्तीको ‘लौ ओउःकोः लयःकोः ल्हुङ्तुक् चीःसाकायः ङीकोः आय्कानः तोकानःइ झाह्ओ परमेस्वर्इ नीङ्कायः छ्युङ्ह्तेःआ। ओउःकोः पेओ काम् जाङ्ह्ओ येसुकायः च्यवःसामा ओउःकोः हाव्नयः सायःसामा नाङ्पाय् छ्युङ्ह्ओ लेःतेःआः बा। 15ओहाङःसैको इ नाङ्इ च्यवःओ सायःओ कुरा “सबै अरु मान्तालम्कायः ल्हाक्ती छ्यानःउसु” त परमेस्वर्इ तोतेःनाः। 16लौ दोह् हायःतीतेः ल्युङ्ह्ती मुतेःनाः। द्याह् चीङ्ती बाप्तीस्मा त्याक्उ दा। येसुकोः मय्ङ् पेह्ती नाङ्कोः ङ्हा जाङ्ह्ओ रेव्तो हायःओ पेतोलेः क्युम्ह्ती वाय्पाः’ त दाय्ह्ती हननायाइ ङाकायः तोआताङः।
17ओहाङःसैको बाप्तीस्मा त्याक्आक्तीको ङा यरुसालेम्ताङ् पाय्ह्आलाङः। यरुसालेम्ताङ् पाय्ह्आक्तीको ङा मन्दीर्हाङः परमेस्वर्कायः तोतोक् बेलाहाङः प्रभु येसुकायः माङःखा च्यवःआलाङः। 18माङःखा च्यवःतोक्हाङः ‘लौ इहाङःकोः मान्तालम्इ नाङ्इ ल्हाक्ती छ्यानःओ ङाकोः कुरा ङ्हाम्नीली ओउःत झ्यान्ते उया रेन्ह्तोलेः इ यरुसालेम्सै ग्ल्युङ्ह्ती आल्अ’ त दाय्ह्ती तोताङःतो 19‘अ प्रभुय ङाइ दोह् हायःचाङः ङ्हापाय् नाङ्कायः ङ्हाम्ओलम्कायः थनःओ कीम्सै चुम्ती वानःती ङाइ घान्ती झ्याल्खानहाङः राक्आथास। इतलेः इहाङःकोः मान्तालम्इ सबै चीःनानी बा। 20ओहाङःसैको नाङ्कोः कुरा ल्हाक्ती छ्यानःओ स्तीफन् त तोओकायः सात्ओ बेलाहाङः ओउःकायः “सात्पाः” त ङामा म्हर्ती ओउः सात्सा बोङःओ मान्तालम्कायः ङाइ नाय् योती मुङोतो’ त घोती ङा प्रभु येसुकायः दाय्ह्ती त्याङ्आलाङः। 21एत त्याङ्आक्तीको ‘लौ आल्अ दा यहुदी खेःमालो जात्लम्कायः स्यान्ती तोलाङ् ङाइ नाङ्कायः लोक्तो लोक्तो देस्लम्ताङ् ल्होक्नेःनाङ् बा’ त दाय्ह्ती येसुइ तोआताङः” त दाय्ह्ती पावुल्इ ओउः हुम्ओ यहुदीलम्कायः तोआथास।
22ओहाङःसैको इच्युक्कायः ओउः यहुदीकोः हुम्ओ मान्तालम्इ पेतो ङैमाःत सायःती मुइतो “यहुदी खेःमालो जात्लम्कायः ल्होक्नेःनाङ्” त तोओ सायःओ कुस्ब्रक्त ओउःमयः लती ल्हुङ् मल्ह्ती हीह्आकाय् “इकायः सात्ती वाय्पाःथै। सात्साआः खेःतो। इपाय् सेलः मुसा स्याव्नाः जुगु” त दाय्ह्ती गोःआकाय्। 23आन ल्हुङ् मल्ह्ती झ्यान्ते ओउःमयः लयःकोः नाय् क्रत्ती फुत्साः आप्ती मुआकाय्। 24ओउःत झ्यान्ते “लौ इकायः चौकीहाङः लात्ती वानःनु। वानःआक्तीको ‘यहुदीलम् ओउःकः दोह् हायःतीलेः एत ल्हुङ् मल्ह्नै’ त घोताक्साकायः ओउःकायः लाइ स्राप्ती व्हत्नु” त दाय्ह्ती सीपाहीकायः हाकीम्इ ताआथास। 25ओहाङःसैको पावुल्कायः चौकीहाङः भीत्र वानःती लाइ पानःआक्तीको यात्चाक् सीपाहीकोः सुबेदार्इ पावुल्कायः लाइ स्राप्ताक्सा बोङःउतो “लौ ङालो लेखा रोमी सहर्हाङः ओत्ओ मान्ताकायःपाय् कुरा सायःमाःत तात्माःत स्राप्सा स्याव्नाः जुगु” त दाय्ह्ती पावुल्इ ओउः सुबेदार्कायः नोःती तोआकान्। 26एत पावुल्इ नोःओ कुरा सायःआक्तीको ओउः सुबेदार्इ हाकीम्कायः छ्यानःलाङ् वाङ्आ। वाङ्आक्तीको “ङीइ दोह् हायःसा बोङःनाःतय्हनी हाकीम्य। ओउः मान्तापाय् रोमी सहर्कोः मान्ता लेःआः बा” त दाय्ह्ती हाकीम्कायः छ्यानःती तोआथै। 27एत छ्यानःती तोआक्तीको ओउः हाकीम्पाय् पावुल्कःताङ् वाङ्ती “दोङ्सीलेः नाङ् रोमी सहर्कोः मान्तालेःतेः खेःतेःनाःया खेःतेःलया” त दाय्ह्ती पावुल्कायः व्हत्थातो “माः खेःलेःनाङः” त दाय्ह्ती पावुल् त्याङ्आ। 28“अहः ङाखेइपाय् नाःतो पैसा बयःआक्तीको ह रोमी सहर्कोः मान्ताकोः कागत् दोःआलाङः” त दाय्ह्ती हाकीम् दाय्ह्आ। “ङाखे आमा आपाहाङःसै रोमी सहर्कोः मान्ता लेःआः ङ” त पावुल् दाय्ह्ती तोआथै। 29एत त्याङ्ती तोओ कुरा सायःती “इपाय् रोमी सहर्कोः मान्ता लेःआः बा। ओउःकायः इतलेः पानःसा घान्सा जुगाङ् स्याव्ल। ङीइ ओउःकायः पानःताक्नाङःसु घान्ताक्नाङःसु त खेःया राजाइ ङीकायःमा पानःचाःताङी घान्चाःताङी” त म्हर्तीताङः पावुल्कायः घान्सा दाय्ह्ओ मान्तालम्मा ज्याल्आकाय् ओउः हाकीम्मा रैआकाय्।
30ओहाङःसैको अनम्ह्कोः स्याङ्ह्लोहाङः “इ मान्ताकः दोह् हायःतीलेः यहुदीलम्कोः ओउःच्युक् ल्हुङ् मल्ह्ओ खेःइतो” त ग्याङ्ह्ती म्हर्ती पावुल्कायः साङ्लाइ फास्ती ओउः यहुदीकोः ताङ्ह्ओ पुरोहीत्लम्मा सभाकोः मान्तालम्कायःमा हुम्लाङ् गोत्आक्तीको ओउःमयःकःताङ् पावुल्कायः वानःती चीङ्ताक्आकान्।
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 1993 Wycliffe Bible Translators Inc., All Rights Reserved.