प्रेरीत् 14
14
1ओहाङःसैको इकोनीयुम् त तोओ सहर्हाङःमा दाह्आक्तीको यहुदीलम्कोः थनःओ कीम्ताङ् आल्ती पोक्ती पावुल् बर्नाबास् नीस् साथीचाःइ ओहाङः हुम्ओ मान्तालम्कायः परमेस्वर्कोः कुरा पेतोलेः स्यान्आथास। ओउःनीस्इ एत पेतो तोती झ्यान्ते नाःतो यहुदी जात्कोः मान्तालम्इमा अरु जात्कोः मान्तालम्इमा येसुकोः कुरा ङ्हाम्आकानी। 2इमयःइ ङ्हाम्ती सायःनीतो अरु ङ्हाम्सा ग्यामालो यहुदीलम्खेइ ओउः यहुदी खेःमालोलम्कायः थ्योन्ह्ती फोल्यावःती “लौ इनीस्इ पेमालो कुरा स्यान्नाःचु इनीस्कोः कुरा सायःलाम्” त दाय्ह्ती होम्काय्आकाय्। 3ओहाङःसैको ओउः सहर्हाङः नाःतो दीन्कायः मुती पावुल् नीस् साथीचाः रैमाःत प्रभु येसुकोः कुरा स्यान्ती तोआकाचु। स्यान्ती तोतोक्हाङः “परमेस्वर्कोः ल्हुङ् मान्तालम्कः साय्क्ओ लेःआः” त छ्यानःसाकायः परमेस्वर्इ पावुल् बर्नाबास्कायः आन स्याक्ताक्ओमा ग्याङ्ह्सीःओ कुरामा जाङ्ह्ताक्आथाच। 4ओहाङःसैको ओउः सहर्कोः मान्तालम् नीस् तोङ्क स्याव्आकाय्। कोय्खे यहुदीलम्कोः होम्ओ कुरा सायःआकानी कोय्खे येसुकोः छ्युङ्ह्ओमयःकोः कुरा सायःआकानी। 5ओहाङःसैको ओउः यहुदीलम्कायः सायःओलम् अरु जात्कोः मान्तालम्कुस् त्योम्तीमा ताङ्ह्ओ मान्तालम्कुस् होम्काय्तीमा सबैइ पावुल् बर्नाबास् साथीनीस्कायः घान्सामा बाङ् आप्सामा बोङःनीतो 6इ कुरा सायःती ओउःनीस्पाय् लुकोनीया जील्लाकोः लीस्त्र देर्बे सहर्नीस्ताङ् क्रव्ती वाङ्आकाच। 7ओउः नीस् सहर्हाङः दाह्ती वाङ्आक्तीको ओहाङःमा ओउःनीस्इ येसुकोः पेओ समचार् कुरा तोआकानी।
8ओहाङःसैको लीस्त्र सहर्हाङः यात्चाक् ओत्तोक्हाङःसै वाह्सा खाय्मालो क्ल्योय्ओ मान्ता खेःतो। 9-10ओउः क्ल्योय्ओ मान्ताइपाय् पावुल्इ तोती स्यान्ओ कुरा सायःती मुतोक्हाङः ओउःकायः पावुल्इ जुर्ती योती “ङाइ तोओ कुरापाय् ङ्हाम्ती झ्यान्ते ओउःकायः स्याक्ताक्सा खाय्लेःनाङः” त चीःती झ्यान्ते “लौ दोम् सोल्ह्ती चीङ्अ” त दाय्ह्ती पावुल्इ सोतोलेः तोउती ती ओउः मान्ता क्र्योन्योक्त चीङ्ती वाह्माआ। 11एत चीङ्ती वाह्ओ च्यवःती ओउः सायःलाङ् हुम्ओ मान्तालम् “अहै इपाय् द्यव्तानीस् रैस मान्तालो लेखा थाङ्ती ङीकःताङ् ग्ल्युङ्ह्ती थाओआः बा” त दाय्ह्ती ओउःमयःइ लयःकोः लुकोनीया भासाइ दाय्ह्ती गोःकाय्ती नोःकाय्आकाय्। 12ओउःत नोःकाय्तोक्हाङः बर्नाबास्कायः “ङीकोः जीयुस् द्यव्ता लेःआः बा” त तोआथै। सावुल्खेकायः “इखे आन नोःसा चीःओ लेःआः। ओउःपाय् हर्मेस् द्यव्ता लेःआः” त दाय्ह्ती मय्ङ्आथाच। 13ओहाङःसैको लीस्त्र सहर्कोः चीनःसै जीयुस् त तोओ द्यव्ताकोः मन्दीर् खेःतो ओउःत झ्यान्ते “जीयुस्मा हेर्मास्मा थाती वाङ्आकाच” त दाय्ह्ओ सायःती ओउः मन्दीर्कोः पुरोहीत्इ स्याःलम्मा लीक्सा रोलम्मा सहर्कोः धोकाताङ् लात्ती वानःती पावुल् बर्नाबास्कायः स्याः सात्सा बोङःआथाच। 14“अहै नीची नीस्चाक्कायः द्यव्तालो लेखा सात्ती बयःखेःआतय्ह्च बा” त चीःती ओउःनीस् लीह्ती ल्हुङ् र्याङःती झ्यान्ते लयःकोः नाय्लम् क्रत्ती ओउः हुम्ओ मान्तालम्कःताङ् तन्ती वाङ्आकाच। 15“नीङ्इ दोह् हायःसा बोङःतेःनानाङ्स। नीचीमा नीङ्लो लेखा मान्ता लेःआः ङच द्यव्तापाय् खेःङचल बा। ‘इ आह्रे मनःओ थोक्लम् फेती ओउः जीङः नाःओ फेल्बाङ् ल्हाव्ह्दैबाङ्मा साः तीःमा ओहाङः मुओलम्कायःमा जाङ्ह्ओ परमेस्वर्कायः झाह्ती फुस्ती तोनु’ त दाय्ह्ती इ पेओ समचार् तोलाङ् वाङ्ओआः ङच बा। 16उय्ह्ले मान्ताकोः जात्लम्कायः लःलयः जवओ जाङ्ह्साकायः परमेस्वर्इ ताक्आथास। 17ओउः बेलाहाङःपाय् नीङ्कःताङ् लयःकोः साय्क्ओ ल्हुङ् छ्यानःसाकायः परमेस्वर्इ पेतो हायःती लाङ्कासै न्याम्मा तीःमा समै समै स्याव्ताक्ती ङीकायः चुय्लम् सायःलम् अरु राङ्कोः थोक्लम्मा बयःतेःनै। इ परमेस्वर्इ बयःओ थोक्लम् जेःती कोस्आक्तीको धोमुक्तमा स्याव्तेःनै” त दाय्ह्ती ओउःनीस्इ तोथासतो 18ओउःनीस्कायः सहर्कोः मान्तालम्इ स्याः सात्ती बयःसा झाक्गार्लेःधाङ्आकाय्। 19ओहाङःसैको अन्तीयोक् इकोनीयुम् सहर्नीस्सै वाङ्ओ यहुदीलम् ओउः लीस्त्र सहर्ताङ् दाह्ती वाङ्आकाय्। दाह्ती वाङ्आक्तीको ओउःमयःइ ओउः लीस्त्र सहर्कोः मान्तालम्कायः फोल्यावःती होम्ती ओउःमयःइ पावुल्कः ल्हुङ् मल्ह्तो स्याव्ताक्आकानी। ल्हुङ् मल्ह्तो स्याव्आक्तीको ओउः सहर्कोः मान्तालम्इ पावुल्कायः बाङ्इ आप्दा आप्दा “द्याह् सीओ लेःआः” त म्हर्ती ओउःकायः सहर् बाहीरसै ह्र्युत्ती वाय्ती गम्लाङ् आलःआथै। 20ओहाङः आलःती गम्थातो येसुकोः ङ्हाम्ओलम् ओउःकःताङ् हुम्ती वाङ्तोक्हाङःपाय् पावुल् चीङ्ती सहर्ताङ् द्यान्ह्ती पोक्आकाय्। ओउः सहर्ताङ् द्यान्ह्ती पोक्आक्तीको अनम्ह्कोः स्याङ्ह्लोहाङः पावुल्पाय् बर्नाबास्कुस् देर्बे सहर्ताङ् आल्आकाच।
21देर्बे सहर्ताङ् दाह्आक्तीको पावुल् नीस्साथीचाः येसुकोः कुरा तोती स्यान्आकाचु। ओउःनीस्इ स्यान्तोक् बेलाहाङः नाःतो मान्तालम्इ येसुकोः कुरा ङ्हाम्आकानी। ओहाङःतीको पीसीदीया जील्लाहाङः तोमःती वाह्ती ओउःनीस् लीस्त्र इकोनीयुम् अन्तीयोक् सहर्लम्ताङ् द्यान्ह्ती 22ओहाङःकोः येसुकोः ङ्हाम्ओलम्कायः लव्ह्ती तोआकाचु “लौ येसुकोः कुरा फेमाःत ग्रमःतलेः ङ्हाम्लेःआनु। लीह्सीःओ च्यवःओहाङःमा फेलाम् ग्रमःत मुन। लीह्सीःओमा हेलामा गोरःती ङी परमेस्वर्कोः राजीताङ् दाह्नाःतय्ही बा” त दाय्ह्ती स्यान्आथास। 23ओउः सहर्लम्हाङःमा ङ्हाम्ओ मान्तालम्कःहाङः ओउःनीस्इ यात् नीस्चाक् छीङ्ह्ती अरुलम्कायः स्यान्साकायःमा हुकुम् बयःसाकायःमा “लौ इहाङःकोः ङ्हाम्ओलम्कोः थालवःपा स्याव्तेःपै” त दाय्ह्ती गम्आकाचु। छीङ्ह्ती गम्तोक् बेलाहाङः ओउःमयः पावुल् बर्नाबास्कुस् उपाङ् काःती “लौ प्रभुय इ मान्तालम्इ नाङ्कोः कुरा पेतोलेः ङ्हाम्नानी बा। ओउःमयःकायः काम् पेतो जाङ्ह्ताक्पाःथास दै” त दाय्ह्ती ओउःनीस्इ परमेस्वर्कायः तेती तोआकाचु। 24एत तोआक्तीको पावुल् नीस् साथीचाः पीसीदीया जील्लाहाङः च्योल्ती पाम्फील्या जील्लाकोः पेर्गा सहर्ताङ् दाह्आकाच। 25पेर्गा सहर्हाङः दाह्आक्तीको ओहाङःमा येसुकोः कुरा स्यान्ती तोआकाचु। ओहाङः स्यान्ती तोआक्तीको ओउःनीस् आल्ती अतालीय सहर्ताङ् दाह्आकाच। 26अतालीय दाह्आक्तीको ओहाङः तीःजहास् लन्ह्ती सीरीया देस्हाङः मुओ अन्तीयोक् सहर्ताङ् पान्ती दाह्आकाच। इ अन्तीयोक् सहर्हाङःपाय् येसुकोः कुरा वार्लाङ् आल्ओकोः ङ्हासैलेः अरुलम्इ परमेस्वर्कायः झाह्ती तोआक्तीको बर्नाबास् पावुल् नीस्पाय् ल्होक्ओ खेःतो। ओउःत झ्यान्ते ओउःनीस्कोः कुरा वार्ओ काम् द्याह् दप्ती खाय्आक्तीको पावुल् बर्नाबास् दाह्तोक्हाङः सबै अन्तीयोक् सहर्कोः येसुकायः ङ्हाम्ओ मान्तालम् हुम्ती ओउःनीस्इ ल्हाक्ओ कुरा सायःलाङ् वाङ्आकाय्। 27हुम्ती वाङ्आक्तीको परमेस्वर्इ पेतो जाङ्ह्ताक्ओ कुरामा ओउःइ यहुदी खेःमालोलम्कायः ङ्हाम्सा ताक्ओ कुरामा ओउःनीस्इ सबै ल्हाक्ती तोआकाचु। 28ओहाङःसैको ल्हाक्ती तोआक्तीको पावुल् नीस्साथीचाः अन्तीयोक् सहर्कोः ङ्हाम्ओलम्कुस् नाःतो दीन्कायः मुआकाच।
S'ha seleccionat:
प्रेरीत् 14: CDM93
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 1993 Wycliffe Bible Translators Inc., All Rights Reserved.
प्रेरीत् 14
14
1ओहाङःसैको इकोनीयुम् त तोओ सहर्हाङःमा दाह्आक्तीको यहुदीलम्कोः थनःओ कीम्ताङ् आल्ती पोक्ती पावुल् बर्नाबास् नीस् साथीचाःइ ओहाङः हुम्ओ मान्तालम्कायः परमेस्वर्कोः कुरा पेतोलेः स्यान्आथास। ओउःनीस्इ एत पेतो तोती झ्यान्ते नाःतो यहुदी जात्कोः मान्तालम्इमा अरु जात्कोः मान्तालम्इमा येसुकोः कुरा ङ्हाम्आकानी। 2इमयःइ ङ्हाम्ती सायःनीतो अरु ङ्हाम्सा ग्यामालो यहुदीलम्खेइ ओउः यहुदी खेःमालोलम्कायः थ्योन्ह्ती फोल्यावःती “लौ इनीस्इ पेमालो कुरा स्यान्नाःचु इनीस्कोः कुरा सायःलाम्” त दाय्ह्ती होम्काय्आकाय्। 3ओहाङःसैको ओउः सहर्हाङः नाःतो दीन्कायः मुती पावुल् नीस् साथीचाः रैमाःत प्रभु येसुकोः कुरा स्यान्ती तोआकाचु। स्यान्ती तोतोक्हाङः “परमेस्वर्कोः ल्हुङ् मान्तालम्कः साय्क्ओ लेःआः” त छ्यानःसाकायः परमेस्वर्इ पावुल् बर्नाबास्कायः आन स्याक्ताक्ओमा ग्याङ्ह्सीःओ कुरामा जाङ्ह्ताक्आथाच। 4ओहाङःसैको ओउः सहर्कोः मान्तालम् नीस् तोङ्क स्याव्आकाय्। कोय्खे यहुदीलम्कोः होम्ओ कुरा सायःआकानी कोय्खे येसुकोः छ्युङ्ह्ओमयःकोः कुरा सायःआकानी। 5ओहाङःसैको ओउः यहुदीलम्कायः सायःओलम् अरु जात्कोः मान्तालम्कुस् त्योम्तीमा ताङ्ह्ओ मान्तालम्कुस् होम्काय्तीमा सबैइ पावुल् बर्नाबास् साथीनीस्कायः घान्सामा बाङ् आप्सामा बोङःनीतो 6इ कुरा सायःती ओउःनीस्पाय् लुकोनीया जील्लाकोः लीस्त्र देर्बे सहर्नीस्ताङ् क्रव्ती वाङ्आकाच। 7ओउः नीस् सहर्हाङः दाह्ती वाङ्आक्तीको ओहाङःमा ओउःनीस्इ येसुकोः पेओ समचार् कुरा तोआकानी।
8ओहाङःसैको लीस्त्र सहर्हाङः यात्चाक् ओत्तोक्हाङःसै वाह्सा खाय्मालो क्ल्योय्ओ मान्ता खेःतो। 9-10ओउः क्ल्योय्ओ मान्ताइपाय् पावुल्इ तोती स्यान्ओ कुरा सायःती मुतोक्हाङः ओउःकायः पावुल्इ जुर्ती योती “ङाइ तोओ कुरापाय् ङ्हाम्ती झ्यान्ते ओउःकायः स्याक्ताक्सा खाय्लेःनाङः” त चीःती झ्यान्ते “लौ दोम् सोल्ह्ती चीङ्अ” त दाय्ह्ती पावुल्इ सोतोलेः तोउती ती ओउः मान्ता क्र्योन्योक्त चीङ्ती वाह्माआ। 11एत चीङ्ती वाह्ओ च्यवःती ओउः सायःलाङ् हुम्ओ मान्तालम् “अहै इपाय् द्यव्तानीस् रैस मान्तालो लेखा थाङ्ती ङीकःताङ् ग्ल्युङ्ह्ती थाओआः बा” त दाय्ह्ती ओउःमयःइ लयःकोः लुकोनीया भासाइ दाय्ह्ती गोःकाय्ती नोःकाय्आकाय्। 12ओउःत नोःकाय्तोक्हाङः बर्नाबास्कायः “ङीकोः जीयुस् द्यव्ता लेःआः बा” त तोआथै। सावुल्खेकायः “इखे आन नोःसा चीःओ लेःआः। ओउःपाय् हर्मेस् द्यव्ता लेःआः” त दाय्ह्ती मय्ङ्आथाच। 13ओहाङःसैको लीस्त्र सहर्कोः चीनःसै जीयुस् त तोओ द्यव्ताकोः मन्दीर् खेःतो ओउःत झ्यान्ते “जीयुस्मा हेर्मास्मा थाती वाङ्आकाच” त दाय्ह्ओ सायःती ओउः मन्दीर्कोः पुरोहीत्इ स्याःलम्मा लीक्सा रोलम्मा सहर्कोः धोकाताङ् लात्ती वानःती पावुल् बर्नाबास्कायः स्याः सात्सा बोङःआथाच। 14“अहै नीची नीस्चाक्कायः द्यव्तालो लेखा सात्ती बयःखेःआतय्ह्च बा” त चीःती ओउःनीस् लीह्ती ल्हुङ् र्याङःती झ्यान्ते लयःकोः नाय्लम् क्रत्ती ओउः हुम्ओ मान्तालम्कःताङ् तन्ती वाङ्आकाच। 15“नीङ्इ दोह् हायःसा बोङःतेःनानाङ्स। नीचीमा नीङ्लो लेखा मान्ता लेःआः ङच द्यव्तापाय् खेःङचल बा। ‘इ आह्रे मनःओ थोक्लम् फेती ओउः जीङः नाःओ फेल्बाङ् ल्हाव्ह्दैबाङ्मा साः तीःमा ओहाङः मुओलम्कायःमा जाङ्ह्ओ परमेस्वर्कायः झाह्ती फुस्ती तोनु’ त दाय्ह्ती इ पेओ समचार् तोलाङ् वाङ्ओआः ङच बा। 16उय्ह्ले मान्ताकोः जात्लम्कायः लःलयः जवओ जाङ्ह्साकायः परमेस्वर्इ ताक्आथास। 17ओउः बेलाहाङःपाय् नीङ्कःताङ् लयःकोः साय्क्ओ ल्हुङ् छ्यानःसाकायः परमेस्वर्इ पेतो हायःती लाङ्कासै न्याम्मा तीःमा समै समै स्याव्ताक्ती ङीकायः चुय्लम् सायःलम् अरु राङ्कोः थोक्लम्मा बयःतेःनै। इ परमेस्वर्इ बयःओ थोक्लम् जेःती कोस्आक्तीको धोमुक्तमा स्याव्तेःनै” त दाय्ह्ती ओउःनीस्इ तोथासतो 18ओउःनीस्कायः सहर्कोः मान्तालम्इ स्याः सात्ती बयःसा झाक्गार्लेःधाङ्आकाय्। 19ओहाङःसैको अन्तीयोक् इकोनीयुम् सहर्नीस्सै वाङ्ओ यहुदीलम् ओउः लीस्त्र सहर्ताङ् दाह्ती वाङ्आकाय्। दाह्ती वाङ्आक्तीको ओउःमयःइ ओउः लीस्त्र सहर्कोः मान्तालम्कायः फोल्यावःती होम्ती ओउःमयःइ पावुल्कः ल्हुङ् मल्ह्तो स्याव्ताक्आकानी। ल्हुङ् मल्ह्तो स्याव्आक्तीको ओउः सहर्कोः मान्तालम्इ पावुल्कायः बाङ्इ आप्दा आप्दा “द्याह् सीओ लेःआः” त म्हर्ती ओउःकायः सहर् बाहीरसै ह्र्युत्ती वाय्ती गम्लाङ् आलःआथै। 20ओहाङः आलःती गम्थातो येसुकोः ङ्हाम्ओलम् ओउःकःताङ् हुम्ती वाङ्तोक्हाङःपाय् पावुल् चीङ्ती सहर्ताङ् द्यान्ह्ती पोक्आकाय्। ओउः सहर्ताङ् द्यान्ह्ती पोक्आक्तीको अनम्ह्कोः स्याङ्ह्लोहाङः पावुल्पाय् बर्नाबास्कुस् देर्बे सहर्ताङ् आल्आकाच।
21देर्बे सहर्ताङ् दाह्आक्तीको पावुल् नीस्साथीचाः येसुकोः कुरा तोती स्यान्आकाचु। ओउःनीस्इ स्यान्तोक् बेलाहाङः नाःतो मान्तालम्इ येसुकोः कुरा ङ्हाम्आकानी। ओहाङःतीको पीसीदीया जील्लाहाङः तोमःती वाह्ती ओउःनीस् लीस्त्र इकोनीयुम् अन्तीयोक् सहर्लम्ताङ् द्यान्ह्ती 22ओहाङःकोः येसुकोः ङ्हाम्ओलम्कायः लव्ह्ती तोआकाचु “लौ येसुकोः कुरा फेमाःत ग्रमःतलेः ङ्हाम्लेःआनु। लीह्सीःओ च्यवःओहाङःमा फेलाम् ग्रमःत मुन। लीह्सीःओमा हेलामा गोरःती ङी परमेस्वर्कोः राजीताङ् दाह्नाःतय्ही बा” त दाय्ह्ती स्यान्आथास। 23ओउः सहर्लम्हाङःमा ङ्हाम्ओ मान्तालम्कःहाङः ओउःनीस्इ यात् नीस्चाक् छीङ्ह्ती अरुलम्कायः स्यान्साकायःमा हुकुम् बयःसाकायःमा “लौ इहाङःकोः ङ्हाम्ओलम्कोः थालवःपा स्याव्तेःपै” त दाय्ह्ती गम्आकाचु। छीङ्ह्ती गम्तोक् बेलाहाङः ओउःमयः पावुल् बर्नाबास्कुस् उपाङ् काःती “लौ प्रभुय इ मान्तालम्इ नाङ्कोः कुरा पेतोलेः ङ्हाम्नानी बा। ओउःमयःकायः काम् पेतो जाङ्ह्ताक्पाःथास दै” त दाय्ह्ती ओउःनीस्इ परमेस्वर्कायः तेती तोआकाचु। 24एत तोआक्तीको पावुल् नीस् साथीचाः पीसीदीया जील्लाहाङः च्योल्ती पाम्फील्या जील्लाकोः पेर्गा सहर्ताङ् दाह्आकाच। 25पेर्गा सहर्हाङः दाह्आक्तीको ओहाङःमा येसुकोः कुरा स्यान्ती तोआकाचु। ओहाङः स्यान्ती तोआक्तीको ओउःनीस् आल्ती अतालीय सहर्ताङ् दाह्आकाच। 26अतालीय दाह्आक्तीको ओहाङः तीःजहास् लन्ह्ती सीरीया देस्हाङः मुओ अन्तीयोक् सहर्ताङ् पान्ती दाह्आकाच। इ अन्तीयोक् सहर्हाङःपाय् येसुकोः कुरा वार्लाङ् आल्ओकोः ङ्हासैलेः अरुलम्इ परमेस्वर्कायः झाह्ती तोआक्तीको बर्नाबास् पावुल् नीस्पाय् ल्होक्ओ खेःतो। ओउःत झ्यान्ते ओउःनीस्कोः कुरा वार्ओ काम् द्याह् दप्ती खाय्आक्तीको पावुल् बर्नाबास् दाह्तोक्हाङः सबै अन्तीयोक् सहर्कोः येसुकायः ङ्हाम्ओ मान्तालम् हुम्ती ओउःनीस्इ ल्हाक्ओ कुरा सायःलाङ् वाङ्आकाय्। 27हुम्ती वाङ्आक्तीको परमेस्वर्इ पेतो जाङ्ह्ताक्ओ कुरामा ओउःइ यहुदी खेःमालोलम्कायः ङ्हाम्सा ताक्ओ कुरामा ओउःनीस्इ सबै ल्हाक्ती तोआकाचु। 28ओहाङःसैको ल्हाक्ती तोआक्तीको पावुल् नीस्साथीचाः अन्तीयोक् सहर्कोः ङ्हाम्ओलम्कुस् नाःतो दीन्कायः मुआकाच।
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 1993 Wycliffe Bible Translators Inc., All Rights Reserved.