တမန်တော် 8
8
1သတေဖန်ကို သတ်သည့်အမှုတွင် ရှောလုသည်လည်း အလိုတူအလိုပါဖြစ်ခဲ့၏။#8:1 အချို့ဘာသာပြန်ကျမ်းများတွင် ဤစာကြောင်းကို အခန်းကြီး ၇ ၏အဆုံး၌ ထည့်သွင်းထားကြသည်။
ညှဉ်းပန်းနှိပ်စက်မှုကြောင့် ယုံကြည်သူများ ကွဲလွင့်ပျံ့နှံ့သွားခြင်း
ထိုနေ့တွင် ဂျေရုဆလင်မြို့ရှိ အသင်းတော်အား ပြင်းထန်သောညှဉ်းပန်းနှိပ်စက်ခြင်းများ စတင်လာသဖြင့် တမန်တော်တို့မှလွဲ၍ ယုံကြည်သူများသည် ယုဒပြည်နှင့် ရှမာရိပြည်တစ်လျှောက်သို့ ကွဲလွင့်ပျံ့နှံ့သွားကြလေ၏။ 2ဘုရားတရားကိုင်းရှိုင်းသောသူတို့သည် သတေဖန်ကိုသင်္ဂြိုဟ်၍ အလွန်ငိုကြွေးတမ်းတကြ၏။ 3သို့သော် ရှောလုသည် တစ်အိမ်ဝင်၊ တစ်အိမ်ထွက်ကာ အမျိုးသား၊ အမျိုးသမီးများကို ဆွဲထုတ်၍ ထောင်ထဲသို့ပို့ခြင်းဖြင့် အသင်းတော်ကို ဖျက်ဆီးလေ၏။
ရှမာရိပြည်တွင် ဖိလိပ္ပုဟောပြောခြင်း
4ထိုသို့ဖြင့် ကွဲလွင့်ပျံ့နှံ့သွားသောသူတို့သည် ရောက်ရှိရာအရပ်သို့လှည့်လည်၍ နှုတ်ကပတ်တရားတော်ကို ဟောပြောကြ၏။ 5ဖိလိပ္ပုသည် ရှမာရိပြည်၏မြို့တော်သို့ ဆင်းသွား၍ ခရစ်တော်#8:5 ဂရိဘာသာအားဖြင့် “ခရစ်တော်၊” ဟေဗြဲဘာသာအားဖြင့် “မေရှိယ” ဖြစ်ပြီး ထိုနှစ်ခုလုံး၏အဓိပ္ပာယ်မှာ “ဘိသိက်ခံရသူ၊” သို့မဟုတ် “ရွေးကောက်ခံရသူ” ဖြစ်သည်။အကြောင်းကို သူတို့အား ဟောပြောလေ၏။ 6လူထုပရိသတ်တို့သည် ထိုဟောပြောချက်ကို ကြား၍ ဖိလိပ္ပုပြသော နိမိတ်လက္ခဏာများကိုလည်း မြင်ကြသောအခါ သူဟောသောတရားကို တညီတညွတ်တည်း အာရုံစိုက်၍ နားထောင်ကြ၏။ 7အဘယ်ကြောင့်ဆိုသော် နတ်ဆိုးပူးခံရသူများစွာအထဲမှ နတ်ဆိုးတို့သည် ကျယ်လောင်စွာအော်ဟစ်၍ ထွက်သွားကြသောကြောင့်ဖြစ်၏။ လေဖြတ်သောသူများနှင့် ခြေမသန်သောသူများသည်လည်း အကောင်းပကတိအတိုင်း ဖြစ်လာကြ၏။ 8သို့ဖြစ်၍ ထိုမြို့သူမြို့သားတို့သည် အလွန်ဝမ်းမြောက်ကြ၏။
9ထိုမြို့တွင် ရှိမုန်ဟု ခေါ်သောသူတစ်ဦးရှိ၏။ သူသည် ယခင်ကပင် မှော်ပညာကို ပြသ၍ ရှမာရိလူမျိုးများအား အံ့အားသင့်စေကာ မိမိသည် ကြီးမြတ်သူတစ်ဦးဖြစ်သည်ဟု ကြွားဝါလျက်ရှိ၏။ 10လူတန်းစားအနိမ့်အမြင့် ရှိသမျှတို့က သူ့အားအာရုံစိုက်လျက် “ဤသူသည် ဘုရားသခင်၏ကြီးမြတ်သောတန်ခိုးတော်ပင် ဖြစ်၏” ဟု ဆိုကြ၏။ 11ထိုသို့ အာရုံစိုက်ရခြင်းမှာ သူသည် မှော်ပညာများအားဖြင့် သူတို့ကို အချိန်ကြာမြင့်စွာ အံ့ဩစေနိုင်ခဲ့သောကြောင့်ဖြစ်၏။
12သို့သော် ဖိလိပ္ပုဟောပြောသည့် ဘုရားသခင်၏နိုင်ငံတော်နှင့် ယေရှုခရစ်တော်၏အမည်နာမနှင့်ဆိုင်သော သတင်းကောင်းကို ယုံကြည်ကြသောအခါ အမျိုးသား အမျိုးသမီးတို့သည် နှစ်ခြင်းမင်္ဂလာခံယူကြ၏။ 13ရှိမုန်ကိုယ်တိုင်ပင် ယုံကြည်သဖြင့် နှစ်ခြင်းမင်္ဂလာခံယူပြီးမှ ဖိလိပ္ပုထံ မှီဝဲဆည်းကပ်၍ နိမိတ်လက္ခဏာများနှင့် ကြီးမားသောအံ့ဖွယ်တန်ခိုးများ ဖြစ်ပေါ်သည်ကို မြင်တွေ့ရသောအခါ အံ့ဩလျက်ရှိ၏။
14ဂျေရုဆလင်မြို့ရှိ တမန်တော်တို့သည် ရှမာရိပြည်သားများက ဘုရားသခင်၏နှုတ်ကပတ်တရားတော်ကို ခံယူကြောင်း ကြားသိသောအခါ ပေတရုနှင့် ယောဟန်တို့ကို ရှမာရိနယ်သို့ လွှတ်လိုက်ကြ၏။ 15ထိုတမန်တော်နှစ်ပါးသည် ရောက်လာ၍ သန့်ရှင်းသောဝိညာဉ်တော်ကို ထိုသူတို့လက်ခံရရှိရန် ဆုတောင်းပေးကြ၏။ 16အဘယ်ကြောင့်ဆိုသော် ထိုသူတို့သည် သခင်ယေရှု၏အမည်နာမ၌ နှစ်ခြင်းမင်္ဂလာခံယူထားကြရုံသာဖြစ်ပြီး ဝိညာဉ်တော်သည် မည်သူ့ထံတွင်မျှ မသက်ရောက်သေးသောကြောင့်ဖြစ်၏။ 17ထို့နောက် ပေတရုနှင့်ယောဟန်တို့သည် ထိုသူတို့အပေါ် လက်တင်သောအခါ သူတို့သည် သန့်ရှင်းသောဝိညာဉ်တော်ကို လက်ခံရရှိကြ၏။
18တမန်တော်တို့လက်တင်ခြင်းအားဖြင့် ဝိညာဉ်တော်ကို လက်ခံရရှိကြောင်း ရှိမုန်မြင်သောအခါ သူသည် တမန်တော်တို့အား ငွေပေး၍ 19“ကျွန်ုပ်၏လက်တင်ခြင်း ခံရသောသူတိုင်း သန့်ရှင်းသောဝိညာဉ်တော်ကို လက်ခံရရှိရန်အတွက် ဤအခွင့်အာဏာကို ကျွန်ုပ်ကိုလည်း ပေးပါ” ဟု တောင်းဆိုလေ၏။
20သို့သော် ပေတရုက “ဘုရားသခင်ပေးသောလက်ဆောင်ကို ငွေနှင့် ဝယ်ယူနိုင်သည်ဟု သင်ယူဆသောကြောင့် သင့်ငွေသည် သင်နှင့်အတူ ပျက်စီးပါစေ။ 21ဘုရားသခင်ရှေ့တော်တွင် သင့်စိတ်နှလုံးသည် မမှန်ကန်သောကြောင့် ဤအမှုတော်တွင် ပါဝင်ခွင့်မရှိပါ။ 22ထို့ကြောင့် သင်၏မကောင်းမှုအတွက် နောင်တရ၍ ဘုရားသခင်ထံ ဆုတောင်းလော့။ သို့ပြုလျှင် ဘုရားသခင်သည် သင်၏ဆိုးညစ်သောကြံစည်မှုအတွက် ခွင့်လွှတ်ကောင်း ခွင့်လွှတ်နိုင်မည်။ 23အဘယ်ကြောင့်ဆိုသော် စိတ်နှလုံးသည် သည်းခြေကဲ့သို့ ခါးသီးခြင်းနှင့် ပြည့်၍ မတရားမှုနှောင်ကြိုးနှင့် မလွတ်ကြောင်းကို ကျွန်ုပ်တွေ့မြင်ရသောကြောင့်ဖြစ်သည်” ဟု ဆိုလေ၏။
24ရှိမုန်က “သင်တို့ပြောဆိုခဲ့သောအရာ တစ်စုံတစ်ခုမျှ ကျွန်ုပ်အပေါ် မကျရောက်ရန် ထာဝရဘုရားထံ ကျွန်ုပ်အတွက် တောင်းလျှောက်ပေးကြပါ” ဟု တောင်းဆို၏။
25ပေတရုနှင့် ယောဟန်တို့သည် သခင်ဘုရား၏နှုတ်ကပတ်တရားတော်အား သက်သေခံဟောပြောပြီးသည့်နောက် ဂျေရုဆလင်မြို့သို့ ပြန်သွားကြကာ ရှမာရိရွာများ၌ သတင်းကောင်းကို ဟောပြောကြ၏။
ဖိလိပ္ပုနှင့် အီသီယိုးပီးယားပြည်သားအမတ်ကြီး
26ထာဝရဘုရား၏ကောင်းကင်တမန်တစ်ပါးသည် ဖိလိပ္ပုအား “ဂျေရုဆလင်မြို့မှ ဂါဇာမြို့သို့ ဆင်းသွားသောလမ်းအတိုင်း တောင်ဘက်သို့သွားလော့” ဟု ဆိုလေ၏။ ထိုလမ်းသည် တောကန္တာရလမ်းဖြစ်၏။ 27ကောင်းကင်တမန်ဆိုသည့်အတိုင်း ဖိလိပ္ပုသည် သွား၏။ ထိုလမ်းတွင် အီသီယိုးပီးယားပြည်သားတစ်ဦးနှင့် တွေ့ဆုံ၏။ ထိုသူသည် အီသီယိုးပီးယားဘုရင်မ ကန္ဒက်၏ဘဏ္ဍာများအားလုံးကို စီမံရသော အမတ်ဖြစ်၏။ သူသည် ဂျေရုဆလင်မြို့သို့ သွားရောက်ဝတ်ပြုပြီး 28အပြန်ခရီးတွင် မိမိ၏မြင်းရထားပေါ်၌ ထိုင်၍ ပရောဖက်ဟေရှာယ၏ကျမ်းကို ဖတ်နေ၏။
29ထိုအခါ သန့်ရှင်းသောဝိညာဉ်တော်က ဖိလိပ္ပုအား “ထိုမြင်းရထားအနား ချဉ်းကပ်၍လိုက်လော့” ဟု မိန့်တော်မူ၏။
30ဖိလိပ္ပုသည် ပြေးလိုက်သောအခါ ပရောဖက်ဟေရှာယ၏ကျမ်းကို ဖတ်နေသည်ကို ကြားလျှင် ထိုသူအား “ဖတ်နေသည့်အရာကို နားလည်သဘောပေါက်သလော” ဟု မေးလေ၏။
31ထိုသူက “ဦးဆောင်ရှင်းပြမည့်သူမရှိလျှင် မည်ကဲ့သို့နားလည်နိုင်ပါမည်နည်း” ဟု ဖြေ၍ ဖိလိပ္ပုအား မြင်းရထားပေါ်သို့ တက်၍ မိမိနှင့်အတူ ထိုင်ရန် ဖိတ်ခေါ်လေ၏။
32ထိုသူ ဖတ်နေသောကျမ်းစာပိုဒ်မှာ
“သတ်ရန် ခေါ်ယူသွားသည့် သိုးကဲ့သို့ သူသည် ခေါ်ဆောင်သွားခြင်းခံရ၏။
သိုးသငယ်သည် သိုးမွေးညှပ်သူရှေ့တွင် တိတ်ဆိတ်စွာ နေသကဲ့သို့
သူသည် မိမိနှုတ်ကို မဖွင့်ဘဲနေ၏။
33သူသည် နှိမ့်ချခြင်းကို ခံနေရစဉ်အတွင်း သူ့အတွက် တရားမျှတစွာ မစီရင်ကြပေ။
သူ၏အသက်သည် မြေကြီးပေါ်မှ ဖယ်ရှားခြင်းခံရသောကြောင့်
သူ၏မျိုးဆက်ကို မည်သူ ဖော်ပြနိုင်မည်နည်း”#8:33 ဟေရှာ ၅၃:၇-၈။
ဟူ၍ဖြစ်၏။
34ထိုအမတ်က ဖိလိပ္ပုအား “ပရောဖက်ဟေရှာယသည် မည်သူ့အကြောင်းကို ပြောဆိုနေပါသနည်း။ မိမိအကြောင်းကိုလော။ သို့မဟုတ် အခြားတစ်ယောက်အကြောင်းကိုလော။ ကျွန်ုပ်အားပြောပြပါ” ဟု မေးလေ၏။ 35ထိုအခါ ဖိလိပ္ပုက ထိုကျမ်းချက်ကို အခြေခံ၍ ယေရှုအကြောင်းကို စတင်ဟောပြောလေ၏။
36ထိုသို့ ခရီးပြုစဉ်တွင် ရေရှိရာသို့ရောက်သော် အမတ်က “ဤနေရာ၌ ရေရှိပါ၏။ ကျွန်ုပ်ကို နှစ်ခြင်းမင်္ဂလာ မခံယူစေနိုင်ရန် တားဆီးသည့်အကြောင်း ရှိသလော” ဟု မေး၏။
37ဖိလိပ္ပုက “သင့်စိတ်နှလုံးထဲမှ အကြွင်းမဲ့ ယုံကြည်ပါက ခံယူနိုင်ပါသည်” ဟု ဖြေလေ၏။ အမတ်က “ယေရှုခရစ်သည် ဘုရားသားတော်ဖြစ်ကြောင်း ကျွန်ုပ်ယုံကြည်ပါသည်” ဟု ဆိုလေ၏။#8:37 အချို့လက်ရေးမူကျမ်းများတွင် ဤအပိုဒ်ငယ်မပါဝင်ပါ။ 38ထို့နောက် သူက မြင်းရထားကို ရပ်စေပြီးမှ ထိုအမတ်နှင့်တကွ ဖိလိပ္ပုသည် ရေထဲသို့ ဆင်း၍ နှစ်ခြင်းမင်္ဂလာပေး၏။
39ရေမှ တက်လာကြသောအခါ ထာဝရဘုရား၏ဝိညာဉ်တော်သည် ဖိလိပ္ပုကို ခေါ်ယူသွားသဖြင့် အမတ်သည် ဖိလိပ္ပုကို နောက်ထပ် မတွေ့မြင်ရတော့ပေ။ သို့သော်လည်း သူသည် ဝမ်းသာရွှင်လန်းစွာ ခရီးဆက်လေ၏။ 40ဖိလိပ္ပုမှာမူ အာဇုတ်မြို့၌ ရောက်ရှိနေပြီး ထိုမြို့မှ ဆီဇာရီးယားမြို့တိုင်အောင် မြို့အသီးသီးသို့ ဝင်ထွက်၍ သတင်းကောင်းကို ဟောပြောလေ၏။
S'ha seleccionat:
တမန်တော် 8: BCB
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
ခေတ်သစ်မြန်မာ သမ္မာကျမ်း™
မူပိုင်ခွင့်၊ © Biblica Inc. ၁၉၈၅၊ ၂၀၂၄
ခွင့်ပြုချက်ဖြင့် အသုံးပြုသည်။ ကမ္ဘာတစ်ဝန်းမူပိုင်ခွင့်များရယူပြီးဖြစ်သည်။
Burmese Contemporary Bible™
Copyright © 1985, 2024 by Biblica, Inc.
Used with permission. All rights reserved worldwide.
တမန်တော် 8
8
1သတေဖန်ကို သတ်သည့်အမှုတွင် ရှောလုသည်လည်း အလိုတူအလိုပါဖြစ်ခဲ့၏။#8:1 အချို့ဘာသာပြန်ကျမ်းများတွင် ဤစာကြောင်းကို အခန်းကြီး ၇ ၏အဆုံး၌ ထည့်သွင်းထားကြသည်။
ညှဉ်းပန်းနှိပ်စက်မှုကြောင့် ယုံကြည်သူများ ကွဲလွင့်ပျံ့နှံ့သွားခြင်း
ထိုနေ့တွင် ဂျေရုဆလင်မြို့ရှိ အသင်းတော်အား ပြင်းထန်သောညှဉ်းပန်းနှိပ်စက်ခြင်းများ စတင်လာသဖြင့် တမန်တော်တို့မှလွဲ၍ ယုံကြည်သူများသည် ယုဒပြည်နှင့် ရှမာရိပြည်တစ်လျှောက်သို့ ကွဲလွင့်ပျံ့နှံ့သွားကြလေ၏။ 2ဘုရားတရားကိုင်းရှိုင်းသောသူတို့သည် သတေဖန်ကိုသင်္ဂြိုဟ်၍ အလွန်ငိုကြွေးတမ်းတကြ၏။ 3သို့သော် ရှောလုသည် တစ်အိမ်ဝင်၊ တစ်အိမ်ထွက်ကာ အမျိုးသား၊ အမျိုးသမီးများကို ဆွဲထုတ်၍ ထောင်ထဲသို့ပို့ခြင်းဖြင့် အသင်းတော်ကို ဖျက်ဆီးလေ၏။
ရှမာရိပြည်တွင် ဖိလိပ္ပုဟောပြောခြင်း
4ထိုသို့ဖြင့် ကွဲလွင့်ပျံ့နှံ့သွားသောသူတို့သည် ရောက်ရှိရာအရပ်သို့လှည့်လည်၍ နှုတ်ကပတ်တရားတော်ကို ဟောပြောကြ၏။ 5ဖိလိပ္ပုသည် ရှမာရိပြည်၏မြို့တော်သို့ ဆင်းသွား၍ ခရစ်တော်#8:5 ဂရိဘာသာအားဖြင့် “ခရစ်တော်၊” ဟေဗြဲဘာသာအားဖြင့် “မေရှိယ” ဖြစ်ပြီး ထိုနှစ်ခုလုံး၏အဓိပ္ပာယ်မှာ “ဘိသိက်ခံရသူ၊” သို့မဟုတ် “ရွေးကောက်ခံရသူ” ဖြစ်သည်။အကြောင်းကို သူတို့အား ဟောပြောလေ၏။ 6လူထုပရိသတ်တို့သည် ထိုဟောပြောချက်ကို ကြား၍ ဖိလိပ္ပုပြသော နိမိတ်လက္ခဏာများကိုလည်း မြင်ကြသောအခါ သူဟောသောတရားကို တညီတညွတ်တည်း အာရုံစိုက်၍ နားထောင်ကြ၏။ 7အဘယ်ကြောင့်ဆိုသော် နတ်ဆိုးပူးခံရသူများစွာအထဲမှ နတ်ဆိုးတို့သည် ကျယ်လောင်စွာအော်ဟစ်၍ ထွက်သွားကြသောကြောင့်ဖြစ်၏။ လေဖြတ်သောသူများနှင့် ခြေမသန်သောသူများသည်လည်း အကောင်းပကတိအတိုင်း ဖြစ်လာကြ၏။ 8သို့ဖြစ်၍ ထိုမြို့သူမြို့သားတို့သည် အလွန်ဝမ်းမြောက်ကြ၏။
9ထိုမြို့တွင် ရှိမုန်ဟု ခေါ်သောသူတစ်ဦးရှိ၏။ သူသည် ယခင်ကပင် မှော်ပညာကို ပြသ၍ ရှမာရိလူမျိုးများအား အံ့အားသင့်စေကာ မိမိသည် ကြီးမြတ်သူတစ်ဦးဖြစ်သည်ဟု ကြွားဝါလျက်ရှိ၏။ 10လူတန်းစားအနိမ့်အမြင့် ရှိသမျှတို့က သူ့အားအာရုံစိုက်လျက် “ဤသူသည် ဘုရားသခင်၏ကြီးမြတ်သောတန်ခိုးတော်ပင် ဖြစ်၏” ဟု ဆိုကြ၏။ 11ထိုသို့ အာရုံစိုက်ရခြင်းမှာ သူသည် မှော်ပညာများအားဖြင့် သူတို့ကို အချိန်ကြာမြင့်စွာ အံ့ဩစေနိုင်ခဲ့သောကြောင့်ဖြစ်၏။
12သို့သော် ဖိလိပ္ပုဟောပြောသည့် ဘုရားသခင်၏နိုင်ငံတော်နှင့် ယေရှုခရစ်တော်၏အမည်နာမနှင့်ဆိုင်သော သတင်းကောင်းကို ယုံကြည်ကြသောအခါ အမျိုးသား အမျိုးသမီးတို့သည် နှစ်ခြင်းမင်္ဂလာခံယူကြ၏။ 13ရှိမုန်ကိုယ်တိုင်ပင် ယုံကြည်သဖြင့် နှစ်ခြင်းမင်္ဂလာခံယူပြီးမှ ဖိလိပ္ပုထံ မှီဝဲဆည်းကပ်၍ နိမိတ်လက္ခဏာများနှင့် ကြီးမားသောအံ့ဖွယ်တန်ခိုးများ ဖြစ်ပေါ်သည်ကို မြင်တွေ့ရသောအခါ အံ့ဩလျက်ရှိ၏။
14ဂျေရုဆလင်မြို့ရှိ တမန်တော်တို့သည် ရှမာရိပြည်သားများက ဘုရားသခင်၏နှုတ်ကပတ်တရားတော်ကို ခံယူကြောင်း ကြားသိသောအခါ ပေတရုနှင့် ယောဟန်တို့ကို ရှမာရိနယ်သို့ လွှတ်လိုက်ကြ၏။ 15ထိုတမန်တော်နှစ်ပါးသည် ရောက်လာ၍ သန့်ရှင်းသောဝိညာဉ်တော်ကို ထိုသူတို့လက်ခံရရှိရန် ဆုတောင်းပေးကြ၏။ 16အဘယ်ကြောင့်ဆိုသော် ထိုသူတို့သည် သခင်ယေရှု၏အမည်နာမ၌ နှစ်ခြင်းမင်္ဂလာခံယူထားကြရုံသာဖြစ်ပြီး ဝိညာဉ်တော်သည် မည်သူ့ထံတွင်မျှ မသက်ရောက်သေးသောကြောင့်ဖြစ်၏။ 17ထို့နောက် ပေတရုနှင့်ယောဟန်တို့သည် ထိုသူတို့အပေါ် လက်တင်သောအခါ သူတို့သည် သန့်ရှင်းသောဝိညာဉ်တော်ကို လက်ခံရရှိကြ၏။
18တမန်တော်တို့လက်တင်ခြင်းအားဖြင့် ဝိညာဉ်တော်ကို လက်ခံရရှိကြောင်း ရှိမုန်မြင်သောအခါ သူသည် တမန်တော်တို့အား ငွေပေး၍ 19“ကျွန်ုပ်၏လက်တင်ခြင်း ခံရသောသူတိုင်း သန့်ရှင်းသောဝိညာဉ်တော်ကို လက်ခံရရှိရန်အတွက် ဤအခွင့်အာဏာကို ကျွန်ုပ်ကိုလည်း ပေးပါ” ဟု တောင်းဆိုလေ၏။
20သို့သော် ပေတရုက “ဘုရားသခင်ပေးသောလက်ဆောင်ကို ငွေနှင့် ဝယ်ယူနိုင်သည်ဟု သင်ယူဆသောကြောင့် သင့်ငွေသည် သင်နှင့်အတူ ပျက်စီးပါစေ။ 21ဘုရားသခင်ရှေ့တော်တွင် သင့်စိတ်နှလုံးသည် မမှန်ကန်သောကြောင့် ဤအမှုတော်တွင် ပါဝင်ခွင့်မရှိပါ။ 22ထို့ကြောင့် သင်၏မကောင်းမှုအတွက် နောင်တရ၍ ဘုရားသခင်ထံ ဆုတောင်းလော့။ သို့ပြုလျှင် ဘုရားသခင်သည် သင်၏ဆိုးညစ်သောကြံစည်မှုအတွက် ခွင့်လွှတ်ကောင်း ခွင့်လွှတ်နိုင်မည်။ 23အဘယ်ကြောင့်ဆိုသော် စိတ်နှလုံးသည် သည်းခြေကဲ့သို့ ခါးသီးခြင်းနှင့် ပြည့်၍ မတရားမှုနှောင်ကြိုးနှင့် မလွတ်ကြောင်းကို ကျွန်ုပ်တွေ့မြင်ရသောကြောင့်ဖြစ်သည်” ဟု ဆိုလေ၏။
24ရှိမုန်က “သင်တို့ပြောဆိုခဲ့သောအရာ တစ်စုံတစ်ခုမျှ ကျွန်ုပ်အပေါ် မကျရောက်ရန် ထာဝရဘုရားထံ ကျွန်ုပ်အတွက် တောင်းလျှောက်ပေးကြပါ” ဟု တောင်းဆို၏။
25ပေတရုနှင့် ယောဟန်တို့သည် သခင်ဘုရား၏နှုတ်ကပတ်တရားတော်အား သက်သေခံဟောပြောပြီးသည့်နောက် ဂျေရုဆလင်မြို့သို့ ပြန်သွားကြကာ ရှမာရိရွာများ၌ သတင်းကောင်းကို ဟောပြောကြ၏။
ဖိလိပ္ပုနှင့် အီသီယိုးပီးယားပြည်သားအမတ်ကြီး
26ထာဝရဘုရား၏ကောင်းကင်တမန်တစ်ပါးသည် ဖိလိပ္ပုအား “ဂျေရုဆလင်မြို့မှ ဂါဇာမြို့သို့ ဆင်းသွားသောလမ်းအတိုင်း တောင်ဘက်သို့သွားလော့” ဟု ဆိုလေ၏။ ထိုလမ်းသည် တောကန္တာရလမ်းဖြစ်၏။ 27ကောင်းကင်တမန်ဆိုသည့်အတိုင်း ဖိလိပ္ပုသည် သွား၏။ ထိုလမ်းတွင် အီသီယိုးပီးယားပြည်သားတစ်ဦးနှင့် တွေ့ဆုံ၏။ ထိုသူသည် အီသီယိုးပီးယားဘုရင်မ ကန္ဒက်၏ဘဏ္ဍာများအားလုံးကို စီမံရသော အမတ်ဖြစ်၏။ သူသည် ဂျေရုဆလင်မြို့သို့ သွားရောက်ဝတ်ပြုပြီး 28အပြန်ခရီးတွင် မိမိ၏မြင်းရထားပေါ်၌ ထိုင်၍ ပရောဖက်ဟေရှာယ၏ကျမ်းကို ဖတ်နေ၏။
29ထိုအခါ သန့်ရှင်းသောဝိညာဉ်တော်က ဖိလိပ္ပုအား “ထိုမြင်းရထားအနား ချဉ်းကပ်၍လိုက်လော့” ဟု မိန့်တော်မူ၏။
30ဖိလိပ္ပုသည် ပြေးလိုက်သောအခါ ပရောဖက်ဟေရှာယ၏ကျမ်းကို ဖတ်နေသည်ကို ကြားလျှင် ထိုသူအား “ဖတ်နေသည့်အရာကို နားလည်သဘောပေါက်သလော” ဟု မေးလေ၏။
31ထိုသူက “ဦးဆောင်ရှင်းပြမည့်သူမရှိလျှင် မည်ကဲ့သို့နားလည်နိုင်ပါမည်နည်း” ဟု ဖြေ၍ ဖိလိပ္ပုအား မြင်းရထားပေါ်သို့ တက်၍ မိမိနှင့်အတူ ထိုင်ရန် ဖိတ်ခေါ်လေ၏။
32ထိုသူ ဖတ်နေသောကျမ်းစာပိုဒ်မှာ
“သတ်ရန် ခေါ်ယူသွားသည့် သိုးကဲ့သို့ သူသည် ခေါ်ဆောင်သွားခြင်းခံရ၏။
သိုးသငယ်သည် သိုးမွေးညှပ်သူရှေ့တွင် တိတ်ဆိတ်စွာ နေသကဲ့သို့
သူသည် မိမိနှုတ်ကို မဖွင့်ဘဲနေ၏။
33သူသည် နှိမ့်ချခြင်းကို ခံနေရစဉ်အတွင်း သူ့အတွက် တရားမျှတစွာ မစီရင်ကြပေ။
သူ၏အသက်သည် မြေကြီးပေါ်မှ ဖယ်ရှားခြင်းခံရသောကြောင့်
သူ၏မျိုးဆက်ကို မည်သူ ဖော်ပြနိုင်မည်နည်း”#8:33 ဟေရှာ ၅၃:၇-၈။
ဟူ၍ဖြစ်၏။
34ထိုအမတ်က ဖိလိပ္ပုအား “ပရောဖက်ဟေရှာယသည် မည်သူ့အကြောင်းကို ပြောဆိုနေပါသနည်း။ မိမိအကြောင်းကိုလော။ သို့မဟုတ် အခြားတစ်ယောက်အကြောင်းကိုလော။ ကျွန်ုပ်အားပြောပြပါ” ဟု မေးလေ၏။ 35ထိုအခါ ဖိလိပ္ပုက ထိုကျမ်းချက်ကို အခြေခံ၍ ယေရှုအကြောင်းကို စတင်ဟောပြောလေ၏။
36ထိုသို့ ခရီးပြုစဉ်တွင် ရေရှိရာသို့ရောက်သော် အမတ်က “ဤနေရာ၌ ရေရှိပါ၏။ ကျွန်ုပ်ကို နှစ်ခြင်းမင်္ဂလာ မခံယူစေနိုင်ရန် တားဆီးသည့်အကြောင်း ရှိသလော” ဟု မေး၏။
37ဖိလိပ္ပုက “သင့်စိတ်နှလုံးထဲမှ အကြွင်းမဲ့ ယုံကြည်ပါက ခံယူနိုင်ပါသည်” ဟု ဖြေလေ၏။ အမတ်က “ယေရှုခရစ်သည် ဘုရားသားတော်ဖြစ်ကြောင်း ကျွန်ုပ်ယုံကြည်ပါသည်” ဟု ဆိုလေ၏။#8:37 အချို့လက်ရေးမူကျမ်းများတွင် ဤအပိုဒ်ငယ်မပါဝင်ပါ။ 38ထို့နောက် သူက မြင်းရထားကို ရပ်စေပြီးမှ ထိုအမတ်နှင့်တကွ ဖိလိပ္ပုသည် ရေထဲသို့ ဆင်း၍ နှစ်ခြင်းမင်္ဂလာပေး၏။
39ရေမှ တက်လာကြသောအခါ ထာဝရဘုရား၏ဝိညာဉ်တော်သည် ဖိလိပ္ပုကို ခေါ်ယူသွားသဖြင့် အမတ်သည် ဖိလိပ္ပုကို နောက်ထပ် မတွေ့မြင်ရတော့ပေ။ သို့သော်လည်း သူသည် ဝမ်းသာရွှင်လန်းစွာ ခရီးဆက်လေ၏။ 40ဖိလိပ္ပုမှာမူ အာဇုတ်မြို့၌ ရောက်ရှိနေပြီး ထိုမြို့မှ ဆီဇာရီးယားမြို့တိုင်အောင် မြို့အသီးသီးသို့ ဝင်ထွက်၍ သတင်းကောင်းကို ဟောပြောလေ၏။
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
ခေတ်သစ်မြန်မာ သမ္မာကျမ်း™
မူပိုင်ခွင့်၊ © Biblica Inc. ၁၉၈၅၊ ၂၀၂၄
ခွင့်ပြုချက်ဖြင့် အသုံးပြုသည်။ ကမ္ဘာတစ်ဝန်းမူပိုင်ခွင့်များရယူပြီးဖြစ်သည်။
Burmese Contemporary Bible™
Copyright © 1985, 2024 by Biblica, Inc.
Used with permission. All rights reserved worldwide.