တမန်တော် 13
13
1ဆီးရီးယားပြည် အန္တိအုတ်မြို့ရှိ အသင်းတော်တွင် ပရောဖက်များနှင့် ဆရာများ ရှိကြ၏။ ထိုသူတို့မှာ ဗာနဗ၊ လူမည်း#13:1 မူရင်းဂရိကျမ်းတွင် “နိဂါ” ဟု ပါရှိသည်။ဟု ခေါ်သောရှိမောင်၊ ကုရေနေမြို့သား လုကိ၊ နယ်စားဟေရုဒ်၏ငယ်ပေါင်း မာနင်နှင့် ရှောလုတို့ဖြစ်ကြ၏။ 2ထိုသူတို့သည် သခင်ဘုရားကိုဝတ်ပြု၍ အစာရှောင်နေကြစဉ် သန့်ရှင်းသောဝိညာဉ်တော်က “ငါခန့်အပ်သောအမှုကို ဆောင်ရွက်ရန် ဗာနဗနှင့် ရှောလုတို့ကို သီးသန့်ရွေးချယ်ကြလော့” ဟု ဆို၏။ 3ထို့နောက် အစာရှောင်၍ ဆုတောင်းလျက် ထိုသူတို့အပေါ် လက်တင်ပြီးနောက် စေလွှတ်လိုက်ကြ၏။
ပေါလု၏ ပထမသာသနာပြုခရီးစဉ်
4သန့်ရှင်းသောဝိညာဉ်တော်၏ စေလွှတ်ခြင်းခံရသည့်အတိုင်း ပေါလုနှင့်ဗာနဗတို့သည် သေလုကိမြို့သို့ သွား၍ ထိုမှတစ်ဆင့် ဆိုက်ပရပ်ကျွန်းသို့ ရွက်လွှင့်ကြ၏။ 5ရှာလမိမြို့သို့ ရောက်သောအခါ ဂျူးဝတ်ပြုဆောင်များတွင် ဘုရားသခင်၏နှုတ်ကပတ်တရားတော်ကို ဟောပြောကြ၏။ ယောဟန်မာကုသည်လည်း သူတို့၏လက်ထောက်အဖြစ် ပါရှိလေ၏။
6ကျွန်းတစ်ခုလုံးကို လှည့်လည်၍ ပါဖုမြို့တိုင် ရောက်ကြသောအခါ ဗာယေရှုအမည်ရှိသော ပရောဖက်အတုအယောင်၊ ဂျူးလူမျိုးမှော်ဆရာတစ်ဦးကို တွေ့ကြ၏။ 7ထိုသူသည် ဉာဏ်ရည်ထက်မြက်သောမြို့ဝန်မင်း သေရဂိပေါလု၏မိတ်ဆွေဖြစ်၏။ ထိုမြို့ဝန်မင်းသည် ဘုရားသခင်၏နှုတ်ကပတ်တရားတော်ကို ကြားနာလို၍ ဗာနဗနှင့်ရှောလုကို ဖိတ်ခေါ်လေ၏။ 8သို့ရာတွင် မှော်ဆရာဟု အဓိပ္ပာယ်ရသောဧလုမအမည်ရှိသည့် ထိုသူသည် ဗာနဗနှင့်ရှောလုတို့ကို ဆန့်ကျင်၍ ထိုမြို့ဝန်မင်းကို ယုံကြည်ခြင်းမှလမ်းလွှဲစေရန် ကြိုးပမ်းလေ၏။
9ထိုအခါ ပေါလုဟု ခေါ်တွင်သော ရှောလုသည် သန့်ရှင်းသောဝိညာဉ်တော်နှင့် ပြည့်ဝလျက် ထိုသူကို စူးစိုက်ကြည့်ကာ 10“အို လှည့်စားမှုအပေါင်း၊ ဆိုးသွမ်းမှုအပေါင်းနှင့် ပြည့်သောမာရ်နတ်၏သား… ဖြောင့်မတ်ခြင်းအပေါင်းတို့၏ရန်သူ… သင်သည် ထာဝရဘုရား၏ဖြောင့်ဖြူးသောလမ်းတော်တို့ကို ကောက်ကွေ့အောင် ပြုလုပ်နေခြင်းမှ မရပ်တန့်ဘဲမနေနိုင်သလော။ 11ယခု နားထောင်လော့။ ထာဝရဘုရား၏လက်တော်သည် သင့်ကို ဒဏ်ခတ်၍ သင်သည် အချိန်တစ်ခုကြာသည်အထိ မျက်စိကွယ်လျက် နေကိုမမြင်ရဘဲနေလိမ့်မည်” ဟု ဆို၏။ ချက်ချင်းပင် သူသည် အမြင်မှုန်ဝါးလာ၍ မှောင်မိုက်သွားသဖြင့် လက်တွဲခေါ်မည့်သူကို ရှာလျက်နေ၏။
12မြို့ဝန်မင်းသည် ထိုအဖြစ်အပျက်ကို မြင်သောအခါ သခင်ဘုရား၏တရားတော်ကို အံ့ဩမိန်းမော၍ ယုံကြည်သက်ဝင်လေ၏။
ပိသိဒိပြည် အန္တိအုတ်မြို့တွင် ပေါလုဟောပြောခြင်း
13ထို့နောက် ပေါလုနှင့် အပေါင်းအပါတို့သည် ပါဖုမြို့မှရွက်လွှင့်၍ ပံဖုလိပြည်၊ ပေရဂေမြို့သို့ ရောက်လာကြ၏။ သို့သော် ယောဟန်မာကုသည် သူတို့ထံမှထွက်ခွာ၍ ဂျေရုဆလင်မြို့သို့ ပြန်လေ၏။ 14သူတို့သည် ပေရဂေမြို့ကိုဖြတ်သွား၍ ပိသိဒိပြည်ရှိ အန္တိအုတ်မြို့သို့ ရောက်ကြ၏။
ဥပုသ်နေ့တွင် ဂျူးဝတ်ပြုဆောင်သို့ဝင်၍ ထိုင်ကြ၏။ 15ပညတ်ကျမ်းနှင့် ပရောဖက်ကျမ်းများကို ဖတ်ပြီးနောက် ဂျူးဝတ်ပြုဆောင်မှူးများက “ညီအစ်ကိုတို့… သင်တို့ထံတွင် ပရိသတ်များအတွက် အားပေးတိုက်တွန်းစကားရှိပါကဝေမျှပေးပါ” ဟု လူလွှတ်၍ ပြောစေ၏။
16ထိုအခါ ပေါလုသည် ထ၍ လက်ရိပ်ပြပြီးလျှင် “အစ္စရေးလူမျိုးတို့မှစ၍ ဘုရားသခင်ကိုကိုးကွယ်ကြသောလူမျိုးခြားတို့… နားထောင်ကြလော့။
17ဤအစ္စရေးလူမျိုး၏ဘုရားသခင်သည် ကျွန်ုပ်တို့၏ဘိုးဘေးများကို ရွေးချယ်၍ အီဂျစ်ပြည်၌ ဧည့်သည်အဖြစ် ရှိနေစဉ်အတွင်း ချီးမြှောက်ကာ လူဦးရေတိုးပွားစေတော်မူ၏။ အားကြီးသောလက်တော်ဖြင့်လည်း ထိုတိုင်းပြည်မှ ခေါ်ထုတ်တော်မူ၏။ 18ထို့နောက် တောကန္တာရ၌ အနှစ်လေးဆယ်ကာလခန့် ထိုသူတို့အား စောင့်ရှောက်တော်မူ၏။#13:18 အချို့လက်ရေးမူကျမ်းများတွင် “သည်းခံတော်မူ၏” ဟု တွေ့ရှိရသည်။ 19ခါနန်ပြည်ရှိ လူမျိုးခုနစ်မျိုးကို ဖျက်ဆီးတော်မူပြီးမှ ထိုသူတို့၏ပြည်ကို အစ္စရေးလူမျိုးတို့အား အမွေအဖြစ်ခွဲဝေပေးတော်မူ၏။ 20ဤအရာတို့သည် နှစ်ပေါင်းလေးရာငါးဆယ်ခန့် ကြာ၏။ ထိုပြည်တို့ကို တရားသူကြီးများအား အုပ်ချုပ်ခွင့်ပေးတော်မူသည်မှာ ပရောဖက်ရှမွေလအချိန်ထိတိုင်ဖြစ်၏။
21ထို့နောက် သူတို့သည် ရှင်ဘုရင်တစ်ပါး တင်မြှောက်ပေးရန် တောင်းဆိုကြသဖြင့် ဘုရားသခင်သည် ဗင်္ယာမိန်အနွယ်၊ ကိရှိ၏သား၊ ရှောလုကို ဘုရင်အဖြစ်ခန့်ထားတော်မူ၏။ ရှောလုသည်လည်း သူတို့အား အနှစ်လေးဆယ် အုပ်ချုပ်၏။ 22ဘုရားသခင်သည် ရှောလုကိုဖယ်ရှားပြီးနောက် ဒါဝိဒ်အား သူတို့၏ဘုရင်အဖြစ် တင်မြှောက်တော်မူ၏။ ဒါဝိဒ်နှင့်ပတ်သက်၍ သက်သေခံတော်မူလျက် ‘ငါ၏စိတ်တော်နှင့်တွေ့သူ၊ ယေရှဲ၏သား ဒါဝိဒ်ကို ငါတွေ့ပြီ။ သူသည် ငါအလိုရှိသမျှကို ဆောင်ရွက်လိမ့်မည်’#13:22 ၁ ရာ ၁၃:၁၄။ ဟု မိန့်တော်မူ၏။
23ဘုရားသခင်သည် ကတိပြုတော်မူသည့်အတိုင်း ဒါဝိဒ်မင်း၏မျိုးဆက်မှ အစ္စရေးလူမျိုးအတွက် ယေရှုဟူသောကယ်တင်ရှင်တစ်ပါးကို ပို့ဆောင်ပေးတော်မူ၏။ 24ထိုအရှင်မကြွလာမီ ယောဟန်သည် အစ္စရေးလူမျိုးအားလုံးတို့အား နောင်တနှင့်ဆိုင်သော နှစ်ခြင်းမင်္ဂလာတရားကို ကြိုတင်ဟောပြောလေ၏။ 25မိမိလုပ်ငန်း ပြီးမြောက်ချိန်နီးသောအခါ ယောဟန်က ‘သင်တို့သည် ငါ့အားမည်သူဖြစ်သည်ဟု ထင်မြင်ကြသနည်း။ ငါသည် ထိုအရှင်မဟုတ်ပါ။ ထိုအရှင်သည် ငါ့နောက်တွင် ကြွလာလိမ့်မည်။ ငါသည် ထိုအရှင်၏ခြေတော်မှ ဖိနပ်ကြိုးကို ဖြေပေးရန်ပင် မထိုက်တန်ပါ’ ဟု ဆိုလေ၏။
26အို အာဗြဟံ၏မျိုးဆက် ညီအစ်ကိုမောင်နှမတို့မှစ၍ ဘုရားသခင်ကို ကိုးကွယ်ကြသောလူမျိုးခြားတို့… ဘုရားသခင်သည် ဤကယ်တင်ခြင်းတရားတော်ကို ငါတို့ထံ#13:26 အစောပိုင်းကျသောအချို့လက်ရေးမူကျမ်းများတွင် “သင်တို့ထံသို့” ဟု တွေ့ရှိရသည်။ ပေးပို့တော်မူ၏။ 27ယေရှုသည် ထိုကယ်တင်ရှင်ဖြစ်ကြောင်းကို ဂျေရုဆလင်မြို့တွင် နေထိုင်သောသူများနှင့် ထိုသူတို့၏အုပ်ချုပ်သူများသည် မသိကြ။ ဥပုသ်နေ့တိုင်း ရွတ်ဖတ်သော ပရောဖက်တို့၏စကားများကိုလည်း မသိနားမလည်ကြ။ ထို့ကြောင့် သူတို့သည် ထိုအရှင်ကို ပြစ်ဒဏ်ပေးခြင်းအားဖြင့် ပရောဖက်တို့၏စကားများအတိုင်း ဖြစ်လာစေကြ၏။ 28ထိုအရှင်ထံတွင် သေဒဏ်ပေးထိုက်သောပြစ်ချက်ကို မတွေ့ရသော်လည်း သေဒဏ်ပေးရန် ပိလတ်မင်းအားတောင်းဆိုကြ၏။
29ထိုအရှင်နှင့်ပတ်သက်၍ ကျမ်းစာတွင် ရေးသားထားသမျှကို ဆောင်ရွက်ကြပြီးနောက် အလောင်းတော်ကို သစ်တိုင်#13:29 မူရင်းဂရိစကားလုံးတွင် သစ်ပင်၊ သို့မဟုတ် သစ်သား ဟု အဓိပ္ပာယ်ရပြီး ထိုအဓိပ္ပာယ်မှတစ်ဆင့် လက်ဝါးကပ်တိုင်ဟုလည်း ရည်ညွှန်းနိုင်သည်။မှ ချ၍ သင်္ချိုင်းဂူတွင် ထားကြ၏။ 30သို့ရာတွင် ဘုရားသခင်သည် သူ့ကို သေခြင်းမှ ရှင်ပြန်ထမြောက်စေတော်မူ၏။ 31ထိုအရှင်သည် ဂါလိလဲပြည်မှ ဂျေရုဆလင်မြို့သို့ သူနှင့်အတူ လိုက်ပါလာကြသောသူတို့အား ရက်ပေါင်းများစွာ ကိုယ်ထင်ပြတော်မူ၏။ ယခုတွင် ထိုသူတို့သည် လူများရှေ့တွင် သခင်ဘုရား၏သက်သေများဖြစ်ကြ၏။
32ကျွန်ုပ်တို့သည် ဘိုးဘေးများအား ဘုရားသခင်ကတိပြုသော ထိုသတင်းကောင်းကို သင်တို့ထံ ယူဆောင်လာကြ၏။ 33ဘုရားသခင်သည် ယေရှုကို ရှင်ပြန်ထမြောက်စေတော်မူခြင်းအားဖြင့် ဘိုးဘေးတို့၏သားသမီးများဖြစ်ကြသော ကျွန်ုပ်တို့အတွက် ထိုကတိတော်ကို ပြည့်စုံစေတော်မူ၏။ ဒုတိယမြောက်ဆာလံကျမ်းတွင်
‘သင်သည် ငါ၏သားဖြစ်၏။
ယနေ့တွင် သင့်ကို ငါ၏သား ဖြစ်စေပြီ’#13:33 ဆာ ၂:၇။
ဟူ၍ ရေးသားထား၏။ 34သားတော်ကို သေခြင်းမှ ရှင်ပြန်ထမြောက်စေတော်မူပြီး ပုပ်ပျက်ခြင်းသို့ ထပ်မံမရောက်စေမည့်အကြောင်းနှင့် ပတ်သက်၍ ဘုရားသခင်က ‘ဒါဝိဒ်အား ပေးတော်မူသည့် မြင့်မြတ်၍ ယုံကြည်ထိုက်သောကောင်းချီးများကို သင်တို့အား ငါပေးမည်’#13:34 ဆာ ၁၆:၁၀။ ဟူ၍ မိန့်တော်မူ၏။ 35ထို့ကြောင့် အခြားဆာလံကျမ်းတွင်လည်း ‘ကိုယ်တော်၏သန့်ရှင်းသူကို ပုပ်ပျက်ခြင်းနှင့် ကြုံတွေ့စေတော်မူမည်မဟုတ်’#13:35 ဆာ ၁၆:၁၀။ ဟု ဖော်ပြထား၏။ 36ဒါဝိဒ်မင်းသည် မိမိလက်ထက်တွင် ဘုရားသခင်၏အလိုတော်ကို ဆောင်ရွက်ပြီးနောက် ကွယ်လွန်၍ မိမိဘိုးဘေးတို့၏သင်္ချိုင်းတွင် သင်္ဂြိုဟ်ခံရပြီး ပုပ်ပျက်ခဲ့ရ၏။ 37သို့သော်လည်း ဘုရားသခင်ရှင်ပြန်ထမြောက်စေတော်မူသော ယေရှုသည် ပုပ်ပျက်ခြင်းကို မတွေ့ကြုံခဲ့ရပေ။
38ထို့ကြောင့် ညီအစ်ကိုမောင်နှမတို့… အပြစ်ခွင့်လွှတ်ခြင်းတရားကို ထိုယေရှုအားဖြင့် သင်တို့အား ဟောပြောသည်ကိုလည်းကောင်း၊ 39ထိုအရှင်ကို ယုံကြည်သောသူရှိသမျှတို့သည် မောရှေ၏ပညတ်တရားအရ မလွှတ်နိုင်သောအပြစ်များမှ လွတ်ခွင့်ရသည်ကိုလည်းကောင်း သင်တို့သိမှတ်ကြလော့။ 40ထို့ကြောင့် ပရောဖက်များဟောပြောခဲ့သည့်အရာသည် သင်တို့တွင် မဖြစ်စေရန် သတိပြုကြလော့။ ထိုပရောဖက်များ ဟောပြောသည်မှာ
41‘အို မထီမဲ့မြင်ပြုသောသူတို့…
ကြည့်ရှုအံ့ဩ၍ ပျက်စီးရာသို့ရောက်ကြလော့။
အဘယ်ကြောင့်ဆိုသော် သင်တို့ခေတ်ကာလတွင် ငါသည် အမှုတစ်ခုပြုမည်ဖြစ်သောကြောင့်ပင်။
တစ်စုံတစ်ယောက်က ထိုအမှုကို သင်တို့အား ပြောပြလျှင်လည်း
လုံးဝယုံကြည်ကြမည်မဟုတ်’#13:41 ဟေဗြဲ ၁:၅။
ဟူ၍ ဖြစ်သည်” ဟု ဟောပြောလေ၏။
42ပေါလုနှင့် ဗာနဗတို့သည် ထိုဝတ်ပြုဆောင်မှ ထွက်ခွာကြစဉ် လူများက ဤအကြောင်းအရာများကို နောက်ဥပုသ်နေ့တွင် ထပ်မံဟောပြောရန် သူတို့အားတောင်းဆိုကြ၏။ 43ဂျူးဝတ်ပြုဆောင်မှ အစည်းအဝေးရုပ်သိမ်းသောအခါ ဂျူးအများအပြားနှင့် ဘုရားသခင်ကိုကိုးကွယ်သောဂျူးဘာသာဝင်ဖြစ်လာသူတို့သည် ပေါလုနှင့်ဗာနဗနောက်သို့ လိုက်ကြ၏။ သူတို့နှစ်ဦးသည်လည်း ထိုသူတို့အား ဘုရားသခင်၏ကျေးဇူးတော်ကို အမှီပြု၍ ဆက်လက်ရှင်သန်ရန် ပြောဆိုတိုက်တွန်းကြ၏။
လူမျိုးခြားများဆီသို့ ပေါလုဦးတည်ခြင်း
44နောက်ဥပုသ်နေ့တွင် ဘုရားသခင်၏နှုတ်ကပတ်တရားတော်ကိုကြားနာရန် တစ်မြို့လုံးနီးပါး စုရုံးလာကြ၏။ 45သို့သော် ဂျူးတို့သည် ထိုလူအုပ်ကို မြင်သောအခါ မနာလိုစိတ်နှင့် ပြည့်ကြသဖြင့် ပေါလုဟောပြောသောအရာများကို ဆန့်ကျင်၍ ပေါလုအား စော်ကားပြောဆိုကြ၏။
46ထိုအခါ ပေါလုနှင့် ဗာနဗတို့သည် ရဲရင့်စွာ ဟောပြောကြသည်မှာ “ဘုရားသခင်၏နှုတ်ကပတ်တရားတော်ကို သင်တို့ထံဦးစွာ ဟောပြောရ၏။ သို့သော် ထိုအရာကိုသင်တို့သည် ငြင်းပယ်၍ ထာဝရအသက်သည် သင်တို့နှင့်မထိုက်တန်ကြောင်း မှတ်ယူဆုံးဖြတ်သောကြောင့် ယခုကျွန်ုပ်တို့သည် လူမျိုးခြားများဆီသို့ ဦးတည်ကြ၏။ 47အဘယ်ကြောင့်ဆိုသော် ထာဝရဘုရားက ကျွန်ုပ်တို့အား
‘သင်တို့#13:47 မူရင်းဂရိကျမ်းတွင် “သင်” ဟု ပါရှိသည်။သည် ကမ္ဘာမြေအဆုံးတိုင်အောင် ကယ်တင်ခြင်းတရားကို မျှဝေနိုင်ရန်
ငါသည်သင်တို့ကို လူမျိုးခြားများအတွက် အလင်းဖြစ်စေရန် ခန့်ထား၏’#13:47 ဟေရှာ ၄၉:၆။ ဟု မိန့်တော်မူသည်”
ဟူ၍ ဖြစ်၏။
48ဤစကားကို လူမျိုးခြားများကြားကြသောအခါ ဝမ်းမြောက်၍ သခင်ဘုရား၏နှုတ်ကပတ်တရားတော်ကို ချီးမွမ်းကြ၏။ ထာဝရအသက်ရရန် ဘုရားသခင်ရွေးချယ်တော်မူသောသူရှိသမျှတို့သည် ယုံကြည်သက်ဝင်လာကြ၏။ 49ထိုသို့အားဖြင့် သခင်ဘုရား၏နှုတ်ကပတ်တရားတော်သည် ထိုဒေသတွင် ပျံ့နှံ့သွားလေ၏။
50သို့သော် ဂျူးတို့သည် ဘုရားတရားကိုင်းရှိုင်းသော ဂုဏ်သရေရှိအမျိုးသမီးများနှင့် မြို့၌အရေးပါသောအမျိုးသားများအား လှုံ့ဆော်ကာ ပေါလုနှင့် ဗာနဗကို ဆန့်ကျင်၍ ညှဉ်းပန်းနှိပ်စက်စေပြီး သူတို့ကို မိမိတို့၏နယ်များမှ နှင်ထုတ်ကြ၏။ 51ထို့ကြောင့် ပေါလုနှင့် ဗာနဗတို့သည် ထိုသူတို့အား သတိပေးသည့်အနေဖြင့် ခြေမှဖုန်မှုန့်များကို ခါချ၍ ဣကောနိမြို့သို့ သွားကြ၏။ 52တပည့်တော်များသည်လည်း ဝမ်းမြောက်၍ သန့်ရှင်းသောဝိညာဉ်တော်နှင့် ပြည့်ဝလျက်ရှိကြ၏။
S'ha seleccionat:
တမန်တော် 13: BCB
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
ခေတ်သစ်မြန်မာ သမ္မာကျမ်း™
မူပိုင်ခွင့်၊ © Biblica Inc. ၁၉၈၅၊ ၂၀၂၄
ခွင့်ပြုချက်ဖြင့် အသုံးပြုသည်။ ကမ္ဘာတစ်ဝန်းမူပိုင်ခွင့်များရယူပြီးဖြစ်သည်။
Burmese Contemporary Bible™
Copyright © 1985, 2024 by Biblica, Inc.
Used with permission. All rights reserved worldwide.
တမန်တော် 13
13
1ဆီးရီးယားပြည် အန္တိအုတ်မြို့ရှိ အသင်းတော်တွင် ပရောဖက်များနှင့် ဆရာများ ရှိကြ၏။ ထိုသူတို့မှာ ဗာနဗ၊ လူမည်း#13:1 မူရင်းဂရိကျမ်းတွင် “နိဂါ” ဟု ပါရှိသည်။ဟု ခေါ်သောရှိမောင်၊ ကုရေနေမြို့သား လုကိ၊ နယ်စားဟေရုဒ်၏ငယ်ပေါင်း မာနင်နှင့် ရှောလုတို့ဖြစ်ကြ၏။ 2ထိုသူတို့သည် သခင်ဘုရားကိုဝတ်ပြု၍ အစာရှောင်နေကြစဉ် သန့်ရှင်းသောဝိညာဉ်တော်က “ငါခန့်အပ်သောအမှုကို ဆောင်ရွက်ရန် ဗာနဗနှင့် ရှောလုတို့ကို သီးသန့်ရွေးချယ်ကြလော့” ဟု ဆို၏။ 3ထို့နောက် အစာရှောင်၍ ဆုတောင်းလျက် ထိုသူတို့အပေါ် လက်တင်ပြီးနောက် စေလွှတ်လိုက်ကြ၏။
ပေါလု၏ ပထမသာသနာပြုခရီးစဉ်
4သန့်ရှင်းသောဝိညာဉ်တော်၏ စေလွှတ်ခြင်းခံရသည့်အတိုင်း ပေါလုနှင့်ဗာနဗတို့သည် သေလုကိမြို့သို့ သွား၍ ထိုမှတစ်ဆင့် ဆိုက်ပရပ်ကျွန်းသို့ ရွက်လွှင့်ကြ၏။ 5ရှာလမိမြို့သို့ ရောက်သောအခါ ဂျူးဝတ်ပြုဆောင်များတွင် ဘုရားသခင်၏နှုတ်ကပတ်တရားတော်ကို ဟောပြောကြ၏။ ယောဟန်မာကုသည်လည်း သူတို့၏လက်ထောက်အဖြစ် ပါရှိလေ၏။
6ကျွန်းတစ်ခုလုံးကို လှည့်လည်၍ ပါဖုမြို့တိုင် ရောက်ကြသောအခါ ဗာယေရှုအမည်ရှိသော ပရောဖက်အတုအယောင်၊ ဂျူးလူမျိုးမှော်ဆရာတစ်ဦးကို တွေ့ကြ၏။ 7ထိုသူသည် ဉာဏ်ရည်ထက်မြက်သောမြို့ဝန်မင်း သေရဂိပေါလု၏မိတ်ဆွေဖြစ်၏။ ထိုမြို့ဝန်မင်းသည် ဘုရားသခင်၏နှုတ်ကပတ်တရားတော်ကို ကြားနာလို၍ ဗာနဗနှင့်ရှောလုကို ဖိတ်ခေါ်လေ၏။ 8သို့ရာတွင် မှော်ဆရာဟု အဓိပ္ပာယ်ရသောဧလုမအမည်ရှိသည့် ထိုသူသည် ဗာနဗနှင့်ရှောလုတို့ကို ဆန့်ကျင်၍ ထိုမြို့ဝန်မင်းကို ယုံကြည်ခြင်းမှလမ်းလွှဲစေရန် ကြိုးပမ်းလေ၏။
9ထိုအခါ ပေါလုဟု ခေါ်တွင်သော ရှောလုသည် သန့်ရှင်းသောဝိညာဉ်တော်နှင့် ပြည့်ဝလျက် ထိုသူကို စူးစိုက်ကြည့်ကာ 10“အို လှည့်စားမှုအပေါင်း၊ ဆိုးသွမ်းမှုအပေါင်းနှင့် ပြည့်သောမာရ်နတ်၏သား… ဖြောင့်မတ်ခြင်းအပေါင်းတို့၏ရန်သူ… သင်သည် ထာဝရဘုရား၏ဖြောင့်ဖြူးသောလမ်းတော်တို့ကို ကောက်ကွေ့အောင် ပြုလုပ်နေခြင်းမှ မရပ်တန့်ဘဲမနေနိုင်သလော။ 11ယခု နားထောင်လော့။ ထာဝရဘုရား၏လက်တော်သည် သင့်ကို ဒဏ်ခတ်၍ သင်သည် အချိန်တစ်ခုကြာသည်အထိ မျက်စိကွယ်လျက် နေကိုမမြင်ရဘဲနေလိမ့်မည်” ဟု ဆို၏။ ချက်ချင်းပင် သူသည် အမြင်မှုန်ဝါးလာ၍ မှောင်မိုက်သွားသဖြင့် လက်တွဲခေါ်မည့်သူကို ရှာလျက်နေ၏။
12မြို့ဝန်မင်းသည် ထိုအဖြစ်အပျက်ကို မြင်သောအခါ သခင်ဘုရား၏တရားတော်ကို အံ့ဩမိန်းမော၍ ယုံကြည်သက်ဝင်လေ၏။
ပိသိဒိပြည် အန္တိအုတ်မြို့တွင် ပေါလုဟောပြောခြင်း
13ထို့နောက် ပေါလုနှင့် အပေါင်းအပါတို့သည် ပါဖုမြို့မှရွက်လွှင့်၍ ပံဖုလိပြည်၊ ပေရဂေမြို့သို့ ရောက်လာကြ၏။ သို့သော် ယောဟန်မာကုသည် သူတို့ထံမှထွက်ခွာ၍ ဂျေရုဆလင်မြို့သို့ ပြန်လေ၏။ 14သူတို့သည် ပေရဂေမြို့ကိုဖြတ်သွား၍ ပိသိဒိပြည်ရှိ အန္တိအုတ်မြို့သို့ ရောက်ကြ၏။
ဥပုသ်နေ့တွင် ဂျူးဝတ်ပြုဆောင်သို့ဝင်၍ ထိုင်ကြ၏။ 15ပညတ်ကျမ်းနှင့် ပရောဖက်ကျမ်းများကို ဖတ်ပြီးနောက် ဂျူးဝတ်ပြုဆောင်မှူးများက “ညီအစ်ကိုတို့… သင်တို့ထံတွင် ပရိသတ်များအတွက် အားပေးတိုက်တွန်းစကားရှိပါကဝေမျှပေးပါ” ဟု လူလွှတ်၍ ပြောစေ၏။
16ထိုအခါ ပေါလုသည် ထ၍ လက်ရိပ်ပြပြီးလျှင် “အစ္စရေးလူမျိုးတို့မှစ၍ ဘုရားသခင်ကိုကိုးကွယ်ကြသောလူမျိုးခြားတို့… နားထောင်ကြလော့။
17ဤအစ္စရေးလူမျိုး၏ဘုရားသခင်သည် ကျွန်ုပ်တို့၏ဘိုးဘေးများကို ရွေးချယ်၍ အီဂျစ်ပြည်၌ ဧည့်သည်အဖြစ် ရှိနေစဉ်အတွင်း ချီးမြှောက်ကာ လူဦးရေတိုးပွားစေတော်မူ၏။ အားကြီးသောလက်တော်ဖြင့်လည်း ထိုတိုင်းပြည်မှ ခေါ်ထုတ်တော်မူ၏။ 18ထို့နောက် တောကန္တာရ၌ အနှစ်လေးဆယ်ကာလခန့် ထိုသူတို့အား စောင့်ရှောက်တော်မူ၏။#13:18 အချို့လက်ရေးမူကျမ်းများတွင် “သည်းခံတော်မူ၏” ဟု တွေ့ရှိရသည်။ 19ခါနန်ပြည်ရှိ လူမျိုးခုနစ်မျိုးကို ဖျက်ဆီးတော်မူပြီးမှ ထိုသူတို့၏ပြည်ကို အစ္စရေးလူမျိုးတို့အား အမွေအဖြစ်ခွဲဝေပေးတော်မူ၏။ 20ဤအရာတို့သည် နှစ်ပေါင်းလေးရာငါးဆယ်ခန့် ကြာ၏။ ထိုပြည်တို့ကို တရားသူကြီးများအား အုပ်ချုပ်ခွင့်ပေးတော်မူသည်မှာ ပရောဖက်ရှမွေလအချိန်ထိတိုင်ဖြစ်၏။
21ထို့နောက် သူတို့သည် ရှင်ဘုရင်တစ်ပါး တင်မြှောက်ပေးရန် တောင်းဆိုကြသဖြင့် ဘုရားသခင်သည် ဗင်္ယာမိန်အနွယ်၊ ကိရှိ၏သား၊ ရှောလုကို ဘုရင်အဖြစ်ခန့်ထားတော်မူ၏။ ရှောလုသည်လည်း သူတို့အား အနှစ်လေးဆယ် အုပ်ချုပ်၏။ 22ဘုရားသခင်သည် ရှောလုကိုဖယ်ရှားပြီးနောက် ဒါဝိဒ်အား သူတို့၏ဘုရင်အဖြစ် တင်မြှောက်တော်မူ၏။ ဒါဝိဒ်နှင့်ပတ်သက်၍ သက်သေခံတော်မူလျက် ‘ငါ၏စိတ်တော်နှင့်တွေ့သူ၊ ယေရှဲ၏သား ဒါဝိဒ်ကို ငါတွေ့ပြီ။ သူသည် ငါအလိုရှိသမျှကို ဆောင်ရွက်လိမ့်မည်’#13:22 ၁ ရာ ၁၃:၁၄။ ဟု မိန့်တော်မူ၏။
23ဘုရားသခင်သည် ကတိပြုတော်မူသည့်အတိုင်း ဒါဝိဒ်မင်း၏မျိုးဆက်မှ အစ္စရေးလူမျိုးအတွက် ယေရှုဟူသောကယ်တင်ရှင်တစ်ပါးကို ပို့ဆောင်ပေးတော်မူ၏။ 24ထိုအရှင်မကြွလာမီ ယောဟန်သည် အစ္စရေးလူမျိုးအားလုံးတို့အား နောင်တနှင့်ဆိုင်သော နှစ်ခြင်းမင်္ဂလာတရားကို ကြိုတင်ဟောပြောလေ၏။ 25မိမိလုပ်ငန်း ပြီးမြောက်ချိန်နီးသောအခါ ယောဟန်က ‘သင်တို့သည် ငါ့အားမည်သူဖြစ်သည်ဟု ထင်မြင်ကြသနည်း။ ငါသည် ထိုအရှင်မဟုတ်ပါ။ ထိုအရှင်သည် ငါ့နောက်တွင် ကြွလာလိမ့်မည်။ ငါသည် ထိုအရှင်၏ခြေတော်မှ ဖိနပ်ကြိုးကို ဖြေပေးရန်ပင် မထိုက်တန်ပါ’ ဟု ဆိုလေ၏။
26အို အာဗြဟံ၏မျိုးဆက် ညီအစ်ကိုမောင်နှမတို့မှစ၍ ဘုရားသခင်ကို ကိုးကွယ်ကြသောလူမျိုးခြားတို့… ဘုရားသခင်သည် ဤကယ်တင်ခြင်းတရားတော်ကို ငါတို့ထံ#13:26 အစောပိုင်းကျသောအချို့လက်ရေးမူကျမ်းများတွင် “သင်တို့ထံသို့” ဟု တွေ့ရှိရသည်။ ပေးပို့တော်မူ၏။ 27ယေရှုသည် ထိုကယ်တင်ရှင်ဖြစ်ကြောင်းကို ဂျေရုဆလင်မြို့တွင် နေထိုင်သောသူများနှင့် ထိုသူတို့၏အုပ်ချုပ်သူများသည် မသိကြ။ ဥပုသ်နေ့တိုင်း ရွတ်ဖတ်သော ပရောဖက်တို့၏စကားများကိုလည်း မသိနားမလည်ကြ။ ထို့ကြောင့် သူတို့သည် ထိုအရှင်ကို ပြစ်ဒဏ်ပေးခြင်းအားဖြင့် ပရောဖက်တို့၏စကားများအတိုင်း ဖြစ်လာစေကြ၏။ 28ထိုအရှင်ထံတွင် သေဒဏ်ပေးထိုက်သောပြစ်ချက်ကို မတွေ့ရသော်လည်း သေဒဏ်ပေးရန် ပိလတ်မင်းအားတောင်းဆိုကြ၏။
29ထိုအရှင်နှင့်ပတ်သက်၍ ကျမ်းစာတွင် ရေးသားထားသမျှကို ဆောင်ရွက်ကြပြီးနောက် အလောင်းတော်ကို သစ်တိုင်#13:29 မူရင်းဂရိစကားလုံးတွင် သစ်ပင်၊ သို့မဟုတ် သစ်သား ဟု အဓိပ္ပာယ်ရပြီး ထိုအဓိပ္ပာယ်မှတစ်ဆင့် လက်ဝါးကပ်တိုင်ဟုလည်း ရည်ညွှန်းနိုင်သည်။မှ ချ၍ သင်္ချိုင်းဂူတွင် ထားကြ၏။ 30သို့ရာတွင် ဘုရားသခင်သည် သူ့ကို သေခြင်းမှ ရှင်ပြန်ထမြောက်စေတော်မူ၏။ 31ထိုအရှင်သည် ဂါလိလဲပြည်မှ ဂျေရုဆလင်မြို့သို့ သူနှင့်အတူ လိုက်ပါလာကြသောသူတို့အား ရက်ပေါင်းများစွာ ကိုယ်ထင်ပြတော်မူ၏။ ယခုတွင် ထိုသူတို့သည် လူများရှေ့တွင် သခင်ဘုရား၏သက်သေများဖြစ်ကြ၏။
32ကျွန်ုပ်တို့သည် ဘိုးဘေးများအား ဘုရားသခင်ကတိပြုသော ထိုသတင်းကောင်းကို သင်တို့ထံ ယူဆောင်လာကြ၏။ 33ဘုရားသခင်သည် ယေရှုကို ရှင်ပြန်ထမြောက်စေတော်မူခြင်းအားဖြင့် ဘိုးဘေးတို့၏သားသမီးများဖြစ်ကြသော ကျွန်ုပ်တို့အတွက် ထိုကတိတော်ကို ပြည့်စုံစေတော်မူ၏။ ဒုတိယမြောက်ဆာလံကျမ်းတွင်
‘သင်သည် ငါ၏သားဖြစ်၏။
ယနေ့တွင် သင့်ကို ငါ၏သား ဖြစ်စေပြီ’#13:33 ဆာ ၂:၇။
ဟူ၍ ရေးသားထား၏။ 34သားတော်ကို သေခြင်းမှ ရှင်ပြန်ထမြောက်စေတော်မူပြီး ပုပ်ပျက်ခြင်းသို့ ထပ်မံမရောက်စေမည့်အကြောင်းနှင့် ပတ်သက်၍ ဘုရားသခင်က ‘ဒါဝိဒ်အား ပေးတော်မူသည့် မြင့်မြတ်၍ ယုံကြည်ထိုက်သောကောင်းချီးများကို သင်တို့အား ငါပေးမည်’#13:34 ဆာ ၁၆:၁၀။ ဟူ၍ မိန့်တော်မူ၏။ 35ထို့ကြောင့် အခြားဆာလံကျမ်းတွင်လည်း ‘ကိုယ်တော်၏သန့်ရှင်းသူကို ပုပ်ပျက်ခြင်းနှင့် ကြုံတွေ့စေတော်မူမည်မဟုတ်’#13:35 ဆာ ၁၆:၁၀။ ဟု ဖော်ပြထား၏။ 36ဒါဝိဒ်မင်းသည် မိမိလက်ထက်တွင် ဘုရားသခင်၏အလိုတော်ကို ဆောင်ရွက်ပြီးနောက် ကွယ်လွန်၍ မိမိဘိုးဘေးတို့၏သင်္ချိုင်းတွင် သင်္ဂြိုဟ်ခံရပြီး ပုပ်ပျက်ခဲ့ရ၏။ 37သို့သော်လည်း ဘုရားသခင်ရှင်ပြန်ထမြောက်စေတော်မူသော ယေရှုသည် ပုပ်ပျက်ခြင်းကို မတွေ့ကြုံခဲ့ရပေ။
38ထို့ကြောင့် ညီအစ်ကိုမောင်နှမတို့… အပြစ်ခွင့်လွှတ်ခြင်းတရားကို ထိုယေရှုအားဖြင့် သင်တို့အား ဟောပြောသည်ကိုလည်းကောင်း၊ 39ထိုအရှင်ကို ယုံကြည်သောသူရှိသမျှတို့သည် မောရှေ၏ပညတ်တရားအရ မလွှတ်နိုင်သောအပြစ်များမှ လွတ်ခွင့်ရသည်ကိုလည်းကောင်း သင်တို့သိမှတ်ကြလော့။ 40ထို့ကြောင့် ပရောဖက်များဟောပြောခဲ့သည့်အရာသည် သင်တို့တွင် မဖြစ်စေရန် သတိပြုကြလော့။ ထိုပရောဖက်များ ဟောပြောသည်မှာ
41‘အို မထီမဲ့မြင်ပြုသောသူတို့…
ကြည့်ရှုအံ့ဩ၍ ပျက်စီးရာသို့ရောက်ကြလော့။
အဘယ်ကြောင့်ဆိုသော် သင်တို့ခေတ်ကာလတွင် ငါသည် အမှုတစ်ခုပြုမည်ဖြစ်သောကြောင့်ပင်။
တစ်စုံတစ်ယောက်က ထိုအမှုကို သင်တို့အား ပြောပြလျှင်လည်း
လုံးဝယုံကြည်ကြမည်မဟုတ်’#13:41 ဟေဗြဲ ၁:၅။
ဟူ၍ ဖြစ်သည်” ဟု ဟောပြောလေ၏။
42ပေါလုနှင့် ဗာနဗတို့သည် ထိုဝတ်ပြုဆောင်မှ ထွက်ခွာကြစဉ် လူများက ဤအကြောင်းအရာများကို နောက်ဥပုသ်နေ့တွင် ထပ်မံဟောပြောရန် သူတို့အားတောင်းဆိုကြ၏။ 43ဂျူးဝတ်ပြုဆောင်မှ အစည်းအဝေးရုပ်သိမ်းသောအခါ ဂျူးအများအပြားနှင့် ဘုရားသခင်ကိုကိုးကွယ်သောဂျူးဘာသာဝင်ဖြစ်လာသူတို့သည် ပေါလုနှင့်ဗာနဗနောက်သို့ လိုက်ကြ၏။ သူတို့နှစ်ဦးသည်လည်း ထိုသူတို့အား ဘုရားသခင်၏ကျေးဇူးတော်ကို အမှီပြု၍ ဆက်လက်ရှင်သန်ရန် ပြောဆိုတိုက်တွန်းကြ၏။
လူမျိုးခြားများဆီသို့ ပေါလုဦးတည်ခြင်း
44နောက်ဥပုသ်နေ့တွင် ဘုရားသခင်၏နှုတ်ကပတ်တရားတော်ကိုကြားနာရန် တစ်မြို့လုံးနီးပါး စုရုံးလာကြ၏။ 45သို့သော် ဂျူးတို့သည် ထိုလူအုပ်ကို မြင်သောအခါ မနာလိုစိတ်နှင့် ပြည့်ကြသဖြင့် ပေါလုဟောပြောသောအရာများကို ဆန့်ကျင်၍ ပေါလုအား စော်ကားပြောဆိုကြ၏။
46ထိုအခါ ပေါလုနှင့် ဗာနဗတို့သည် ရဲရင့်စွာ ဟောပြောကြသည်မှာ “ဘုရားသခင်၏နှုတ်ကပတ်တရားတော်ကို သင်တို့ထံဦးစွာ ဟောပြောရ၏။ သို့သော် ထိုအရာကိုသင်တို့သည် ငြင်းပယ်၍ ထာဝရအသက်သည် သင်တို့နှင့်မထိုက်တန်ကြောင်း မှတ်ယူဆုံးဖြတ်သောကြောင့် ယခုကျွန်ုပ်တို့သည် လူမျိုးခြားများဆီသို့ ဦးတည်ကြ၏။ 47အဘယ်ကြောင့်ဆိုသော် ထာဝရဘုရားက ကျွန်ုပ်တို့အား
‘သင်တို့#13:47 မူရင်းဂရိကျမ်းတွင် “သင်” ဟု ပါရှိသည်။သည် ကမ္ဘာမြေအဆုံးတိုင်အောင် ကယ်တင်ခြင်းတရားကို မျှဝေနိုင်ရန်
ငါသည်သင်တို့ကို လူမျိုးခြားများအတွက် အလင်းဖြစ်စေရန် ခန့်ထား၏’#13:47 ဟေရှာ ၄၉:၆။ ဟု မိန့်တော်မူသည်”
ဟူ၍ ဖြစ်၏။
48ဤစကားကို လူမျိုးခြားများကြားကြသောအခါ ဝမ်းမြောက်၍ သခင်ဘုရား၏နှုတ်ကပတ်တရားတော်ကို ချီးမွမ်းကြ၏။ ထာဝရအသက်ရရန် ဘုရားသခင်ရွေးချယ်တော်မူသောသူရှိသမျှတို့သည် ယုံကြည်သက်ဝင်လာကြ၏။ 49ထိုသို့အားဖြင့် သခင်ဘုရား၏နှုတ်ကပတ်တရားတော်သည် ထိုဒေသတွင် ပျံ့နှံ့သွားလေ၏။
50သို့သော် ဂျူးတို့သည် ဘုရားတရားကိုင်းရှိုင်းသော ဂုဏ်သရေရှိအမျိုးသမီးများနှင့် မြို့၌အရေးပါသောအမျိုးသားများအား လှုံ့ဆော်ကာ ပေါလုနှင့် ဗာနဗကို ဆန့်ကျင်၍ ညှဉ်းပန်းနှိပ်စက်စေပြီး သူတို့ကို မိမိတို့၏နယ်များမှ နှင်ထုတ်ကြ၏။ 51ထို့ကြောင့် ပေါလုနှင့် ဗာနဗတို့သည် ထိုသူတို့အား သတိပေးသည့်အနေဖြင့် ခြေမှဖုန်မှုန့်များကို ခါချ၍ ဣကောနိမြို့သို့ သွားကြ၏။ 52တပည့်တော်များသည်လည်း ဝမ်းမြောက်၍ သန့်ရှင်းသောဝိညာဉ်တော်နှင့် ပြည့်ဝလျက်ရှိကြ၏။
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
ခေတ်သစ်မြန်မာ သမ္မာကျမ်း™
မူပိုင်ခွင့်၊ © Biblica Inc. ၁၉၈၅၊ ၂၀၂၄
ခွင့်ပြုချက်ဖြင့် အသုံးပြုသည်။ ကမ္ဘာတစ်ဝန်းမူပိုင်ခွင့်များရယူပြီးဖြစ်သည်။
Burmese Contemporary Bible™
Copyright © 1985, 2024 by Biblica, Inc.
Used with permission. All rights reserved worldwide.