Romye 12
12
Hamatee ka myentə
1Gə-angɨn ji-nuwo, hɨnə dɨ nyisəwnə gə gbaktɨ puruta Həmɨnpwa, hwuna vədə nəngəwnə kwa hamatee ka myentə mya kəpdə gə le da Həmɨnpwa ite ha ɓa nɨngən kaarə. Angɨn nə kala-gbəəte a vor pitə. 2Ɓe hwunaa koɗə ɗashe ɓətɨya mi vɨra wanetɨnə a dɨ ɗa, ɗakamə Həmɨnpwa nda viriwa dəwnə gəkɨlə hwuna nggəɗə dɨ ha səɗə-yedye dəwnə. Də hwun ɓa shea lee sa Həmɨnpwa a dɨ mwo bwang, a wule pepete haa ɓa nɨngən kaarə.
3Dɨ ha gəte Həmɨnpwa a vi na dɨ boyə nagi ndo ma a vorsəwnə atɨ, ɓe hwunaa nggur nəngəwnə a saaɗə. Shezə hwun ta nidə nəngəwnə ka səɗə-yedi hyatane kəni-kəni ka wule mwadiyala Həmɨnpwa a və nagi ndo ma a wakasəwnə. 4Ɓətɨya nagi ndo ma nə ka kada sɨtə hiɗə, ngga ɓə təkə som-som nagi ndo basa ka lyentɨ dan, 5sə mgban mye peyəm gəm sɨtə hiɗə, gəkɨlə hɨm nə ɓwaa ka Ma Həmɨnpwa a Yaɓwarən, nagi ndo ma mgban hɨnggə mbiɗitə nə. 6Nagi ndo ma a wakasəm nee ka wule gəte Həmɨnpwa a wulakan a vən. Anda kpalti Həmɨnpwa a vən, nda kpalə kəni-kəni ka wule mwadiyala Həmɨnpwa a vən. 7Anda gwadə ɓwaare ka lyenti, ndi ta gwadəha. Anda lyentɨ kəndəshi mya vən, ndi ta kəndəshe. 8Anda lyentɨ nyerədə ɓwaare mya vən, ndi ta nyerədəha. Ma mgban mya vən həmtə ka ɓwaare ka wule sa nda gə kan, ndi ta ɗaasə ka hubosən hiɗə. Ma mgban mya vən jin ɓwaare, ndi ta jintɨrən ka diyale. Anda bɨlə ɓwaare puruti mya və ma, maa nda ɗaasə ka hanɨngtə.
Mwomsə
9Mwoha mbak-mbak, nda gə ka diyale. Kwom sa hashi-hashi, kpɨripəm sa pepe. 10Bɨləməsə mwosətə ɓətɨ hwunə hiɗə a dangəwnə, nagi ndo ma a ndukodə kpeyəsən a pɨrgə nənəngɨn. 11Ɓe sɨsəwnə aa kpalagəwnə, shezə hwuna gə ka pɨpɨrə ɗa lyenta Həmɨmiye. 12Ɗam hanɨngtə gəkɨlə hwunə ka bəə myentə a haka Həmɨnpwa, hwun ta nggur mbasɨtə a vor tənətɨ dəwnə, vəmdə nəngəwnə hwun ta ɗa hiwtə ka ɓwamosowe. 13Hwun ta gwadə myee da Həmɨnpwa 'ye taa asə kaarən dɨ vorsa hwuna gə kan. Hwun ta luu omye pepe a hwodəwnə.
14Nyisəmə Həmɨnpwa a nə myee dɨ tənəə dəwnə nda ɗarən səfeme, ɓe hwunaa hiwdərən. 15Myee a vor hanɨngtə, hwuna ɗa hanɨngtə kaarən. Myee mgban dɨ təwi, hwuna təwo kaarən. 16Sə mgban hwuna nza a kətsə pepe. Ɓe hwunaa gə ka ngguune, hwun ta pedə nəngəwnə ka wule myee fukasərən aa tɨlka hɨnggəwnə. Ɓe hwunaa nggur nəngəwnə ɓətɨ hwunə pɨrgə mbiɗitɨ ɓwaare.
17Ma kat vyetəwnə hashi-hashi, ɓe hwunaa vyetən sə. Hwuna gə ka ɗyangale a nə səfema hwuna dɨ ɗa a humwa ɓwaare kat. 18Na mwotənə ɗɨmtə, hwuna ɓərə a nza pepe ka ɗoltə ka ɓwaare kat. 19Ji-nuwo 'ye na dɨ mwo, ɓe hwunaa vyetə ɓətɨya mya vyetəwnə, ɗakamə yedi-kɨtta Həmɨnpwa naa ngga janga a nəngrən. Ɓətɨya Həmɨmiye a boyə vor Malɨmtɨ Ɗəmɗəmtə atɨ, “Hɨn ɓa puk-sɨkunge, hɨn ɓa mbwarən ka wule sa təna ɗa.”#12.19 Naasə: Gɨraha 32.35. 20Ɓətɨya mya mɨna doro atɨ,
“Myatə kana gə nzə-nyaagu,
vən sɨzɨmtə a nda zɨmə,
wor-haɓye kana gən,
vən haɓye a nda soɓwo.
Dɨ haa ɗatɨngɨn hye ɓa gbəwondə kələngə ɗiye a nəngɨn,
ndəng sopye ɓa gən nda virwa.”#12.20 Naasə: Mbasəɗe 25.21-22.
21Ɓe hwunaa mwa sa hashi-hashi a mgbɨləwnə, mgbɨləmə sa hashi-hashi ka ɗa səfeme.
S'ha seleccionat:
Romye 12: bcy
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.
Romye 12
12
Hamatee ka myentə
1Gə-angɨn ji-nuwo, hɨnə dɨ nyisəwnə gə gbaktɨ puruta Həmɨnpwa, hwuna vədə nəngəwnə kwa hamatee ka myentə mya kəpdə gə le da Həmɨnpwa ite ha ɓa nɨngən kaarə. Angɨn nə kala-gbəəte a vor pitə. 2Ɓe hwunaa koɗə ɗashe ɓətɨya mi vɨra wanetɨnə a dɨ ɗa, ɗakamə Həmɨnpwa nda viriwa dəwnə gəkɨlə hwuna nggəɗə dɨ ha səɗə-yedye dəwnə. Də hwun ɓa shea lee sa Həmɨnpwa a dɨ mwo bwang, a wule pepete haa ɓa nɨngən kaarə.
3Dɨ ha gəte Həmɨnpwa a vi na dɨ boyə nagi ndo ma a vorsəwnə atɨ, ɓe hwunaa nggur nəngəwnə a saaɗə. Shezə hwun ta nidə nəngəwnə ka səɗə-yedi hyatane kəni-kəni ka wule mwadiyala Həmɨnpwa a və nagi ndo ma a wakasəwnə. 4Ɓətɨya nagi ndo ma nə ka kada sɨtə hiɗə, ngga ɓə təkə som-som nagi ndo basa ka lyentɨ dan, 5sə mgban mye peyəm gəm sɨtə hiɗə, gəkɨlə hɨm nə ɓwaa ka Ma Həmɨnpwa a Yaɓwarən, nagi ndo ma mgban hɨnggə mbiɗitə nə. 6Nagi ndo ma a wakasəm nee ka wule gəte Həmɨnpwa a wulakan a vən. Anda kpalti Həmɨnpwa a vən, nda kpalə kəni-kəni ka wule mwadiyala Həmɨnpwa a vən. 7Anda gwadə ɓwaare ka lyenti, ndi ta gwadəha. Anda lyentɨ kəndəshi mya vən, ndi ta kəndəshe. 8Anda lyentɨ nyerədə ɓwaare mya vən, ndi ta nyerədəha. Ma mgban mya vən həmtə ka ɓwaare ka wule sa nda gə kan, ndi ta ɗaasə ka hubosən hiɗə. Ma mgban mya vən jin ɓwaare, ndi ta jintɨrən ka diyale. Anda bɨlə ɓwaare puruti mya və ma, maa nda ɗaasə ka hanɨngtə.
Mwomsə
9Mwoha mbak-mbak, nda gə ka diyale. Kwom sa hashi-hashi, kpɨripəm sa pepe. 10Bɨləməsə mwosətə ɓətɨ hwunə hiɗə a dangəwnə, nagi ndo ma a ndukodə kpeyəsən a pɨrgə nənəngɨn. 11Ɓe sɨsəwnə aa kpalagəwnə, shezə hwuna gə ka pɨpɨrə ɗa lyenta Həmɨmiye. 12Ɗam hanɨngtə gəkɨlə hwunə ka bəə myentə a haka Həmɨnpwa, hwun ta nggur mbasɨtə a vor tənətɨ dəwnə, vəmdə nəngəwnə hwun ta ɗa hiwtə ka ɓwamosowe. 13Hwun ta gwadə myee da Həmɨnpwa 'ye taa asə kaarən dɨ vorsa hwuna gə kan. Hwun ta luu omye pepe a hwodəwnə.
14Nyisəmə Həmɨnpwa a nə myee dɨ tənəə dəwnə nda ɗarən səfeme, ɓe hwunaa hiwdərən. 15Myee a vor hanɨngtə, hwuna ɗa hanɨngtə kaarən. Myee mgban dɨ təwi, hwuna təwo kaarən. 16Sə mgban hwuna nza a kətsə pepe. Ɓe hwunaa gə ka ngguune, hwun ta pedə nəngəwnə ka wule myee fukasərən aa tɨlka hɨnggəwnə. Ɓe hwunaa nggur nəngəwnə ɓətɨ hwunə pɨrgə mbiɗitɨ ɓwaare.
17Ma kat vyetəwnə hashi-hashi, ɓe hwunaa vyetən sə. Hwuna gə ka ɗyangale a nə səfema hwuna dɨ ɗa a humwa ɓwaare kat. 18Na mwotənə ɗɨmtə, hwuna ɓərə a nza pepe ka ɗoltə ka ɓwaare kat. 19Ji-nuwo 'ye na dɨ mwo, ɓe hwunaa vyetə ɓətɨya mya vyetəwnə, ɗakamə yedi-kɨtta Həmɨnpwa naa ngga janga a nəngrən. Ɓətɨya Həmɨmiye a boyə vor Malɨmtɨ Ɗəmɗəmtə atɨ, “Hɨn ɓa puk-sɨkunge, hɨn ɓa mbwarən ka wule sa təna ɗa.”#12.19 Naasə: Gɨraha 32.35. 20Ɓətɨya mya mɨna doro atɨ,
“Myatə kana gə nzə-nyaagu,
vən sɨzɨmtə a nda zɨmə,
wor-haɓye kana gən,
vən haɓye a nda soɓwo.
Dɨ haa ɗatɨngɨn hye ɓa gbəwondə kələngə ɗiye a nəngɨn,
ndəng sopye ɓa gən nda virwa.”#12.20 Naasə: Mbasəɗe 25.21-22.
21Ɓe hwunaa mwa sa hashi-hashi a mgbɨləwnə, mgbɨləmə sa hashi-hashi ka ɗa səfeme.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.