Lyenta 7
7
Lamata Istifanus ka ji-shalale
1Də Kɨsahəmə kpane a ɗiyə Istifanus le atɨ, “Ləməgye myee a boyo nanga, sə gərən?”
2Istifanus a luwa a sa, “Ji-nuwo, kat ka hwun yə sɨnggi! Samdə kwakingəwnə kɨləm. Həmɨnpwa ndi ma ka fukatə, a bɨldə nəngɨn a haka baagəm Ibɨraim ite sɨne a vor njiya Mesopotamiya, beetɨ itɨngɨn nə nda pwetə a nza Haran. 3Həmɨnpwa a san atɨ, ‘Dɨmgə vɨrasa ka myee dəw, hye muɗə vor njiya hɨn ɓa bɨlu.’#7.3 Naasə: Tiyatə 12.1.
4“Nda dɨmgə vor njiya da mi Kaldiya, a muɗə a dɨ nza vor Haran. Na baagən ɓe mbɨrə, Həmɨnpwa a maɗadən a shikan a vor njiyanə a haa hwuna nza də ɓəgəng. 5Həmɨnpwa aa və Ibɨraim a gyengə njiya atɨ hɨnggən nə. Həmɨnpwa a vən kwaame atɨ, ndi Həmɨnpwa ɓa və jingɨn ka ji-zeyingɨn kat ka myee ɓa kwaɗa beesərən njiya Kaana. Itɨngɨn mgban Ibɨraim tam ka nze. 6Həmɨnpwa a byelə ka Ibɨraim a san atɨ, ‘Jinga ka ji-zeyinga, kat ka mbiɗitɨ myee dəw 'ye ɓa kwaɗa beesa ɓa gəə rumi a vor njiya some, ta ɗa kɨsawne, mye ɓa tənəə dərən kyawatə haru fwat. 7Shezə hɨn ɓa ɗa myee ɗarən kɨsawne sɨgbəɗye. Beetɨ angɨn tən ɓa ɗaka vor njiyangɨn a mɨna ga a vor njiyanə a kale-gbəətə.’#7.7 Naasə: Tiyatə 15.13,14. 8Beetɨ angɨn, Həmɨnpwa a boyə Ibɨraim a nda ɗa lakəwne sɨnə sa ɓa gən sɨgbəshi la nda boyə a nzandən. Ite mya mwasa Ishaku, də Ibɨraim a jengdən a lakəwne beetɨ bətə fwa-fwat. Dɨ bee mya mwasa Ishaku nze a mya wa atɨ Yakubu, Yakubu mgban mya mwasan je bəw a mbiɗi-kpe, tənə dangnə mi Israila kat.
9“Gəkɨlə dangnə Israila, a je da Yakubu, a ɗa jiwnə mufəngrən Yusufu a ɗərdən nda gəə kɨsa a njiya Ijip. Kat ka angɨn, Həmɨnpwa nee ɓwaa ka Yusufu. 10Həmɨnpwa a dɨmdən gə vor tənətɨ dan kat, a vən lele ka humwa-shengtə a haka Firawna, Hama Ijip. Firawna a mɨndə Yusufu kpana a vor njiya Ijip kat ka voti ta həmɨn Firawna.
11“Ite myatə a fuka a vor njiya Ijip kat ka vor njiya Kaana, ɓwaare a pɨrə vor tənətə kɨr-kɨr, yə sɨnggəm aa yə ɗɨm sɨzɨmtə. 12Ite Yakubu a kɨlə atɨ sɨzɨmtə nee a vor njiya Ijip, nda lyen jingɨn, tən yə sɨnggəm təna zə njiya Ijip zə kwamətə. 13Ite təna mɨn kpeyə zətə a Ijip, də Yusufu a dɨmaadə nəngɨn a boyərən atɨ sɨnə Yusufu, Firawna mgban a shea lee dangnə Yusufu. 14Beetɨ angɨn, Yusufu a lyenshe mya shi ka baagən Yakubu ka mbiɗitɨ mi hwodan kat a njiya Ijip, tən kat tənə bəwtə tukolukpe a mbiɗi-tuf. 15Yakubu kat ka mi hwodan a pwetə njiya Ijip, də ndi ka jingɨn tən yə jigəm a mbərə, 16mya por wogingrən a zə kaarən a Shekyem, mya ɗək wogingrən a vor taana Ibɨraim a ɗərə ka taa a tɨfə je da Hamur a vor Shekyem.
17“Ite bətə a kənə, a bəte Həmɨnpwa a və kwaame atɨ ndi ɓa və Ibɨraim njiya Kaana ɓe naa, itɨngɨn furo myee dam a njiya Ijip maɗə gbakə. 18Də a həmə som, a ma aa lee asə a nə Yusufu, a luu həmnə Ijip. 19Həməngɨn a tiya ɗatə ɗa yə sɨnggəm mi Israila kuta a ndɨlərən ka sɨmwarashe, nda tənədə yə sɨnggəm a ɗɨkdərən gə təna kəjidə ji-kpalamyee təna mwasa gə jingɨn a mbərə.
20“A nzatɨngɨn nə mya mwasa Musa, ndi aa nzə-kpəkɨrəti. Yə sɨnggən a ɓodən a vor hwoɗye lyekətye mwaakɨn. 21Ite mya dɨmə kan a ɗakan a haa bwange, njita həmɨn Firawna a nggutən a gɨrtən ɓətɨ nzəngrə nə. 22Mya kənə Musa shee ɓətɨ mya dɨ kənə mi Ijip byele ka lele. Musa a maɗə a gəə ma kɨr-kɨrə a vor byele dan kat ka lyentɨ dan.
23“Ite kyawatɨ Musa a tɨlə bəwtə fwat, nda ngguro hubosən a fərə, gə nda zə a dɨ niya myee dan, a mi Israila. 24Nda naa a nzə-Ijipti dɨ ɗa nzə-Israilatə sɨmwarashe, Musa a ləw kwaamɨ madan a ɓɨl nzə-Ijiptə. 25Musa a dɨ kana atɨ myee dan mi Israila ɓa leyə atɨ Həmɨnpwa nə lyanarən gə nda dɨmdərən gə kɨsawne. Kat ka angɨn ɓaa, tənaa leyə. 26Ite haa kɨɗa, Musa a woyo a pa i ji-Israilati kpe peyi dɨ nya ka sə. Nda zə hakarən gə nda taka nyatə. Nda sarən, ‘Myee de, mɨnə ɗa hwuna peyə a dɨ nya, aa hwunə mi hiɗəti ma?’
27“Ma dɨ mbaha ka nyatə a ləkədə Musa, a san atɨ, ‘Wonə ɗɨkda atɨ a hye gəə həmə, a ɓashiyena? 28Hye dɨ mwo atɨ hye ɓɨlti ɓətɨ hye ɓɨl nzə-Ijiptə tukong?’#7.28 Naasə: Dɨmatə 2.14. 29Ite Musa a kɨl ləngɨn, nda giɓə a muɗə vor njiya Midiyan, nda nza hangɨn rumo, mya mwasan je kpe.
30“Beetɨ kyawatə bəwtə fwat, malyene a dɨma ka Musa a vor ɗiya dɨ ləwo nə nzɨ-kadatə a vor laawe, gbyel ka Motɨ Sinai. 31Ite Musa a naa ɗiya dɨ ləwi, nda ɗa ndəle kɨr-kɨr, nda gɨsə gbyel ɓa naa səngɨn. Ite nda nggəɓəsə a zə gbyel ka hangɨn, nda kɨla kormɨ Həmɨnpwa atɨ, 32‘Hɨnə Həmɨnpwata yə sɨnggu, Həmɨnpwata Ibɨraim, ka Ishaku, ka Yakubu.’#7.32 Naasə: Dɨmatə 3.6. Kala a gə Musa kɨr-kɨr, ndaa yə mwamdiya a nidə hangɨn.
33“Də Həmɨnpwa a sa Musa atɨ, ‘Saɗagə hwanye a mbwayinga, gəkɨlə haa hye kang kangadə haa ɗəmɗəmə. 34Hɨn naa tənəta myee de a Ijip. Hɨn kɨl kawasərən ka 'yesəwtə darən, gəkɨlə ləngɨn na shi gə na dɨmdərən gə kɨsawne. Wa ɓəgəng na lyenta hye mɨnə vor Ijip.’#7.34 Naasə: Dɨmatə 3.5,7,8,10.
35“Musa tɨngɨn nə a təna kworən a san atɨ, ‘Wonə ɗɨkda atɨ a hye gəə həmə, a ɓashiyena?’ Shezə sɨnə Həmɨnpwa a byelə kan dɨ haka malyene dan a dɨma kan a vor laawe gə nda gəə həmə a mbədə myee dan. 36Musa nə gwadərən, dɨmdərən gə vor Ijip ka wule sɨndəle ka zərgi shikoshopye nda ɗa a vor Ijip ka Sɨkorəntɨ Kpalamtə, ka lyente nda ɗa kyawatə bəwtə fwat a vor laawe.
37“Musa tɨngɨn nə boyə mi Israila atɨ, ‘Həmɨnpwa ɓa nggɨl a kpalə ɓətɨ hɨn, dɨ wakasəwnə ndi ɓa nggɨl mangɨn.’#7.37 Naasə: Dɨmatə 18.15. 38Musa nə koɗi ka petɨ myee da Həmɨnpwa a vor laawe, kat ka yə sɨnggəm, ka malyena byeli kan a nə mwotɨ Sinai. Musa nə mgban luwa ləməgi myentə vəm kat.
39“Shezə yə sɨnggəm a ko, tənaa koɗə kormi Musa. A hubosərən təna kworən a virwo ɓa mɨnə Ijip. 40Təna sa Haruna atɨ, ‘Ɗam pɨle a 'ye ɓa kənəm tɨfe hɨm a mɨnə Ijip, gəkɨlə Musate dɨmaadenə dɨ vor njiya Ijip, hinaa yə lee gəsən ka sa ɓwan.#7.40 Naasə: Dɨmatə 32.1. 41Itɨngɨn nə təna ɗa nəngrən pɨla, ɓətɨ nzə-naakə, təna shi ka pɨlangɨn ka hamatɨ darən, təna ɗa sɨkwale ka sɨlangsətə a ndukodə pɨlaa təna ɗa ka tyefingrən. 42Həmɨnpwa a viriwgərən, a vədərən a haka tyekəlye, ka fəre, ka likɨtə tən ta kalarən-gbəətə. Ləngɨn nə ɓətɨ mya doro vor malɨmta kpalye atɨ,
“ ‘Mi Israila!
Sɨgɨrte hwuna hama kaarən,
aa hɨnə hwuna vi,
pɨle hwuna həmərən kyawatə bəwtə fwat a vor laawe.
43Vɨne da pɨla ɓayaa
mya wa atɨ Molek nə
hwuna ngguro a dɨ woyo kan,
kat ka tikɨle da pɨla dəwnə
a mya wa atɨ Refan,
tənə pɨlee hwuna ɗa a dɨ koɗərən,
a dɨ kalarən-gbəətə.
Gəkɨlə ləngɨn hɨn ɓa omrəwnə a dɨmdəwnə
hwuna muɗə a dɨ gəə rumi’#7.43 Naasə: Amos 5.25.
a dɨ pɨrgə njiya Babila.
44“Yə sɨnggəm nə ka bulkə takale kaarən a vor laawe a wule bulka təna ngguro a dɨ woyo kan. Həmɨnpwa nə boyə Musa atɨ a nda ɗa bulkəngɨn ɓətɨ nda bɨlən. 45Beetɨ angɨn nə yə sɨnggəm a luu bulkəngɨn dɨ haka yə sɨnggərən, təna ngguro a pɨrə kan a vor njiya Kaana a haa Həmɨnpwa a om myee nza də, a nzata Jesuwa. Bulkəngɨn a gə hangɨn baa nzata həmɨn Dawuda, 46ndi ma ɗɨm humwa-shengtə a haka Həmɨnpwa. Dawuda mgban a nyisə Həmɨnpwa atɨ a Həmɨnpwa a ɗakan nda nwo Həmɨnpwata Yakubu haa nzatə. 47Shezə Solomon nə nwo Həmɨnpwa hwoɗingɨn.
48“Ɓə zə ndi Həmɨnpwa Həmɨ gətə kat, ndaawa nza hwoɗyee ɓwaara a nwo. Ɓətɨya kpale a boyo atɨ,
49“ ‘Həmɨmiye nə sa,
“Vor pwanə ruutɨ de,
vɨratə kat nə raamə mbwayi.
Ndo wule hwoɗinə
hwun ɓa nwi?
Ɓə ndo hapiyatinə
hwun ɓa ɗe?
50Aɓə shingɨn kat hɨnə ɗatɨrən.” ’#7.50 Naasə: Ishaya 66.2.
51“Nda ya kwa-hubosəwnə a nyerə tee, yedingəwnə a hasə tee?! Taa kwaki kɨl lə kəwnə?! Hwunə ka wule yedi hashe da yə sɨnggəwnə. Hwuna dɨ kwo wule shee Pitɨ Ɗəmɗəmtə a dɨ kənəwnə. 52Taa ndəng kpalə də mbiɗi a yə sɨnggəwnə aa tənəə dən, təna ɓəl myee kpali bwe ləme da Həmɨnpwa a nə shita Ma pepeye. Mangɨn nə a hwuna mɨna vədən a kɨsə a ɓɨlə ɓəgəng. 53A hwun myee mya vəwnə ɓashita Musa a ite malyenye a shikəwnə kaarə, kat ka itɨngɨn hwunaa koddən.”
Mye kala Istifanus ka fare
54Ite ji-shalale da Yawude 'ye nza hangɨn a kɨl la Istifanus a boyo, təna naa pas ka muune, ta tuula lintə ka yedi-kɨttə gəkɨlə le dan. 55Istifanus ndi manə naa pas ka Pitɨ Ɗəmɗəmtə a maddə nəngɨn a pwa, nda naa ɓɨrtə ka fukata Həmɨnpwa, Yesu nee mgban kangə gyengə Həmɨnpwa a tɨfə zɨməngən. 56Nda sarən, “Niyəm, hɨn naa vor pwa nee wuni bwang, Nze da Ɓwaara mgban nee kangə gyengə Həmɨnpwa a tɨfə zɨməngən.”
57Ite myee nza hangɨn a kɨl ləngɨn, təna tooɗə kwakingrən a pukən gəəshe ka gaawe, təna rɨfakan kat. 58Təna nggəltən a fuwo a dɨmə kan a haa bwange a beetɨ vɨratə a tiya kalasən ka fare. Myee dɨ kala Istifanus ɓa ɓɨltən a saɗagə rokotye darən a pukdərən a haka a nzə-lagba mya wa atɨ Shawulu. 59Ite təne dɨ kalarən ka fare ɓa ɓɨltən, Istifanus a ɗa hiwtə atɨ, “Həmɨmiye Yesu, zə luu pishi.” 60Nda fukə nə ɗyegingɨn a ɗa hiwtə ka korme kpan atɨ, “Həmɨmiye Yesu, nggurərəngə səhase darən, ɓe kɨshi nda nza nəngrən.” Ite ndi ɓe boyə shee, nda mbɨrə.
S'ha seleccionat:
Lyenta 7: bcy
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.
Lyenta 7
7
Lamata Istifanus ka ji-shalale
1Də Kɨsahəmə kpane a ɗiyə Istifanus le atɨ, “Ləməgye myee a boyo nanga, sə gərən?”
2Istifanus a luwa a sa, “Ji-nuwo, kat ka hwun yə sɨnggi! Samdə kwakingəwnə kɨləm. Həmɨnpwa ndi ma ka fukatə, a bɨldə nəngɨn a haka baagəm Ibɨraim ite sɨne a vor njiya Mesopotamiya, beetɨ itɨngɨn nə nda pwetə a nza Haran. 3Həmɨnpwa a san atɨ, ‘Dɨmgə vɨrasa ka myee dəw, hye muɗə vor njiya hɨn ɓa bɨlu.’#7.3 Naasə: Tiyatə 12.1.
4“Nda dɨmgə vor njiya da mi Kaldiya, a muɗə a dɨ nza vor Haran. Na baagən ɓe mbɨrə, Həmɨnpwa a maɗadən a shikan a vor njiyanə a haa hwuna nza də ɓəgəng. 5Həmɨnpwa aa və Ibɨraim a gyengə njiya atɨ hɨnggən nə. Həmɨnpwa a vən kwaame atɨ, ndi Həmɨnpwa ɓa və jingɨn ka ji-zeyingɨn kat ka myee ɓa kwaɗa beesərən njiya Kaana. Itɨngɨn mgban Ibɨraim tam ka nze. 6Həmɨnpwa a byelə ka Ibɨraim a san atɨ, ‘Jinga ka ji-zeyinga, kat ka mbiɗitɨ myee dəw 'ye ɓa kwaɗa beesa ɓa gəə rumi a vor njiya some, ta ɗa kɨsawne, mye ɓa tənəə dərən kyawatə haru fwat. 7Shezə hɨn ɓa ɗa myee ɗarən kɨsawne sɨgbəɗye. Beetɨ angɨn tən ɓa ɗaka vor njiyangɨn a mɨna ga a vor njiyanə a kale-gbəətə.’#7.7 Naasə: Tiyatə 15.13,14. 8Beetɨ angɨn, Həmɨnpwa a boyə Ibɨraim a nda ɗa lakəwne sɨnə sa ɓa gən sɨgbəshi la nda boyə a nzandən. Ite mya mwasa Ishaku, də Ibɨraim a jengdən a lakəwne beetɨ bətə fwa-fwat. Dɨ bee mya mwasa Ishaku nze a mya wa atɨ Yakubu, Yakubu mgban mya mwasan je bəw a mbiɗi-kpe, tənə dangnə mi Israila kat.
9“Gəkɨlə dangnə Israila, a je da Yakubu, a ɗa jiwnə mufəngrən Yusufu a ɗərdən nda gəə kɨsa a njiya Ijip. Kat ka angɨn, Həmɨnpwa nee ɓwaa ka Yusufu. 10Həmɨnpwa a dɨmdən gə vor tənətɨ dan kat, a vən lele ka humwa-shengtə a haka Firawna, Hama Ijip. Firawna a mɨndə Yusufu kpana a vor njiya Ijip kat ka voti ta həmɨn Firawna.
11“Ite myatə a fuka a vor njiya Ijip kat ka vor njiya Kaana, ɓwaare a pɨrə vor tənətə kɨr-kɨr, yə sɨnggəm aa yə ɗɨm sɨzɨmtə. 12Ite Yakubu a kɨlə atɨ sɨzɨmtə nee a vor njiya Ijip, nda lyen jingɨn, tən yə sɨnggəm təna zə njiya Ijip zə kwamətə. 13Ite təna mɨn kpeyə zətə a Ijip, də Yusufu a dɨmaadə nəngɨn a boyərən atɨ sɨnə Yusufu, Firawna mgban a shea lee dangnə Yusufu. 14Beetɨ angɨn, Yusufu a lyenshe mya shi ka baagən Yakubu ka mbiɗitɨ mi hwodan kat a njiya Ijip, tən kat tənə bəwtə tukolukpe a mbiɗi-tuf. 15Yakubu kat ka mi hwodan a pwetə njiya Ijip, də ndi ka jingɨn tən yə jigəm a mbərə, 16mya por wogingrən a zə kaarən a Shekyem, mya ɗək wogingrən a vor taana Ibɨraim a ɗərə ka taa a tɨfə je da Hamur a vor Shekyem.
17“Ite bətə a kənə, a bəte Həmɨnpwa a və kwaame atɨ ndi ɓa və Ibɨraim njiya Kaana ɓe naa, itɨngɨn furo myee dam a njiya Ijip maɗə gbakə. 18Də a həmə som, a ma aa lee asə a nə Yusufu, a luu həmnə Ijip. 19Həməngɨn a tiya ɗatə ɗa yə sɨnggəm mi Israila kuta a ndɨlərən ka sɨmwarashe, nda tənədə yə sɨnggəm a ɗɨkdərən gə təna kəjidə ji-kpalamyee təna mwasa gə jingɨn a mbərə.
20“A nzatɨngɨn nə mya mwasa Musa, ndi aa nzə-kpəkɨrəti. Yə sɨnggən a ɓodən a vor hwoɗye lyekətye mwaakɨn. 21Ite mya dɨmə kan a ɗakan a haa bwange, njita həmɨn Firawna a nggutən a gɨrtən ɓətɨ nzəngrə nə. 22Mya kənə Musa shee ɓətɨ mya dɨ kənə mi Ijip byele ka lele. Musa a maɗə a gəə ma kɨr-kɨrə a vor byele dan kat ka lyentɨ dan.
23“Ite kyawatɨ Musa a tɨlə bəwtə fwat, nda ngguro hubosən a fərə, gə nda zə a dɨ niya myee dan, a mi Israila. 24Nda naa a nzə-Ijipti dɨ ɗa nzə-Israilatə sɨmwarashe, Musa a ləw kwaamɨ madan a ɓɨl nzə-Ijiptə. 25Musa a dɨ kana atɨ myee dan mi Israila ɓa leyə atɨ Həmɨnpwa nə lyanarən gə nda dɨmdərən gə kɨsawne. Kat ka angɨn ɓaa, tənaa leyə. 26Ite haa kɨɗa, Musa a woyo a pa i ji-Israilati kpe peyi dɨ nya ka sə. Nda zə hakarən gə nda taka nyatə. Nda sarən, ‘Myee de, mɨnə ɗa hwuna peyə a dɨ nya, aa hwunə mi hiɗəti ma?’
27“Ma dɨ mbaha ka nyatə a ləkədə Musa, a san atɨ, ‘Wonə ɗɨkda atɨ a hye gəə həmə, a ɓashiyena? 28Hye dɨ mwo atɨ hye ɓɨlti ɓətɨ hye ɓɨl nzə-Ijiptə tukong?’#7.28 Naasə: Dɨmatə 2.14. 29Ite Musa a kɨl ləngɨn, nda giɓə a muɗə vor njiya Midiyan, nda nza hangɨn rumo, mya mwasan je kpe.
30“Beetɨ kyawatə bəwtə fwat, malyene a dɨma ka Musa a vor ɗiya dɨ ləwo nə nzɨ-kadatə a vor laawe, gbyel ka Motɨ Sinai. 31Ite Musa a naa ɗiya dɨ ləwi, nda ɗa ndəle kɨr-kɨr, nda gɨsə gbyel ɓa naa səngɨn. Ite nda nggəɓəsə a zə gbyel ka hangɨn, nda kɨla kormɨ Həmɨnpwa atɨ, 32‘Hɨnə Həmɨnpwata yə sɨnggu, Həmɨnpwata Ibɨraim, ka Ishaku, ka Yakubu.’#7.32 Naasə: Dɨmatə 3.6. Kala a gə Musa kɨr-kɨr, ndaa yə mwamdiya a nidə hangɨn.
33“Də Həmɨnpwa a sa Musa atɨ, ‘Saɗagə hwanye a mbwayinga, gəkɨlə haa hye kang kangadə haa ɗəmɗəmə. 34Hɨn naa tənəta myee de a Ijip. Hɨn kɨl kawasərən ka 'yesəwtə darən, gəkɨlə ləngɨn na shi gə na dɨmdərən gə kɨsawne. Wa ɓəgəng na lyenta hye mɨnə vor Ijip.’#7.34 Naasə: Dɨmatə 3.5,7,8,10.
35“Musa tɨngɨn nə a təna kworən a san atɨ, ‘Wonə ɗɨkda atɨ a hye gəə həmə, a ɓashiyena?’ Shezə sɨnə Həmɨnpwa a byelə kan dɨ haka malyene dan a dɨma kan a vor laawe gə nda gəə həmə a mbədə myee dan. 36Musa nə gwadərən, dɨmdərən gə vor Ijip ka wule sɨndəle ka zərgi shikoshopye nda ɗa a vor Ijip ka Sɨkorəntɨ Kpalamtə, ka lyente nda ɗa kyawatə bəwtə fwat a vor laawe.
37“Musa tɨngɨn nə boyə mi Israila atɨ, ‘Həmɨnpwa ɓa nggɨl a kpalə ɓətɨ hɨn, dɨ wakasəwnə ndi ɓa nggɨl mangɨn.’#7.37 Naasə: Dɨmatə 18.15. 38Musa nə koɗi ka petɨ myee da Həmɨnpwa a vor laawe, kat ka yə sɨnggəm, ka malyena byeli kan a nə mwotɨ Sinai. Musa nə mgban luwa ləməgi myentə vəm kat.
39“Shezə yə sɨnggəm a ko, tənaa koɗə kormi Musa. A hubosərən təna kworən a virwo ɓa mɨnə Ijip. 40Təna sa Haruna atɨ, ‘Ɗam pɨle a 'ye ɓa kənəm tɨfe hɨm a mɨnə Ijip, gəkɨlə Musate dɨmaadenə dɨ vor njiya Ijip, hinaa yə lee gəsən ka sa ɓwan.#7.40 Naasə: Dɨmatə 32.1. 41Itɨngɨn nə təna ɗa nəngrən pɨla, ɓətɨ nzə-naakə, təna shi ka pɨlangɨn ka hamatɨ darən, təna ɗa sɨkwale ka sɨlangsətə a ndukodə pɨlaa təna ɗa ka tyefingrən. 42Həmɨnpwa a viriwgərən, a vədərən a haka tyekəlye, ka fəre, ka likɨtə tən ta kalarən-gbəətə. Ləngɨn nə ɓətɨ mya doro vor malɨmta kpalye atɨ,
“ ‘Mi Israila!
Sɨgɨrte hwuna hama kaarən,
aa hɨnə hwuna vi,
pɨle hwuna həmərən kyawatə bəwtə fwat a vor laawe.
43Vɨne da pɨla ɓayaa
mya wa atɨ Molek nə
hwuna ngguro a dɨ woyo kan,
kat ka tikɨle da pɨla dəwnə
a mya wa atɨ Refan,
tənə pɨlee hwuna ɗa a dɨ koɗərən,
a dɨ kalarən-gbəətə.
Gəkɨlə ləngɨn hɨn ɓa omrəwnə a dɨmdəwnə
hwuna muɗə a dɨ gəə rumi’#7.43 Naasə: Amos 5.25.
a dɨ pɨrgə njiya Babila.
44“Yə sɨnggəm nə ka bulkə takale kaarən a vor laawe a wule bulka təna ngguro a dɨ woyo kan. Həmɨnpwa nə boyə Musa atɨ a nda ɗa bulkəngɨn ɓətɨ nda bɨlən. 45Beetɨ angɨn nə yə sɨnggəm a luu bulkəngɨn dɨ haka yə sɨnggərən, təna ngguro a pɨrə kan a vor njiya Kaana a haa Həmɨnpwa a om myee nza də, a nzata Jesuwa. Bulkəngɨn a gə hangɨn baa nzata həmɨn Dawuda, 46ndi ma ɗɨm humwa-shengtə a haka Həmɨnpwa. Dawuda mgban a nyisə Həmɨnpwa atɨ a Həmɨnpwa a ɗakan nda nwo Həmɨnpwata Yakubu haa nzatə. 47Shezə Solomon nə nwo Həmɨnpwa hwoɗingɨn.
48“Ɓə zə ndi Həmɨnpwa Həmɨ gətə kat, ndaawa nza hwoɗyee ɓwaara a nwo. Ɓətɨya kpale a boyo atɨ,
49“ ‘Həmɨmiye nə sa,
“Vor pwanə ruutɨ de,
vɨratə kat nə raamə mbwayi.
Ndo wule hwoɗinə
hwun ɓa nwi?
Ɓə ndo hapiyatinə
hwun ɓa ɗe?
50Aɓə shingɨn kat hɨnə ɗatɨrən.” ’#7.50 Naasə: Ishaya 66.2.
51“Nda ya kwa-hubosəwnə a nyerə tee, yedingəwnə a hasə tee?! Taa kwaki kɨl lə kəwnə?! Hwunə ka wule yedi hashe da yə sɨnggəwnə. Hwuna dɨ kwo wule shee Pitɨ Ɗəmɗəmtə a dɨ kənəwnə. 52Taa ndəng kpalə də mbiɗi a yə sɨnggəwnə aa tənəə dən, təna ɓəl myee kpali bwe ləme da Həmɨnpwa a nə shita Ma pepeye. Mangɨn nə a hwuna mɨna vədən a kɨsə a ɓɨlə ɓəgəng. 53A hwun myee mya vəwnə ɓashita Musa a ite malyenye a shikəwnə kaarə, kat ka itɨngɨn hwunaa koddən.”
Mye kala Istifanus ka fare
54Ite ji-shalale da Yawude 'ye nza hangɨn a kɨl la Istifanus a boyo, təna naa pas ka muune, ta tuula lintə ka yedi-kɨttə gəkɨlə le dan. 55Istifanus ndi manə naa pas ka Pitɨ Ɗəmɗəmtə a maddə nəngɨn a pwa, nda naa ɓɨrtə ka fukata Həmɨnpwa, Yesu nee mgban kangə gyengə Həmɨnpwa a tɨfə zɨməngən. 56Nda sarən, “Niyəm, hɨn naa vor pwa nee wuni bwang, Nze da Ɓwaara mgban nee kangə gyengə Həmɨnpwa a tɨfə zɨməngən.”
57Ite myee nza hangɨn a kɨl ləngɨn, təna tooɗə kwakingrən a pukən gəəshe ka gaawe, təna rɨfakan kat. 58Təna nggəltən a fuwo a dɨmə kan a haa bwange a beetɨ vɨratə a tiya kalasən ka fare. Myee dɨ kala Istifanus ɓa ɓɨltən a saɗagə rokotye darən a pukdərən a haka a nzə-lagba mya wa atɨ Shawulu. 59Ite təne dɨ kalarən ka fare ɓa ɓɨltən, Istifanus a ɗa hiwtə atɨ, “Həmɨmiye Yesu, zə luu pishi.” 60Nda fukə nə ɗyegingɨn a ɗa hiwtə ka korme kpan atɨ, “Həmɨmiye Yesu, nggurərəngə səhase darən, ɓe kɨshi nda nza nəngrən.” Ite ndi ɓe boyə shee, nda mbɨrə.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.