Lyenta 20
20
Omota Bulus dɨ njiya Masɨdoniya zə njiya da Heline
1Ite mwanate maɗə vor Afisus ɓe bə, haa talə, Bulus a waga ji-kotte a hangɨn. Nda boyərən ləməgye a nyerədərən gə təna kangə dwat, nda gərən kwasatə a muɗə Masɨdoniya. 2Nda woyə wake vɨre Masɨdoniya, nda boyərən ləməgye hananang a nyerədərən a tɨfe da Həmɨnpwa. Ite nda pɨrgə wake heengɨn, nda tɨlə njiya Gɨris. 3Nda nza də a ɗa lyekətye mwaakɨn. Ite ndi ɓa dɨ pɨrə koombotə a muɗə vor njiya Siriya, nda səɗə ka yedingɨn a virwo a koɗə dɨ vor njiya Masɨdoniya, gə itɨngɨn ndi leyə atɨ Yawude shalale, kɨləsə ɓa ɓɨltən. 4Tən myee raadən ndi Bulus, tənə yə: Sopata nze da Pirihus a dɨ vɨra Biriya, Aristakus ka Sakundus a dɨ vɨra Tasalonika, Gayus ka Timoti mgban, tənə dɨ vɨra Darbi. Yə Tikikus ka Trofimus mgban, tənə dɨ njiya Asiya. 5Tən moryinə tukolukpe, tənə luwenə kwamətə pɨri tɨlə vɨra Tɨros, təna nza də a kularenə. 6Beetɨ ite kwalə Lawutta Yawude pɨrə, hina pɨrə koombotə a ɗaka vɨra Filipi, beetɨ bətə tuf hina tɨla a vor vɨra Tɨros asɨ pa myee dɨ kularenə də, a hangɨn hina nza a ɗa bətə tukolukpe.
Mye maddə Yutikus gə we a Tɨros
7A fərə hiwtə ka kaade, hina paya kat gələ hina zɨm buroditə a haa hiɗə. A hangɨn Bulus a kangə ta boyə ɓwaaree paya le da Həmɨnpwa, nda gɨrədə byele baa tukotə a luwo, gəkɨlə sɨne dɨ mwi atɨ na haa kɨɗa nda pɨrə a muɗə. 8Tyekəlye nə də furi-furi a vɨnə pwate hina peyə də. 9A nzə-lagba mya dɨ wa atɨ Yutikus, sɨne nza nə bahawe. Bulus a byelə, byele a gɨrə baa tukotə a luwo, də Yutikus a tiya zəkəntə, shintə a nggutən nda shinə a muɗə ɓong-ɓong. A vor shintə nda fuka a njiya dɨ nə mwaakɨnə vɨnə-pwatɨngɨn, mye ta jenyi ɓə mbɨrə. 10Də Bulus a janga a shi hakan a njiya, nda bə nəngɨn a kpɨriprən a sa atɨ, “Ɓe kala aa gəwnə, sɨne ka myentə.” 11Bulus a mɨnə a nggɨrə vɨnə pwatə, təna ɓeyəsə buroditə a zɨmə kat. Nda mɨna pɨrə humwa ka byele a tɨlə haa kɨɗatə, nda shea dɨmə a muɗə. 12Ɓwaaree a hangɨn a nggur Yutikus ka myentə a muɗə kan a hwoɗye ka hanɨngtə kɨr-kɨr.
Bulus a gə mi kpan-kpani Afisus kwasatə
13Hina pɨrə koombotə a lyembərə a muɗə vɨra Asos, a hangɨn hin ɓa nggur Bulus a koombotə, gəkɨlə ndi ɓa koɗə haa kpamtə a zə vor Asos. 14Ite hina peyə vor Asos, hina nggutən a koombotə a pɨrə a muɗə vɨra Mitilini. 15Ite haa kɨɗa, hina pɨrə koombotə a shi gbyel ka Kiyos, haa ɓe mɨnə kɨɗa hina lawuɗə Samos a bə də, hina pɨrə a tɨlə Militus. 16Hina pɨrgə vɨra Afisus, Bulus aa mwo atɨ nda ɗɨrə də, gəkɨlə ndaa mwo atɨ nda ɓongə vor njiya Asiya, sɨne a nə pwa ɓa pɨrə a tɨlə Urshelima ka haa-tan. Na mwotənə ɗɨmtə nda tɨlə də a fərə Pentikos.
17Ite Bulus nee a vor Militus, nda lyenshe a waga mi kpan-kpani vɨnə hiwtɨ Afisus. 18Ite təna tɨla asɨ pan, nda sarən atɨ, “Hwun lee wule nzate na nza kəwnə, a ite hɨne a hakəwnə a vor Afisus, kɨsatə dɨ fəra na shi vor njiya Asiya də. 19Na ɗa Həmɨmiye Yesu lyentə a vor hyatane kɨr-kɨr ka hɨritə, nagiya hɨn pɨrə vor kanaha ka tənətə a tɨfə Yawude. 20Hwun leyə mgban atɨ taa ndaga mɨna ka beeshi a nə byele kəwnə a nə wule la ɓa gwadəwnə. Shezə hɨn kənəwnə shee a haa bwange bwang, mɨnə koɗəwnə a hwoɗye-hwoɗye. 21Hɨn fyel-kwaki Yawude kat ka Heline atɨ, a təna virwa a mɨna a haka Həmɨnpwa ka por-njiya, təna mwadiyale ka Həmɨmiye Yesu.
22“Gəngnə Pitɨ Ɗəmɗəmtə nə dɨ se atɨ mbak-mbak a na wudə Urshelima, taa lee sa ɓa dɨ bəngri a hangɨn. 23Sa na leyə ɓəmbə nə atɨ Pitɨ Ɗəmɗəmtə nə dɨ fyel-kwaki atɨ a nagi ndo vɨrati na zə, ɓwaare ɓa ɗɨkdi a vor gbərəwe, tən ɓa mɨna tənəə di kɨr-kɨr. 24Hɨnggi, hɨn taa mɨndə myenshi a kwaamɨ asə, a pɨrgə ite atɨ na mbəgə lyente Yesu Həmɨmiye a vi gə na ɗa a tɨlə kpawtə. Lyentɨngɨn nə ite atɨ na hiwa ɓwaare ka ləmə feme da Həmɨnpwa ka ləmə wuladəha dan.
25“Gəngnə hɨn leyə atɨ hwun myee na woyə wakasəwnə a hiwawnə ka ləməgye a nə həmne da Həmɨnpwa, taayə ama də ɓa mɨnaaga naa humwashi. 26Gəkɨlə ləngɨn, supo na dɨ səwnə atɨ, ama kana ɗeegə tɨfe da Həmɨnpwa a kipə, zaambə mangɨn tam a na. 27Gələ hwun leyə kat atɨ hɨn taa ɗaka hiwatə hiwawnə ka ləməgye da Həmɨnpwa, bɨləwnə bwang, taa kəpdə asə a nə kanata Həmɨnpwa. 28Zə bəmdə myensəwnə, hwuna gɨra nəngəwnə pepe, kat ka doomo ɓwaaree Pitɨ Ɗəmɗəmtə a vəwnə gə hwuna nidərən a koɗə kaarən. Gətɨnə hwunə majenye da Həmɨnpwa, hwuna jin myee da Həmɨnpwa 'ye nda luwatɨrən ka zaambə Nzəngɨn. 29Hɨn leyə atɨ, hɨn kana maggə hanə a ɗakəwnə, alehawyi hashe ɓa pɨra a wakasəwnə, gə təna gbara doome. 30Imi mgban dɨ wakasəwnə ɓa maɗə a vwaka i ji-kotti ka jeronye, gə təna ɗaka diyale da Həmɨnpwa a koɗərən. 31Gələ angɨn nzam ka ɗaasɨtə, hwuna ɗyanga atɨ kyawatə mwaakɨn hɨne dɨ fyel-kwakingəwnə taa mbiɗa ama a vorsəwnə, tukotə ka fəre, hɨne a wakasəwnə dɨ kənəwnə shee, dɨ fyel-kwakingəwnə ka hɨritə a dii.
32“Kpawtɨ byele de nə, hɨnə dɨ ɗakəwnə a tɨfə Həmɨnpwa ka ləməgi wuladəha dan a 'ye ɓa mba nyerətə a nyerədəwnə a vəwnə shi-pepeye, a wule 'ye nda dɨ və myee kat nda taɗə. 33Hɨn taa hɨmagə taa, nagi nggɨrngɨmə ka dyamse da ama, nagi sɨɓwetɨ pepeyi. 34Hwun ka nənəngəwnə leyə atɨ, ka tyefinə de na dɨ ɗa lyentə gə gwadə na kat ka myee hina dɨ ɗa lyenta Həmɨnpwa kaarən mgban. 35A vor lyente na dɨ ɗa kat, hɨne dɨ bɨləwnə atɨ dɨ ha kangtə ɗa lyentə dwat mbak-mbak hɨm ɓa gwadə ji-poritə a wule myee taa gəti kaarən. Ɗyangam ka ləməgyee Həmɨmiye Yesu a boyo atɨ, ‘Ma dɨ həmi pɨrgə ma dɨ luwi ka ɗɨm pepetə, ka humwa-shengtə.’ ”
36Ite Bulus a byelə yang a mbəə kat, nda gyerə njiya, sə mgban təna gyerə njiya kat, nda ɗa hiwtə. 37Təna fəl kawatə kat a kpɨriprən ta gən kwasatə. 38Sa she otɨrən kat, sɨnə la Bulus a boyo atɨ, taayə ama a vorsərən ɓa mɨnaaga naa humwasən. Təna raadən nda pɨrə koombotə.
S'ha seleccionat:
Lyenta 20: bcy
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.
Lyenta 20
20
Omota Bulus dɨ njiya Masɨdoniya zə njiya da Heline
1Ite mwanate maɗə vor Afisus ɓe bə, haa talə, Bulus a waga ji-kotte a hangɨn. Nda boyərən ləməgye a nyerədərən gə təna kangə dwat, nda gərən kwasatə a muɗə Masɨdoniya. 2Nda woyə wake vɨre Masɨdoniya, nda boyərən ləməgye hananang a nyerədərən a tɨfe da Həmɨnpwa. Ite nda pɨrgə wake heengɨn, nda tɨlə njiya Gɨris. 3Nda nza də a ɗa lyekətye mwaakɨn. Ite ndi ɓa dɨ pɨrə koombotə a muɗə vor njiya Siriya, nda səɗə ka yedingɨn a virwo a koɗə dɨ vor njiya Masɨdoniya, gə itɨngɨn ndi leyə atɨ Yawude shalale, kɨləsə ɓa ɓɨltən. 4Tən myee raadən ndi Bulus, tənə yə: Sopata nze da Pirihus a dɨ vɨra Biriya, Aristakus ka Sakundus a dɨ vɨra Tasalonika, Gayus ka Timoti mgban, tənə dɨ vɨra Darbi. Yə Tikikus ka Trofimus mgban, tənə dɨ njiya Asiya. 5Tən moryinə tukolukpe, tənə luwenə kwamətə pɨri tɨlə vɨra Tɨros, təna nza də a kularenə. 6Beetɨ ite kwalə Lawutta Yawude pɨrə, hina pɨrə koombotə a ɗaka vɨra Filipi, beetɨ bətə tuf hina tɨla a vor vɨra Tɨros asɨ pa myee dɨ kularenə də, a hangɨn hina nza a ɗa bətə tukolukpe.
Mye maddə Yutikus gə we a Tɨros
7A fərə hiwtə ka kaade, hina paya kat gələ hina zɨm buroditə a haa hiɗə. A hangɨn Bulus a kangə ta boyə ɓwaaree paya le da Həmɨnpwa, nda gɨrədə byele baa tukotə a luwo, gəkɨlə sɨne dɨ mwi atɨ na haa kɨɗa nda pɨrə a muɗə. 8Tyekəlye nə də furi-furi a vɨnə pwate hina peyə də. 9A nzə-lagba mya dɨ wa atɨ Yutikus, sɨne nza nə bahawe. Bulus a byelə, byele a gɨrə baa tukotə a luwo, də Yutikus a tiya zəkəntə, shintə a nggutən nda shinə a muɗə ɓong-ɓong. A vor shintə nda fuka a njiya dɨ nə mwaakɨnə vɨnə-pwatɨngɨn, mye ta jenyi ɓə mbɨrə. 10Də Bulus a janga a shi hakan a njiya, nda bə nəngɨn a kpɨriprən a sa atɨ, “Ɓe kala aa gəwnə, sɨne ka myentə.” 11Bulus a mɨnə a nggɨrə vɨnə pwatə, təna ɓeyəsə buroditə a zɨmə kat. Nda mɨna pɨrə humwa ka byele a tɨlə haa kɨɗatə, nda shea dɨmə a muɗə. 12Ɓwaaree a hangɨn a nggur Yutikus ka myentə a muɗə kan a hwoɗye ka hanɨngtə kɨr-kɨr.
Bulus a gə mi kpan-kpani Afisus kwasatə
13Hina pɨrə koombotə a lyembərə a muɗə vɨra Asos, a hangɨn hin ɓa nggur Bulus a koombotə, gəkɨlə ndi ɓa koɗə haa kpamtə a zə vor Asos. 14Ite hina peyə vor Asos, hina nggutən a koombotə a pɨrə a muɗə vɨra Mitilini. 15Ite haa kɨɗa, hina pɨrə koombotə a shi gbyel ka Kiyos, haa ɓe mɨnə kɨɗa hina lawuɗə Samos a bə də, hina pɨrə a tɨlə Militus. 16Hina pɨrgə vɨra Afisus, Bulus aa mwo atɨ nda ɗɨrə də, gəkɨlə ndaa mwo atɨ nda ɓongə vor njiya Asiya, sɨne a nə pwa ɓa pɨrə a tɨlə Urshelima ka haa-tan. Na mwotənə ɗɨmtə nda tɨlə də a fərə Pentikos.
17Ite Bulus nee a vor Militus, nda lyenshe a waga mi kpan-kpani vɨnə hiwtɨ Afisus. 18Ite təna tɨla asɨ pan, nda sarən atɨ, “Hwun lee wule nzate na nza kəwnə, a ite hɨne a hakəwnə a vor Afisus, kɨsatə dɨ fəra na shi vor njiya Asiya də. 19Na ɗa Həmɨmiye Yesu lyentə a vor hyatane kɨr-kɨr ka hɨritə, nagiya hɨn pɨrə vor kanaha ka tənətə a tɨfə Yawude. 20Hwun leyə mgban atɨ taa ndaga mɨna ka beeshi a nə byele kəwnə a nə wule la ɓa gwadəwnə. Shezə hɨn kənəwnə shee a haa bwange bwang, mɨnə koɗəwnə a hwoɗye-hwoɗye. 21Hɨn fyel-kwaki Yawude kat ka Heline atɨ, a təna virwa a mɨna a haka Həmɨnpwa ka por-njiya, təna mwadiyale ka Həmɨmiye Yesu.
22“Gəngnə Pitɨ Ɗəmɗəmtə nə dɨ se atɨ mbak-mbak a na wudə Urshelima, taa lee sa ɓa dɨ bəngri a hangɨn. 23Sa na leyə ɓəmbə nə atɨ Pitɨ Ɗəmɗəmtə nə dɨ fyel-kwaki atɨ a nagi ndo vɨrati na zə, ɓwaare ɓa ɗɨkdi a vor gbərəwe, tən ɓa mɨna tənəə di kɨr-kɨr. 24Hɨnggi, hɨn taa mɨndə myenshi a kwaamɨ asə, a pɨrgə ite atɨ na mbəgə lyente Yesu Həmɨmiye a vi gə na ɗa a tɨlə kpawtə. Lyentɨngɨn nə ite atɨ na hiwa ɓwaare ka ləmə feme da Həmɨnpwa ka ləmə wuladəha dan.
25“Gəngnə hɨn leyə atɨ hwun myee na woyə wakasəwnə a hiwawnə ka ləməgye a nə həmne da Həmɨnpwa, taayə ama də ɓa mɨnaaga naa humwashi. 26Gəkɨlə ləngɨn, supo na dɨ səwnə atɨ, ama kana ɗeegə tɨfe da Həmɨnpwa a kipə, zaambə mangɨn tam a na. 27Gələ hwun leyə kat atɨ hɨn taa ɗaka hiwatə hiwawnə ka ləməgye da Həmɨnpwa, bɨləwnə bwang, taa kəpdə asə a nə kanata Həmɨnpwa. 28Zə bəmdə myensəwnə, hwuna gɨra nəngəwnə pepe, kat ka doomo ɓwaaree Pitɨ Ɗəmɗəmtə a vəwnə gə hwuna nidərən a koɗə kaarən. Gətɨnə hwunə majenye da Həmɨnpwa, hwuna jin myee da Həmɨnpwa 'ye nda luwatɨrən ka zaambə Nzəngɨn. 29Hɨn leyə atɨ, hɨn kana maggə hanə a ɗakəwnə, alehawyi hashe ɓa pɨra a wakasəwnə, gə təna gbara doome. 30Imi mgban dɨ wakasəwnə ɓa maɗə a vwaka i ji-kotti ka jeronye, gə təna ɗaka diyale da Həmɨnpwa a koɗərən. 31Gələ angɨn nzam ka ɗaasɨtə, hwuna ɗyanga atɨ kyawatə mwaakɨn hɨne dɨ fyel-kwakingəwnə taa mbiɗa ama a vorsəwnə, tukotə ka fəre, hɨne a wakasəwnə dɨ kənəwnə shee, dɨ fyel-kwakingəwnə ka hɨritə a dii.
32“Kpawtɨ byele de nə, hɨnə dɨ ɗakəwnə a tɨfə Həmɨnpwa ka ləməgi wuladəha dan a 'ye ɓa mba nyerətə a nyerədəwnə a vəwnə shi-pepeye, a wule 'ye nda dɨ və myee kat nda taɗə. 33Hɨn taa hɨmagə taa, nagi nggɨrngɨmə ka dyamse da ama, nagi sɨɓwetɨ pepeyi. 34Hwun ka nənəngəwnə leyə atɨ, ka tyefinə de na dɨ ɗa lyentə gə gwadə na kat ka myee hina dɨ ɗa lyenta Həmɨnpwa kaarən mgban. 35A vor lyente na dɨ ɗa kat, hɨne dɨ bɨləwnə atɨ dɨ ha kangtə ɗa lyentə dwat mbak-mbak hɨm ɓa gwadə ji-poritə a wule myee taa gəti kaarən. Ɗyangam ka ləməgyee Həmɨmiye Yesu a boyo atɨ, ‘Ma dɨ həmi pɨrgə ma dɨ luwi ka ɗɨm pepetə, ka humwa-shengtə.’ ”
36Ite Bulus a byelə yang a mbəə kat, nda gyerə njiya, sə mgban təna gyerə njiya kat, nda ɗa hiwtə. 37Təna fəl kawatə kat a kpɨriprən ta gən kwasatə. 38Sa she otɨrən kat, sɨnə la Bulus a boyo atɨ, taayə ama a vorsərən ɓa mɨnaaga naa humwasən. Təna raadən nda pɨrə koombotə.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.