Lyenta 14
14
Bulus ka Barnabas a vɨraa Ikoniyom
1Ite Bulus ka Barnabas a tɨla a vor vɨra Ikoniyom, təna pɨrə vɨnə kəndəshe da Yawude ɓətɨ təna duwa ɗa, də təna bwe le da Həmɨnpwa ka gətə. Ɓwaare hananang, Yawude kat ka myee Heline, a mwadiyale. 2Yawude 'ye aa mwadiyale a ngama hubo myee aa Yawude a tukutarən, a mɨna ndɨlka yə Bulus ka Barnabas. 3Kat ka angɨn, yə Bulus ka Barnabas a nza a ɓongə vor vɨratɨngɨn, tən ta boyə ɓwaare le da Həmɨnpwa ka mwamdiya. Həmɨnpwa a bɨldə diyalə ləməgye dan dɨ ha vətə vərən gətɨ dan ite təna ɗa zərgi shikoshopye ka sɨndəle a hangɨn. 4Mi vɨra Ikoniyom a təkə kpe, imi a gyenge da Yawude, imi mgban a koɗə yə Bulus ka Barnabas. 5Yawude kat ka myee aa Yawude, a pedə nəngrən kat ka mi kpan-kpanye darən 'ye dɨ nidə njiya gə təna ndɨlka yə Bulus a kalatɨrən ka fare. 6Shezə yə Bulus ka Barnabas a kɨl ləngɨn, təna gyeɓə a muɗə vor vɨre Listɨra ka Darbi 'ye a vor njiya Lakoniya, ka bətɨ hangɨn kat. 7A hangɨn mgban təna pɨrə humwa ta bwe ləmə feme da Həmɨnpwa.
A Listɨra ka Darbi
8A vor vɨra Listɨra ama nee də mya mwasarən gbəgərə ndaa ndaga woyo. 9Gbəgərəngɨn a sardə kwakingɨn a kɨl ləməgyee Bulus a dɨ boyo. Ite Bulus a nidən kpəkəkə, nda leyə atɨ mangɨn nee ka mwadiyala kana mya gwadən 10Bulus a maddə kormɨngɨn a san atɨ, “Maɗi kangə nə mbwayinga.” Gbəgərəngɨn a bɨrpə a maɗə a tiya wetə.
11Təkə-təkətɨ ɓwaarengɨn ɓe naa ləngɨn, a wule sa Bulus a ɗa təna pukdə gəəshe, a gəə gaawe ka kwaame da Lakoniye, təna sa atɨ, “Wam kenə, pɨle nə pɨra a wakasəm ɓətɨ ɓwaare.” 12Təna wa Barnabas atɨ sɨnə pɨla darən a mya wa atɨ Zewus, Bulus mgban təna wa atɨ Hamis gəkɨlə sɨnə makpanə nzə-byalatə. 13Kɨsahəma dɨ hama a shafe da Zewus, a shafa a kwa-hwoɗye a vɨratɨngɨn, a kasa gbinde naake a ɓoyərən fintɨ kade gə mya hama yə Bulus ka Barnabas ka naakəngɨn a kwa-maɗe.
14Ite kpe-lagbengɨn, a Barnabas ka Bulus a lee sa dɨ muɗi, le a hasərən. Təna sərgə sɨɓwetɨ darən, təna gyeɓə a zə hangɨn, a pɨrə vor ɓwaarengɨn. Təna maddə kormingrən a sarən atɨ, 15“Hayo kəwnə ɓwaare kat, mɨnə ɗa hwuna ɓə dɨ ɗaa she? Niyəmdenə, hin mgban hin ɓwaare ɓətɨ hwun. Ləmə femə hina shikəwnə kan, hina dɨ səwnə atɨ viriwam gə koɗə pɨle ka mbiɗitɨ shi ɓaye kat, hwuna mɨna a haka Həmɨnpwa ndi Həmɨ myentə. Sɨnə ma ɗa pwa ka njiya, kat ka gbɨnuwo sɨkorən ka shee a vorsərən kat. 16Kɨnɨnɨng Həmɨnpwa a dɨ ɗaka mi vɨratə gə təna ɗa sa təna dɨ mwo ɗatə. 17Kat ka angɨn Həmɨnpwa aa ɗaka mi vɨratə a vor kulitə, ɓə bɨldə nəngɨn bwang atɨ sɨnə Həmɨnpwa dɨ wule shi-fyemye nda dɨ ɗa a wakasərən. Nda dɨ njimadə ɓoole dɨ pwa a nə shi hawtə gə ɓwaare a ɗɨm sɨzɨmtə, təna hyaɓa a ɗa hanɨngtə.” 18Kat ka wule ləməgyee Bulus ka Barnabas a boyo, təna sheɗə kəng-kəng a mgbala mingɨn a kərərən hamate təna dɨ mwa təna hamarən tən yə Bulus ka Barnabas.
19Imi dɨ vor Yawudee dɨma dɨ vɨre Antiyok ka Ikoniyom, a ngama hubo ɓwaaree nza vor Listɨra a tukutarən. Mbiɗitɨ ɓwaare a ndɨlka yə Bulus ka Barnabas, təna kala Bulus ka fare a fuwo a dɨmə kan gə vor vɨratə a haa bwange a ɗakan də, təne dɨ kana atɨ ɓə mbɨrə. 20Ite ji-kottə a peyə a takadə Bulus, sɨsən a mɨnakan nda maɗə a mɨnə vor vɨratə. Haa ɓe kɨɗa, tən yə Bulus ka Barnabas a dɨmə a muɗə vor vɨra Darbi.
Bulus ka Barnabas mɨnə Antiyok ite a njiya Siriya
21Təna pɨrə humwa ka bwe ləmə feme da Həmɨnpwa a vor Darbi, ɓwaare hananang a mwadiyale a gəə ji-kotti. Də yə Bulus ka Barnabas a mɨnə vɨre Listɨra, ka Ikoniyom, ka Antiyok, 22tən ta gwadə ji-kotte də kat gə təna kangə dwat, a pɨrə humwa ka mwadiyale. Tən ta boyə ji-kottə atɨ, “Kat ma mwadiyale ka Yesu, mbak-mbak ndi ɓa tənə som-som ganə a vɨratə, dɨ ha tənətɨngɨn mgban ndi ɓa pɨrə həmne da Həmɨnpwa.” 23A vəni hiwte yə Bulus ka Barnabas a pɨrədə kat, təna nggɨl mi kpan-kpanye a vəni hiwtɨngɨn a ɗarən hiwtə ɓwaa ka gone a ɗakarən a tɨfə Həmɨmiye ndi ma təna mwadiyale kan ɓa ɗan lyentə. 24Ite yə Bulus ka Barnabas a koɗə dɨ vor njiya Pisidiya, təna pɨrə vor njiya Pamfiliya, 25tən ɓe woyo bwe ləmə feme da Həmɨnpwa a vor vɨra Parga, təna jengə a muɗə vor vɨra Ataliya.
26Dɨ hangɨn təna pɨrə koombotə a dilə a muɗə vɨra Antiyok a haa mya tiya ɗɨktə ɗɨkdərən a lyentə dɨ ha wuladəha da Həmɨnpwa, lyentɨngɨn nə mgban təna woyo a ɗatɨrə a mbəgə hee kat. 27Yə Bulus ka Barnabas ɓe tɨla a vor Antiyok, təna payadə ji-kottə kat, a boyərən mbwayi wesərən kat ka wule shee Həmɨnpwa a ɗa a vor lyentɨ darən. Ka wule kwatɨfə mwadiyala Həmɨnpwa a wunan gə myee aa Yawude a ɗɨmə a por-njiya a mwadiyale. 28Bulus ka Barnabas a nza a ɓongə vor Antiyok ka ji-kotte də.
S'ha seleccionat:
Lyenta 14: bcy
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.
Lyenta 14
14
Bulus ka Barnabas a vɨraa Ikoniyom
1Ite Bulus ka Barnabas a tɨla a vor vɨra Ikoniyom, təna pɨrə vɨnə kəndəshe da Yawude ɓətɨ təna duwa ɗa, də təna bwe le da Həmɨnpwa ka gətə. Ɓwaare hananang, Yawude kat ka myee Heline, a mwadiyale. 2Yawude 'ye aa mwadiyale a ngama hubo myee aa Yawude a tukutarən, a mɨna ndɨlka yə Bulus ka Barnabas. 3Kat ka angɨn, yə Bulus ka Barnabas a nza a ɓongə vor vɨratɨngɨn, tən ta boyə ɓwaare le da Həmɨnpwa ka mwamdiya. Həmɨnpwa a bɨldə diyalə ləməgye dan dɨ ha vətə vərən gətɨ dan ite təna ɗa zərgi shikoshopye ka sɨndəle a hangɨn. 4Mi vɨra Ikoniyom a təkə kpe, imi a gyenge da Yawude, imi mgban a koɗə yə Bulus ka Barnabas. 5Yawude kat ka myee aa Yawude, a pedə nəngrən kat ka mi kpan-kpanye darən 'ye dɨ nidə njiya gə təna ndɨlka yə Bulus a kalatɨrən ka fare. 6Shezə yə Bulus ka Barnabas a kɨl ləngɨn, təna gyeɓə a muɗə vor vɨre Listɨra ka Darbi 'ye a vor njiya Lakoniya, ka bətɨ hangɨn kat. 7A hangɨn mgban təna pɨrə humwa ta bwe ləmə feme da Həmɨnpwa.
A Listɨra ka Darbi
8A vor vɨra Listɨra ama nee də mya mwasarən gbəgərə ndaa ndaga woyo. 9Gbəgərəngɨn a sardə kwakingɨn a kɨl ləməgyee Bulus a dɨ boyo. Ite Bulus a nidən kpəkəkə, nda leyə atɨ mangɨn nee ka mwadiyala kana mya gwadən 10Bulus a maddə kormɨngɨn a san atɨ, “Maɗi kangə nə mbwayinga.” Gbəgərəngɨn a bɨrpə a maɗə a tiya wetə.
11Təkə-təkətɨ ɓwaarengɨn ɓe naa ləngɨn, a wule sa Bulus a ɗa təna pukdə gəəshe, a gəə gaawe ka kwaame da Lakoniye, təna sa atɨ, “Wam kenə, pɨle nə pɨra a wakasəm ɓətɨ ɓwaare.” 12Təna wa Barnabas atɨ sɨnə pɨla darən a mya wa atɨ Zewus, Bulus mgban təna wa atɨ Hamis gəkɨlə sɨnə makpanə nzə-byalatə. 13Kɨsahəma dɨ hama a shafe da Zewus, a shafa a kwa-hwoɗye a vɨratɨngɨn, a kasa gbinde naake a ɓoyərən fintɨ kade gə mya hama yə Bulus ka Barnabas ka naakəngɨn a kwa-maɗe.
14Ite kpe-lagbengɨn, a Barnabas ka Bulus a lee sa dɨ muɗi, le a hasərən. Təna sərgə sɨɓwetɨ darən, təna gyeɓə a zə hangɨn, a pɨrə vor ɓwaarengɨn. Təna maddə kormingrən a sarən atɨ, 15“Hayo kəwnə ɓwaare kat, mɨnə ɗa hwuna ɓə dɨ ɗaa she? Niyəmdenə, hin mgban hin ɓwaare ɓətɨ hwun. Ləmə femə hina shikəwnə kan, hina dɨ səwnə atɨ viriwam gə koɗə pɨle ka mbiɗitɨ shi ɓaye kat, hwuna mɨna a haka Həmɨnpwa ndi Həmɨ myentə. Sɨnə ma ɗa pwa ka njiya, kat ka gbɨnuwo sɨkorən ka shee a vorsərən kat. 16Kɨnɨnɨng Həmɨnpwa a dɨ ɗaka mi vɨratə gə təna ɗa sa təna dɨ mwo ɗatə. 17Kat ka angɨn Həmɨnpwa aa ɗaka mi vɨratə a vor kulitə, ɓə bɨldə nəngɨn bwang atɨ sɨnə Həmɨnpwa dɨ wule shi-fyemye nda dɨ ɗa a wakasərən. Nda dɨ njimadə ɓoole dɨ pwa a nə shi hawtə gə ɓwaare a ɗɨm sɨzɨmtə, təna hyaɓa a ɗa hanɨngtə.” 18Kat ka wule ləməgyee Bulus ka Barnabas a boyo, təna sheɗə kəng-kəng a mgbala mingɨn a kərərən hamate təna dɨ mwa təna hamarən tən yə Bulus ka Barnabas.
19Imi dɨ vor Yawudee dɨma dɨ vɨre Antiyok ka Ikoniyom, a ngama hubo ɓwaaree nza vor Listɨra a tukutarən. Mbiɗitɨ ɓwaare a ndɨlka yə Bulus ka Barnabas, təna kala Bulus ka fare a fuwo a dɨmə kan gə vor vɨratə a haa bwange a ɗakan də, təne dɨ kana atɨ ɓə mbɨrə. 20Ite ji-kottə a peyə a takadə Bulus, sɨsən a mɨnakan nda maɗə a mɨnə vor vɨratə. Haa ɓe kɨɗa, tən yə Bulus ka Barnabas a dɨmə a muɗə vor vɨra Darbi.
Bulus ka Barnabas mɨnə Antiyok ite a njiya Siriya
21Təna pɨrə humwa ka bwe ləmə feme da Həmɨnpwa a vor Darbi, ɓwaare hananang a mwadiyale a gəə ji-kotti. Də yə Bulus ka Barnabas a mɨnə vɨre Listɨra, ka Ikoniyom, ka Antiyok, 22tən ta gwadə ji-kotte də kat gə təna kangə dwat, a pɨrə humwa ka mwadiyale. Tən ta boyə ji-kottə atɨ, “Kat ma mwadiyale ka Yesu, mbak-mbak ndi ɓa tənə som-som ganə a vɨratə, dɨ ha tənətɨngɨn mgban ndi ɓa pɨrə həmne da Həmɨnpwa.” 23A vəni hiwte yə Bulus ka Barnabas a pɨrədə kat, təna nggɨl mi kpan-kpanye a vəni hiwtɨngɨn a ɗarən hiwtə ɓwaa ka gone a ɗakarən a tɨfə Həmɨmiye ndi ma təna mwadiyale kan ɓa ɗan lyentə. 24Ite yə Bulus ka Barnabas a koɗə dɨ vor njiya Pisidiya, təna pɨrə vor njiya Pamfiliya, 25tən ɓe woyo bwe ləmə feme da Həmɨnpwa a vor vɨra Parga, təna jengə a muɗə vor vɨra Ataliya.
26Dɨ hangɨn təna pɨrə koombotə a dilə a muɗə vɨra Antiyok a haa mya tiya ɗɨktə ɗɨkdərən a lyentə dɨ ha wuladəha da Həmɨnpwa, lyentɨngɨn nə mgban təna woyo a ɗatɨrə a mbəgə hee kat. 27Yə Bulus ka Barnabas ɓe tɨla a vor Antiyok, təna payadə ji-kottə kat, a boyərən mbwayi wesərən kat ka wule shee Həmɨnpwa a ɗa a vor lyentɨ darən. Ka wule kwatɨfə mwadiyala Həmɨnpwa a wunan gə myee aa Yawude a ɗɨmə a por-njiya a mwadiyale. 28Bulus ka Barnabas a nza a ɓongə vor Antiyok ka ji-kotte də.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.