Lyenta 10
10
Koniliyus a lyenshe a haka Bitrus
1Ama nee də a vor vɨra Kesariya, kwakɨngɨn nə Koniliyus, ndi gyana nyati a vor ji-pakawate shi dɨ njiya Italiya. 2Ndi ka mi hwodan kat təne ka kala Həmɨnpwa, təna dɨ koɗən pepe. Nda dɨ gwadə ji-poritə kɨr-kɨr, nda dɨ ɗa Həmɨnpwa hiwtə mba-dɨ-mba. 3A fərə, ka mbwayi fəre mwaakɨntɨ fəre, mya wunən diya, malyene da Həmɨnpwa a dɨma kan bwang a shi hakan a san, “Koniliyus.”
4Koniliyus a nidə malyene ka kala, a san, “Mɨnə yə, magbake?”
Malyene a luwa a san, “Hanɨngə Həmɨnpwa ka hiwtɨ dəw ka həmtə dəw ite hye dɨ gwadə ji-poritə kaarə. Myentɨ Həmɨnpwa aa ngguro, sɨne dɨ ɗyanga kəw. 5Zə lyenshe ka ɓwaare a vor vɨra Jopa, təna wa Siman a mya dɨ wa atɨ Bitrus nda shi. 6Ndi Siman Bitrus sɨne janga a vor hwoda ma mya wa atɨ Siman nzə-ɗa lyentɨ sɨlare, hwodan nee a kwaka gbɨnuwtɨ sɨkorən.”
7Ite malyena bwe le ka Koniliyus a muɗə, Koniliyus a waga imi kpe dɨ vor kɨse dan a 'ye nda mwakarən, ka ama hiɗə dɨ vor ji-pakawatɨ dan a nza hwodan dɨ kala Həmɨnpwa gbəətə. 8Nda boyərən sa ɗa kat, nda ɓə shea lyentɨrən a Jopa.
Həmɨnpwa a wunə Bitrus diya
9Haa ɓe kɨɗa ka fəre a nən, təne a nə tɨfe dɨ muɗi, tən shi gbyel ka vɨratɨngɨn. Ka fərəngɨn mgban Bitrus a nggɨrə pwatɨ vɨnə hwoɗyee nda gə nda ɗa hiwtə. 10Itɨngɨn mgban myatə gən, ɓə mwo atɨ nda zɨmshe, shezə myaa nda ɗa sɨzɨmtə a mbəə, mya wunən diya. 11Nda naa vor pwa wunə bwang, nda naa asə ɓətɨ baasə kaɓa kpan, mye kər gyengingɨn dɨ fwaɗə dɨ jangadən dɨ vor pwa a njiya. 12A vor baasəngɨn nda niyə a naa shi-myentə, ji-mbwayi fwaɗye som-som, ji-fow yedye ka ɓakarye. 13Nda kɨla korme dɨ boyən atɨ, “Bitrus zə maɗi, hye kɨsə a ɓɨlə, a zɨmə.”
14Bitrus a luwa a sa atɨ, “Həmɨmiye, taa dɨ ɗa wule a nagi ɓyeləng. Taa ndaga zɨm sa takɨm.”
15Kormɨngɨn a mɨna boyən atɨ, “Wule sa Həmɨnpwa a mɨndən shet-shet, ɓe saka səngɨn atɨ ndi takɨm.”
16Angɨn a ɗa a laka mwaakɨn, nda kɨl kormɨ Həmɨnpwa dɨ boyən ləməgingɨn. Beetɨ angɨn, mya nggəlgə baasəngɨn a nggɨrə kan a pwa.
17Bitrus nee a vor ndəle a nə naarə sa nda nan a vor diyangɨn, myee Koniliyus a lyana a tɨla a kwatɨfə hwoda Siman nzə-ɗa lyentɨ sɨlare, asɨ kangə kwatɨfe. 18Təna waha, “A ɗilə Siman a mya dɨ wa atɨ Bitrus, anda ganə gən.”
19Ite Bitrus nee a vor ndəle a nə diya mya wunən, Pitɨ Ɗəmɗəmtə a san, “Siman, ɓwaare nee mwaakɨn kangə kwatɨfe dɨ ɗi langa. 20Maɗi kanyi, jengyi parən. Ɓe ɗa ndəle, zə koɗərən wudə gə hɨnə lyanatɨrən.”
21Bitrus a janga a parən, nda sarən atɨ, “Hɨnə hwuna dɨ ɗi la, ɓaa hwuna shi?”
22Mingɨn a luwa a san atɨ, “Koniliyus gyana nyatə nə lyanarenə a hakəw. Ma pepeyə ka kala Həmɨnpwa a hubosən, Yawude kat a dɨ ndukodən. Malyene da Həmɨnpwa nə san atɨ a nda boyu hye zə vor hwodan a Kesariya gə nda kɨla la hye ɓa boyən.” 23Nda luutɨrən a pɨrə kaarən a vor hwoɗingɨn də təna bə.
Bitrus a zə hwoda Koniliyus
Ite haa kɨɗa, Bitrus a maɗə a koɗərən ɓwaa ka imi dɨ vor ji-kotte a vor Jopa. 24Haa ɓe mɨnə kɨɗa, təna tɨlə Kesariya. Ndi Koniliyus mgban kat ka mi hwodan, ka myee dan ka yə ndewegən 'ye nda wagatɨrən, təne kat nza vor hwoɗye dɨ kula. 25Ite Bitrus a tɨla a kwatɨfe ɓa pɨrə vor hwoɗye, Koniliyus a dɨma a kultən gə nda wayadən, nda fukə humwa Bitrus ta fukadən. 26Shezə Bitrus a kɨttən a san, “Zə maɗi kanyi, hɨn ɓwaara ɓətɨ hye.”
27Bitrus nee a vor byele ka Koniliyus baa təna pɨrə vor hwoɗye a pa ɓwaare ləki-ləki. 28Bitrus a sarən, “Hwun ka nənəngəwnə hwun leyə atɨ, hin Yawude, ɓashitɨ denə a sa atɨ, ɓe hinaa pedə nəngenə ka myee aa Yawude, ɓe hinaa zə hakarən mgban. Shezə ɓəgəng Həmɨnpwa bɨli bwang atɨ ɓe hɨn taa sa ama atɨ ndi tam shet-shet, atɨ ndi ma takɨmə. 29Gə ləngɨn, ite hwuna lyenishe atɨ a na shi, taa kwi, na maɗa a shi. Ɓə lə mɨnə hwuna wari kan?”
30Koniliyus a san, “Ka haa yang a vor bətə mwaakɨnte pɨri, hɨne a vor hwode dɨ ɗa hiwtə, ka mbwayi fəre mwaakɨntɨ fəre, na nzaa naa ama dɨma ke kangə humwashi ka sɨɓwete ɓɨra dɨ nggaara. 31Mangɨn a se atɨ, ‘Koniliyus, Həmɨnpwa kɨl hiwtɨ dəw, ɓə naa wule həmtɨ dəw ite hye dɨ və ji-poritə. 32Zə lyenshe a vor Jopa hye wa Siman a mya wa atɨ Bitrus. Sɨne janga a vor hwoda Siman nzə-ɗa lyentɨ sɨlare, hwodan nee a kwaka gbɨnuwtɨ sɨkorən.’ 33Na maɗə mgban a lyenshe tan-tan, di shisa wula. Ɓəgəng hinə peyi nza kat a humwa Həmɨnpwa gə hina kɨl ləməgyee kat Həmɨnpwa a ɗɨkda gə hye boyenə.”
34Bitrus a luwa a boyərən le, nda sa, “Ɓəgəng hɨn leyə diyalə, Həmɨnpwa aawa bɨldə som-somtə, nda dɨ mwo ɓwaare kat. 35Nagi ndo ma a vor vɨratə a ka kala Həmɨnpwa, dɨ ɗa səfeme, nda dɨ luu wule mangɨn. 36Hwun lee wule la Həmɨnpwa a lyanashe kan a haka mi Israila, sɨnə ləmə feme ka nzaa ɗolte shi dɨ haka Yesu Ma Həmɨnpwa a Yaɓwarən, sɨnə Həmɨmiye kat. 37Hwun kɨl lə sa ɗa kat ngguri mbəgə vor njiya Yawudiya, ləngɨn a tiya dɨ vor njiya Galili a beetɨ ite Yohana a tiya hiwatə ka le da Həmɨnpwa a nə batisɨmatə. 38Hwun leyə mgban atɨ Həmɨnpwa a yaɓwa Yesu ka Pitɨ Ɗəmɗəmtə ka gətə. Yesu a dɨmə a muɗə hee som-som, ta ɗa lyentɨ pepetə, ndi ta gwadə ɓwaare ta dɨmərən də ootə, nda gwadə imi a dɨmdərən gə vor kɨsawne da Shetan Nzə-tɨmbɨrha gə Həmɨnpwa nee ɓwaa kan.
39“Hin lagbe da Yesu hin ji-takalə a nə wule shee kat Yesu a ɗa a vor Urshelima ka njiya da Yawude. Təna ɓɨltən dɨ ha gbalsən a nə kada ɓɨdɨmtə. 40Shezə Həmɨnpwa a maddən ka myentə a mwaakɨnə bətə, ɓwaare nan a beetɨ matsən gə we. 41Aa ɓwaare nə kat nan beetɨ matsən gə we, myee Həmɨnpwa a nggɨlə nə ɓəmbə nan. Hinə myee nan, nza zɨmshe kan beetɨ matsən gə we. 42Sɨnə gɨrarenə senə atɨ a hina hiwa ɓwaare ka le da Həmɨnpwa, a mɨna takale atɨ sɨnə ma Həmɨnpwa a nggɨlə gə nda ɓashiyə vɨratə kat, ka wogye kat ka myee ka myentə. 43Kpalye kat takale a nəngɨn atɨ, ma mwadiyale kan kat, mye ngguro mangɨn gə səhase dan a vor kwakɨ Yesu.”
44Ite Bitrus nee a vor byele, Pitɨ Ɗəmɗəmtə a janga a nə myee nza kat dɨ kɨl ləməgingɨn. 45Tən ji-kotte kangə nə lakəwne 'ye kwaɗa Bitrus shi, təna ɗa ndəle ka ite Pitɨ Ɗəmɗəmtə a janga a nə myee aa Yawude mgban. 46Təna kɨla mingɨn nee dɨ byeli ka kwaame som-som dɨ ɓondi Həmɨnpwa gə shi gbakye nda ɗa a bɨl gətɨ dan.
Də Bitrus a ɗiyərən, 47“Ama nə də, a ma kəni nda kərə myee batisɨmata? Taa ama də, gəkɨlə tən luu Pitɨ Ɗəmɗəmtə ɓətɨ hɨm a luwom.” 48Bitrus a ɗɨkdəha mya ɗarən batisɨmatə a vor kwakɨ Yesu Ma Həmɨnpwa a Yaɓwarən. Beetɨ angɨn nə təna nyisə Bitrus atɨ nda nza hakarən a ɗa bətə nda ɓə muɗə.
S'ha seleccionat:
Lyenta 10: bcy
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.
Lyenta 10
10
Koniliyus a lyenshe a haka Bitrus
1Ama nee də a vor vɨra Kesariya, kwakɨngɨn nə Koniliyus, ndi gyana nyati a vor ji-pakawate shi dɨ njiya Italiya. 2Ndi ka mi hwodan kat təne ka kala Həmɨnpwa, təna dɨ koɗən pepe. Nda dɨ gwadə ji-poritə kɨr-kɨr, nda dɨ ɗa Həmɨnpwa hiwtə mba-dɨ-mba. 3A fərə, ka mbwayi fəre mwaakɨntɨ fəre, mya wunən diya, malyene da Həmɨnpwa a dɨma kan bwang a shi hakan a san, “Koniliyus.”
4Koniliyus a nidə malyene ka kala, a san, “Mɨnə yə, magbake?”
Malyene a luwa a san, “Hanɨngə Həmɨnpwa ka hiwtɨ dəw ka həmtə dəw ite hye dɨ gwadə ji-poritə kaarə. Myentɨ Həmɨnpwa aa ngguro, sɨne dɨ ɗyanga kəw. 5Zə lyenshe ka ɓwaare a vor vɨra Jopa, təna wa Siman a mya dɨ wa atɨ Bitrus nda shi. 6Ndi Siman Bitrus sɨne janga a vor hwoda ma mya wa atɨ Siman nzə-ɗa lyentɨ sɨlare, hwodan nee a kwaka gbɨnuwtɨ sɨkorən.”
7Ite malyena bwe le ka Koniliyus a muɗə, Koniliyus a waga imi kpe dɨ vor kɨse dan a 'ye nda mwakarən, ka ama hiɗə dɨ vor ji-pakawatɨ dan a nza hwodan dɨ kala Həmɨnpwa gbəətə. 8Nda boyərən sa ɗa kat, nda ɓə shea lyentɨrən a Jopa.
Həmɨnpwa a wunə Bitrus diya
9Haa ɓe kɨɗa ka fəre a nən, təne a nə tɨfe dɨ muɗi, tən shi gbyel ka vɨratɨngɨn. Ka fərəngɨn mgban Bitrus a nggɨrə pwatɨ vɨnə hwoɗyee nda gə nda ɗa hiwtə. 10Itɨngɨn mgban myatə gən, ɓə mwo atɨ nda zɨmshe, shezə myaa nda ɗa sɨzɨmtə a mbəə, mya wunən diya. 11Nda naa vor pwa wunə bwang, nda naa asə ɓətɨ baasə kaɓa kpan, mye kər gyengingɨn dɨ fwaɗə dɨ jangadən dɨ vor pwa a njiya. 12A vor baasəngɨn nda niyə a naa shi-myentə, ji-mbwayi fwaɗye som-som, ji-fow yedye ka ɓakarye. 13Nda kɨla korme dɨ boyən atɨ, “Bitrus zə maɗi, hye kɨsə a ɓɨlə, a zɨmə.”
14Bitrus a luwa a sa atɨ, “Həmɨmiye, taa dɨ ɗa wule a nagi ɓyeləng. Taa ndaga zɨm sa takɨm.”
15Kormɨngɨn a mɨna boyən atɨ, “Wule sa Həmɨnpwa a mɨndən shet-shet, ɓe saka səngɨn atɨ ndi takɨm.”
16Angɨn a ɗa a laka mwaakɨn, nda kɨl kormɨ Həmɨnpwa dɨ boyən ləməgingɨn. Beetɨ angɨn, mya nggəlgə baasəngɨn a nggɨrə kan a pwa.
17Bitrus nee a vor ndəle a nə naarə sa nda nan a vor diyangɨn, myee Koniliyus a lyana a tɨla a kwatɨfə hwoda Siman nzə-ɗa lyentɨ sɨlare, asɨ kangə kwatɨfe. 18Təna waha, “A ɗilə Siman a mya dɨ wa atɨ Bitrus, anda ganə gən.”
19Ite Bitrus nee a vor ndəle a nə diya mya wunən, Pitɨ Ɗəmɗəmtə a san, “Siman, ɓwaare nee mwaakɨn kangə kwatɨfe dɨ ɗi langa. 20Maɗi kanyi, jengyi parən. Ɓe ɗa ndəle, zə koɗərən wudə gə hɨnə lyanatɨrən.”
21Bitrus a janga a parən, nda sarən atɨ, “Hɨnə hwuna dɨ ɗi la, ɓaa hwuna shi?”
22Mingɨn a luwa a san atɨ, “Koniliyus gyana nyatə nə lyanarenə a hakəw. Ma pepeyə ka kala Həmɨnpwa a hubosən, Yawude kat a dɨ ndukodən. Malyene da Həmɨnpwa nə san atɨ a nda boyu hye zə vor hwodan a Kesariya gə nda kɨla la hye ɓa boyən.” 23Nda luutɨrən a pɨrə kaarən a vor hwoɗingɨn də təna bə.
Bitrus a zə hwoda Koniliyus
Ite haa kɨɗa, Bitrus a maɗə a koɗərən ɓwaa ka imi dɨ vor ji-kotte a vor Jopa. 24Haa ɓe mɨnə kɨɗa, təna tɨlə Kesariya. Ndi Koniliyus mgban kat ka mi hwodan, ka myee dan ka yə ndewegən 'ye nda wagatɨrən, təne kat nza vor hwoɗye dɨ kula. 25Ite Bitrus a tɨla a kwatɨfe ɓa pɨrə vor hwoɗye, Koniliyus a dɨma a kultən gə nda wayadən, nda fukə humwa Bitrus ta fukadən. 26Shezə Bitrus a kɨttən a san, “Zə maɗi kanyi, hɨn ɓwaara ɓətɨ hye.”
27Bitrus nee a vor byele ka Koniliyus baa təna pɨrə vor hwoɗye a pa ɓwaare ləki-ləki. 28Bitrus a sarən, “Hwun ka nənəngəwnə hwun leyə atɨ, hin Yawude, ɓashitɨ denə a sa atɨ, ɓe hinaa pedə nəngenə ka myee aa Yawude, ɓe hinaa zə hakarən mgban. Shezə ɓəgəng Həmɨnpwa bɨli bwang atɨ ɓe hɨn taa sa ama atɨ ndi tam shet-shet, atɨ ndi ma takɨmə. 29Gə ləngɨn, ite hwuna lyenishe atɨ a na shi, taa kwi, na maɗa a shi. Ɓə lə mɨnə hwuna wari kan?”
30Koniliyus a san, “Ka haa yang a vor bətə mwaakɨnte pɨri, hɨne a vor hwode dɨ ɗa hiwtə, ka mbwayi fəre mwaakɨntɨ fəre, na nzaa naa ama dɨma ke kangə humwashi ka sɨɓwete ɓɨra dɨ nggaara. 31Mangɨn a se atɨ, ‘Koniliyus, Həmɨnpwa kɨl hiwtɨ dəw, ɓə naa wule həmtɨ dəw ite hye dɨ və ji-poritə. 32Zə lyenshe a vor Jopa hye wa Siman a mya wa atɨ Bitrus. Sɨne janga a vor hwoda Siman nzə-ɗa lyentɨ sɨlare, hwodan nee a kwaka gbɨnuwtɨ sɨkorən.’ 33Na maɗə mgban a lyenshe tan-tan, di shisa wula. Ɓəgəng hinə peyi nza kat a humwa Həmɨnpwa gə hina kɨl ləməgyee kat Həmɨnpwa a ɗɨkda gə hye boyenə.”
34Bitrus a luwa a boyərən le, nda sa, “Ɓəgəng hɨn leyə diyalə, Həmɨnpwa aawa bɨldə som-somtə, nda dɨ mwo ɓwaare kat. 35Nagi ndo ma a vor vɨratə a ka kala Həmɨnpwa, dɨ ɗa səfeme, nda dɨ luu wule mangɨn. 36Hwun lee wule la Həmɨnpwa a lyanashe kan a haka mi Israila, sɨnə ləmə feme ka nzaa ɗolte shi dɨ haka Yesu Ma Həmɨnpwa a Yaɓwarən, sɨnə Həmɨmiye kat. 37Hwun kɨl lə sa ɗa kat ngguri mbəgə vor njiya Yawudiya, ləngɨn a tiya dɨ vor njiya Galili a beetɨ ite Yohana a tiya hiwatə ka le da Həmɨnpwa a nə batisɨmatə. 38Hwun leyə mgban atɨ Həmɨnpwa a yaɓwa Yesu ka Pitɨ Ɗəmɗəmtə ka gətə. Yesu a dɨmə a muɗə hee som-som, ta ɗa lyentɨ pepetə, ndi ta gwadə ɓwaare ta dɨmərən də ootə, nda gwadə imi a dɨmdərən gə vor kɨsawne da Shetan Nzə-tɨmbɨrha gə Həmɨnpwa nee ɓwaa kan.
39“Hin lagbe da Yesu hin ji-takalə a nə wule shee kat Yesu a ɗa a vor Urshelima ka njiya da Yawude. Təna ɓɨltən dɨ ha gbalsən a nə kada ɓɨdɨmtə. 40Shezə Həmɨnpwa a maddən ka myentə a mwaakɨnə bətə, ɓwaare nan a beetɨ matsən gə we. 41Aa ɓwaare nə kat nan beetɨ matsən gə we, myee Həmɨnpwa a nggɨlə nə ɓəmbə nan. Hinə myee nan, nza zɨmshe kan beetɨ matsən gə we. 42Sɨnə gɨrarenə senə atɨ a hina hiwa ɓwaare ka le da Həmɨnpwa, a mɨna takale atɨ sɨnə ma Həmɨnpwa a nggɨlə gə nda ɓashiyə vɨratə kat, ka wogye kat ka myee ka myentə. 43Kpalye kat takale a nəngɨn atɨ, ma mwadiyale kan kat, mye ngguro mangɨn gə səhase dan a vor kwakɨ Yesu.”
44Ite Bitrus nee a vor byele, Pitɨ Ɗəmɗəmtə a janga a nə myee nza kat dɨ kɨl ləməgingɨn. 45Tən ji-kotte kangə nə lakəwne 'ye kwaɗa Bitrus shi, təna ɗa ndəle ka ite Pitɨ Ɗəmɗəmtə a janga a nə myee aa Yawude mgban. 46Təna kɨla mingɨn nee dɨ byeli ka kwaame som-som dɨ ɓondi Həmɨnpwa gə shi gbakye nda ɗa a bɨl gətɨ dan.
Də Bitrus a ɗiyərən, 47“Ama nə də, a ma kəni nda kərə myee batisɨmata? Taa ama də, gəkɨlə tən luu Pitɨ Ɗəmɗəmtə ɓətɨ hɨm a luwom.” 48Bitrus a ɗɨkdəha mya ɗarən batisɨmatə a vor kwakɨ Yesu Ma Həmɨnpwa a Yaɓwarən. Beetɨ angɨn nə təna nyisə Bitrus atɨ nda nza hakarən a ɗa bətə nda ɓə muɗə.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.