Lyenta 1
1
1Makpane Tiyofilus, a vor malɨmtɨ kwamətɨ de, na dorshe a nə shee kat Yesu a tiya ɗasərən, ka shee nda kəndərən 2baa dɨmə fəra mya nggutən a muɗə vor pwa kan. Ndi ɓe gɨra kpe-lagbe dan 'ye nda nggɨlə mbəə dɨ ha gəta Pitɨ Ɗəmɗəmtə. 3Beetɨ tənətɨ dan, ka we dan, nda bɨldə nəngɨn bwang a haka lagbe dan, a təfəgye som-som 'ye ɓa ɗɨkə təna mwa atɨ sɨne ka myentə. Ɓə ɗa bətə bəwtə fwat, sɨne dɨ dɨma a hakarən dɨ boyərən ləməgye a nə həmne da Həmɨnpwa. 4A fərə ite Yesu nee dɨ zɨmshe ka lagbe dan, nda fyel-kwakingrən atɨ, “Ɓe hwunaa dɨmgə Urshelima, nzam kulam həmte Baagi a vəwnə kwaame a nəngrə atɨ ndi ɓa vəwnə, a ite na boyownə ləngrə. 5Gə Yohana a ɗa ɓwaare batisɨmatə ka haɓye, aa dɨ ɓongə mye ɓa ɗəwnə batisɨmatə ka Pitɨ Ɗəmɗəmtə.”
Mya nggur Yesu a muɗə kan a vor pwa
6Ite Yesu ka lagbe dan a peyə a nza haa hiɗə, təna ɗiyən atɨ, “Həmɨmiye, gəngnə hye ɓa dɨmdə mi Israila gə pukə həmne da mi Roma, gə hina mɨna nzaa həmnə nənəngenə ma?”
7Nda luwa a sarən atɨ, “La, aa hɨnggəwnə nə, hwunaa dɨ lee fəra Həmɨnpwa a nzadən a vor gətɨ dan. 8Shezə mye ɓa vəwnə gətə, Pitɨ Ɗəmɗəmtə kana janga a nəngəwnə, hwun ɓa takale a nə shee hwuna naarən a na, tiya dɨ vor Urshelima ka vor bətɨ njiya Yawudiya ka Samariya, ka bətɨ vɨratə kat.”
9Ndi ta bwe lanə a mbəə, təne mgban kanyi dɨ nidən, mya nggutən, a muɗə kan a vor pwa baa pɨrɓatə a gbən tənaa yə nan.
10Lagbe dan nee kanyi dɨ niyə pwa kpəkəkə, a hangɨn imi kpe a dɨma a hakarən tan, a kangə ka sɨɓwetɨ kungye pwat-pwat. 11Mingɨn a sarən atɨ, “Moryi Galili, mɨnə ɗa hwuna kwa kangə a dɨ niyə pwa? Ɓətɨya hwuna nan ndi Yesu mya nggutən nda muɗə pwa, sə mgban ndi ɓa mɨna ɓətɨya hwuna nan nda muɗə.”
12Dɨ hangɨn lagbe dan a ɗaka nə Motɨ Kade Zetun, a mɨna a Urshelima, hangɨn aa ɓongə, ɓa ɗa gbɨlə meltə.#1.12 Dorshi kwamətə bɨldən atɨ Yawuda a dɨ woyo fərə piyatə a pɨrgə gbɨlə meltə. 13Ite təna pɨra a vor hwoɗye, təna nggɨrə vor vɨnə pwatə a haa təna gə də kɨnɨnɨng. Tən myee kat a hangɨn, tənə yə: Bitrus, Yohana, Yakubu ka Andrawus, Filibus ka Tomas, Batalamawus ka Matta, Yakubu nze da Alfiyus ka Siman nzə-nyatə gə njiya, ka Yawuda nze da Yakubu. 14Təna dɨ peyə ta ɗa hiwtə anəsə ka hubosərən hiɗə, tənə kat ka i mandi, ka Maryamu nuwogə Yesu, kat ka mwafe Yesu.
15A vor bətɨngɨn, Bitrus a maɗə a kangə waka ji-kottə, furongrən ɓa ɗa haru hiɗə ka bəwtə kpe. 16Nda sarən, “Ji-nuwo, ɓə nza mbak-mbak la Malɨmtɨ Ɗəmɗəmtə a boyo ɓa naa, sɨnə la mgban Pitɨ Ɗəmɗəmtə a boyo dɨ kwaamɨ Dawuda a nə Yawuda Iskariyoti, ndi ma kənə myee kɨt Yesu tɨfe. 17Ndi Yawuda, sɨnə hiɗə dɨ vorsəm hɨm myee mya warəm gə lyenta Həmɨnpwa.”
18(Taa nda luwo, kan nda ɗər njiya, sɨnə moona nda ɗɨmə gə lyentɨ hattɨ dan. A vor njiyangɨn mgban nda fuka ka nəngɨn, yedingɨn a fɨlə, sɨyedingɨn a bwaɗa, nda mbɨrə. 19Myee kat nza vor Urshelima kɨl ləngɨn. Yawude a wa hangɨn ka kwaame darən atɨ Akeldama, naarəngɨn nə Njiya Zaambe.)
20Bitrus a sarən, “Mye doro vor Malɨmtɨ Dyemshe atɨ,
“ ‘A mya ɗaka haa dan nda bə ɓaa,
ɓe ama aa nza hangɨn.’#1.20 Naasə: Dyemshe 69.25.
Mya mɨna boyo ɓə atɨ,
‘Naa ama som a pɨrə duɓo kpa-lagbəwne dan.’#1.20 Naasə: Dyemshe 109.8.
21Gəkɨlə angɨn mgban ɓə kana mya nggɨl hiɗə dɨ vorsəm, a ma mya gəm kaarən ite Həmɨmiye Yesu nə ganə ɓwaa kam.
22“Ɓə kana mangɨn nee ɓwaa kam kɨsa dɨ fəra Yohana nzə-ɗa batisɨmatə a tiya lyentɨ dan, baa dɨmə fəra mya nggur Yesu dɨ hakam nda muɗə pwa də. Gə mangɨn a gəə nzə-takalə a nə matta Yesu gə we ka myentə ɓwaa kam.”
23Təna wagadə kwaki ɓwaare kpe, ndi Yusufu a mya wa atɨ Barsabas (sɨnə Yustus mgban), ɗɨkənə Matayas. 24Təna ɗa hiwtə, a sa, “Həmɨmiye Baatə, hye lee hubo nagi ndo ma. Bɨlenə ma hye nggɨlə dɨ vor mi kpeyinə, 25a ma ɓa nggur lyenta Həmɨnpwa ite Yawuda a ɗakarə a muɗə haa nda muɗə də.” 26Təna ɓeguɗe a bələ, mya nggɨl Matayas, nda pɨrə vor kpe-lagbe bəw a mbiɗi-hiɗə.
S'ha seleccionat:
Lyenta 1: bcy
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.
Lyenta 1
1
1Makpane Tiyofilus, a vor malɨmtɨ kwamətɨ de, na dorshe a nə shee kat Yesu a tiya ɗasərən, ka shee nda kəndərən 2baa dɨmə fəra mya nggutən a muɗə vor pwa kan. Ndi ɓe gɨra kpe-lagbe dan 'ye nda nggɨlə mbəə dɨ ha gəta Pitɨ Ɗəmɗəmtə. 3Beetɨ tənətɨ dan, ka we dan, nda bɨldə nəngɨn bwang a haka lagbe dan, a təfəgye som-som 'ye ɓa ɗɨkə təna mwa atɨ sɨne ka myentə. Ɓə ɗa bətə bəwtə fwat, sɨne dɨ dɨma a hakarən dɨ boyərən ləməgye a nə həmne da Həmɨnpwa. 4A fərə ite Yesu nee dɨ zɨmshe ka lagbe dan, nda fyel-kwakingrən atɨ, “Ɓe hwunaa dɨmgə Urshelima, nzam kulam həmte Baagi a vəwnə kwaame a nəngrə atɨ ndi ɓa vəwnə, a ite na boyownə ləngrə. 5Gə Yohana a ɗa ɓwaare batisɨmatə ka haɓye, aa dɨ ɓongə mye ɓa ɗəwnə batisɨmatə ka Pitɨ Ɗəmɗəmtə.”
Mya nggur Yesu a muɗə kan a vor pwa
6Ite Yesu ka lagbe dan a peyə a nza haa hiɗə, təna ɗiyən atɨ, “Həmɨmiye, gəngnə hye ɓa dɨmdə mi Israila gə pukə həmne da mi Roma, gə hina mɨna nzaa həmnə nənəngenə ma?”
7Nda luwa a sarən atɨ, “La, aa hɨnggəwnə nə, hwunaa dɨ lee fəra Həmɨnpwa a nzadən a vor gətɨ dan. 8Shezə mye ɓa vəwnə gətə, Pitɨ Ɗəmɗəmtə kana janga a nəngəwnə, hwun ɓa takale a nə shee hwuna naarən a na, tiya dɨ vor Urshelima ka vor bətɨ njiya Yawudiya ka Samariya, ka bətɨ vɨratə kat.”
9Ndi ta bwe lanə a mbəə, təne mgban kanyi dɨ nidən, mya nggutən, a muɗə kan a vor pwa baa pɨrɓatə a gbən tənaa yə nan.
10Lagbe dan nee kanyi dɨ niyə pwa kpəkəkə, a hangɨn imi kpe a dɨma a hakarən tan, a kangə ka sɨɓwetɨ kungye pwat-pwat. 11Mingɨn a sarən atɨ, “Moryi Galili, mɨnə ɗa hwuna kwa kangə a dɨ niyə pwa? Ɓətɨya hwuna nan ndi Yesu mya nggutən nda muɗə pwa, sə mgban ndi ɓa mɨna ɓətɨya hwuna nan nda muɗə.”
12Dɨ hangɨn lagbe dan a ɗaka nə Motɨ Kade Zetun, a mɨna a Urshelima, hangɨn aa ɓongə, ɓa ɗa gbɨlə meltə.#1.12 Dorshi kwamətə bɨldən atɨ Yawuda a dɨ woyo fərə piyatə a pɨrgə gbɨlə meltə. 13Ite təna pɨra a vor hwoɗye, təna nggɨrə vor vɨnə pwatə a haa təna gə də kɨnɨnɨng. Tən myee kat a hangɨn, tənə yə: Bitrus, Yohana, Yakubu ka Andrawus, Filibus ka Tomas, Batalamawus ka Matta, Yakubu nze da Alfiyus ka Siman nzə-nyatə gə njiya, ka Yawuda nze da Yakubu. 14Təna dɨ peyə ta ɗa hiwtə anəsə ka hubosərən hiɗə, tənə kat ka i mandi, ka Maryamu nuwogə Yesu, kat ka mwafe Yesu.
15A vor bətɨngɨn, Bitrus a maɗə a kangə waka ji-kottə, furongrən ɓa ɗa haru hiɗə ka bəwtə kpe. 16Nda sarən, “Ji-nuwo, ɓə nza mbak-mbak la Malɨmtɨ Ɗəmɗəmtə a boyo ɓa naa, sɨnə la mgban Pitɨ Ɗəmɗəmtə a boyo dɨ kwaamɨ Dawuda a nə Yawuda Iskariyoti, ndi ma kənə myee kɨt Yesu tɨfe. 17Ndi Yawuda, sɨnə hiɗə dɨ vorsəm hɨm myee mya warəm gə lyenta Həmɨnpwa.”
18(Taa nda luwo, kan nda ɗər njiya, sɨnə moona nda ɗɨmə gə lyentɨ hattɨ dan. A vor njiyangɨn mgban nda fuka ka nəngɨn, yedingɨn a fɨlə, sɨyedingɨn a bwaɗa, nda mbɨrə. 19Myee kat nza vor Urshelima kɨl ləngɨn. Yawude a wa hangɨn ka kwaame darən atɨ Akeldama, naarəngɨn nə Njiya Zaambe.)
20Bitrus a sarən, “Mye doro vor Malɨmtɨ Dyemshe atɨ,
“ ‘A mya ɗaka haa dan nda bə ɓaa,
ɓe ama aa nza hangɨn.’#1.20 Naasə: Dyemshe 69.25.
Mya mɨna boyo ɓə atɨ,
‘Naa ama som a pɨrə duɓo kpa-lagbəwne dan.’#1.20 Naasə: Dyemshe 109.8.
21Gəkɨlə angɨn mgban ɓə kana mya nggɨl hiɗə dɨ vorsəm, a ma mya gəm kaarən ite Həmɨmiye Yesu nə ganə ɓwaa kam.
22“Ɓə kana mangɨn nee ɓwaa kam kɨsa dɨ fəra Yohana nzə-ɗa batisɨmatə a tiya lyentɨ dan, baa dɨmə fəra mya nggur Yesu dɨ hakam nda muɗə pwa də. Gə mangɨn a gəə nzə-takalə a nə matta Yesu gə we ka myentə ɓwaa kam.”
23Təna wagadə kwaki ɓwaare kpe, ndi Yusufu a mya wa atɨ Barsabas (sɨnə Yustus mgban), ɗɨkənə Matayas. 24Təna ɗa hiwtə, a sa, “Həmɨmiye Baatə, hye lee hubo nagi ndo ma. Bɨlenə ma hye nggɨlə dɨ vor mi kpeyinə, 25a ma ɓa nggur lyenta Həmɨnpwa ite Yawuda a ɗakarə a muɗə haa nda muɗə də.” 26Təna ɓeguɗe a bələ, mya nggɨl Matayas, nda pɨrə vor kpe-lagbe bəw a mbiɗi-hiɗə.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.