Gɨye-lɔɔ 18
18
Pol a Korɛ̰t
1Kardi nee ɨni na, Pol say a cay ƴaa-di-gumu di Atɛn dɨŋ, orɨn̰ a cay ƴaa-di-gumu di Korɛ̰t. 2A cay ƴaa-di-gumu di nee le, Pol way Jubɨ gɨ pɨna wo̰, gɨ gusondi na Agilas, cay gɨsəŋdi na Po̰. Agilas dan̰ tamdi Pɨrisil saygage na a cay ƴaa di Itali dɨŋ ɨrgage na haw kɛ ƴee, kɨya wa kɨlma gɨ gumu Kɨlod ay noyi gɨ Jubɨn̰əŋ nɔm na andaŋge coŋ a cay ƴaa di Rɔm dɨŋ. Pol or wayge sɔmɛ danage bɨ, lɔɔ gɨye danage bɨ. 3Kɨya wa ban Pol kalɨn̰ ma, na ba-lɔɔ ƴaa-tanda hɨn̰ kan wo̰ bɨ. Ban som danage leen̰ gɨye danage. 4Dan̰ wɔlɛ dɔrɛ gɨlale gɨ da Jubɨn̰əŋ pɨna pɨna le, Pol or a duroy ƴaa-daye-di-da-Jubɨn̰əŋ dɨŋ bɨ. Ban man̰ kɔl dan̰ Jubɨn̰əŋ bɨ, Gɨrɛgn̰əŋ bɨ. Ban mal gɨyəŋ ɗe cɨndɨge na hangaŋ a cay kɔl gɨ da Kumu gɨŋ.
5Ama kɨɗɨn̰ ga Sɨlas dan̰ Timote saygage Masedɨwan bugoŋge ɨni na, Pol laa hɨnga ga ɗaŋ naŋ ɨni bɨ, ban ɗe gusi na kɨbɨ gɨye tɔgɛ bɛrnɛ gɨŋ ƴɔbɨ. Ban gɨlɨn̰ kalaŋ ga ni Jubɨn̰əŋ gɨ Jesu naa Kɨris ban gɨ Kumu dorii le leen̰ cɨndi. 6Ama kalaŋ ga ni Jubɨn̰əŋ kan̰ge kɔl koyi coŋ bɨ, yagɨdiige bɨ. Kɨɗɨn̰di ga nee gaŋ le, Pol gagɨde bundu di a badɨge kayi gaŋ cag cag#18:6 Sɨlagɨŋ: Lug 9:5. coŋ dorɨn̰ naji toyi beege cayge bɨ yege hɨn̰: «Hɨn̰ gɨ kɨŋ na kan̰aŋ na, kɨbardɨgɨŋ baa caygɨŋ! Ɨŋ-bandi na, kɔl unɔ canɨ. Ayɨn̰ toy haw kɛ na, ɨŋ kɨya ɔrɛ na gusi kalaŋ ga toyge na Jubɨ naŋ.» 7Ban say a kɨɗɨn̰di ga nee gaŋ le, or a da gɨlmi gɨ pɨna wo̰ gɨ gusondi na Titɨyus Justus. Gɨlmi gɨ nee le na ba n̰ɨre Kumu, gɨ na Jubɨ naŋ. Ƴaadi woy na bongi ƴaa-daye-di-da-Jubɨn̰əŋ. 8Ba-sɔmɛ a cay ƴaa-daye-di-da-Jubɨn̰əŋ gɨ gusondi na Kɨrispus le, ay kuduroy bɨn̰ Ba-gulɔŋ dan̰ ka-ƴaadi nɔm. Kondɨwadi kalaŋ ga Korɛ̰t ga ba jege kɔl gɨ da Pol le, ayge kuduroyge bɨ, leegege batɛm bɨ.
9Duroy son̰do di pɨna wo̰ dɨŋ na, Ba-gulɔŋ yen̰ Pol duroy hɨnga ga buyoŋ cɨndi hɨn̰ dḛḛ wo̰ yey hɨn̰: «Ji ɗɔɔ ba hundɔrɔ, ya kɔl cɨndɨn̰ tumɔ tumɔ, sɔgɨyɛ naŋ. 10Kɨya wa ɨŋ woy danan̰. Ungo gɨ kɨya ɓale ƴomɨn̰ leen̰ hɨnga ga ɨsɨni unɔ. Kɨya wa ɨŋ orɨn̰ dan̰ kalaŋ kondɨ, ga na kange a cay ƴaa-di-gumu di nee dɨŋ le.»
11Pol som a Korɛ̰t ɓal ɨlge pɨna dan̰ kɨɗɨrɛ jii, gɨlɨn̰ kalaŋ kɔl gɨ da Kumu a nee.
12Kɨɗɨn̰ ga Galɨyo̰ diin̰ cay gɨsəŋ ga Agay le, Jubɨn̰əŋ nɔm beege toyge pɨna bɨ, geyge Pol naŋ. Kan orɨn̰ge danayi kɨɗɨn̰ bɔyɛ kɔl gɨŋ, 13bɨ kan yege hɨn̰: «Gɨlmi gɨ kɛ le, gosɨr kalaŋ ɗe na n̰ɨrege Kumu dan̰ gɨyəŋ n̰ɨre Kumu gɨ gasɨn̰-kɔl gɨ da kalaŋ ga Rɔm nar coŋ.» 14Pol say daa ay na ye kɔl ƴee bɨ ga ma, Galɨyo̰ say yen̰ Jubɨn̰əŋ hɨn̰: «Kɨŋ Jubɨn̰əŋ, hɨn̰ gɨ ban na laa naa hɨnga ga dan̰ gɨyəŋdɨge naŋ wala, laa na hɨnga ga ɨsɨni tɔgɨ ga kalaŋ na laa na, ɨŋ kɨya jɔɔ kɔl kogɨŋ dan̰ gɨyəŋdi. 15Ama ɨŋ sol gɨ na man̰e-kɔl kogɨŋ gɨ ojɨ cay gɨle kɔl bɨ, gusoŋ bɨ, gasɨn̰-kɔl kagɨŋ bɨ na, na kɔl kogɨŋ kɨŋ-gandi wala, ɨŋ gey gɨ ni bɔyɛ kɔl ga hɨn̰ wo̰ naŋ. 16Na toy di hɨn̰ wo̰ ma, Galɨyo̰ tayge kɨɗɨn̰ bɔyɛ kɔl gaŋ coŋ. 17Kɨɗɨn̰ ga nee le, kan nɔm sayge ƴomge Sostɛn ba-sɔmɛ a cay ƴaa-daye-di-da-Jubɨn̰əŋ bɨ, bugoŋge cay teyige tumoy kalaŋ ga ba dayaŋge kɨɗɨn̰ bɔyɛ kɔl gɨŋ le. Ama dɨlan̰ Galɨyo̰ dḛ wo̰ naŋ bɨrɨŋ.»
Pol jogɨ a Antɨyɔs
18Pol som Korɛ̰t kardi sɨngɨɗɨ coŋ. Kardi nee ɨni na, ban say ɗe karmii bɨ, nan̰ boy koburo gɨ gumu taa taa gɨŋ kɨya orɨn̰ jɨn̰ cay gɨsəŋ ga Siri gaŋ, pɨna dan̰ Pɨrisil bɨ, Agilas bɨ. Ban dɨl cay coŋ a boy cay ƴaa di Saŋkɨre dɨŋ, gɨlɨn̰ gɨ ɗi na dɨɗɨ kɨbɨ te tumɔ di ban ay bɨn̰ Kumu le. 19Kɨɗɨn̰ ga kan bugoŋge a cay ƴaa-di-gumu di Epɛs dɨŋ ɨni na, Pol ɗe Pɨrisil dan̰ Agilas a nee. Bɨ ban say or duroy ƴaa-daye-di-da-Jubɨn̰əŋ gaŋ arɨn̰ kɔl danage bɨ. 20Kan ɨngɨrige gɨ ban na sɨma danage lam nee, ama ban kan̰ coŋ. 21Pa dɨm ma, ban kɨya sɔ ɔrɛ ƴee na ban yege hɨn̰: «Hɨn̰ gɨ Kumu na gey na, ɨŋ kɨya jɨga gusɨgɨŋ ƴee.» Ban say nayi a boy koburo gɨ gumu taa taa gɨŋ a Epɛs orɨn̰ tɨrga toyi. 22Kɨɗɨn̰ ga ban gɨsɨn a Sejare ɨni na, ban or a Jerusalɛm leen̰ Ka-Daye lapɨya. Kardi nee ɨni na, ban say or a Antɨyɔs. 23Ban wol sɨm a cay ƴaa di nee dɨŋ le bɨ, say orɨn̰ tɨrga toyi. Ban gan̰ cay ƴaan̰əŋ ga a cay gɨsəŋ ga Galasi gaŋ bɨ, ga Pɨrɨji gaŋ bɨ. Dobɨn̰ bandɨ kuduroy ka-aye-cay-tɨbay Jesu, ɗe gɨ kan na ɨrɨn̰ usa a cay aye kudurɔ koge gɨŋ.
Apolos a Epɛs bɨ Korɛ̰t bɨ
24Jubɨ gɨ pɨna wo̰ gɨ gusondi na Apolos ɨrga bugoŋ a cay ƴaa-di-gumu di Epɛs dɨŋ. Kan wooyge na a cay ƴaa-di-gumu di Alegjandɨri dɨŋ. Ban na ungo gɨ orɨn̰ dan̰ jɨba di kɔl bɨ, ban na ungo gɨ sol kɔl gɨ a boy kɔl gɨ woy a duroy Magtubu di da Kumu dɨŋ di kan walge tɔgɨ bɨ. 25Ban na ungo gɨ kan gɨlige gɨyəŋ gɨ da Ba-gulɔŋ ɗeyi sol kuɗa. Ban na ungo gɨ ye kɔl dan̰ gusi hɨmbalwa. Ban tee bɛrnɛ bɨ, gɨlɨn̰ kalaŋ kɔl gɨ ojɨ cay Jesu dan̰ gɨyəŋdi gɨyəŋdi bɨ. Ama na tɔgɛ bɛrnɛ di da Ja̰ ba-lɔɔ batɛm pɨnaa ɗɔɔ ma ban sol. 26Ban say ye kɔl dan̰ cɨn̰-bandɨ duroy ƴaa-daye-di-da-Jubɨn̰əŋ dɨŋ. Kɨɗɨn̰ ga Pɨrisil dan̰ Agilas jege kɔl koyi ɨni na, kan ƴomiige walaŋ bɨ, gɨliige gɨyəŋ gɨ da Kumu dan̰ gɨyəŋdi tɛrɛrɛ tɛrɛrɛ ɗɨn̰ gɨ tumɔ ƴee. 27Kardi nee ɨni na, Apolos ojɨ gɨ ni ɔrɛ a cay gɨsəŋ ga Agay gaŋ ɨni na, ka-aye kudurɔ dobɨge bandɨ kuduroy ɗe gɨ ban na ɨra. Na toy di hɨn̰ wo̰ ma, kan walge magtubu bɨn̰ge ka-aye kudurɔ ga Agay ɗe gɨ kan na ƴɨmayi gusɨge bɨ. Kɨɗɨn̰ ga ban bugoŋ nee ɨni na, ban say jɨbɨ te kan ga bɨləŋge ka-aye kudurɔ dan̰ gɨyəŋ gɨ da ɗarwa di da Kumu. 28Kɨya wa ban ƴom kɨbɨ Jubɨn̰əŋ dan̰ kɔl nɔm a kɨɗɨn̰ ga woli gaŋ cɨn̰ dɨmdɨrdi kalaŋ: Ban gɨlge dan̰ gɨyəŋ gɨ da Magtubu di da Kumu di kan walge gɨ Jesu na Kɨris ban gɨ Kumu dorii le.
S'ha seleccionat:
Gɨye-lɔɔ 18: gab
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Association pour la Promotion de la Langue Gabri Darbé-Dormon (APLGD) en coopération avec
© 2023, Wycliffe Bible Translators, Inc.
Gɨye-lɔɔ 18
18
Pol a Korɛ̰t
1Kardi nee ɨni na, Pol say a cay ƴaa-di-gumu di Atɛn dɨŋ, orɨn̰ a cay ƴaa-di-gumu di Korɛ̰t. 2A cay ƴaa-di-gumu di nee le, Pol way Jubɨ gɨ pɨna wo̰, gɨ gusondi na Agilas, cay gɨsəŋdi na Po̰. Agilas dan̰ tamdi Pɨrisil saygage na a cay ƴaa di Itali dɨŋ ɨrgage na haw kɛ ƴee, kɨya wa kɨlma gɨ gumu Kɨlod ay noyi gɨ Jubɨn̰əŋ nɔm na andaŋge coŋ a cay ƴaa di Rɔm dɨŋ. Pol or wayge sɔmɛ danage bɨ, lɔɔ gɨye danage bɨ. 3Kɨya wa ban Pol kalɨn̰ ma, na ba-lɔɔ ƴaa-tanda hɨn̰ kan wo̰ bɨ. Ban som danage leen̰ gɨye danage. 4Dan̰ wɔlɛ dɔrɛ gɨlale gɨ da Jubɨn̰əŋ pɨna pɨna le, Pol or a duroy ƴaa-daye-di-da-Jubɨn̰əŋ dɨŋ bɨ. Ban man̰ kɔl dan̰ Jubɨn̰əŋ bɨ, Gɨrɛgn̰əŋ bɨ. Ban mal gɨyəŋ ɗe cɨndɨge na hangaŋ a cay kɔl gɨ da Kumu gɨŋ.
5Ama kɨɗɨn̰ ga Sɨlas dan̰ Timote saygage Masedɨwan bugoŋge ɨni na, Pol laa hɨnga ga ɗaŋ naŋ ɨni bɨ, ban ɗe gusi na kɨbɨ gɨye tɔgɛ bɛrnɛ gɨŋ ƴɔbɨ. Ban gɨlɨn̰ kalaŋ ga ni Jubɨn̰əŋ gɨ Jesu naa Kɨris ban gɨ Kumu dorii le leen̰ cɨndi. 6Ama kalaŋ ga ni Jubɨn̰əŋ kan̰ge kɔl koyi coŋ bɨ, yagɨdiige bɨ. Kɨɗɨn̰di ga nee gaŋ le, Pol gagɨde bundu di a badɨge kayi gaŋ cag cag#18:6 Sɨlagɨŋ: Lug 9:5. coŋ dorɨn̰ naji toyi beege cayge bɨ yege hɨn̰: «Hɨn̰ gɨ kɨŋ na kan̰aŋ na, kɨbardɨgɨŋ baa caygɨŋ! Ɨŋ-bandi na, kɔl unɔ canɨ. Ayɨn̰ toy haw kɛ na, ɨŋ kɨya ɔrɛ na gusi kalaŋ ga toyge na Jubɨ naŋ.» 7Ban say a kɨɗɨn̰di ga nee gaŋ le, or a da gɨlmi gɨ pɨna wo̰ gɨ gusondi na Titɨyus Justus. Gɨlmi gɨ nee le na ba n̰ɨre Kumu, gɨ na Jubɨ naŋ. Ƴaadi woy na bongi ƴaa-daye-di-da-Jubɨn̰əŋ. 8Ba-sɔmɛ a cay ƴaa-daye-di-da-Jubɨn̰əŋ gɨ gusondi na Kɨrispus le, ay kuduroy bɨn̰ Ba-gulɔŋ dan̰ ka-ƴaadi nɔm. Kondɨwadi kalaŋ ga Korɛ̰t ga ba jege kɔl gɨ da Pol le, ayge kuduroyge bɨ, leegege batɛm bɨ.
9Duroy son̰do di pɨna wo̰ dɨŋ na, Ba-gulɔŋ yen̰ Pol duroy hɨnga ga buyoŋ cɨndi hɨn̰ dḛḛ wo̰ yey hɨn̰: «Ji ɗɔɔ ba hundɔrɔ, ya kɔl cɨndɨn̰ tumɔ tumɔ, sɔgɨyɛ naŋ. 10Kɨya wa ɨŋ woy danan̰. Ungo gɨ kɨya ɓale ƴomɨn̰ leen̰ hɨnga ga ɨsɨni unɔ. Kɨya wa ɨŋ orɨn̰ dan̰ kalaŋ kondɨ, ga na kange a cay ƴaa-di-gumu di nee dɨŋ le.»
11Pol som a Korɛ̰t ɓal ɨlge pɨna dan̰ kɨɗɨrɛ jii, gɨlɨn̰ kalaŋ kɔl gɨ da Kumu a nee.
12Kɨɗɨn̰ ga Galɨyo̰ diin̰ cay gɨsəŋ ga Agay le, Jubɨn̰əŋ nɔm beege toyge pɨna bɨ, geyge Pol naŋ. Kan orɨn̰ge danayi kɨɗɨn̰ bɔyɛ kɔl gɨŋ, 13bɨ kan yege hɨn̰: «Gɨlmi gɨ kɛ le, gosɨr kalaŋ ɗe na n̰ɨrege Kumu dan̰ gɨyəŋ n̰ɨre Kumu gɨ gasɨn̰-kɔl gɨ da kalaŋ ga Rɔm nar coŋ.» 14Pol say daa ay na ye kɔl ƴee bɨ ga ma, Galɨyo̰ say yen̰ Jubɨn̰əŋ hɨn̰: «Kɨŋ Jubɨn̰əŋ, hɨn̰ gɨ ban na laa naa hɨnga ga dan̰ gɨyəŋdɨge naŋ wala, laa na hɨnga ga ɨsɨni tɔgɨ ga kalaŋ na laa na, ɨŋ kɨya jɔɔ kɔl kogɨŋ dan̰ gɨyəŋdi. 15Ama ɨŋ sol gɨ na man̰e-kɔl kogɨŋ gɨ ojɨ cay gɨle kɔl bɨ, gusoŋ bɨ, gasɨn̰-kɔl kagɨŋ bɨ na, na kɔl kogɨŋ kɨŋ-gandi wala, ɨŋ gey gɨ ni bɔyɛ kɔl ga hɨn̰ wo̰ naŋ. 16Na toy di hɨn̰ wo̰ ma, Galɨyo̰ tayge kɨɗɨn̰ bɔyɛ kɔl gaŋ coŋ. 17Kɨɗɨn̰ ga nee le, kan nɔm sayge ƴomge Sostɛn ba-sɔmɛ a cay ƴaa-daye-di-da-Jubɨn̰əŋ bɨ, bugoŋge cay teyige tumoy kalaŋ ga ba dayaŋge kɨɗɨn̰ bɔyɛ kɔl gɨŋ le. Ama dɨlan̰ Galɨyo̰ dḛ wo̰ naŋ bɨrɨŋ.»
Pol jogɨ a Antɨyɔs
18Pol som Korɛ̰t kardi sɨngɨɗɨ coŋ. Kardi nee ɨni na, ban say ɗe karmii bɨ, nan̰ boy koburo gɨ gumu taa taa gɨŋ kɨya orɨn̰ jɨn̰ cay gɨsəŋ ga Siri gaŋ, pɨna dan̰ Pɨrisil bɨ, Agilas bɨ. Ban dɨl cay coŋ a boy cay ƴaa di Saŋkɨre dɨŋ, gɨlɨn̰ gɨ ɗi na dɨɗɨ kɨbɨ te tumɔ di ban ay bɨn̰ Kumu le. 19Kɨɗɨn̰ ga kan bugoŋge a cay ƴaa-di-gumu di Epɛs dɨŋ ɨni na, Pol ɗe Pɨrisil dan̰ Agilas a nee. Bɨ ban say or duroy ƴaa-daye-di-da-Jubɨn̰əŋ gaŋ arɨn̰ kɔl danage bɨ. 20Kan ɨngɨrige gɨ ban na sɨma danage lam nee, ama ban kan̰ coŋ. 21Pa dɨm ma, ban kɨya sɔ ɔrɛ ƴee na ban yege hɨn̰: «Hɨn̰ gɨ Kumu na gey na, ɨŋ kɨya jɨga gusɨgɨŋ ƴee.» Ban say nayi a boy koburo gɨ gumu taa taa gɨŋ a Epɛs orɨn̰ tɨrga toyi. 22Kɨɗɨn̰ ga ban gɨsɨn a Sejare ɨni na, ban or a Jerusalɛm leen̰ Ka-Daye lapɨya. Kardi nee ɨni na, ban say or a Antɨyɔs. 23Ban wol sɨm a cay ƴaa di nee dɨŋ le bɨ, say orɨn̰ tɨrga toyi. Ban gan̰ cay ƴaan̰əŋ ga a cay gɨsəŋ ga Galasi gaŋ bɨ, ga Pɨrɨji gaŋ bɨ. Dobɨn̰ bandɨ kuduroy ka-aye-cay-tɨbay Jesu, ɗe gɨ kan na ɨrɨn̰ usa a cay aye kudurɔ koge gɨŋ.
Apolos a Epɛs bɨ Korɛ̰t bɨ
24Jubɨ gɨ pɨna wo̰ gɨ gusondi na Apolos ɨrga bugoŋ a cay ƴaa-di-gumu di Epɛs dɨŋ. Kan wooyge na a cay ƴaa-di-gumu di Alegjandɨri dɨŋ. Ban na ungo gɨ orɨn̰ dan̰ jɨba di kɔl bɨ, ban na ungo gɨ sol kɔl gɨ a boy kɔl gɨ woy a duroy Magtubu di da Kumu dɨŋ di kan walge tɔgɨ bɨ. 25Ban na ungo gɨ kan gɨlige gɨyəŋ gɨ da Ba-gulɔŋ ɗeyi sol kuɗa. Ban na ungo gɨ ye kɔl dan̰ gusi hɨmbalwa. Ban tee bɛrnɛ bɨ, gɨlɨn̰ kalaŋ kɔl gɨ ojɨ cay Jesu dan̰ gɨyəŋdi gɨyəŋdi bɨ. Ama na tɔgɛ bɛrnɛ di da Ja̰ ba-lɔɔ batɛm pɨnaa ɗɔɔ ma ban sol. 26Ban say ye kɔl dan̰ cɨn̰-bandɨ duroy ƴaa-daye-di-da-Jubɨn̰əŋ dɨŋ. Kɨɗɨn̰ ga Pɨrisil dan̰ Agilas jege kɔl koyi ɨni na, kan ƴomiige walaŋ bɨ, gɨliige gɨyəŋ gɨ da Kumu dan̰ gɨyəŋdi tɛrɛrɛ tɛrɛrɛ ɗɨn̰ gɨ tumɔ ƴee. 27Kardi nee ɨni na, Apolos ojɨ gɨ ni ɔrɛ a cay gɨsəŋ ga Agay gaŋ ɨni na, ka-aye kudurɔ dobɨge bandɨ kuduroy ɗe gɨ ban na ɨra. Na toy di hɨn̰ wo̰ ma, kan walge magtubu bɨn̰ge ka-aye kudurɔ ga Agay ɗe gɨ kan na ƴɨmayi gusɨge bɨ. Kɨɗɨn̰ ga ban bugoŋ nee ɨni na, ban say jɨbɨ te kan ga bɨləŋge ka-aye kudurɔ dan̰ gɨyəŋ gɨ da ɗarwa di da Kumu. 28Kɨya wa ban ƴom kɨbɨ Jubɨn̰əŋ dan̰ kɔl nɔm a kɨɗɨn̰ ga woli gaŋ cɨn̰ dɨmdɨrdi kalaŋ: Ban gɨlge dan̰ gɨyəŋ gɨ da Magtubu di da Kumu di kan walge gɨ Jesu na Kɨris ban gɨ Kumu dorii le.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Association pour la Promotion de la Langue Gabri Darbé-Dormon (APLGD) en coopération avec
© 2023, Wycliffe Bible Translators, Inc.