ꩭေပ︀ရ︀ူး 1
1
လ︀ွင︀်ႈꩡ︀ဝ်ႛယ︀ေꩬ︀ု ပ︀ီꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛ
1မ︀ိူဝ်ႈꩫ︀ꩫ︀်ႇ ၸ︀ြႃးပ︀ီꩫ︀်ႈꩡ︀ဝ်ႛ ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ ပ︀ွႆ︀ꩡ︀ႂ်ႇꩬ︀ီ ပ︀ူလ︀ီꩫ︀်ꩭဝ်းၵ︀ဝ်မ︀ႆ︀ႛ က︀ီလ︀ႆ︀ၢပ︀ၢꩫ︀်ႈ က︀ီလ︀ႆ︀ၢၸ︀ꩫ︀်း ၵ︀ၢဝ်ႈၵ︀ၢမ︀်းဝႃႈမ︀ႃးဢ︀ူ။ 2င︀ႆ︀ႚ ꩡ︀ူဝ်ႈပ︀ႆ︀ၢႈꩭၢင︀်မ︀ႆ︀ႛယ︀ႃႇ ꩭဝ်းမ︀ႆ︀ႛ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛပ︀ွႆ︀ꩡ︀ႂ်ႇꩬ︀ီ ဝႃႈမ︀ႃးဢ︀ူ။ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛ ဢ︀မ︀ွေမ︀ꩫ︀်းꩡ︀ဝ်ႛတ︀င︀်းမ︀ိူင︀်းဢ︀ၢပ︀်ႉꩭႂ်ႛꩬ︀ီ တ︀မ︀်တ︀ိူင︀်းတ︀င︀်းလ︀ုက︀်ႉမ︀ႆ︀ႛ ဢ︀ဝ်ႈတ︀ꩫ︀်းၵ︀ူဝ်းလ︀ုက︀်ႉမ︀ꩫ︀်းꩡ︀ဝ်ႛ ၸ︀ၢꩫ︀်ꩬ︀ၢင︀်းမ︀ႃးယ︀ဝ်ႇ။ 3လ︀ုက︀်ႉမ︀ꩫ︀်းꩡ︀ဝ်ႛယ︀ႃႇ မ︀ူꩫ︀်ႈင︀ဝ်းၸ︀ြႃးပ︀ီꩫ︀်ႈꩡ︀ဝ်ႛ ꩡ︀ႃတ︀ိႉၸ︀ြႃးပ︀ီꩫ︀်ႈꩡ︀ဝ်ႛတ︀ီမ︀်ႈက︀ုမ︀်င︀ႆ︀း ဢ︀ဝ်ႈဢ︀မ︀ိင︀်းမ︀ꩫ︀်းꩡ︀ဝ်ႛ ဢ︀ꩫ︀်ႈတ︀ꩫ︀်းၵ︀ူဝ်းတ︀ီမ︀်ႈက︀ုမ︀်ꩫ︀ႆ︀ႇ တ︀င︀်းလ︀ုင︀်မ︀ႆ︀ႛ ဢ︀ဝ်ႈမ︀ꩫ︀်ႛဢ︀ဝ်ႈၵ︀ိူင︀်ဢ︀ူꩫ︀မ︀်။ မ︀ꩫ︀်းꩡ︀ဝ်ႛ ဢ︀ပ︀ႅတ︀်ႉက︀ူꩫ︀်းꩭဝ်းမ︀ႆ︀ႛ ꩬ︀ုက︀်ႉꩬ︀ီဢ︀ဝ်ႈတ︀ွင︀်ꩭႂ်ႛယ︀ဝ်ႇက︀ီး က︀ꩫ︀်ႛꩫ︀ိူဝ်က︀ၢင︀်ႈꩭၢဝ် ပ︀ႃႛၵ︀ႃၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈမ︀ူꩫ︀်ႈၸ︀ုင︀်းယ︀ႂ်လ︀ူင︀်မ︀ႆ︀ႛ ꩫ︀င︀်ႈဢ︀ူဢ︀ူ။
လ︀ွင︀်ႈꩡ︀ဝ်ႛယ︀ေꩬ︀ု ၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ်မ︀ႆ︀ႛ ယ︀ႂ်မ︀ႅတ︀်ႉꩬ︀ႃ
4ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛ ꩫ︀ိူဝ်ၵ︀ုꩫ︀်ꩬ︀ၢင︀်ၵ︀ဝ်မ︀ႆ︀ႛ ဢ︀ဝ်ႈယ︀ႂ်မ︀ႅတ︀်ႉꩬ︀ႃဝႆ︀ႇင︀ႆ︀း ꩡ︀ိုဝ်ႈဢ︀ꩫ︀်ႈလ︀ုက︀်ႉမ︀ꩫ︀်းꩡ︀ဝ်ႛ ထႅက︀်ႉꩬ︀ီꩫ︀ႆ︀ႛဝႆ︀ႇꩫ︀ႆ︀ႇက︀ေႃႇ ၵ︀ဝ်မ︀ႆ︀ႛယ︀ႂ်မ︀ႅတ︀်ႉꩬ︀ႃဢ︀ူꩫ︀ꩫ︀ႆ︀ႇ ပ︀ျႃးဢ︀ူ။ 5က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇၵ︀ုꩫ︀်ꩬ︀ၢင︀်ပ︀ႃးလ︀ႂ်ႈမ︀ႆ︀ႛက︀ေႃႇ
“မ︀ႂ်းယ︀ႃႇလ︀ုက︀်ႉက︀ဝ်ႈꩫ︀မ︀်။
မ︀ိူဝ်ႈꩫ︀ႆ︀ႇက︀ဝ်ႈ ပ︀ီꩫ︀်ႈပ︀ူဝ်မ︀ႂ်းမ︀ႃးယ︀ဝ်ႇ”
ꩫ︀က︀ေႃႇယ︀ႃ
“က︀ဝ်ႈယ︀ႃႇ တ︀ီပ︀ီꩫ︀်ႈ ပ︀ူဝ်မ︀ꩫ︀်းꩫ︀မ︀်။
မ︀ꩫ︀်းက︀ေႃႇ တ︀ီပ︀ီꩫ︀်ႈလ︀ုက︀်ႉက︀ဝ်ႈꩫ︀မ︀်”
ꩫ︀က︀ေႃႇယ︀ႃ ꩵ︀ႈꩭွꩫ︀်ဝႃႈမ︀ႃး။ 6ꩫ︀ႆ︀ႇꩫ︀က︀ေႃႇ မ︀ိူဝ်ႈလ︀ုက︀်ႉꩭူဝ်လ︀ႃႈမ︀ꩫ︀်းꩡ︀ဝ်ႛမ︀ႆ︀ႛ မ︀ိူင︀်းက︀ၢင︀်ႈမ︀ႆ︀ႛꩭွင︀်ႇမ︀ႃးꩫ︀ႆ︀ႇယ︀ႃႇ
“ꩡ︀ဝ်ႛꩫ︀ႆ︀ႇမ︀ႆ︀ႛ ၵ︀ုꩫ︀်ꩬ︀ၢင︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်တ︀င︀်းမ︀ိူင︀်း
ပ︀ႆ︀ၢႛဝႆ︀ႈက︀ꩫ︀်ႈတ︀ႃႉ” ꩫ︀ဝꩫ︀်ႇ။
7မ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛ လ︀ွင︀်ႈၵ︀ုꩫ︀်ꩬ︀ၢင︀်မ︀ꩫ︀်းꩡ︀ဝ်ႛၵ︀ဝ်ဝႃႈꩫ︀ႆ︀ႇယ︀ႃႇ
“ၵ︀ုꩫ︀်ꩬ︀ၢင︀်မ︀ꩫ︀်းꩡ︀ဝ်ႛၵ︀ဝ်မ︀ႆ︀ႛ ꩫ︀င︀်လ︀ူမ︀်းꩫ︀က︀ꩫ︀်ႈ၊
ၸ︀ူꩡ︀ႂ်ႇမ︀ꩫ︀်းꩡ︀ဝ်ႛၵ︀ဝ်မ︀ႆ︀ႛ
ꩫ︀င︀်မ︀ုက︀်ႉၸ︀ႆ︀းꩫ︀က︀ꩫ︀်ႈ
ဢ︀ဝ်ႈပ︀ီꩫ︀်ႈဝႆ︀ႇဢ︀ူ” ꩫ︀ဝꩫ︀်ႇ။
8ꩫ︀ႆ︀ႇꩫ︀က︀ေႃႇ မ︀ိူဝ်ႈလ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛ ဝႃႈꩫ︀ႆ︀ႇယ︀ႃႇ
“ၸ︀ြႃးပ︀ီꩫ︀်ႈꩡ︀ဝ်ႛꩴ︀း မ︀ိူင︀်းၵ︀ိင︀်းတ︀ူဝ်ꩡ︀ဝ်ႛယ︀ႃႇ
ထႃဝရ︀မ︀ꩫ︀်ႛတ︀ိူင︀်ႈꩬ︀ီ ဢ︀ꩫ︀်ႈၵ︀ိင︀်းတ︀ူဝ်ꩡ︀ဝ်ႛ
ဢ︀ုပ︀်ႉပ︀ိုင︀်ꩫ︀ႆ︀ႇက︀ေႃႇ ꩬ︀ိုဝ်ႈတ︀ူဝ်တ︀ီၵ︀ႃႛဢ︀ူ။
9ၵ︀ိင︀်းတ︀ူဝ်ꩡ︀ဝ်ႛယ︀ႃႇ ဢ︀ꩫ︀်ႈꩬ︀ိုဝ်ႈတ︀ူဝ်မ︀ႆ︀ႛ ထုက︀်ꩡ︀ႂ်ႈꩬ︀ီ
ဢ︀ꩫ︀်ႈမ︀ဝ်တ︀ြႃးမ︀ႆ︀ႛꩡ︀င︀်းဢ︀ူ။
င︀ႆ︀းꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛ၊ ၸ︀ြႃးၵ︀ိင︀်းတ︀ူဝ်ꩡ︀ဝ်ႛယ︀ႃႇ
ၵ︀ိင︀်းတ︀ူဝ်ꩡ︀ဝ်ႛမ︀ႆ︀ႛ လ︀ိူက︀်ႉဝႆ︀ႇင︀ႆ︀း
က︀ꩫ︀်ႛꩫ︀ိူဝ်ၸ︀ူႛလ︀ွမ︀်ႇလ︀ၢမ︀်ၵ︀ိင︀်းတ︀ူဝ်ꩡ︀ဝ်ႛ တ︀င︀်းမ︀ိူင︀်းမ︀ႆ︀ႛ
ယ︀ွင︀်ႛꩭႂ်ႛꩬ︀ီ ဢ︀ဝ်ႈꩡ︀ူမ︀်းꩭုမ︀်ꩬ︀ႃꩭႂ်ႛဢ︀ူ” ꩫ︀ဝꩫ︀်ႇ။
10မ︀ꩫ︀်းꩡ︀ဝ်ႛက︀ေႃႇ
“ꩡ︀ဝ်ႛꩴ︀း မ︀ိူဝ်ႈꩭူဝ်က︀ူဝ်ꩫ︀ႆ︀ႇ ၵ︀ိင︀်းတ︀ူဝ်ꩡ︀ဝ်ႛ
က︀မ︀်ၸ︀ႃမ︀ႆ︀ႛၸ︀ၢꩫ︀်ꩬ︀ၢင︀်းꩬ︀ီ က︀ၢင︀်ႈꩭၢဝ်မ︀ႆ︀ႛက︀ေႃႇ
ဢ︀ဝ်ႈမ︀ိုဝ်းၵ︀ိင︀်းတ︀ူဝ်ꩡ︀ဝ်ႛ ꩭီတ︀်ဝႆ︀ႇယ︀ဝ်ႇ။
11ဢ︀မ︀ႂ်းၵ︀ဝ် လ︀ူႇပ︀ႅက︀်ႉက︀ႃꩫ︀က︀ေႃႇ
ၵ︀ိင︀်းတ︀ူဝ်ꩡ︀ဝ်ႛယ︀ႃႇ မ︀ိူဝ်ႈလ︀ႂ်ႈက︀ေႃႇ
တ︀ီယ︀င︀်းဢ︀ူꩫ︀မ︀်။
ဢ︀ꩫ︀်ႈက︀ႃႈꩫ︀င︀်ယ︀င︀်းꩫ︀ႆ︀ႇၵ︀ဝ်ယ︀ႃႇ
ꩫ︀င︀်ၵ︀ိူင︀်ႈꩫ︀ုင︀်ႈꩫ︀က︀ꩫ︀်ႈ တ︀ီက︀ဝ်က︀ႃꩫ︀မ︀်။
12ၵ︀ိင︀်းတ︀ူဝ်ꩡ︀ဝ်ႛယ︀ႃႇ ဢ︀မ︀ႂ်းၵ︀ဝ်မ︀ႆ︀ႛ
ꩫ︀င︀်ၵ︀ိူင︀်ႈꩫ︀ုင︀်ႈꩫ︀က︀ꩫ︀်ႈ ၸ︀ꩫ︀်ႛၵ︀ွတ︀်ꩬ︀ီ
တ︀ီထွက︀်လ︀ႆ︀ၢႈꩫ︀မ︀်။
ၵ︀ိင︀်းတ︀ူဝ်ꩡ︀ဝ်ႛယ︀ႃႇ မ︀ိူဝ်ႈလ︀ႂ်ႈက︀ေႃႇ ꩵ︀ႈလ︀ွက︀်ႉလ︀ႆ︀ၢႈ။
ဢ︀ꩬ︀ၢက︀်ႉက︀ေႃႇ မ︀ိူဝ်ႈလ︀ႂ်ႈက︀ေႃႇ ꩵ︀ႈꩬ︀ိင︀်ႛꩬ︀ုတ︀်” ꩫ︀ဝꩫ︀်ႇ။
13ၸ︀ြႃးပ︀ီꩫ︀်ႈꩡ︀ဝ်ႛ ၵ︀ုꩫ︀်ꩬ︀ၢင︀်ပ︀ႃးလ︀ႂ်ႈမ︀ႆ︀ႛက︀ေႃႇ
“လ︀ꩫ︀်ꩬ︀ူၵ︀ိင︀်းတ︀ူဝ်ꩡ︀ဝ်ႛၵ︀ဝ်မ︀ႆ︀ႛ
က︀ႃႈက︀ꩫ︀်ႛတ︀ႂ်ႛတ︀ိꩫ︀်ႈၵ︀ိင︀်းတ︀ူဝ်ꩡ︀ဝ်ႛမ︀ႆ︀ႛ
မ︀ဝ်တ︀မ︀်းဝႆ︀ႇယ︀ႃႇ ပ︀ႃႛၵ︀ႃက︀ဝ်ႈမ︀ႆ︀ႛ
ꩫ︀င︀်ႈဢ︀ူတ︀ႃႉ”
ꩫ︀ꩬ︀ီ ꩵ︀ႈꩭွꩫ︀်ဝႃႈမ︀ႃး။ 14ၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ်ယ︀ႃႇ ၵ︀ွꩫ︀်ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛပ︀ွႆ︀ꩡ︀ႂ်ႇ ꩡ︀ႃႇꩭၢင︀်းမ︀ိုင︀်ႇ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛ ၵ︀ေꩬ︀ေꩫ︀ႆ︀ႇၵ︀ဝ်ꩫ︀မ︀်။
S'ha seleccionat:
ꩭေပ︀ရ︀ူး 1: kht
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2023 (Active), Wycliffe Bible Translators, Inc. All rights reserved.