Romanos 16:25-27

Tï oigïda ñokada Diuxi bui tudu xadutudaitai ïgai. Kïïga ixtutuidikïi ïgai xi gïn gupurtudagi go bhai ïrhiaraga aatagikïdï ix makïdï aanï gamamaatïturhiña aagaitai Suxi Kristo. Ïkioma mos ïxtokikana go maatïtuldaragai ix makïdï aagai go Suxi Kristo. Mai kia kïkibakai oidigi abhiadïrï ïxtokikana gobai. Dïï xibi gia mos nïiditai aatïmï ojadï go aagadami Diuxi ñokidï ka máí aatïmï gobai ix makïdï ïxtokikana ïkioma. Podukai tudu tïjai Diuxi dai ïgai bïïxkïrï mo maaxkana. Dai xibi kaxi bïïxi aipako óídakami buitapi ayi go bhai ïrhiaragai aatagi bai podukai buaboidaitai ïïgiadagi ïgai. Mos arhi ïmaduga Diuxi dai mosïkaxi ïgai maatï nïidi bïïxi aïkatai. Ïgai tudu gï agai xi xadutuadagi aatïmï bïïxkïrï bïïtarï. Xibi buaboitudaitai aatïmï Suxi Kristo ka bhaiga aatïmï xadutuadagi Diuxi bïïxkïrï bïïtarï. ¡Gobai gia ïr buaboi!