मर्कूस 1
1
बप्तिस्मा याछ यूहन्नौ प्रचार
(मत्ती ३:१-१२; लूका ३:१-१८; यूहन्ना १:१९-२८)
1परमेश्वरौ मीजा येशू ख्रीष्टौ सेछ समाचार इटजाट्न सुरु छाना। 2यशैया अगमवक्तौ किताबाङ इटजाट्न रीक्ङने,
“ङोस्नी, ङा परमेश्वर, ङौ दूतकी नाकुङ अगाडि-अगाडि बीर्न्हकाले,
अनि होचे न नाकुङ लाम तयार खास्ले। #मलाकी ३:१
3उजाड ठावाङ काट जना भर्मी बाड्को स्वरै डेमन ले,
‘परमप्रभुओ लाम तयार खास्नी,
होसकुङ लाम सोझो खास्नी।’” #यशैया ४०:३
4बप्तिस्मा याछ यूहन्ना उजाड ठावाङ राहार इट डेम प्रचार जाटा, “नाखुरीक पश्चात्ताप जाटार बप्तिस्मा लानी अनि परमेश्वरै नाखुरीकुङ पाप क्षमा जाट्न याल्हे।” 5होटै यहूदिया क्षेत्र र यरूशलेम सहरुङ पट्ट न भर्मीको यूहन्ना लेठाङ राहार होखुरीकै लाहा लहो पाप स्वीकारीचै आसकोखाटा यर्दन नदीयाङ बप्तिस्मा ला। 6यूहन्नै चहिँ उँटौ भुत्लै जाछ बढीन बील्न्हन्या र कम्मराङ छालौ पटुका छ्याक्ङन्या, सलह डु र जङ्गलुङ घोँसौ मह ज्यामन्या। 7होटै यूहन्नै इट डेम प्रचार जाटा, “ङा न्हुइङ राछ होसको ङा डेनाङ शक्तिशाली ले। ङा घुकुरुक छानार होसकुङ चपलौ फित्ता पीसाक्की र ज्योस्च माले। 8ङै च नाखुरीककी डीये बप्तिस्मा याम्हन ले, तर होसकै चहिँ नाखुरीककी पवित्र आत्मै बप्तिस्मा याल्हे।”
येशूये बप्तिस्मा लाच
(मत्ती ३:१३–४:११; लूका ३:२१-२२; ४:१-१३)
9होस बेला येशू गालीलौ नासरत सहर लकीङ राहार यर्दन नदीयाङ यूहन्ना लकीङ बप्तिस्मा ला। 10होटै डी लकीङ ख्योछ बित्तिकै होसकै स्वर्ग फोस्च र पवित्र आत्माकी लाहा मीटाक ढुकुरौ रुपाङ म्हाका राछै जाट्च डाङा। 11होटै स्वर्ग लकीङ याङ्च आवाज राहा, “नाको ङौ जाक्ङ सेच मीजा हो, नाकोखाटा ङा साप्फी माह्राङ्ने।”
12होटै न्हुइङ पवित्र आत्मै येशूकी तुरुन्तै उजाड ठावाङ आल्हा। 13होला शैतानै होसकोकी चालीस याकसम्म परीक्षा जाटा र पापाङ पार्की पा। अनि येशू जङ्गलुङ जनावरकोखाटा ङुवा, होटै स्वर्गदूतकै होसकुङ सेवा जाटा।
येशूये बुली जना जाल ङाप्चकोलाक आर्घाच
(मत्ती ४:१२-२२; लूका ४:१४-१५; ५:१-११)
14यूहन्नाकी झ्यालखानाङ ठुन्रखीङ परमेश्वरौ सेछ समाचार सेटाक्चै येशू गालीलाङ राहा। 15अनि होसकै डेया, “अब समय पूरा छान्नने र परमेश्वरौ राज्य खेरेप टाह्रामने। पश्चात्ताप जाट्नी र सेछ समाचाराङ विश्वास जाट्नी।”
16येशू गालील तालौ छेवै-छेउ नुङ्चै जाट्नाङ येशूये सिमोन र होच्यो भाइ अन्द्रियासकी तालाङ जाल ङाप्चै जाट्च डाङा। होखुरीक नीस न जाल ङाप्चको लेया। 17अनि येशूये होखुरीककी डेया, “रान्ही ङाकी डुट्नी, ङा नाखुरीककी भर्मीकोलाक घोच जालहारी खास्ले।” 18होखुरीकै तुरुन्तै लहो जालको डासार होसकोकी डुटा।
19चेक पार्लाक टाछ न्हुइङ होसकै जब्दियौ नीस लेन्जा मीजाको याकूब र यूहन्नाकी डुङ्गाङ जाल रुप्म ङुच डाङा।
20होखुरीककी तुरुन्तै येशूये आर्घा र होखुरीक लहो बोइ जब्दियाकी ज्यामी काम जाट्चकोखाटा डुङ्गाङ न डासार होसकोकी डुटा।
येशूये काट जना भूत लग्डीस्च भर्मीकी गेपाक्च
(लूका ४:३१-३७)
21येशू चेलाकोखाटा कफर्नहुम सहराङ नुङा। होला टाह्रखीङ म्हुङ बाट्च याकाङ होसकै यहूदीकुङ सभा ङुच इमाङ नुङार परमेश्वरौ शिक्षा पाहाक्की ठाला। 22होसकुङ शिक्षा सेयार भर्मीकै अचम्म मन्डीया। हीजैडेनाङ होसकै होखुरीककी धर्मगुरुकै लेखा होइन, तर अधिकारखाटा पाहाका। 23होडीक बेला होसे सभा ङुच इमाङ भूत आत्मा लग्डीस्च काट भर्मी राहा। होटै होचे इट डेचै च्याका, 24“ए नासरतुङ येशू, कानुङ नाकोखाटा ही काम ले र? ही नाको कानकी नाश जाट्की डेम राछ हो? ङा नाकोकी चीन्डीले, नाको परमेश्वरौ काट पवित्र जन हो।” 25तर येशूये होसकी इट डेचै हक्कारीया, “माच्याको! र होसे लकीङ ख्योहार नुङ्ना।” 26होटै होसे भर्मीकी लछार पछार जाट्चै होसे भूत आत्मा बाड्को स्वरै च्याक्चै होसे लकीङ ख्योहार नुङा। 27इसे डाङ्च पट्ट न भर्मीको अचम्म मन्डीयार होखुरीक मेखुरीक-मेखुरीक गीन्की ठाला, “इसे ही हो? इसे च अधिकार लेच नयाँ शिक्षा टी लेसा। इचे च भूत आत्माकोलाक र आज्ञा जाट्ले र होखुरीकै इच्यौ आज्ञा र मन्डीच लेसा।” 28होटै येशूओ म्यार्मीन तुरुन्तै गालीलौ वरिपरि पट्ट ठावाङ न फैलडीसा।
येशूये वास्टै छाचकोलाक गेपाक्च
(मत्ती ८:१४-१७; लूका ४:३८-४१)
29येशू यहूदीकुङ सभा ङुच इमीङ ख्योहार याकूब र यूहन्नाखाटा सिमोन र अन्द्रियासौ इमाङ नुङा। 30होला सिमोनौ गुमा ज्वरो राहार थला पर्नन्या र होखुरीकै येशूकी तुरुन्तै होसे कुरा सेटाका। 31र येशू खेरेप नुङार होच्यो मीहुटाङ घोवार सोटा। होडीक न बेला होसकी ज्वरै डास्की क्योटा र होचे होखुरीककी सेवा जाटा।
32होसनीक नाबीलाङ नाखान कीम्छ न्हुइङ #१:३२ नाखान कीम्छ न्हुइङ: नाखान कीम्छ न्हुइङ यहूदीकै म्हुङ बाट्चनीक कुसेर काम जाट्की माछान्नन्या, तर नाखान कीम्छ न्हुइङ चहिँ लहे मीमन जाट्च काम जाट्की छान्नन्या। जस्तै छाच भर्मीकी बुवार येशू लेठाङ आल्खी। भर्मीकै येशू लेठाङ छाचको र भूत लग्डीस्च भर्मीकोलाक राका। 33सहरुङ पट्ट न भर्मीको होला इमौ गालामटुआङ भेला छानन्या। 34होला खाल-खालुङ रोग लग्डीस्च वास्टै छाचकोलाक येशूये गेपाका। वास्टै भूतकोलाक येशूये छ्युका तर भूतकै होसकोकी चीन्डीचबाटै होसकै होखुरीककी ङाक्की माह्या।#१:३४ लाहा सु हो डेम भूतकै भर्मीकोलाक डेम ह्वाच कुरा येशूये माजाक्नन्या।
सुर मालेच ठावाङ येशूये जाट्च प्रार्थना
(लूका ४:४२-४४)
35गोराक ट्याङ्खी डेनाङ अगाडि सोवार येशू सुर मालेच ठावाङ नुङार प्रार्थना जाटा। 36सिमोन र मेन लाफाको येशूकी पाम नुङा। 37होसकोकी डुप्च न्हुइङ होखुरीकै डेया, “नाकोकी पट्टकै पामन ले।” 38तर येशूये होखुरीककी डेया, “रान्ही, काल्हाको खेरेपुङ अरु सहराङ नुइङ, होला र ङै सेछ समाचार सेटाक्की डीन्हीङ, हीजैडेनाङ ङा इसे कामौ लागि न राछ हो।” 39होटै होसको गालीलभरि होखुरीकुङ सभा ङुच इम-इमाङ सेछ समाचार सेटाक्चै र भूतकोलाक छ्युक्चै ह्वा।
कुष्ठरोगीकी गेपाक्च
(मत्ती ८:१-४; लूका ५:१२-१६)
40काट कुष्ठरोग लग्डीस्च भर्मी येशू लेठाङ राहार घुँडा टुस्चै इट डेम बिन्ती जाटा, “नाकै मीमन जाटा डेनाङ ङाकी गेपाक्की ह्योक्ले।”#१:४० गेपाक्की: ग्रीक भाषाङ इट डेम रीक्ङने, “नाकै मीमन जाटा डेनाङ नाकै ङाकी शुद्ध खास्की ह्योक्ले।” यहूदीकुङ व्यवस्थाङ जो भर्मी याङ्च बिरामी छान्नन्या होसकी अशुद्ध मन्डीम्या, होटै होसे अरु भर्मी खेरेप नुङ्की माह्योक्नन्या। 41होसकुङ मीमन दयै न्हेपार लहो मीहुटै होसकी छुचै डेया, “ङा मीमन जाट्ले, नाको गेप्की क्योट्नी।” 42होडीक न बेला होसे कुष्ठरोग लकीङ गेप्की क्योटा। 43होटै येशूये होसे भर्मीकी कडा आज्ञा याछै इट डेम तुरुन्तै बीर्न्हका, 44“नाकै इसे कुरा सुकीर मासेटाक्की तर नुङार नाकै लाहाकी पूजाहारी लेठाङ टान्हाक्की होटै नाको गेप्च बाटै भर्मीकोलाक प्रमाणौ लागि मोशौ आज्ञा अनुसार भोग यान्ही।”#१:४४ होसबेला यहूदी चलनाङ, इडीक सुकीर कुष्ठरोग लग्डीस्नाङ होसे भर्मी अरु भर्मीकोखाटा ङुकी माह्योक्नन्या। याङ्च भर्मी लाङ्घा बाहिर न ङुकी पर्च खासाक्नन्या। पूजाहारीकै मट्टै होङ्च भर्मीकी जाँच जाटार नाको गेपा डेकी ह्योक्न्या, होटै होसे भर्मी ल्हेस्की ह्योक्न्या अनि अरु भर्मीकोखाटा ङुकी डुप्नन्या। होसे भर्मीये मोशौ व्यवस्था अनुसार पहिला हीर ठोकौ बलिदान याखी पर्नन्या। पदाङ इसे कुरा रीक्ङने। #लेवी १४:२-३२
45होटै होसे ख्योहार नुङा तर होचे होसे मेल्हा गेप्च कुरा खुल्लम-खुल्ला भर्मीकोलाक सेटाक्की ठाला। होटबाटै येशू फेरि कुसेर सहराङ खुल्ला छानार नुङ्की माह्योका र सुर मालेच ठावाङ ङुकी नुङा। तर भर्मीको चहिँ पट्ट लकीङ होसको लेठाङ राहा।
S'ha seleccionat:
मर्कूस 1: EMGP
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2025 by Mother Tongue Translators Society and Wycliffe Bible Translators, Inc.
मर्कूस 1
1
बप्तिस्मा याछ यूहन्नौ प्रचार
(मत्ती ३:१-१२; लूका ३:१-१८; यूहन्ना १:१९-२८)
1परमेश्वरौ मीजा येशू ख्रीष्टौ सेछ समाचार इटजाट्न सुरु छाना। 2यशैया अगमवक्तौ किताबाङ इटजाट्न रीक्ङने,
“ङोस्नी, ङा परमेश्वर, ङौ दूतकी नाकुङ अगाडि-अगाडि बीर्न्हकाले,
अनि होचे न नाकुङ लाम तयार खास्ले। #मलाकी ३:१
3उजाड ठावाङ काट जना भर्मी बाड्को स्वरै डेमन ले,
‘परमप्रभुओ लाम तयार खास्नी,
होसकुङ लाम सोझो खास्नी।’” #यशैया ४०:३
4बप्तिस्मा याछ यूहन्ना उजाड ठावाङ राहार इट डेम प्रचार जाटा, “नाखुरीक पश्चात्ताप जाटार बप्तिस्मा लानी अनि परमेश्वरै नाखुरीकुङ पाप क्षमा जाट्न याल्हे।” 5होटै यहूदिया क्षेत्र र यरूशलेम सहरुङ पट्ट न भर्मीको यूहन्ना लेठाङ राहार होखुरीकै लाहा लहो पाप स्वीकारीचै आसकोखाटा यर्दन नदीयाङ बप्तिस्मा ला। 6यूहन्नै चहिँ उँटौ भुत्लै जाछ बढीन बील्न्हन्या र कम्मराङ छालौ पटुका छ्याक्ङन्या, सलह डु र जङ्गलुङ घोँसौ मह ज्यामन्या। 7होटै यूहन्नै इट डेम प्रचार जाटा, “ङा न्हुइङ राछ होसको ङा डेनाङ शक्तिशाली ले। ङा घुकुरुक छानार होसकुङ चपलौ फित्ता पीसाक्की र ज्योस्च माले। 8ङै च नाखुरीककी डीये बप्तिस्मा याम्हन ले, तर होसकै चहिँ नाखुरीककी पवित्र आत्मै बप्तिस्मा याल्हे।”
येशूये बप्तिस्मा लाच
(मत्ती ३:१३–४:११; लूका ३:२१-२२; ४:१-१३)
9होस बेला येशू गालीलौ नासरत सहर लकीङ राहार यर्दन नदीयाङ यूहन्ना लकीङ बप्तिस्मा ला। 10होटै डी लकीङ ख्योछ बित्तिकै होसकै स्वर्ग फोस्च र पवित्र आत्माकी लाहा मीटाक ढुकुरौ रुपाङ म्हाका राछै जाट्च डाङा। 11होटै स्वर्ग लकीङ याङ्च आवाज राहा, “नाको ङौ जाक्ङ सेच मीजा हो, नाकोखाटा ङा साप्फी माह्राङ्ने।”
12होटै न्हुइङ पवित्र आत्मै येशूकी तुरुन्तै उजाड ठावाङ आल्हा। 13होला शैतानै होसकोकी चालीस याकसम्म परीक्षा जाटा र पापाङ पार्की पा। अनि येशू जङ्गलुङ जनावरकोखाटा ङुवा, होटै स्वर्गदूतकै होसकुङ सेवा जाटा।
येशूये बुली जना जाल ङाप्चकोलाक आर्घाच
(मत्ती ४:१२-२२; लूका ४:१४-१५; ५:१-११)
14यूहन्नाकी झ्यालखानाङ ठुन्रखीङ परमेश्वरौ सेछ समाचार सेटाक्चै येशू गालीलाङ राहा। 15अनि होसकै डेया, “अब समय पूरा छान्नने र परमेश्वरौ राज्य खेरेप टाह्रामने। पश्चात्ताप जाट्नी र सेछ समाचाराङ विश्वास जाट्नी।”
16येशू गालील तालौ छेवै-छेउ नुङ्चै जाट्नाङ येशूये सिमोन र होच्यो भाइ अन्द्रियासकी तालाङ जाल ङाप्चै जाट्च डाङा। होखुरीक नीस न जाल ङाप्चको लेया। 17अनि येशूये होखुरीककी डेया, “रान्ही ङाकी डुट्नी, ङा नाखुरीककी भर्मीकोलाक घोच जालहारी खास्ले।” 18होखुरीकै तुरुन्तै लहो जालको डासार होसकोकी डुटा।
19चेक पार्लाक टाछ न्हुइङ होसकै जब्दियौ नीस लेन्जा मीजाको याकूब र यूहन्नाकी डुङ्गाङ जाल रुप्म ङुच डाङा।
20होखुरीककी तुरुन्तै येशूये आर्घा र होखुरीक लहो बोइ जब्दियाकी ज्यामी काम जाट्चकोखाटा डुङ्गाङ न डासार होसकोकी डुटा।
येशूये काट जना भूत लग्डीस्च भर्मीकी गेपाक्च
(लूका ४:३१-३७)
21येशू चेलाकोखाटा कफर्नहुम सहराङ नुङा। होला टाह्रखीङ म्हुङ बाट्च याकाङ होसकै यहूदीकुङ सभा ङुच इमाङ नुङार परमेश्वरौ शिक्षा पाहाक्की ठाला। 22होसकुङ शिक्षा सेयार भर्मीकै अचम्म मन्डीया। हीजैडेनाङ होसकै होखुरीककी धर्मगुरुकै लेखा होइन, तर अधिकारखाटा पाहाका। 23होडीक बेला होसे सभा ङुच इमाङ भूत आत्मा लग्डीस्च काट भर्मी राहा। होटै होचे इट डेचै च्याका, 24“ए नासरतुङ येशू, कानुङ नाकोखाटा ही काम ले र? ही नाको कानकी नाश जाट्की डेम राछ हो? ङा नाकोकी चीन्डीले, नाको परमेश्वरौ काट पवित्र जन हो।” 25तर येशूये होसकी इट डेचै हक्कारीया, “माच्याको! र होसे लकीङ ख्योहार नुङ्ना।” 26होटै होसे भर्मीकी लछार पछार जाट्चै होसे भूत आत्मा बाड्को स्वरै च्याक्चै होसे लकीङ ख्योहार नुङा। 27इसे डाङ्च पट्ट न भर्मीको अचम्म मन्डीयार होखुरीक मेखुरीक-मेखुरीक गीन्की ठाला, “इसे ही हो? इसे च अधिकार लेच नयाँ शिक्षा टी लेसा। इचे च भूत आत्माकोलाक र आज्ञा जाट्ले र होखुरीकै इच्यौ आज्ञा र मन्डीच लेसा।” 28होटै येशूओ म्यार्मीन तुरुन्तै गालीलौ वरिपरि पट्ट ठावाङ न फैलडीसा।
येशूये वास्टै छाचकोलाक गेपाक्च
(मत्ती ८:१४-१७; लूका ४:३८-४१)
29येशू यहूदीकुङ सभा ङुच इमीङ ख्योहार याकूब र यूहन्नाखाटा सिमोन र अन्द्रियासौ इमाङ नुङा। 30होला सिमोनौ गुमा ज्वरो राहार थला पर्नन्या र होखुरीकै येशूकी तुरुन्तै होसे कुरा सेटाका। 31र येशू खेरेप नुङार होच्यो मीहुटाङ घोवार सोटा। होडीक न बेला होसकी ज्वरै डास्की क्योटा र होचे होखुरीककी सेवा जाटा।
32होसनीक नाबीलाङ नाखान कीम्छ न्हुइङ #१:३२ नाखान कीम्छ न्हुइङ: नाखान कीम्छ न्हुइङ यहूदीकै म्हुङ बाट्चनीक कुसेर काम जाट्की माछान्नन्या, तर नाखान कीम्छ न्हुइङ चहिँ लहे मीमन जाट्च काम जाट्की छान्नन्या। जस्तै छाच भर्मीकी बुवार येशू लेठाङ आल्खी। भर्मीकै येशू लेठाङ छाचको र भूत लग्डीस्च भर्मीकोलाक राका। 33सहरुङ पट्ट न भर्मीको होला इमौ गालामटुआङ भेला छानन्या। 34होला खाल-खालुङ रोग लग्डीस्च वास्टै छाचकोलाक येशूये गेपाका। वास्टै भूतकोलाक येशूये छ्युका तर भूतकै होसकोकी चीन्डीचबाटै होसकै होखुरीककी ङाक्की माह्या।#१:३४ लाहा सु हो डेम भूतकै भर्मीकोलाक डेम ह्वाच कुरा येशूये माजाक्नन्या।
सुर मालेच ठावाङ येशूये जाट्च प्रार्थना
(लूका ४:४२-४४)
35गोराक ट्याङ्खी डेनाङ अगाडि सोवार येशू सुर मालेच ठावाङ नुङार प्रार्थना जाटा। 36सिमोन र मेन लाफाको येशूकी पाम नुङा। 37होसकोकी डुप्च न्हुइङ होखुरीकै डेया, “नाकोकी पट्टकै पामन ले।” 38तर येशूये होखुरीककी डेया, “रान्ही, काल्हाको खेरेपुङ अरु सहराङ नुइङ, होला र ङै सेछ समाचार सेटाक्की डीन्हीङ, हीजैडेनाङ ङा इसे कामौ लागि न राछ हो।” 39होटै होसको गालीलभरि होखुरीकुङ सभा ङुच इम-इमाङ सेछ समाचार सेटाक्चै र भूतकोलाक छ्युक्चै ह्वा।
कुष्ठरोगीकी गेपाक्च
(मत्ती ८:१-४; लूका ५:१२-१६)
40काट कुष्ठरोग लग्डीस्च भर्मी येशू लेठाङ राहार घुँडा टुस्चै इट डेम बिन्ती जाटा, “नाकै मीमन जाटा डेनाङ ङाकी गेपाक्की ह्योक्ले।”#१:४० गेपाक्की: ग्रीक भाषाङ इट डेम रीक्ङने, “नाकै मीमन जाटा डेनाङ नाकै ङाकी शुद्ध खास्की ह्योक्ले।” यहूदीकुङ व्यवस्थाङ जो भर्मी याङ्च बिरामी छान्नन्या होसकी अशुद्ध मन्डीम्या, होटै होसे अरु भर्मी खेरेप नुङ्की माह्योक्नन्या। 41होसकुङ मीमन दयै न्हेपार लहो मीहुटै होसकी छुचै डेया, “ङा मीमन जाट्ले, नाको गेप्की क्योट्नी।” 42होडीक न बेला होसे कुष्ठरोग लकीङ गेप्की क्योटा। 43होटै येशूये होसे भर्मीकी कडा आज्ञा याछै इट डेम तुरुन्तै बीर्न्हका, 44“नाकै इसे कुरा सुकीर मासेटाक्की तर नुङार नाकै लाहाकी पूजाहारी लेठाङ टान्हाक्की होटै नाको गेप्च बाटै भर्मीकोलाक प्रमाणौ लागि मोशौ आज्ञा अनुसार भोग यान्ही।”#१:४४ होसबेला यहूदी चलनाङ, इडीक सुकीर कुष्ठरोग लग्डीस्नाङ होसे भर्मी अरु भर्मीकोखाटा ङुकी माह्योक्नन्या। याङ्च भर्मी लाङ्घा बाहिर न ङुकी पर्च खासाक्नन्या। पूजाहारीकै मट्टै होङ्च भर्मीकी जाँच जाटार नाको गेपा डेकी ह्योक्न्या, होटै होसे भर्मी ल्हेस्की ह्योक्न्या अनि अरु भर्मीकोखाटा ङुकी डुप्नन्या। होसे भर्मीये मोशौ व्यवस्था अनुसार पहिला हीर ठोकौ बलिदान याखी पर्नन्या। पदाङ इसे कुरा रीक्ङने। #लेवी १४:२-३२
45होटै होसे ख्योहार नुङा तर होचे होसे मेल्हा गेप्च कुरा खुल्लम-खुल्ला भर्मीकोलाक सेटाक्की ठाला। होटबाटै येशू फेरि कुसेर सहराङ खुल्ला छानार नुङ्की माह्योका र सुर मालेच ठावाङ ङुकी नुङा। तर भर्मीको चहिँ पट्ट लकीङ होसको लेठाङ राहा।
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2025 by Mother Tongue Translators Society and Wycliffe Bible Translators, Inc.