লেবীয় 7
7
দুষ্-উৎসর্বর্ সুদোম
1ইবে অলঅ দুষ্-উৎসর্বর্ সুদোম। এ উৎসর্বর্ য়েরাগান দাঙর্ পবিত্র জিনিস। 2পুজ্যে-উৎসর্বর্ য়েমান্ কাবিবার্ জাগানত্ দুষ্-উৎসর্বর্ য়েমান্নোয়ো কাবা পুরিবো আর তার্ লো-গান্ পুজোবোর্ চেরোকিত্তে ছিদি দিয়্যে পুরিবো। 3ইবের্ বেক্ তেলানি উৎসর্ব গরা পুরিবো, অত্তাৎ তেলবলা লেজ, পেদ ভিদিরে ভাক্কানি উগুরে তেলানি, 4কিডনি দ্বিবে আর সিবে সমারে রোইয়্যে কমরর্ তেলানি আর কিডনি সমারে নিগিলেই আন্যে দাম্পোজ্যেগানি উগুরে ভাগ্কান। 5ধর্মগুরুবো সিয়েনি লোইনে লগেপ্রভুর্ নাঙে আগুন্দোই-গোজ্যে উৎসর্ব ইজেবে পূজোবো উগুরে সিয়েনি পুড়ি ফেলেব। ইবে এক্কো দুষ্-উৎসর্ব। 6ধর্মগুরু-পরিবারর্ যে কনঅ মরদ মানুচ্ সিয়েন্ হেই পারিবাক্, মাত্তর্ সিয়েন্ হা পুরিবো পবিত্র তাম্বুল-ঘরর্ চাগালাত্। ইবে দাঙর্ পবিত্র জিনিস।
7পাপ-উৎসর্ব আর দুষ্-উৎসর্ব এক্কুই সুদোমে গরা পুরিবো। যে ধর্মগুরুবো এ দ্বিবে উৎসর্বর্ যে কনঅ এক্কোর অনুষ্ঠান্ গুরিনে উৎসর্ব গুরিয়্যেবোর্ পাপ্পানি ঢাগি দিবার্ বেবস্থা গুরিবো উৎসর্বর য়েরাগান্ সেই ধর্মগুরুবোর্ পাওনা অবঅ। 8পুজ্যে-উৎসর্বর্ অনুষ্ঠান্ যে ধর্মগুরুবো গুরিবো তে তার্ নিজোত্তে সেই উৎসর্বর্ য়েমান চামাড়াগান্ থোই দি পারিবো। 9দাঙর্ চুলোত্ সিক্ক্যা অথবা কোড়েয়েত্ বা তাবাত্ ভাজেয়ে শোজ্য-উৎসর্বর্ জিনিস্ সেই ধর্মগুরুবোর্ পাওনা অবঅ যে তেয়ই শোজ্য-উৎসর্বর্ অনুষ্ঠানান্ গুরিবো। 10তেল্ মিজেয়ে ওক্ বা শুগুনো ওক্ পত্তি শোজ্য-উৎসর্বর্ জিনিজোত্তুন্ হারোণর্ বেক্ পূঅগুনে সমান ভাগ পেবাক্।
উদোলোলি-উৎসর্বর্ সুদোম
11“ইবে অলঅ লগেপ্রভুর্ নাঙে আন্যে উদোলোলি-উৎসর্বর্ সুদোম।” 12যুনি এ উদোলোলি-উৎসর্ব কনজনে লগেপ্রভুরে কৃতজ্ঞতা ইজেবে গুরিবাত্তে চায়্ ছালে এ কৃতজ্ঞতার্ উৎসর্বর লগে থেবঅ তেলর্ ময়ান্ দিয়্যে সদানেইয়্যে পিদে, তেল্লোই মেক্যে সদানেইয়্যে চাপাটি আর তেলর্ ময়ান্ দিয়্যে গমে ডালে দোল্যে নিগুজ ময়দার পিদে। 13কৃতজ্ঞতাত্তে এই উদোলোলি-উৎসর্বর জিনিজো সমারে কিজু সদা দিয়্যে রুটিয়ো থাহ্ পড়িবো। 14লগেপ্রভুুরে দিবাত্তে তে সেই নানান ধরনর্ জিনিজোত্তুন্ এক এক্কান্ গুরি আনিবো। যে ধর্মগুরুবো উদোলোলি-উৎসর্বর্ য়েমান লো ছিদিবো ইগুন্ তার্ পাওনা অবঅ। 15কৃতজ্ঞতা জানেবার্ এ উৎসর্বর য়েরাগান উৎসর্বর্ দিনোত্ হেই ফেলা পুরিবো, বেন্যেমাদান সং সিয়েন্ থোই ন-পারিবো।
16এ উদোলোলি-উৎসর্ব যুনি কনঅ মান্যে ছিড়েবাত্তে গরা অয়্ অথবা উৎসর্ব গুরিয়্যেবো নিজোর্ আওজে সিয়েনি গরে ছালে সে উৎসর্বর য়েরাগান সেদিন্যে হা পুরিবো। যুনি কিজু বাগি থায়্ ছালে তার্ কেল্যেয়ো হেই পারিবো, 17মাত্তর্ যুনি তিন দিন সং থেই যায় ছালে সিয়েন্ পুড়ি ফেলা পুরিবো। 18যুনি সে য়েরাগান্ তিন দিনেয়ো হা অয়্ ছালে লগেপ্রভু সে উৎসর্ববো মানি ন-লবঅ। উৎসর্ব গুরিয়্যেবোর্ পক্ষে সিবে ধরা ন-অবঅ, কিত্তে সেই য়েরাগান্ সেক্কে এক্কান্ ফি-বলা জিনিস ওই যেবঅ। যে সেই য়েরাগান্ হেবঅ তারে সে অন্যেয়ত্তে দায়ী গরা অবঅ।
19“উদোলোলি-উৎসর্বর্ য়েরাগানত্ যুনি কনঅ ফি-বলা জিনিস্চানত্ বাজে ছালে সিয়েন্ হেই ন-পারিবো, সিয়েন্ পুড়ি ফেলা পুরিবো। মাত্তর্ ধরা ন-গেলেয়ো যিগুনে শুদ্ধ-সাংগ আঘন্ তারা সিয়েন্ হেই পারিবাক্। 20কনজনে যুনি ফি-বলা অবস্থায় লগেপ্রভু ইদু উৎসর্ব গোজ্যে উদোলোলি-উৎসর্বর্ য়েরা খায় ছালে তারে তা জাদ ভিদিরেত্তুন্ বাদ দিয়্যে পুরিবো। 21যুনি কনজনে মান্জ্যর্ বা য়েমানর্ কনঅ ফি-বলা জিনিস অথবা অন্য কনঅ ফি-বলা ঘিনাইদে জিনিস ধরন আর পরেদি লগেপ্রভু ইদু উৎসর্ব গোজ্যে উদোলোলি-উৎসর্বর্ য়েরা খায় ছালে তারে তার্ জাদ ভিদিরেত্তুন্ বাদ দিয়্যে অবঅ।”
22-23ইয়েন পরেদি লগেপ্রভু মোশির মাধ্যমে ইস্রায়েলীয়গুনোরে কবাত্তে কলঅ, “তুমি গোরু, ছাগল বা ভেড়ার্ কনঅ তেল্ ন-হেবা। 24মরা য়েমানর্ অথবা ঝাড়্বো য়েমানে ছিনি ফেলেয়্যে য়েমানর্ তেল্ তুমি অন্য কামত্ বেবহার্ গুরি পারিবা মাত্তর্ সিয়েন্ হেই ন-পারিবা। 25যিদুক্কুন্ য়েমান্দোই লগেপ্রভুর্ নাঙে আগুন্দোই-গোজ্যে উৎসর্বর অনুষ্ঠান্ গরা যায় সিগুনোর্ তেলানি যে হেবঅ তারে তার্ জাদত্তুন্ বাদ দিয়্যে অবঅ। 26কনঅ পেক্ বা য়েমানর্ লো তুমি হেই ন-পারিবা, তুমি যিয়োদোই থেদা সাৎ। 27যুনি কনজনে লো খায় ছালে তারে তার্ জাদ ভিদিরেত্তুন্ বাদ দিয়্যে অবঅ।”
ধর্মগুরুগুনোর্ পাওনা
28-29ইয়েন পরেদি লগেপ্রভু মোশির মাধ্যমে ইস্রায়েলীয়গুনোরে কবাত্তে কলঅ, “যে কনজনে লগেপ্রভুর্ নাঙে উদোলোলি-উৎসর্বর কনঅ য়েমান আনিবো তাত্তুন্ তার্ এক্কো ভাগ লগেপ্রভুরে দিয়্যে পুরিবো।” 30-31লগেপ্রভুর্ নাঙে আগুন্দোই-গোজ্যে উৎসর্বর এ ভাগ্কান্, অত্তাৎ বুগো য়েরাগান্ আর তার্ উগুরে তেলান্ তে নিজোর্ আঢে ধর্মগুরুগুনোরে দিবো। বুগোর্ য়েরাগান্ ধর্মগুরুবো দোলন-উৎসর্ব ইজেবে লগেপ্রভুর্ মুজুঙোত্ দুলেব আর সিয়েন্ হারোণ আর তার্ পূঅগুনোর্ পাওনা অবঅ, মাত্তর্ তেলান্ তে পূজোবো উগুরে পুড়ি ফেলেব। 32উদোলোলি-উৎসর্বর্ য়েমান ডেন্ ডাগর্ উলুহুলো য়েরাগান্ ধর্মগুরুবোরে দিয়্যে পুরিবো। 33হারোণর্ যে পূঅবো উদোলোলি-উৎসর্বর য়েমান লো আর তেল্ উৎসর্ব গুরিবো তেয়ই তার্ পাওনা ইজেবে ডেন্ ডাগর্ উলুহুলো য়েরাগান্ পেবঅ। 34ইস্রায়েলীয়গুনোর্ বেক্ উদোলোলি-উৎসর্বত্তুন্ মর্ নাঙে দুলেই রাগেয়্যে বুগোর্ য়েরাগান আর উৎসর্ব গোজ্যে উলুহুলো য়েরাগান মুই ধর্মগুরু হারোণ আর তার্ পূঅগুনোরে দিলুং। ইবে ইস্রায়েলীয়গুনোত্তুন্ তারার্ অক্ত মজিম্ পাওনা ভাগ অবঅ।
35হারোণ আর তার্ পূঅগুনোরে যেদিন্যে ধর্মগুরু্ ইজেবে লগেপ্রভুর্ সেবা গুরিবাত্তে নেযা ওইয়্যে সেদিন্যে লগেপ্রভুর্ নাঙে আগুন্দোই-গোজ্যে উৎসর্বর য়েমানত্তুন্ এ ভাগ্কান্ তারার্ পাওনা বিলি ঠিগ্ গুরি রাগা ওইয়্যে। 36যেদিন্যে তারারে আশিদ্বাদ গরা ওইয়্যে সেদিন্যেই লগেপ্রভু ইস্রায়েলীয়গুনোরে উগুম্ গোজ্যেদে যেন তারা বংশর্ পর্ বংশ ধুরিনে অক্ত মজিম্ এ ভাগ্কান্ তারারে দুয়োন।
37ইবে অলঅ পুজ্যে-উৎসর্ব, শোজ্য-উৎসর্ব, পাপ-উৎসর্ব, দুষ-উৎসর্ব, অদেঅদে-অনুষ্ঠানর্ উৎসর্ব আর উদোলোলি-উৎসর্বর সুদোম। 38লগেপ্রভু সিনাই ধূল্যেচর-চাগালাত্ ইস্রায়েলীয়গুনোরে যেদিন্যে তার্ নাঙে উৎসর্বর জিনিস আনিবার উগুম দিয়্যে সেদিন্ন্যে তে সিনাই মুড়োবো উগুরে মোশিরে এ বেক্ সুদোমানি দিলো।
S'ha seleccionat:
লেবীয় 7: CBT
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Copyright © 2021 Bangladesh Bible Society
লেবীয় 7
7
দুষ্-উৎসর্বর্ সুদোম
1ইবে অলঅ দুষ্-উৎসর্বর্ সুদোম। এ উৎসর্বর্ য়েরাগান দাঙর্ পবিত্র জিনিস। 2পুজ্যে-উৎসর্বর্ য়েমান্ কাবিবার্ জাগানত্ দুষ্-উৎসর্বর্ য়েমান্নোয়ো কাবা পুরিবো আর তার্ লো-গান্ পুজোবোর্ চেরোকিত্তে ছিদি দিয়্যে পুরিবো। 3ইবের্ বেক্ তেলানি উৎসর্ব গরা পুরিবো, অত্তাৎ তেলবলা লেজ, পেদ ভিদিরে ভাক্কানি উগুরে তেলানি, 4কিডনি দ্বিবে আর সিবে সমারে রোইয়্যে কমরর্ তেলানি আর কিডনি সমারে নিগিলেই আন্যে দাম্পোজ্যেগানি উগুরে ভাগ্কান। 5ধর্মগুরুবো সিয়েনি লোইনে লগেপ্রভুর্ নাঙে আগুন্দোই-গোজ্যে উৎসর্ব ইজেবে পূজোবো উগুরে সিয়েনি পুড়ি ফেলেব। ইবে এক্কো দুষ্-উৎসর্ব। 6ধর্মগুরু-পরিবারর্ যে কনঅ মরদ মানুচ্ সিয়েন্ হেই পারিবাক্, মাত্তর্ সিয়েন্ হা পুরিবো পবিত্র তাম্বুল-ঘরর্ চাগালাত্। ইবে দাঙর্ পবিত্র জিনিস।
7পাপ-উৎসর্ব আর দুষ্-উৎসর্ব এক্কুই সুদোমে গরা পুরিবো। যে ধর্মগুরুবো এ দ্বিবে উৎসর্বর্ যে কনঅ এক্কোর অনুষ্ঠান্ গুরিনে উৎসর্ব গুরিয়্যেবোর্ পাপ্পানি ঢাগি দিবার্ বেবস্থা গুরিবো উৎসর্বর য়েরাগান্ সেই ধর্মগুরুবোর্ পাওনা অবঅ। 8পুজ্যে-উৎসর্বর্ অনুষ্ঠান্ যে ধর্মগুরুবো গুরিবো তে তার্ নিজোত্তে সেই উৎসর্বর্ য়েমান চামাড়াগান্ থোই দি পারিবো। 9দাঙর্ চুলোত্ সিক্ক্যা অথবা কোড়েয়েত্ বা তাবাত্ ভাজেয়ে শোজ্য-উৎসর্বর্ জিনিস্ সেই ধর্মগুরুবোর্ পাওনা অবঅ যে তেয়ই শোজ্য-উৎসর্বর্ অনুষ্ঠানান্ গুরিবো। 10তেল্ মিজেয়ে ওক্ বা শুগুনো ওক্ পত্তি শোজ্য-উৎসর্বর্ জিনিজোত্তুন্ হারোণর্ বেক্ পূঅগুনে সমান ভাগ পেবাক্।
উদোলোলি-উৎসর্বর্ সুদোম
11“ইবে অলঅ লগেপ্রভুর্ নাঙে আন্যে উদোলোলি-উৎসর্বর্ সুদোম।” 12যুনি এ উদোলোলি-উৎসর্ব কনজনে লগেপ্রভুরে কৃতজ্ঞতা ইজেবে গুরিবাত্তে চায়্ ছালে এ কৃতজ্ঞতার্ উৎসর্বর লগে থেবঅ তেলর্ ময়ান্ দিয়্যে সদানেইয়্যে পিদে, তেল্লোই মেক্যে সদানেইয়্যে চাপাটি আর তেলর্ ময়ান্ দিয়্যে গমে ডালে দোল্যে নিগুজ ময়দার পিদে। 13কৃতজ্ঞতাত্তে এই উদোলোলি-উৎসর্বর জিনিজো সমারে কিজু সদা দিয়্যে রুটিয়ো থাহ্ পড়িবো। 14লগেপ্রভুুরে দিবাত্তে তে সেই নানান ধরনর্ জিনিজোত্তুন্ এক এক্কান্ গুরি আনিবো। যে ধর্মগুরুবো উদোলোলি-উৎসর্বর্ য়েমান লো ছিদিবো ইগুন্ তার্ পাওনা অবঅ। 15কৃতজ্ঞতা জানেবার্ এ উৎসর্বর য়েরাগান উৎসর্বর্ দিনোত্ হেই ফেলা পুরিবো, বেন্যেমাদান সং সিয়েন্ থোই ন-পারিবো।
16এ উদোলোলি-উৎসর্ব যুনি কনঅ মান্যে ছিড়েবাত্তে গরা অয়্ অথবা উৎসর্ব গুরিয়্যেবো নিজোর্ আওজে সিয়েনি গরে ছালে সে উৎসর্বর য়েরাগান সেদিন্যে হা পুরিবো। যুনি কিজু বাগি থায়্ ছালে তার্ কেল্যেয়ো হেই পারিবো, 17মাত্তর্ যুনি তিন দিন সং থেই যায় ছালে সিয়েন্ পুড়ি ফেলা পুরিবো। 18যুনি সে য়েরাগান্ তিন দিনেয়ো হা অয়্ ছালে লগেপ্রভু সে উৎসর্ববো মানি ন-লবঅ। উৎসর্ব গুরিয়্যেবোর্ পক্ষে সিবে ধরা ন-অবঅ, কিত্তে সেই য়েরাগান্ সেক্কে এক্কান্ ফি-বলা জিনিস ওই যেবঅ। যে সেই য়েরাগান্ হেবঅ তারে সে অন্যেয়ত্তে দায়ী গরা অবঅ।
19“উদোলোলি-উৎসর্বর্ য়েরাগানত্ যুনি কনঅ ফি-বলা জিনিস্চানত্ বাজে ছালে সিয়েন্ হেই ন-পারিবো, সিয়েন্ পুড়ি ফেলা পুরিবো। মাত্তর্ ধরা ন-গেলেয়ো যিগুনে শুদ্ধ-সাংগ আঘন্ তারা সিয়েন্ হেই পারিবাক্। 20কনজনে যুনি ফি-বলা অবস্থায় লগেপ্রভু ইদু উৎসর্ব গোজ্যে উদোলোলি-উৎসর্বর্ য়েরা খায় ছালে তারে তা জাদ ভিদিরেত্তুন্ বাদ দিয়্যে পুরিবো। 21যুনি কনজনে মান্জ্যর্ বা য়েমানর্ কনঅ ফি-বলা জিনিস অথবা অন্য কনঅ ফি-বলা ঘিনাইদে জিনিস ধরন আর পরেদি লগেপ্রভু ইদু উৎসর্ব গোজ্যে উদোলোলি-উৎসর্বর্ য়েরা খায় ছালে তারে তার্ জাদ ভিদিরেত্তুন্ বাদ দিয়্যে অবঅ।”
22-23ইয়েন পরেদি লগেপ্রভু মোশির মাধ্যমে ইস্রায়েলীয়গুনোরে কবাত্তে কলঅ, “তুমি গোরু, ছাগল বা ভেড়ার্ কনঅ তেল্ ন-হেবা। 24মরা য়েমানর্ অথবা ঝাড়্বো য়েমানে ছিনি ফেলেয়্যে য়েমানর্ তেল্ তুমি অন্য কামত্ বেবহার্ গুরি পারিবা মাত্তর্ সিয়েন্ হেই ন-পারিবা। 25যিদুক্কুন্ য়েমান্দোই লগেপ্রভুর্ নাঙে আগুন্দোই-গোজ্যে উৎসর্বর অনুষ্ঠান্ গরা যায় সিগুনোর্ তেলানি যে হেবঅ তারে তার্ জাদত্তুন্ বাদ দিয়্যে অবঅ। 26কনঅ পেক্ বা য়েমানর্ লো তুমি হেই ন-পারিবা, তুমি যিয়োদোই থেদা সাৎ। 27যুনি কনজনে লো খায় ছালে তারে তার্ জাদ ভিদিরেত্তুন্ বাদ দিয়্যে অবঅ।”
ধর্মগুরুগুনোর্ পাওনা
28-29ইয়েন পরেদি লগেপ্রভু মোশির মাধ্যমে ইস্রায়েলীয়গুনোরে কবাত্তে কলঅ, “যে কনজনে লগেপ্রভুর্ নাঙে উদোলোলি-উৎসর্বর কনঅ য়েমান আনিবো তাত্তুন্ তার্ এক্কো ভাগ লগেপ্রভুরে দিয়্যে পুরিবো।” 30-31লগেপ্রভুর্ নাঙে আগুন্দোই-গোজ্যে উৎসর্বর এ ভাগ্কান্, অত্তাৎ বুগো য়েরাগান্ আর তার্ উগুরে তেলান্ তে নিজোর্ আঢে ধর্মগুরুগুনোরে দিবো। বুগোর্ য়েরাগান্ ধর্মগুরুবো দোলন-উৎসর্ব ইজেবে লগেপ্রভুর্ মুজুঙোত্ দুলেব আর সিয়েন্ হারোণ আর তার্ পূঅগুনোর্ পাওনা অবঅ, মাত্তর্ তেলান্ তে পূজোবো উগুরে পুড়ি ফেলেব। 32উদোলোলি-উৎসর্বর্ য়েমান ডেন্ ডাগর্ উলুহুলো য়েরাগান্ ধর্মগুরুবোরে দিয়্যে পুরিবো। 33হারোণর্ যে পূঅবো উদোলোলি-উৎসর্বর য়েমান লো আর তেল্ উৎসর্ব গুরিবো তেয়ই তার্ পাওনা ইজেবে ডেন্ ডাগর্ উলুহুলো য়েরাগান্ পেবঅ। 34ইস্রায়েলীয়গুনোর্ বেক্ উদোলোলি-উৎসর্বত্তুন্ মর্ নাঙে দুলেই রাগেয়্যে বুগোর্ য়েরাগান আর উৎসর্ব গোজ্যে উলুহুলো য়েরাগান মুই ধর্মগুরু হারোণ আর তার্ পূঅগুনোরে দিলুং। ইবে ইস্রায়েলীয়গুনোত্তুন্ তারার্ অক্ত মজিম্ পাওনা ভাগ অবঅ।
35হারোণ আর তার্ পূঅগুনোরে যেদিন্যে ধর্মগুরু্ ইজেবে লগেপ্রভুর্ সেবা গুরিবাত্তে নেযা ওইয়্যে সেদিন্যে লগেপ্রভুর্ নাঙে আগুন্দোই-গোজ্যে উৎসর্বর য়েমানত্তুন্ এ ভাগ্কান্ তারার্ পাওনা বিলি ঠিগ্ গুরি রাগা ওইয়্যে। 36যেদিন্যে তারারে আশিদ্বাদ গরা ওইয়্যে সেদিন্যেই লগেপ্রভু ইস্রায়েলীয়গুনোরে উগুম্ গোজ্যেদে যেন তারা বংশর্ পর্ বংশ ধুরিনে অক্ত মজিম্ এ ভাগ্কান্ তারারে দুয়োন।
37ইবে অলঅ পুজ্যে-উৎসর্ব, শোজ্য-উৎসর্ব, পাপ-উৎসর্ব, দুষ-উৎসর্ব, অদেঅদে-অনুষ্ঠানর্ উৎসর্ব আর উদোলোলি-উৎসর্বর সুদোম। 38লগেপ্রভু সিনাই ধূল্যেচর-চাগালাত্ ইস্রায়েলীয়গুনোরে যেদিন্যে তার্ নাঙে উৎসর্বর জিনিস আনিবার উগুম দিয়্যে সেদিন্ন্যে তে সিনাই মুড়োবো উগুরে মোশিরে এ বেক্ সুদোমানি দিলো।
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Copyright © 2021 Bangladesh Bible Society