লেবীয় 3
3
ভালেদি-উৎসর্ব
1“যুনি কনজনে লগেপ্রভুর্ নাঙে কনঅ ভালেদি-উৎসর্ব গুরিবাত্তে চায়্ আর তার্ উৎসর্বর্ য়েমান্নো যুনি গোরু পালত্তুন্ নেযা অয়, ছালে সিবে পাঢ়ি বা চেলা যিবে অদঅ সাৎ তার্ কিয়্যেত্ যেন কন থুদো ন থায়।” 2উৎসর্বত্তে আন্যে সেই য়েমান্নোর্ মাঢা উগুরে উৎসর্ব গুরিয়্যেবো তা আত্তান্ রাগেব আর মিলন-তাম্বুল দোরান মুজুঙোত্ সিবে কাবিবো। পরেদি হারোণ পূঅগুনে, অত্তাৎ ধর্মগুরুগুনে তা লো-গান নেযেইনে পূজোবোর্ চেরোকিত্তে ছিদি দিবাক্। 3লগেপ্রভুর্ নাঙে আগুন্দোই-গোজ্যে উৎসর্বর্ অনুষ্ঠানত্তে উৎসর্ব গুরিয়্যেবো এ ভালেদি-উৎসর্বর্ য়েমানত্তুন্ কদক্কানি ভাগ্ নিগিলেনে ধর্মগুরুবোরে দিয়্যে অবঅ। এ ভাগ্কানি অলঅ সে য়েমান্নোর্ পেদ ভিদিরে নানান্ ভাগর্ উগুরেয়ানির্ তেল আর সিয়েনি সমারে তেলানি, 4কিডনি দ্বিবে আর সিবে সমারে জোরেয়্যে কমরর্ তেলানি আর কিডনি সমারে নিগিলেই আন্যে কোলিজে উগুরে ভাগ্কান। 5পুজোবোত্ জ্বোল্-জ্বোল্যা তক্তা উগুরে যিয়েনত্ পুজ্যে-উৎসর্ব জুলিবো সিবে উগুরে হারোণর্ পূঅগুনে ইগুন্ থোইনে পুড়ি ফেলেবাক্। ইবে আগুন্দোই-গোজ্যে উৎসর্ব ভিদিরে এক্কো, যিবের্ তুম্বাজে লগেপ্রভু হুজি অয়।
6লগেপ্রভুর্ নাঙে ভালেদি-উৎসর্বত্তে যুনি কনজনে পালত্তুন্ কনঅ ভেড়া বা ছাগল লোই এজন্ ছালে সিবে পাদি বা পাদা যিবে অদঅ সাৎ সিবের্ কিয়্যেত্ যেন কনঅ থুদো ন-থায়্। 7উৎসর্বত্তে যুনি তে এক্কো ভেড়া ছঅ আনে ছালে তাত্তুন্ সিবে লগেপ্রভু মুজুঙোত্ আনা পুরিবো। 8সে ভেড়া ছঅবোর্ মাঢা উগুরে তে তার্ আত্তান্ রাগেব আর মিলন্-তাম্বুল মুজুঙোত্ সিবে কাবিবো। পরেদি হারোণর্ পূঅগুনে সিবের্ লো-গানি লোইনে পূজোবোর্ চেরোকিত্তে ছিদি দিবাক্। 9লগেপ্রভুর্ নাঙে আগুন্দোই-গোজ্যে উৎসর্বর্ অনুষ্ঠানত্তে উৎসর্ব গুরিয়্যেবোর্ এ ভালেদি-উৎসর্বর্ য়েমানত্তুন্ কদক্কানি ভাগ্ নিগিলেনেই ধর্মগুরুবোরে দিয়্যে পুরিবো। এ ভাক্কানি অলঅ সে য়েমান্নোর্ তেল, কাঙেল তলেত্তুন্ কাবি নেযেয়্যে তেল্বলা পুরো লেজ্ছান্, পেদ ভিদিরে নানান্ ভাগ উগুরে তেলানি আর সিয়েনি লগে তেলানি, 10কিডনি দ্বিবে আর সিবে সমারে কমরর্ কুরে তেলানি আর কিডনি সমারে নিগিলেই আন্যে দাম্পোজ্যে উগুরে ভাগ্কান। 11ধর্মগুরুবো ইয়েনি লোইনে উৎসর্ব গোজ্যে হানা ইজেবে পুজোবো উগুরে পুড়ি ফেলেব। ইবে লগেপ্রভুর্ নাঙে আগুন্দোই-গোজ্যে উৎসর্ব ভিদিরে এক্কো।
12“যুনি তে এ উৎসর্ববোত্তে এক্কো ছাগল আনে ছালে সিবে তাত্তুন্ লগেপ্রভুর্ মুজুঙোত্ আনা পুরিবো।” 13তা মাঢাবো উগুরে তে আত্ রাগেব আর মিলন-তাম্বুল মুজুঙোত্ সিবে কাবিবো। ইয়েন পরেদি হারোণর্ পূঅগুনে তার্ লোগান্ নেযেইনে পুজোবোর্ চেরোকিত্তে ছিদি দিবাক্। 14উৎসর্ব গুরিয়্যেবো যে য়েমান্নো উৎসর্ব গুরিবো সিবেত্তুন্ কদক্কানি ভাগ্ তাত্তুন্ লগেপ্রভুর্ নাঙে আগুন্দোই-গোজ্যে উৎসর্বর অনুষ্ঠানত্তে নিগিলেনেই ধর্মগুরুবোরে দিয়্যে পুরিবো। এ ভাগ্কানি অলঅ সেই য়েমান্নোর্ পেদ ভিদিরে নানান্ বাবোত্যে ভাগ্কানি উগুরে তেলানি আর সিয়েনি সমারে তেলানি, 15কিডনি দ্বিবে আর সিবে সমারে কমর কুরে তেলানি আর কিডনিবো সমারে নিগিলেই আন্যে দাম্পোজ্যে ভাগ্কানি। 16ধর্মগুরুবো ইয়েনি নেযেইনে উৎসর্ব গোজ্যে হানা ইজেবে পূজোবো উগুরে পুড়ি ফেলেব। ইবে আগুন্দোই-গোজ্যে উৎসর্ব ভিদিরে এক্কো, যিবের্ তুম্বাজে লগেপ্রভু হুজি অয়্। উৎসর্ব গোজ্যে য়েমান্নোর্ তেলানি বেক্কানি লগেপ্রভুর্। 17“তুমি যিয়েনত্ থেদা সাৎ তুমি কনঅ তেল্ বা লো ন-হেবা। ইয়েনই অবঅ বংশর্ পর বংশ ধুরিনে তমাত্তে এক্কান্ উমর সুদোম্।”
S'ha seleccionat:
লেবীয় 3: CBT
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Copyright © 2021 Bangladesh Bible Society
লেবীয় 3
3
ভালেদি-উৎসর্ব
1“যুনি কনজনে লগেপ্রভুর্ নাঙে কনঅ ভালেদি-উৎসর্ব গুরিবাত্তে চায়্ আর তার্ উৎসর্বর্ য়েমান্নো যুনি গোরু পালত্তুন্ নেযা অয়, ছালে সিবে পাঢ়ি বা চেলা যিবে অদঅ সাৎ তার্ কিয়্যেত্ যেন কন থুদো ন থায়।” 2উৎসর্বত্তে আন্যে সেই য়েমান্নোর্ মাঢা উগুরে উৎসর্ব গুরিয়্যেবো তা আত্তান্ রাগেব আর মিলন-তাম্বুল দোরান মুজুঙোত্ সিবে কাবিবো। পরেদি হারোণ পূঅগুনে, অত্তাৎ ধর্মগুরুগুনে তা লো-গান নেযেইনে পূজোবোর্ চেরোকিত্তে ছিদি দিবাক্। 3লগেপ্রভুর্ নাঙে আগুন্দোই-গোজ্যে উৎসর্বর্ অনুষ্ঠানত্তে উৎসর্ব গুরিয়্যেবো এ ভালেদি-উৎসর্বর্ য়েমানত্তুন্ কদক্কানি ভাগ্ নিগিলেনে ধর্মগুরুবোরে দিয়্যে অবঅ। এ ভাগ্কানি অলঅ সে য়েমান্নোর্ পেদ ভিদিরে নানান্ ভাগর্ উগুরেয়ানির্ তেল আর সিয়েনি সমারে তেলানি, 4কিডনি দ্বিবে আর সিবে সমারে জোরেয়্যে কমরর্ তেলানি আর কিডনি সমারে নিগিলেই আন্যে কোলিজে উগুরে ভাগ্কান। 5পুজোবোত্ জ্বোল্-জ্বোল্যা তক্তা উগুরে যিয়েনত্ পুজ্যে-উৎসর্ব জুলিবো সিবে উগুরে হারোণর্ পূঅগুনে ইগুন্ থোইনে পুড়ি ফেলেবাক্। ইবে আগুন্দোই-গোজ্যে উৎসর্ব ভিদিরে এক্কো, যিবের্ তুম্বাজে লগেপ্রভু হুজি অয়।
6লগেপ্রভুর্ নাঙে ভালেদি-উৎসর্বত্তে যুনি কনজনে পালত্তুন্ কনঅ ভেড়া বা ছাগল লোই এজন্ ছালে সিবে পাদি বা পাদা যিবে অদঅ সাৎ সিবের্ কিয়্যেত্ যেন কনঅ থুদো ন-থায়্। 7উৎসর্বত্তে যুনি তে এক্কো ভেড়া ছঅ আনে ছালে তাত্তুন্ সিবে লগেপ্রভু মুজুঙোত্ আনা পুরিবো। 8সে ভেড়া ছঅবোর্ মাঢা উগুরে তে তার্ আত্তান্ রাগেব আর মিলন্-তাম্বুল মুজুঙোত্ সিবে কাবিবো। পরেদি হারোণর্ পূঅগুনে সিবের্ লো-গানি লোইনে পূজোবোর্ চেরোকিত্তে ছিদি দিবাক্। 9লগেপ্রভুর্ নাঙে আগুন্দোই-গোজ্যে উৎসর্বর্ অনুষ্ঠানত্তে উৎসর্ব গুরিয়্যেবোর্ এ ভালেদি-উৎসর্বর্ য়েমানত্তুন্ কদক্কানি ভাগ্ নিগিলেনেই ধর্মগুরুবোরে দিয়্যে পুরিবো। এ ভাক্কানি অলঅ সে য়েমান্নোর্ তেল, কাঙেল তলেত্তুন্ কাবি নেযেয়্যে তেল্বলা পুরো লেজ্ছান্, পেদ ভিদিরে নানান্ ভাগ উগুরে তেলানি আর সিয়েনি লগে তেলানি, 10কিডনি দ্বিবে আর সিবে সমারে কমরর্ কুরে তেলানি আর কিডনি সমারে নিগিলেই আন্যে দাম্পোজ্যে উগুরে ভাগ্কান। 11ধর্মগুরুবো ইয়েনি লোইনে উৎসর্ব গোজ্যে হানা ইজেবে পুজোবো উগুরে পুড়ি ফেলেব। ইবে লগেপ্রভুর্ নাঙে আগুন্দোই-গোজ্যে উৎসর্ব ভিদিরে এক্কো।
12“যুনি তে এ উৎসর্ববোত্তে এক্কো ছাগল আনে ছালে সিবে তাত্তুন্ লগেপ্রভুর্ মুজুঙোত্ আনা পুরিবো।” 13তা মাঢাবো উগুরে তে আত্ রাগেব আর মিলন-তাম্বুল মুজুঙোত্ সিবে কাবিবো। ইয়েন পরেদি হারোণর্ পূঅগুনে তার্ লোগান্ নেযেইনে পুজোবোর্ চেরোকিত্তে ছিদি দিবাক্। 14উৎসর্ব গুরিয়্যেবো যে য়েমান্নো উৎসর্ব গুরিবো সিবেত্তুন্ কদক্কানি ভাগ্ তাত্তুন্ লগেপ্রভুর্ নাঙে আগুন্দোই-গোজ্যে উৎসর্বর অনুষ্ঠানত্তে নিগিলেনেই ধর্মগুরুবোরে দিয়্যে পুরিবো। এ ভাগ্কানি অলঅ সেই য়েমান্নোর্ পেদ ভিদিরে নানান্ বাবোত্যে ভাগ্কানি উগুরে তেলানি আর সিয়েনি সমারে তেলানি, 15কিডনি দ্বিবে আর সিবে সমারে কমর কুরে তেলানি আর কিডনিবো সমারে নিগিলেই আন্যে দাম্পোজ্যে ভাগ্কানি। 16ধর্মগুরুবো ইয়েনি নেযেইনে উৎসর্ব গোজ্যে হানা ইজেবে পূজোবো উগুরে পুড়ি ফেলেব। ইবে আগুন্দোই-গোজ্যে উৎসর্ব ভিদিরে এক্কো, যিবের্ তুম্বাজে লগেপ্রভু হুজি অয়্। উৎসর্ব গোজ্যে য়েমান্নোর্ তেলানি বেক্কানি লগেপ্রভুর্। 17“তুমি যিয়েনত্ থেদা সাৎ তুমি কনঅ তেল্ বা লো ন-হেবা। ইয়েনই অবঅ বংশর্ পর বংশ ধুরিনে তমাত্তে এক্কান্ উমর সুদোম্।”
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Copyright © 2021 Bangladesh Bible Society