যাত্রা 29
29
গোজেনর্ নাঙে ধর্মগুরুগুনোরে ফারক্ গুরি রাগানা
1ধর্মগুরু ওইনে যেনে তারা মরে সেবা গুরি পারন্ সেনত্তেই তুই তারারে মঅ নাঙে এধোক্ক্যেনগুরি ফারক্ গুরি নেযেবে। তুই এক্কো দামারা গোরু আর দ্বিবে ভেড়াছাগল নেযেবে। সিগুনোর্ কিয়্যেত্ যেনে কনঅ দাগ্দুগ্ ন-থায়। 2সে পরেদি নিগুজ্ মোয়্দেলোই পিদে, তেল্ মিজেয়্যে পিদে আর তেল্ মিজেয়্যে কেক্ বানেবে। ইয়েনির্ এক্কানদ সদা ন-দিবে। 3সিয়েনি এক্কো খাজা ভিদিরে রাগেবে আর সেই দামাড়া গোরু আর ভেড়া দ্বিবে সমারে খাজাবো মঅ মুজুঙোত্ রাগেবে। 4সে পরেদি হারোণ আর তার্ পূঅগুনোরে মিলন-তাম্বুলোর্ দোরান ইদু নেযেবে আর পানিলোই তারার কিয়্যেনি ধোই দিবে। 5পরেদি সেই বিশেষ কাবড়্-চুগোরানি নেযেইনে হারোণরে ভিদিরে সিলুম্মো, এফোদ তলে উরিবার্ লাম্বা সিলুম্, এফোদ আর বুক্ ঢাগনিগান্ উরেই দিবে। কাবিল্ আত্তোই বুন্যে কমর্ বাননিগান সমারে এফোদ্তো বানি দিবে। 6সে পরেদি তা মাদাবো উগুরে খবং বানি দিইনে তা উগুরে সেই সনা পাদর্ পবিত্র মুকুট্টো লাগেই দিবে। 7ইয়েনর্ পরেদি অভিষেকর্ তেলান্ তা মাদাবোত্ ঢালি দিইনে তারে অভিষেক্ গুরিবে। 8-9তার্ পূঅগুনোরে আনিনে তারারেয়ো সিলুম্ উরেই দিবে আর হারোণ আর তার্ পূঅগুনোরে কমরত্ বানোনিগানি পিনেই দিবে। সে পরেদি পূঅগুনোর মাদাত্ তোক্কে দিবে। এধোক্ক্যেনগুরি তুই হারোণরে আর তার্ পূঅগুনোরে ধর্মগুরু পদত্ অদে অদে রাগেবে। এক্কান্ জিংকানিবরর্ সুদোম্ ইজেবে এই ধর্মগুরু-পদতান্ তারার্ বংশত্ থেবঅ।
10পরেদি সেই দামাড়া গোরুবোরে তুই মিলন-তাম্বুল মুজুঙোত্ আনিবে, আর হারোণ আর তা পূঅগুনে সিবে মাদা উগুরে তারার্ আত্তানি রাগেবাক্। 11পরে মিলন-তাম্বুলর্ দোরান ইদু লগেপ্রভুর মুজুঙোত্ তুই দামাড়া গোরুবো কাবিবে। 12পরেদি কিজু লো নেযেইনে তুই আঙুল্লোই ডালিপূজোবো শিঙুনোত্ লিবি দিবে আর বাদবাগি লো-গান ডালিপূজোর্ গোড়াত্ ঢালি দিবে। 13সে পরেদি পেদঅ ভিদিরে ভাগর্ উগুরেত্তুন্ তেলানি, পেদঅ দামর্ উগুরে ভাগ্কানি আর তেল্সহ কিডনী দ্বিবে নেযেইনে ডালিপূজোবো উগুরে পুড়ি ফেলেবে। 14দামাড়া গোরুবোর্ য়েরা, চামানি আর গুসুদ্ধো বাড়াল্-আদুরিগানি ইস্রায়েলীয়গুনোর্ তাম্বুলত্তুন্ দূরোত্ নিইনে পুড়ি ফেলেবে। ইবে এক্কো পাপ-উৎসর্ব।
15পরেদি সেই ভেড়াছাগল দ্বিবেত্তুন্ এক্কো আনিবে। হারোণ আর তার্ পূঅগুনে সেই ভেড়াছাগলুনোর্ মাদাগুনো উগুরে তারার্ আত্তানি রাগেবাক্। 16ইয়েন পরেদি ভেড়াছাগল্লো কাবিনে সিবের্ লো নেযেইনে ডালিপূজোর্ চেরোকিত্তে ছিদি দিবে। 17পরেদি ভেড়াছাগল্লো কাবিনে কট্টা কট্টা গুরি সিবের্ টেঙানি আর পেদ ভিদিরে জিনিসছানি ধোয় নেযেইনে মাদাবো আর অন্য ভাগ্কানি সমারে রাগেবে। 18সে পরেদি সিবে বেক্কানি ডালিপূজোবো উগুরে পুড়ি ফেলেবে। ইবে লগেপ্রভুর্ নাঙে পুজ্যে-উৎসর্ব, অত্তাৎ লগেপ্রভুর্ নাঙে আগুন্দোই গোজ্যে উৎসর্ব, যিবের্ তুম্বাজে তে হুজি অয়।
19সে পরেদি অন্য ভেড়াছাগল্লোয়ো নেযেবাক্ আর হারোণ আর তার্ পূঅগুনে সিবের্ মাদাবো উগুরে তারার্ আত্তানি রাগেবাক্। 20পরেদি ভেড়াছাগল্লো কাবিনে সিবের্ কিজু লো নেযেইনে হারোণ আর তার্ পূঅগুনোর্ ডেন্ কানঅ পাদাত্ আর ডেন্ আত্ আর টেঙর্ বুজ্যে আঙুলোত্ লিবি দিবে। ইয়েন্বাদে আরঅ কিজু লো নেযেইনে ডালিপূজোবোর্ চেরোকিত্তে ছিদি দিবে। 21পরেদি কিজু অভিষেকর্ তেল্ আর পূজোবোত্তুন্ কিজু লো নেযেইনে হারোণ আর তার্ পূঅগুনোর্ কিয়্যেত্ আর পোজাক্কানি উগুরে ছিদি দিবে। সেক্কে পোজাক্ সহ তারে আর তা পূঅগুনোরে মঅ নাঙে যুদো গুরি নেযা পুরিবো।
22সে পরেদি তুই সেই ভেড়াছাগল্লোর্ তেল্, তেল্বলা লেজ, পেদঅ ভিদিরে আদুরিগানি উগুরে তেলানি, দাম্পোজ্যেগানি, তেল্লোই বেড়েয়্যে দ্বিবে কিডনী আর ডেন্ ডাগর দামানাগান্ নেযেবে। ইবে অলদে দাঙর্ পদত্ অদে অদে রাগেবার্ অনুষ্ঠানর ভেড়াছাগল। 23সে পরেদি লগেপ্রভুর মুজুঙোত্ রাগেয়্যে সদানেইয়্যে রুটির কট্টাত্তুন্ এক্কান্ রুটি, তেল্ মিজেয়্যে এক্কান্ পিদে আর সেক্ক্যে পিদে নেযেবে। 24ইয়েনি বেক্কানি হারোণ আর তার্ পূঅগুনোর্ আদত্ দিইনে দোলন-উৎসর্ব ইজেবে লগেপ্রভুর্ মুজুঙোত্ সিয়েনি দুলেবাক্। 25সে পরেদি সিয়েনি তারার্ আদত্তুন্ নেযেইনে ডালিপূজো উগুরে পুজ্যে-উৎসর্ব সমারে পুড়ি ফেলেবে। ইবে লগেপ্রভুর্ নাঙে আগুন্দোই গোজ্যে উৎসর্ব যিবের্ তুম্বাজে তে হুজি অয়। 26হারোণর ধর্মগুরু-পদথ্ থেবার্-অনুষ্ঠানানর্ এই ভেড়া ছাগল্লোর্ বুগোর্ জিনিসছানি নেযেইনে দোলন-উৎসর্ব ইজেবে লগেপ্রভুর্ মুজুঙোত্ সিয়েনি দুলেবে। ইয়েন্ তঅ ভাগত্ পুড়িবো।
27হারোণ আর তা পূঅগুনোরে ধর্মগুরু-পদথ্ থেবার-অনুষ্ঠানানর্ ভেড়াবোত্তুন্ নেযেয়্যে দোলন-উৎসর্বর্ যেরা আর উৎসর্ব গোজ্যে দামানার্ য়েরাগান্ লগেপ্রভুর্ নাঙে যুদো গুরি রাগেবে। 28এধোক্ক্যেনগুরি ইস্রায়েলীয়গুনে গোজ্যে বেক্ উদোলোলি-উৎসর্বর্ এই জিনিসছানি আমিঝে হারোণ আর তার্ পূঅগুনোরে দিয়্যে অবঅ। এই জিনিসছানি অবঅ লগেপ্রভুর্ নাঙে ইস্রায়েলীয়গুনোর্ দান।
29“হারোণর্ পবিত্র পোজাক্কানি তার্ বংশধরুনে পেবাক্। ইয়েনি উরেইনে তারারে অভিষেক আর ধর্মগুরুর্ পদথ্ বজা পুরিবো।” 30হারোণর্ পরেদি তার্ যে পূঅবো ধর্মগুরু ওইনে মিলন-তাম্বুলর্ পবিত্র জাগানত্ সেবা গুরিবাত্তে যেবঅ তাত্তুন্ সাত দিন সং এই পোজাক্কানি কিয়্যেত্ রাগা পুরিবো।
31“অদেঅদে-অনুষ্ঠানর্ এই ভেড়াছাগল্লোর য়েরা নেযেইনে এক্কান পবিত্র জাগাত্ উযো পুরিবো।” 32মিলন-তাম্বুলর্ দোরান ইদু হারোণ আর তার্ পূঅগুনে খাড়াঙত্ থোইয়্যে রুটিগানি লগে এই য়েরানি হেবাক্। 33তারারে ধর্মগুরুর্ কামত্ অদে অদে রাগেবাত্যে আর মঅ নাঙে তারারে ফারক্ গুরি নেযেবাত্তে যেদক্কানি উৎসর্ব গোজ্যে খানা পাপ ঢাগিবার কামত্ বেবহার্ গরা অবঅ সিয়েনি হারোণ আর তার্ পূঅগুনোত্তুন্ খাহ্ পুরিবো। অন্য কনজনে সিয়েনি হেই ন-পারিবাক্, কিত্তে সিয়েনি পবিত্র হানা। 34এই অদেঅদে-অনুষ্ঠানর্ ভেড়াছাগলর্ কনঅ য়েরা বা রুটি যুনি বেন্যেমাদান্ সং থেই যায়্ সালে সিয়েনি পুড়ি ফেলা পুরিবো। সিয়েনি যেনে কনজনে ন-হান্, কিত্তে সিয়েনি পবিত্র হানা।
35হারোণ আর তার্ পূঅগুনোত্তে মুই যিয়েনি যিয়েনি তরে গুরিবাত্যেই কলুং সিয়েনি বেক্কানি তুই গুরিবে। এই অদেঅদে-অনুষ্ঠানান্ তুই সাত্ দিন সং গুরিবে। 36পাপ ঢাগিবাত্যে পাপ-উৎসর্ব ইজেবে তুই সেই সাত্ দিনোর্ পত্তি দিন এক্কো গুরি দামাড়া গোরু ডালি দিবে। পাপ ঢাগিবার অনুষ্ঠানান্দোই ডালিপূজোবো সিজি গুরি নেযেবে আর তেল ঢালিনে সিবে মঅ নাঙে ফারক্ গুরি নেযেবে। 37ডালিপূজোবো সিজি গুরি নিবাত্তেই সাত দিন সং পত্তিদিন পাপ ঢাগিবার অনুষ্ঠানান্দোই সিবে মঅ নাঙে ফারক্ গুরি নেযা পুরিবো। সেক্কে সেই ডালিপূজোবো এক্কো মহাপবিত্র জিনিস অবঅ। সিবে লাগিলে যিয়েনি এবঅ সিয়েনি মর্ নাঙে ফারক্ ওয়া পুরিবো।
38ইয়েনর পরেত্তুন্ ধুরি সেই ডালিপূজোবো উগুরে পত্তি দিন সুদোম মজিম্ দ্বিবে গুরি ভেড়াছাগল ছঅ ডালি দিয়্যে পুরিবো; সিগুনোর্ পত্তিবোর্ বয়স অবদে এক বোজোজ্যে। 39এক্কো ডালিদিয়্যে পুরিবো বেন্যেমাদান্ আর অন্যবো সাজোন্যেঅক্তত্। 40পত্তম ভেড়াছাগল্লো সমারে এক কেজি আস্তোশ গ্রাম নিগুজ্ মোয়্দে প্রায় এক লিটার ছিঁজেয়ে জলপাইয়োর্ তেল সমারে মিজেইনে উৎসর্ব গরা পুরিবো। ইয়েনিবাদে ঢালন-উৎসর্ব ইজেবে প্রায় এক লিটার আংগুর-রস্অ উৎসর্ব গরা পুরিবো। 41সাজোন্যে অক্তত্ যে ভেড়াছাগল্লো ডালি দিয়্যে পুরিবো সিবের্ লগে বেন্যেমাদান ধোক্ক্যেন সেই একই ধরনর্ শোজ্য-উৎসর্ব আর ঢালন-উৎসর্বর্ অনুষ্ঠান গরা পুরিবো। ইবে অবঅ লগেপ্রভুর্ নাঙে আগুন্দোই গোজ্যে উৎসর্ব যিবের্ তুম্বাজে তে হুজি অয়্।
42“বংশর পর্ বংশ ধুরিনে মিলন-তাম্বুল দোরান ইদু লগেপ্রভুর্, অত্তাৎ মঅ মুজুঙোত্ সুদোম মজিম্ এই পুজ্যে-উৎসর্বগুন্ গরা পুরিবো। সিয়োদোই মুই তমা লগে দেগা গুরিম আর তমা লগে কধা কোম্।” 43ইস্রায়েলীয়গুনো লগে মুই সিদু দেগা গুরিম্ আর মর্ মহিমাগানে সেই জাগায়ানরে ফারক্ গুরি রাগেব।
44“মুই মিলন-তাম্বুলান আর ডালিপূজোবো মর্ নাঙে ফারক্ গুরি রাগেম্ আর ধর্মগুরু ওইনে মরে সেবা গুরিবাত্তেই হারোণ আর তার্ পূঅগুনোরেয়ো ফারক্ গুরি রাগেম্।” 45মুই ইস্রায়েলীয়গুনোর্ গোজেন ওইনে তারা ইদু বজত্তি গুরিম। 46সেক্কে তারা জানি পারিবাক্, মুই লগেপ্রভু তারার্ গোজেন। মুই তারা ইদু বজত্তি গুরিম বিলিই মিসর দেজত্তুন তারারে নিগিলেই আন্যং। মুয়ই লগেপ্রভু তারার্ গোজেন।
S'ha seleccionat:
যাত্রা 29: CBT
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Copyright © 2021 Bangladesh Bible Society
যাত্রা 29
29
গোজেনর্ নাঙে ধর্মগুরুগুনোরে ফারক্ গুরি রাগানা
1ধর্মগুরু ওইনে যেনে তারা মরে সেবা গুরি পারন্ সেনত্তেই তুই তারারে মঅ নাঙে এধোক্ক্যেনগুরি ফারক্ গুরি নেযেবে। তুই এক্কো দামারা গোরু আর দ্বিবে ভেড়াছাগল নেযেবে। সিগুনোর্ কিয়্যেত্ যেনে কনঅ দাগ্দুগ্ ন-থায়। 2সে পরেদি নিগুজ্ মোয়্দেলোই পিদে, তেল্ মিজেয়্যে পিদে আর তেল্ মিজেয়্যে কেক্ বানেবে। ইয়েনির্ এক্কানদ সদা ন-দিবে। 3সিয়েনি এক্কো খাজা ভিদিরে রাগেবে আর সেই দামাড়া গোরু আর ভেড়া দ্বিবে সমারে খাজাবো মঅ মুজুঙোত্ রাগেবে। 4সে পরেদি হারোণ আর তার্ পূঅগুনোরে মিলন-তাম্বুলোর্ দোরান ইদু নেযেবে আর পানিলোই তারার কিয়্যেনি ধোই দিবে। 5পরেদি সেই বিশেষ কাবড়্-চুগোরানি নেযেইনে হারোণরে ভিদিরে সিলুম্মো, এফোদ তলে উরিবার্ লাম্বা সিলুম্, এফোদ আর বুক্ ঢাগনিগান্ উরেই দিবে। কাবিল্ আত্তোই বুন্যে কমর্ বাননিগান সমারে এফোদ্তো বানি দিবে। 6সে পরেদি তা মাদাবো উগুরে খবং বানি দিইনে তা উগুরে সেই সনা পাদর্ পবিত্র মুকুট্টো লাগেই দিবে। 7ইয়েনর্ পরেদি অভিষেকর্ তেলান্ তা মাদাবোত্ ঢালি দিইনে তারে অভিষেক্ গুরিবে। 8-9তার্ পূঅগুনোরে আনিনে তারারেয়ো সিলুম্ উরেই দিবে আর হারোণ আর তার্ পূঅগুনোরে কমরত্ বানোনিগানি পিনেই দিবে। সে পরেদি পূঅগুনোর মাদাত্ তোক্কে দিবে। এধোক্ক্যেনগুরি তুই হারোণরে আর তার্ পূঅগুনোরে ধর্মগুরু পদত্ অদে অদে রাগেবে। এক্কান্ জিংকানিবরর্ সুদোম্ ইজেবে এই ধর্মগুরু-পদতান্ তারার্ বংশত্ থেবঅ।
10পরেদি সেই দামাড়া গোরুবোরে তুই মিলন-তাম্বুল মুজুঙোত্ আনিবে, আর হারোণ আর তা পূঅগুনে সিবে মাদা উগুরে তারার্ আত্তানি রাগেবাক্। 11পরে মিলন-তাম্বুলর্ দোরান ইদু লগেপ্রভুর মুজুঙোত্ তুই দামাড়া গোরুবো কাবিবে। 12পরেদি কিজু লো নেযেইনে তুই আঙুল্লোই ডালিপূজোবো শিঙুনোত্ লিবি দিবে আর বাদবাগি লো-গান ডালিপূজোর্ গোড়াত্ ঢালি দিবে। 13সে পরেদি পেদঅ ভিদিরে ভাগর্ উগুরেত্তুন্ তেলানি, পেদঅ দামর্ উগুরে ভাগ্কানি আর তেল্সহ কিডনী দ্বিবে নেযেইনে ডালিপূজোবো উগুরে পুড়ি ফেলেবে। 14দামাড়া গোরুবোর্ য়েরা, চামানি আর গুসুদ্ধো বাড়াল্-আদুরিগানি ইস্রায়েলীয়গুনোর্ তাম্বুলত্তুন্ দূরোত্ নিইনে পুড়ি ফেলেবে। ইবে এক্কো পাপ-উৎসর্ব।
15পরেদি সেই ভেড়াছাগল দ্বিবেত্তুন্ এক্কো আনিবে। হারোণ আর তার্ পূঅগুনে সেই ভেড়াছাগলুনোর্ মাদাগুনো উগুরে তারার্ আত্তানি রাগেবাক্। 16ইয়েন পরেদি ভেড়াছাগল্লো কাবিনে সিবের্ লো নেযেইনে ডালিপূজোর্ চেরোকিত্তে ছিদি দিবে। 17পরেদি ভেড়াছাগল্লো কাবিনে কট্টা কট্টা গুরি সিবের্ টেঙানি আর পেদ ভিদিরে জিনিসছানি ধোয় নেযেইনে মাদাবো আর অন্য ভাগ্কানি সমারে রাগেবে। 18সে পরেদি সিবে বেক্কানি ডালিপূজোবো উগুরে পুড়ি ফেলেবে। ইবে লগেপ্রভুর্ নাঙে পুজ্যে-উৎসর্ব, অত্তাৎ লগেপ্রভুর্ নাঙে আগুন্দোই গোজ্যে উৎসর্ব, যিবের্ তুম্বাজে তে হুজি অয়।
19সে পরেদি অন্য ভেড়াছাগল্লোয়ো নেযেবাক্ আর হারোণ আর তার্ পূঅগুনে সিবের্ মাদাবো উগুরে তারার্ আত্তানি রাগেবাক্। 20পরেদি ভেড়াছাগল্লো কাবিনে সিবের্ কিজু লো নেযেইনে হারোণ আর তার্ পূঅগুনোর্ ডেন্ কানঅ পাদাত্ আর ডেন্ আত্ আর টেঙর্ বুজ্যে আঙুলোত্ লিবি দিবে। ইয়েন্বাদে আরঅ কিজু লো নেযেইনে ডালিপূজোবোর্ চেরোকিত্তে ছিদি দিবে। 21পরেদি কিজু অভিষেকর্ তেল্ আর পূজোবোত্তুন্ কিজু লো নেযেইনে হারোণ আর তার্ পূঅগুনোর্ কিয়্যেত্ আর পোজাক্কানি উগুরে ছিদি দিবে। সেক্কে পোজাক্ সহ তারে আর তা পূঅগুনোরে মঅ নাঙে যুদো গুরি নেযা পুরিবো।
22সে পরেদি তুই সেই ভেড়াছাগল্লোর্ তেল্, তেল্বলা লেজ, পেদঅ ভিদিরে আদুরিগানি উগুরে তেলানি, দাম্পোজ্যেগানি, তেল্লোই বেড়েয়্যে দ্বিবে কিডনী আর ডেন্ ডাগর দামানাগান্ নেযেবে। ইবে অলদে দাঙর্ পদত্ অদে অদে রাগেবার্ অনুষ্ঠানর ভেড়াছাগল। 23সে পরেদি লগেপ্রভুর মুজুঙোত্ রাগেয়্যে সদানেইয়্যে রুটির কট্টাত্তুন্ এক্কান্ রুটি, তেল্ মিজেয়্যে এক্কান্ পিদে আর সেক্ক্যে পিদে নেযেবে। 24ইয়েনি বেক্কানি হারোণ আর তার্ পূঅগুনোর্ আদত্ দিইনে দোলন-উৎসর্ব ইজেবে লগেপ্রভুর্ মুজুঙোত্ সিয়েনি দুলেবাক্। 25সে পরেদি সিয়েনি তারার্ আদত্তুন্ নেযেইনে ডালিপূজো উগুরে পুজ্যে-উৎসর্ব সমারে পুড়ি ফেলেবে। ইবে লগেপ্রভুর্ নাঙে আগুন্দোই গোজ্যে উৎসর্ব যিবের্ তুম্বাজে তে হুজি অয়। 26হারোণর ধর্মগুরু-পদথ্ থেবার্-অনুষ্ঠানানর্ এই ভেড়া ছাগল্লোর্ বুগোর্ জিনিসছানি নেযেইনে দোলন-উৎসর্ব ইজেবে লগেপ্রভুর্ মুজুঙোত্ সিয়েনি দুলেবে। ইয়েন্ তঅ ভাগত্ পুড়িবো।
27হারোণ আর তা পূঅগুনোরে ধর্মগুরু-পদথ্ থেবার-অনুষ্ঠানানর্ ভেড়াবোত্তুন্ নেযেয়্যে দোলন-উৎসর্বর্ যেরা আর উৎসর্ব গোজ্যে দামানার্ য়েরাগান্ লগেপ্রভুর্ নাঙে যুদো গুরি রাগেবে। 28এধোক্ক্যেনগুরি ইস্রায়েলীয়গুনে গোজ্যে বেক্ উদোলোলি-উৎসর্বর্ এই জিনিসছানি আমিঝে হারোণ আর তার্ পূঅগুনোরে দিয়্যে অবঅ। এই জিনিসছানি অবঅ লগেপ্রভুর্ নাঙে ইস্রায়েলীয়গুনোর্ দান।
29“হারোণর্ পবিত্র পোজাক্কানি তার্ বংশধরুনে পেবাক্। ইয়েনি উরেইনে তারারে অভিষেক আর ধর্মগুরুর্ পদথ্ বজা পুরিবো।” 30হারোণর্ পরেদি তার্ যে পূঅবো ধর্মগুরু ওইনে মিলন-তাম্বুলর্ পবিত্র জাগানত্ সেবা গুরিবাত্তে যেবঅ তাত্তুন্ সাত দিন সং এই পোজাক্কানি কিয়্যেত্ রাগা পুরিবো।
31“অদেঅদে-অনুষ্ঠানর্ এই ভেড়াছাগল্লোর য়েরা নেযেইনে এক্কান পবিত্র জাগাত্ উযো পুরিবো।” 32মিলন-তাম্বুলর্ দোরান ইদু হারোণ আর তার্ পূঅগুনে খাড়াঙত্ থোইয়্যে রুটিগানি লগে এই য়েরানি হেবাক্। 33তারারে ধর্মগুরুর্ কামত্ অদে অদে রাগেবাত্যে আর মঅ নাঙে তারারে ফারক্ গুরি নেযেবাত্তে যেদক্কানি উৎসর্ব গোজ্যে খানা পাপ ঢাগিবার কামত্ বেবহার্ গরা অবঅ সিয়েনি হারোণ আর তার্ পূঅগুনোত্তুন্ খাহ্ পুরিবো। অন্য কনজনে সিয়েনি হেই ন-পারিবাক্, কিত্তে সিয়েনি পবিত্র হানা। 34এই অদেঅদে-অনুষ্ঠানর্ ভেড়াছাগলর্ কনঅ য়েরা বা রুটি যুনি বেন্যেমাদান্ সং থেই যায়্ সালে সিয়েনি পুড়ি ফেলা পুরিবো। সিয়েনি যেনে কনজনে ন-হান্, কিত্তে সিয়েনি পবিত্র হানা।
35হারোণ আর তার্ পূঅগুনোত্তে মুই যিয়েনি যিয়েনি তরে গুরিবাত্যেই কলুং সিয়েনি বেক্কানি তুই গুরিবে। এই অদেঅদে-অনুষ্ঠানান্ তুই সাত্ দিন সং গুরিবে। 36পাপ ঢাগিবাত্যে পাপ-উৎসর্ব ইজেবে তুই সেই সাত্ দিনোর্ পত্তি দিন এক্কো গুরি দামাড়া গোরু ডালি দিবে। পাপ ঢাগিবার অনুষ্ঠানান্দোই ডালিপূজোবো সিজি গুরি নেযেবে আর তেল ঢালিনে সিবে মঅ নাঙে ফারক্ গুরি নেযেবে। 37ডালিপূজোবো সিজি গুরি নিবাত্তেই সাত দিন সং পত্তিদিন পাপ ঢাগিবার অনুষ্ঠানান্দোই সিবে মঅ নাঙে ফারক্ গুরি নেযা পুরিবো। সেক্কে সেই ডালিপূজোবো এক্কো মহাপবিত্র জিনিস অবঅ। সিবে লাগিলে যিয়েনি এবঅ সিয়েনি মর্ নাঙে ফারক্ ওয়া পুরিবো।
38ইয়েনর পরেত্তুন্ ধুরি সেই ডালিপূজোবো উগুরে পত্তি দিন সুদোম মজিম্ দ্বিবে গুরি ভেড়াছাগল ছঅ ডালি দিয়্যে পুরিবো; সিগুনোর্ পত্তিবোর্ বয়স অবদে এক বোজোজ্যে। 39এক্কো ডালিদিয়্যে পুরিবো বেন্যেমাদান্ আর অন্যবো সাজোন্যেঅক্তত্। 40পত্তম ভেড়াছাগল্লো সমারে এক কেজি আস্তোশ গ্রাম নিগুজ্ মোয়্দে প্রায় এক লিটার ছিঁজেয়ে জলপাইয়োর্ তেল সমারে মিজেইনে উৎসর্ব গরা পুরিবো। ইয়েনিবাদে ঢালন-উৎসর্ব ইজেবে প্রায় এক লিটার আংগুর-রস্অ উৎসর্ব গরা পুরিবো। 41সাজোন্যে অক্তত্ যে ভেড়াছাগল্লো ডালি দিয়্যে পুরিবো সিবের্ লগে বেন্যেমাদান ধোক্ক্যেন সেই একই ধরনর্ শোজ্য-উৎসর্ব আর ঢালন-উৎসর্বর্ অনুষ্ঠান গরা পুরিবো। ইবে অবঅ লগেপ্রভুর্ নাঙে আগুন্দোই গোজ্যে উৎসর্ব যিবের্ তুম্বাজে তে হুজি অয়্।
42“বংশর পর্ বংশ ধুরিনে মিলন-তাম্বুল দোরান ইদু লগেপ্রভুর্, অত্তাৎ মঅ মুজুঙোত্ সুদোম মজিম্ এই পুজ্যে-উৎসর্বগুন্ গরা পুরিবো। সিয়োদোই মুই তমা লগে দেগা গুরিম আর তমা লগে কধা কোম্।” 43ইস্রায়েলীয়গুনো লগে মুই সিদু দেগা গুরিম্ আর মর্ মহিমাগানে সেই জাগায়ানরে ফারক্ গুরি রাগেব।
44“মুই মিলন-তাম্বুলান আর ডালিপূজোবো মর্ নাঙে ফারক্ গুরি রাগেম্ আর ধর্মগুরু ওইনে মরে সেবা গুরিবাত্তেই হারোণ আর তার্ পূঅগুনোরেয়ো ফারক্ গুরি রাগেম্।” 45মুই ইস্রায়েলীয়গুনোর্ গোজেন ওইনে তারা ইদু বজত্তি গুরিম। 46সেক্কে তারা জানি পারিবাক্, মুই লগেপ্রভু তারার্ গোজেন। মুই তারা ইদু বজত্তি গুরিম বিলিই মিসর দেজত্তুন তারারে নিগিলেই আন্যং। মুয়ই লগেপ্রভু তারার্ গোজেন।
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Copyright © 2021 Bangladesh Bible Society