रूमी नाःआ चिठी बदीरे
नाःआ चिठी बदीरे
ईसू मसीराः गुजुः अरू जियाव रिमुः अते अंदांज 25 बरिस तयोमरे, पउलूस रूमी सहररिकुःआ बिसवासी होड़कू लगा नाःआ चिठीय ओजाःतेरा। नाःआ चिठी पउलूस कुरिंती सहररे दोहोन मेलाय ओजाःतेरा।
रूमी मीटोंग मरंग सहर दोहोना अरू हंडा एटाः एटाः जइत होड़कू दोहोना। हंडाःआ कलसियारे एहूदाकू अरू एटाः जइत होड़कू होंकू दोहोना। पउलूस हनमेला वरी रूमी सहररे कहियो मेरेय सेनेगान। हनालगा पउलूस नाःआ चिठीते हंडाकुःआ बिसवासी होड़कू मुरुक मइद मइद कताकूने चेडकूतना।
पउलूस उदुःगेतना, एहूदाकू सहे एटाः जइत होड़कू, जमाकू कसूरकेरा अरू भगवान अतेकू एटाःयना। हाँय नाःआ चिठीरे नपायतेय ससमझावतना, इनीसू मसी एकला कसूर अते मनुवाकूय सडाव अवेता। तोनोंगीग होड़ ईसू मसी एचेरेय बिसवासगेतान दो, भगवान हाँयग होड़राः कसूर आँयग ओंगोलतेय बराव एंडागोडता। अरू हाँय कसूर अरू गुजुःतेय अजइतगोडेयता।
नाःआ चिठीराः मड़ंगरे (पाठ 1-11) भगवान करा इया होड़कूय सडावता हना बदीरे ओजाःतो इदा अरू हना तयोमरे (पाठ 12-15) बिसवासी होड़कू करा इया जियाः लगा इदा हना बदीरे ओजाःतो इदा।
बिसय सूची
सलाम अरू धनियाबादराः अरजी 1:1-17
मनुवाकू सडावराः जरूरी 1:18–3:20
मनुवाकू भगवान सडावकूता हना दूर 3:21–4:25
मसीरे नँवा जीव 5:1–8:39
इसराएल जइत होड़कू बदीरे भगवानराः ओंगोल 9:1–11:36
मसी होड़कूराः लूर नेवन 12:1–15:13
टुटीग सलाह अरू सलाम 15:14–16:27
S'ha seleccionat:
रूमी नाःआ चिठी बदीरे: kfp
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© (Active) Wycliffe Bible Translators, Inc. All rights reserved.